UJUMBE: UPIGANE NAO WANAOPIGANA NAMI!

Zaburi 35:1-38

     Zaburi ni mojawapo ya vitabu vya kipekee sana katika Biblia ni moja ya kitabu maarufu kilichoko katika kundi la vitabu viitwavyo vitabu vya mashairi ya kiebrania na ndicho kitabu kirefu kuliko vyote katika Biblia kwani kina sura karibu 150 zilizogawanywa katika vitabu vitano, inaaminika kuwa ndicho kitabu kinachosomwa zaidi na kuhubiriwa zaidi kuliko vyote katika agano la kale, aidha waimbaji wengi sana  na watunzi wa nyimbo hutoa nyimbo zao katika zaburi, sababu moja kuu inayovutia wengi katika zaburi ni kwa sababu zinagusa hisia za watu

·         Zaburi ziliandikwa kwa sababu mbalimbali za kihisia kama vile watu walipokuwa na furaha, huzuni, nk, Mfano mwandishi wa wimbo nionapo amani kama shwari kwa hiyo kuna sababu nyingi zilizopelekea zaburi kuandikwa kati ya hizo ni pamoja na

1.      Zaburi kwa ajili ya hekima na maadili mfano zaburi ya 1

2.      Zaburi kwa ajili ya shukurani nyingi huanza kwa kusema mshukuruni Bwana!

3.      Zaburi za kujitia moyo mfano zaburi ya 27

4.      Zaburi za kifalme au za kimasihi

5.      Zaburi za kihistoria au za kukumbuka matukio maalumu

6.      Zaburi za kusifu au “Halel Psalms” ambazo huanza na neno Haleluya

7.      Zaburi za maombolezo

8.      Zaburi za dua na maombi pamoja na kulaani Mfano Zaburi ya 35 : 1-8

Leo nataka tuchukue Muda kuitafakari zaburi hii ambayo huangukia katika kundi la zaburi za kulaani, au zaburi za maombi lakini wakati huu mwandishi wa zaburi hii anaomba mabaya au hukumu ndhidi nya adui zake! Ni zaburi ngumu wakati mwingine kuitafasiri ukilinganisha na Mafundisho nya Bwana Yesu kuwa tusiwalaani maadui zetu bali tuwaombee mema hata wale wanaotuudhi! Luka 23:34 na Mathayo 5:39,44. Hata hivyo ni muhimu kujiuliza Kwanini Roho Mtakatifu ameruhusu Zaburi hii kuweko!

1.      Kila mtu aliyeokoka anayo haki ya kudai ulinzi wa Mungu dhidi ya watu waovu na wanaotuonea, Mungu hakutuita duniani tu ili tutukanwe na kudhulumiwa na kusemwa vibaya na kuteswa na kuonewa na kuuawa na kuchukuliwa wake zetu, waume zetu, kujaziwa mimba watoto wetu, kusemwa vibaya kukandamizwa kuzibwa vinywa eti kwa vile sisi ni walokole Hapana! Simama na kuitetea haki yako!

2.      Mwandishi wa zaburi hii hatufundishi kujichukulia sheria mkononi na kujilipia Kisasi lakini anatufundisha Kumtegemea na Kumsihi Mungu awaadhibu waovu kulingana na uovu wao anayeteta name Bwana atete naye!, anayepigana nani Bwana apigane naye! Hatuwezi kama wakristo kukaa kimya pale uonevu unapofanyika kisha Mbingi ziko kimya na serikali iko kimya Biblia inatufundisha kuidai haki, naweza kushindwa kuandamana, kubeba silaha, kujitetea mwenyewe, kwenda mahakamani n.k lakini siwezi kushindwa kuingia Magotini na kuidai haki yangu Mungu ni Lazima anilipie Zaburi 28:4 Unasema Hivi “ Uwape sawasawa na Vitendo vyao Na kwa kadiri ya Ubaya wa kufanya kwao, Uwape sawa sawa na Kazi za mikono yao Uwalipe stailizao”

3.      Biblia kupitia Zaburi hii inatufundisha kuwa kiko kiwango cha uvumilivu lakini kama uovu utaendelea kupita kiasi na kufikia kilele Ni lazima Kumkumbusha Mungu katika Haki yake kutoa haki na hukumu, ni lazima tusimame kuhakikisha kuwa Uonevu na ukatili vinakomeshwa na kuharibiwa Yesu Mwenyewe alifundisha Mfano wa Mwanamke mjane Katika Luka 18:3 aliendelea kuomba bila kukata tama mpaka haki yake ikapatikana tena Kristo alihahidi kuwa Mungu hataacha kuwapatia haki wateule wake wanaomlilia Mchana na Usiku Luka 18:7

4.      Zaburi hii inatufundisha kuwa ingawa tunatamani kuona watu wanamgeukia Mungu na kuja kwake kupitia Upole wetu, upendo na Unyenyekevu, Lakini pia tutamani kuona Uovu ukiharibiwa na watu wakatili wakishughulikiwa, Nimlazima tumuombe Mungu ashughulikie adui zetu ndio adui yetu mkuu ni shetani lakini na wale anaowatumia kutuonea na kutubughudhi na kutukerehesha ni muhimu kumsihi Mungu ashughulike navyo ni lazima tumuulize Mungu Maswali ambayo hata Daudi na upendo wake na huruma na rehema alimhoji Mungu!

Mbona Mataifa wamefanya ghasia

Na kabila za watu wametafakari Ubatili?

Wafalme wa Dunia wamejipanga

Na wakuu wamefanya shauri pamoja

Juu ya Bwana na juu ya Mpakwa mafuta wake.

Ni wakati wa kusimama na kudai haki yako dhidi ya Udhalimu wa kila aina, lazima umwambie Bwana ashughulike na kila kinachokukosesha raha na amani hapa duniani, kama ni magonjwa, Mapepo, Mateso, Ugaidi, Uonevu, Dhuluma, Kunyanyaswa n.k. Usikubali ukaonelewa Yuko awezaye Kupambana navyo mweleze ashughulike navyo!

Ujumbe:

Na Mkuu wa Wajenzi Mwenye Hekima

Rev. Innocent Kamote.

UJUMBE: KUTIWA MAFUTA KWA MTI WA MIIBA

WAAMUZI 9:1-6, 7-15

Biblia Inasema katika Mistari hii ya msingi “1. Abimeleki, mwana wa Yerubaali, akaenda Shekemu kwa ndugu za mama yake, akanena nao, na wote waliokuwa wa nyumba ya baba ya mama yake, akasema,   2. Haya, neneni tafadhali masikioni mwa waume wote wa Shekemu, mkaulize, Je! Ni lipi lililo jema kwenu, kwamba hao wana wa Yerubaali wote, ambao ni watu sabini, watawale juu yenu, au kwamba mtu mmoja atawale juu yenu? Tena kumbukeni ya kwamba mimi ni mfupa na nyama yenu.                3. Hao ndugu za mama yake wakanena habari zake masikioni mwa hao watu wote wa Shekemu maneno hayo yote; na mioyo yao ikaelekea kumwandama Abimeleki; kwa kuwa walisema, Huyu ni ndugu yetu. 4. Wakampa vipande vya fedha sabini vilivyotoka katika nyumba ya Baal-berithi, na kwa fedha hizo Abimeleki akaajiri watu wapuuzi mabaradhuli, wafuatane naye. 5. Kisha akaenda nyumbani kwa babaye huko Ofra, akawaua nduguze, hao wana wa Yerubaali, watu sabini, akawaua juu ya jiwe moja; lakini Yothamu, mwana mdogo wa Yerubaali, alisalia; kwa maana alijificha. 6. Kisha hao watu wote wa Shekemu wakakusanyika pamoja, na jamaa yote ya Milo, wakaenda na kumtawaza Abimeleki awe mfalme, karibu na huo mgandi ulio karibu na ngome iliyo katika Shekemu. “

7. Kisha walipomwambia huyo Yothamu, yeye akaenda, akasimama juu ya kilele cha kilima cha Gerizimu, akapaza sauti yake, akapiga kelele, na kuwaambia, Nisikieni mimi, enyi watu wa Shekemu, ili kwamba Mungu naye apate kuwasikia ninyi. 8. Siku moja miti ilitoka ili kuutia mmoja mafuta uwe mfalme juu yao; ikauambia mti mzeituni, Tawala wewe juu yetu. 9. Lakini huo mzeituni ukaiambia, Je! Niache mafuta yangu, ambayo kwangu mimi watu wamheshimu Mungu na wanadamu, ili niende nikayonge-yonge juu ya miti? 10. Kisha miti ikauambia mtini, Njoo wewe, utawale juu yetu.       11. Lakini huo mtini ukaiambia, Je! Niuache utamu wangu, na matunda yangu mazuri, niende nikayonge-yonge juu ya miti?                 12. Kisha miti ikauambia mzabibu, Njoo wewe, utawale juu yetu. 13. Huo mzabibu nao ukaiambia, Je! Niiache divai yangu, ambayo humfurahisha Mungu na wanadamu, ili niende nikayonge-yonge juu ya miti? 14. Ndipo hiyo miti yote ikauambia mti wa miiba, Njoo wewe, utawale juu yetu.    15. Huo mti wa miiba ukaiambia miti, Kwamba ninyi mwanitia mafuta niwe mfalme juu yenu kwelikweli, basi njoni mtumaini kivuli changu; na kwamba sivyo, na utoke moto katika mti wa miiba na kuiteketeza mierezi ya Lebanoni.

Moja ya mahitaji makubwa ya wanadamu na watu wa Mungu kokote duniani ni kuwa na “ KIONGOZI MTUMISHI”                Viongozi watumishi ni watu wanaojishughulisha na kutoa huduma yenye kuwafanya watu waliokataliwa kuwa na Heshima na kamwe wao wenyewe hawajishughulishi na kuitafuta heshima, Dunia ya leo ina tatizo kubwa sana la aina hii ya viongozi ni adimu mmno na hawapatikani kirahisi

Kitabu cha waamuzi ni kitabu cha uongozi wa mpito kutoka Yoshua kuelekea kuwa na Wafalme, Katika kipindi hiki Mungu mwenyewe aliwaongoza Israel akitumia viongozi walioitwa waamuzi hawa walikuwa mahakimu na viongozi wa kijeshi na washauri wa taifa viongozi hawa waliinuliwa na Mungu mwenyewe kwa nyakati tofautitofauti

Katika kisa tulichokisoma leo katika Mistari ile pale Juu kuna maswala mengi muhimu ya kujifunza kuhusu kanuni za uongozi wa kawaida na kiroho hasa kupitia Muamuzi aliyeitwa Abimeleki

1.       Uongozi hautafutwi kwa fitina na tamaa (Waamuzi 9:1-6)

Biblia inatufundisha kuwa katika maswala ya uongozi wa kawaida na wa Kiroho namna mtu anavyoingia au anavyotafuta namna ya kuingia madarakani inatupa ishara za msingi sana na kutuelekeza kuwa namna anavyoingia ndivyo atakavyotoka

Uongozi wa Kiroho na wa kawaida unatoka kwa MUngu na kwa kawaida hauendani na matakwa ya kibinadamu, Abimeleki aliingia Madarakani kwa tama yake mwenyewe na sio kwa mapenzi ya Mungu, aliingia kwa mauaji ya kuua ndugu zake, Kwa ujuzi wa hali ya juu na Hekima watu waelewa huwa hawatamani madaraka ya juu na mara nyingi hukataa majukumu ya kiutawala sikun zote Mungu anapowaita, hawathubutu hata kidogo kuyachukua kwa nguvu, kwa hila au kwa kampeni chafu au kwa kusukumwa kwa mtu mwingine ili wao waingie (1Samuel 24:1-6,26:7-11). Daudi alikuwa na uelewa wa hali ya juu sana , kuwa aina yoyote ya kutwaa uongozi kwa fitina utakufanya uishie kwa fitina Abimeleki hakuielewa kanuni hii lakini akiongozwa na tama na uchu wa madaraka na utukufu wa wanadamu alikuwa radhi kuua wengine ili yeye awe Kiongozi, Msomaji wangu mpendwa Je hujawahi kuona watu wa aina hii ambao walipokuwaq nje ya uongozi na hata walipoingia madarakani hawana kazi nyingine zaidi ya kuchafua, kuponda na kuharibu watu wengine ili wao waonekane kuwa Bora zaidi? Viongozi wa aina hii hugombana na kila mtu hata wale ambao hawawawazii mabaya wao huwaponda na kuwaua!

2.       Watu wenye Hekima hawatafuti Utawala (Waamuzi 9:7-15)

Maneno ya Yotham na mfano wake unatufundisha kanuni nyingine kubwa sana za huduma za uongozi wa kawaida na Kiroho Daniel 4:17 Utawala hutoka kwa Mungu na Mungu huwapa watu wanyenyekevu!

Jothamu alitoa mfano wa miti iliyokataa uongozi

a.       Mzeituni  Waamuzi 9:8-9 Mti -uliohusika kupaka watu mafuta

b.      Mtini Waamuzi 9: 10-11 ulitumika kufunika uchi kwa Adamu na Eva na matunda

c.       Mzabibu Waamuzu 9: 12-13 Uponyaji na kuchangamsha mwili na Roho

Muiti hiiyohapo juu ilitumika kuleta Heshima kwa wanadamu na ilikataaa maswala ya utawala, ni miti iliyotumika kuleta heshima kwa wanadamu na iliridhika na kazi hizo, miti hii ni kimbilio na imetumika kurejesha heshima kwa wanadamu

Baba yake Abimeleki Gideon aliwaokoa watu waliokuwa wamegandamizwa katika utumwa wa wamidian, waliokuwa wamegandamizwa kwa uchungu, alitumwa na Mungu kuwakomboa Waamuzi 6:11-14, Baada ya kuifanya kazi hiyo na kuitimiza watu walitaka kumfanya kuwa Mfalme lakini alikataa Waamuzi 8:22-23 Gideoni alielewa kuwa Jukumu lake kubwa ni kuwaletea wanadamu Heshima na sio kuwatawala alijua kuwa swala la utawala ni la Mungu, yeye alikuwa ni mfano wa Miti ile yenye hekima

3.       Kutiwa mafuta kwa mti wa Miiba Waamuzi 9:14-15

Baada ya miti mingine kukataa utawala Mti wa miiba (Abimeleki) aliamua kutawala sawa na mfano wa Yotham waamuzi 6:14

Mti wa miiba kihistoria ni mti wa laana, ulikuja duniani kama matokeo ya dhambi na kama adhabu kwa wanadamu walioasi ni mti usio na matunda yenye manufaa kwa wanadamu, ni mti unaojinufaisha wenyewe, hauwezi hata kutoa kivuli lakini unajiamini, una majigambo na kiburi na haujali kuwa unatoa shida kwa wengine na hudhalilisha wanadamu, wakati wa Kusulubiwa kwa Yesu Mti wa Miiba ulitumika kumuumiza Kristo kichwani na kumdhalilisha kama mfalme asiyena utukufu kwa wayahudi, Mti wa miiba ukichomwa moto huwaka kwa haraka sana na kusababisha madhara kwa miti yote

Taifa na kanisa ni lazima liwe makini na aina hii ya viongozi, kwamba tunachagua na kuweka viongozi wa aina gani ni lazima tumuombe Mungu atupe viongozi watakaotujali na kurudisha heshima ya wanadamu

Yesu Kristo ni Mfano katika Viongozi wakubwa sana Duniani

·         Hakuhitaji Kanisa ili awe Mchungaji nalikuwa Mchungaji tayari

·         Hakuhitaji Darasa ili awe mwalimu lakini watu walimsikiliza

·         Hakupokonya Hospitali ili awe mganga mkuu lakini watu walimfuata ili awaponye

·         Hakupindua ufalme wa Mtu lakini watu walitaka kumfanya kuwa mfalme na ndivyo alivyo

·         Kiongozi mzuri hawi mzuri anapokuwaq madarakani, ni kiongozi tu hata asipokuwa madarakani

·         Kiongozi mwema wakati wote huwa ni kimbilio la wanyonge na wenye madeni 1samuel 22:1-2

·         Kristo yesu alikuja Duniani kuleta Heshima kwa wanadamu waliokataliwa na kudharaulika, hakuwa na ubaguzi na watu walimpenda

Viongozi ambao ni mti wa miiba huendeleza mafarakano chuki na wivu na kila mtu huwa mbaya kwake hata wale waliomuunga mkono huwageuka na kuwajeruhi

Kila mtu na ajipime mwenyewe kuwa Yeye ni kiongozi wa aina gani na uhusiano wako na wanaokuzunguka ukoje jihoji je unaua wengine na kuwabomoa kwa maneno eti ili wewe uonekane kuwa Bora zaidi? Una wivu wenye uchungu? Unapenda Heshima na hutaki kushughulishwa na mabo manyonye ? Mungu atupe neema ili tusiwe kama mti wa Miiba katika jina la Yesu

Mkuu wa Wajenzi Mwenye Hekima

Rev. Innocent Kamote.

ikamote@yahoo.com

0718990796

SOMO; JINSI YA KUSHINDA MIGANDAMIZO AU MSONGO WA MAWAZO (DEPRESSION OR STRESS)

MJENZI:  Mchungaji Innocent Kamote

     Moja ya matatizo makubwa na yanayokuwa kwa kasi siku hadi siku na hususani siku hizi ni tatizo la migandamizo (depression) Hili ni tatizo la kisaikolojia na kiroho pia. Tatizo hili linapopita kiasi huweza kupelekea mwanamke au Mwanamume kujiua, na kwa vijana ambao uwezo wao wa kuhimili mihemko ni wa kasi zaidi wengi huweza kujidhuru, kumbuka kuwa wengi wa watu wanaofikia ngazi ya kujiua  wenyewe  wakati mwingine hufanya hivyo kwa sababu ya migandamizo depression hali ya migandamizo hii wakati mwingine haielezeki lakini huweza kujumuishwa hali za kukata tamaa, kukosa furaha au faraja na, kuvunjika moyo,kufiwa na mpendwa mwanao, mkeo, mumeo au ndugu na rafiki, kujiona duni, kukosa rafiki, kusalitiwa, kupoteza tumaini ndani ya ndoa, kuudhiwa na jamaa waliokaribu, kusalitiwa, talaka, ndoa iliyovunjika, au kuchoshwa na vikao vya upatanishim kazi nyingi na maudhi, kukosa furaha kuwa na huzuni na kujisikia hali nzito sisi kama wanadamu wakati mwingine hufikia hatua ya kuwa na hali kama hizo Zaburi 34;17-19 inasema hivi:-

“17. Walilia, naye Bwana akasikia, Akawaponya na taabu zao zote. 18. Bwana yu karibu nao waliovunjika moyo, Na waliopondeka roho huwaokoa. 19. Mateso ya mwenye haki ni mengi, Lakini Bwana humponya nayo yote.”

Unaona watakatifu waliotutangulia pia walipitia Matatizo haya waliovunjika moyo, na waliopondeka roho hii ni lugha ya zamani inayozungumzia stress na depression wakati huu biblia inazungumzia kuvunjika Moyo Broken hearted na roho iliyopondeka crushed in spirit

Ø  Tatizo hili kwa mujibu wa wanasaikolojia ni tatizo la ngazi ya juu sana ya maumivu ya moyo wa mwanadamu au tatizo la akili la kibinadamu, Tatizo hili wakati mwingine linaweza kumpata mtu kwa sababu ameshindwa kuipokea taarifa mbaya nzito kama kupoteza mchumba, kufiwa na uliyempenda, na inapofikia ngazi ya akili za mwanadamu kushindwa kulibeba tatizo hilo mwanadamu huweza hata kupoteza maisha au kupata ugonjwa wa kiharusi stroke mfano 1Samuel 4;12-22

 “12. Basi, mtu mmoja wa Benyamini akapiga mbio kutoka mle jeshini akafika Shilo siku ile ile, hali nguo zake zimeraruliwa, na mavumbi kichwani mwake.             13. Alipofika, tazama, Eli alikuwa ameketi kitini pake kando ya njia, akingojea; maana moyo wake ulitetemeka kwa ajili ya sanduku la Mungu. Na yule mtu alipoingia mjini, akatoa habari, mji wote ukalia. 14. Naye Eli aliposikia kelele za kile kilio, akasema, Maana yake nini kelele za kishindo hiki? Yule mtu akafanya haraka, akaenda, akamwambia Eli. 15. Basi Eli umri wake umepata miaka tisini na minane; na macho yake yamepofuka hata asiweze kuona.    16. Yule mtu akamwambia Eli, Mimi ndimi niliyetoka jeshini, nami leo hivi nimekimbia toka jeshini. Naye akasema, Yalikwendaje, mwanangu?        

17. Yeye aliyeleta habari akajibu, akasema, Israeli wamekimbia mbele ya Wafilisti, tena watu wengi sana wameuawa, hata na wana wako wawili, Hofni na Finehasi, wamekufa pia, na sanduku la Mungu limetwaliwa.         18. Ikawa alipolitaja sanduku la Mungu, Eli akaanguka kitini pake kwa nyuma, kando ya mlango, shingo yake ikavunjika, akafa; maana alikuwa mzee, tena mzito. Naye alikuwa amewaamua Israeli miaka arobaini.        

19. Tena mkwewe, mkewe huyo Finehasi, alikuwa mja-mzito, karibu na kuzaa; basi, aliposikia habari ya kutwaliwa sanduku la Mungu, na ya kwamba mkwewe na mumewe wamekufa, akajiinamisha, akazaa; maana utungu wake ulimfikilia.      20. Hata alipokuwa katika kufa, wale wanawake waliohudhuria karibu naye wakamwambia, Usiogope; kwa maana umezaa mtoto mwanamume. Walakini hakujibu, wala hakumtazama. 21. Akamwita mtoto, Ikabodi, akisema, Huo utukufu umeondoka katika Israeli; kwa sababu sanduku la Mungu lilikuwa limetwaliwa, na kwa sababu ya mkwewe na mumewe. 22. Naam, akasema, Huo utukufu umeondoka katika Israeli; maana sanduku la Mungu limetwaliwa.

Unaona si kila mtu duniani anaweza kuvumilia taarifa ngumu na mbaya kama hizo, Moyo ulioshambuliwa na roho iliyopondwapondwa huweza huweza kusababisha Mauti! Wako wengi wanalia kwa sababu ya matatizo mbalimbali duniani ni Ngumu sana

Ø  Inahitajika Mungu kuingilia kati wakati mwingine ili mtu ashinde migandamizo hii katika maisha, wakati mwingine shetani huruhusu migandamizo hii kwa kutushambulia kwa matatizo mengi ili kutupata na kufanikiwa kutuua kimwili na kiroho au hata kimafanikio

Ø  Daudi mtu wa Mungu ni moja ya watu waliopitia tatizo la migandamizo kwa zaidi ya miaka 25 ya maisha yake, Mfalme Sauli alikuwa anataka kumuua, aliishi mbali na ndugu zake  pamoja na kuwa Mungu alikuwa amempaka mafuta lakini alikutana na matatizo mengi mbali na nyumbani, mbali na marafiki, uchumi duni watu duni wenye madeni kwa ujumla aliishi kama yatima na wakati mwingine matatizo yenye kutatanisha 1Samuel 30;3-8

Ø  Hatujui wewe unapitia migandamizo ya aina gani pengine mchumba wako amevunja uhusiano nawewe, Mumeo anaweza kuwa sio muaminifu au amekuacha, watoto wanaweza kuwa sio watii, ndugu na jamaa hawakuoni kuwa wa maana na wakati mwingine hata ndugu zako wa Kanisani wako kinyume nawewe, umezungukwa na taarifa mbaya kila mahali, unahangahika tu na unashindwa ni wapi pa kusimamia inakuumiza lakini huna jinsi, maisha hayaonyeshi kufanikiwa unachokipata hakitoshelezi mahitaji yako kibinadamu kila ukipiga akili inakataa, malengo yako na ndoto zako katika maisha hazionekani kuwa na mafanikio je unafanya nini kukabiliana na hali hizi wakati mwingine unalia kitandani unatembeatembea na huoni faraja yoyote hali yako ni ngumu unahitaji kushinda mgandamizo huo wa mawazo kwani maisha yako yanathamani sana wala usifikie hatua ya kujiombea kufa au kutamka heri nife!

Ø  Migandamizo mingine inatokana na mitatizo sugu katika ndoa wengine wanajuta wanasema heri nisingeolewa au heri nisingeoa matarajio na matumaini uliyoweka kwa mwenzi wako picha yake imekuwa kinyume na ndoto zako, sasa umekata tamaa, wengine wametamani kufa au wapenzi wao wafe au wamepoteza uaminifu ili kutafuta faraja nje ni matatizo matupu ni maumivu juu ya maumivu upweke wako haujaondoka kamwe nyumba imekuwa kama kituo cha polisi huna rafiki nyumbani hali hizi zote zinasababisha moyo kupondeka na roho kuumia unahitaji uponyaji.

JINSI YA KUSHINDA MIGANDAMIZO

·         Samehe wote walio kinyume na wewe 1Samuel 24;1-6, Jifunze kuwa Komandoo wa kusamehe na sio wa kulipiza kisasi usiwe kama Van dame alisema “No retreat no Surrender” hata kama kuna uonevu wa kupita kawaida Mungu na atupe uvumilivu na uwezo wa kusamehe Yesu aliweza kusamehe waliomtesa Msalabani, Stephano aliweza kusamehe walimpiga kwa mawe unahitaji Kusamehe ili uchungu uondoke Moyoni mwako linaweza kuwa jambo gumu lakini uliomba Roho Mtakatifu atakuwezesha.

·         omba toba kwa Mungu Zaburi 38;4 toba ni jambo la msingi sana sisi sote tunakosea, yeye asiyekosea huyo ni mtu mkamilifu, tunapokosea lazima tukimbilie toba, omba radhi kwa Mungu Mungu ataondoa uchungu mioyoni mwetu

·         Lia kwa machozi ya furaha na kupiga kelele za shangwe kumsifu Mungu Ayubu 1;20-22,Marko 14;26,matendo 16;25, kisaikolojia kulia kunaleta nafuu, usipolia jeraha la moyo linaweza kuwa kubwa hivyo ni vema ukalia, ukimaliza imba zaburi, sikiliza nyimbo za kwaya na neon la Mungu furahi na kama unaweza kucheza mpira nenda furahi na uponyaji wa Bwana utachukua nafasi

·         Jitie nguvu katika Bwana na kuomba na kuutafuta uso wake 1Samuel 30;6-8 mtwike yeye fadhaa zako maana anajishughulisha nazo 1Petro 5;6-7 soma neno la Mungu hususani zaburi

Kuna wakati hutapata mtu wa kukutia moyo hata kidogo, huu ni wakati wa kujitia nguvu katika Bwana, tumia upweke kujiimarisha kwa Bwana na kuomba manabii wengi waliishi katika migandamizo lakini waliamua kutafakari, kukaa peke yao kuomba na kukesha na Mungu akashughulika na matatizo yao

Kumbuka Mateso ya mwenye haki ni mengi, Lakini Bwana humponya nayo yote. Ni imani yangu kuwa Umejengeka na bwana amekuganga ikiwa yako mambo zaidi maswali au ushauri nipigie simu 0718990796 nitaomba pamoja nawe na kukushauri

Maana Msingi mwingine hakuna  mtu awezaye kuuweka isipokuwa ni ule uliokwisha kuwekwa yaani Yesu Kristo –

Mkuu wa wajenzi mwenye Hekima Rev. Innocent Kamote

ikamote@yahoo.com

+255784394550

+255718990796

Box. 100 Muheza, Tanga