Abraham Lincoln ni nani? (who is Abraham Lincoln)

Mwezi juni 6-20 mwaka huu nilipata neema ya kutembelea Marekani, ambalo ni moja ya Mataifa makubwa na Yenye Kuheshimika sana Duniani, katika siku chache nilizokuweko huko katika program iliyoitwa Vision Trip makusudi yetu makubwa ilikuwa ni kujifunza Maswala Mbalimbali na kasha kuja na kuyatumia yale yatakayoweza kutuletea maendeleo makubwakatika taifa letu, Mimi na wanafunzi wangu tuliotembelea huko tulikuwa tunataka kujua chanzo cha Maendeleo ya wenzetu na kisha tutumie ujuzi huo kuendeleza Taifa Letu kama viongozi wa sasa na wa baadaye
 

Moja ya maswala Muhimu yaliyosababisha taifa hili kuendelea ni pamoja na kupata neema ya kuwa na Viongozi Bora! Msingi mkubwa wa Taifa hili uliwekwa na rais wa Kwanza Mzee George Washington mzee huyu alikuwa anamcha Mungu na Hivyo Mungu aliwekwa mbele katika taifa hili na ndio msingi wa maendeleo makubwa kwenye taifa hili, hata hivyo leo nataka kumzungumzia  moja ya viongozi muhimu sana ambaye anawekwa katika orodha ya Maraisi wakubwa sana wa Marekani wanaoheshimika the Greatest Presidents of United States Huyu si mwingine bali ni Abraham Lincoln

Abraham Lincoln

Nilianza kuhisi umuhimu wa Rais huyu wa Marekani hata kabla sijaingia Marekani kwenyewe kwani tulipokuwa tumeomba Visa na kufanikiwa kuipata nilitamani kuona Visa ya kimarekani ikoje kwa vile upatikanaji wake nimtihani nilipochungilia visa hiyo haraka sana niliona Jengo muhimu sana lenye kuashiria makao makuu ya serikali ya Marekani US Capitol na picha ya Rais huyo wa zamani wa Marekani, licha ya kuwamo katika mamlaka hayo ya utoaji visa pia Lincon anaonekana katika baadhi ya fedha za Kimarekani Dollar 

Mkuu wa wajenzi Mwenye Hekima Rev Innocent Kamote akiwa Marekani, Jijini Washington nyuma ni sanamu ya Abraham Lincoln moja ya maraisi wanaoheshimika sana Nchini humo

Na tulipofika Marekani pale Washington moja ya maeneo tuliyotembezwa ilikuwa ni pamoja na Hekalu kubwa lijulikanalo kama Abraham Lincoln Memorial  nikataka kujua undani wa Rais huyu na kwa nini anatukuzwa sana na kusifiwa? Licha ya kutembelea Makumbusho yake pia nilifika eneo alikouawa na Kupigwa risasi nilikuta watu wengi wanatembelea hapo who is Abraham Lincoln Huyu jamaa ni nani

Abraham Lincoln Ni rais wa 16 wa Marekani, alilitumikia taifa hilo mwezi March 1861 mpaka alipouawa April 1865, rais huyu aliongoza Marekani katika wakati mgumu kwani kulikuwa na vita vya wenyewe kwa wenyewe ambavyo vilimwaga damu za wengi, Majimbo saba ya kusini walitangaza kujitenga mara moja mara baada ya kuapishwa kwa Lincoln wakijua kuwa angekomesha shughuli za watumwa, pamoja na kuwa aliongoza katika kipindi kifupi sana Rais huyu alifanikiwa kulijenga Taifa hili Kimaadili, hivyo wamarekani walikuwa na kiwango cha juu sana cha maadili wakati wake, aliimarisha umoja wa Majimbo yote ya marekani, aliimarisha Katiba na kumaliza kabisa migogoro ya kisiasa iliyokuweko kwa kufanya hivyo alifanikiwa sana katika kujenga umoja wa kitaifa wa Taifa la Marekani unayoiona Leo.

Moja ya Maswala yaliyompa heshima mkubwa huyo pia ni pamoja na kukomesha Biashara ya Utumwa na ubaguzi Amerika alisema “hatuwezi kuwa na uhuru wa kweli katika taifa ambalo wengine ni Mabwana na wengine ni watumwa” Hatuwezi kuwana taifa ambalo wengine wanafurahia uhuru huku wengine wakiwa ni watumwa!”

Licha ya kupngwa na baadhi ya watu waliokuwa wakiwatumia watumwa kwa faida zao, Lincoln ni chanzo kikuu cha kuimarika kwa Uchumi wa wamarekani walio nao leo ndani ya kipindi kifupi alichoonngoza, aliimarisha sekta ya Viwanda, aliimarisha Mabenki, alijenga Mifereji ya kupita chini kwa chini, alijenga reli na kuimarisha ukusanyaji wa kodi, Lincoln alikataa pia kupigana vita au kusaini vita kati ya Marekani na Mexico mnamo mwaka 1846.

Abraham Lincoln

Alizaliwa mwala 1809 na kuuawa mwaka 1865, alitokea katika Familia  masikini nay a kawaida sana Babu yake Samuel Lincoln alihamia kutoka Uingereza, Baba yake aliitwa Thomas Lincolin Abraham Lincoln hakuweza kupata hata elimu ya awali katika familia yake na hivyo alijiendeleza mwenyewe kwa kufanya kazi na kujisomesha, alisoma kwa kutumia taa ya mafuta ya taa, al;ijiendeleza na kufanikiwa kuwa mwanasheria na baadaye kujiunga na siasa nyumba aliyoishi na familia yao mwanzoni ilikuwa ya mbao na yenye chumba kimoja tu, alipojiunga na siasa Lincoln alikuwa na Ushawishi mkubwa sana kiasi ambacho ukimsikiliza akizungumza unakubali kuwa yaya ni kiongozi, alikuwa na uwezo wa kujenga hojana mwenye uwezo mkubwa sana wa Ushawishi, Familia yao ilihamia huko Illinois Jimbo analotokea rais wa Sasa wa Marekani Barak Obama, alipofanikiwa kuwa rais aliondoka Illinois kuelekea Washington akitumia Treni jambo ambalo limewahi kuigizwa na Kiongozi wa sasa wa Marekani.

 

Nikiwa mahali alipopigwa risasi na nyumba aliyofia Abraham Lincoln angalia kibao  juu ya kichwa changu hapo juu

sasa waweza kukiona kwa ukaribu House where Lincolin Died yaani Nyumba ambayo Lincolin alifia

Aliingia madarakani akiwa haeshimiki sana lakini amepokea Heshima kubwa na nyingi sana baada ya kuuawa kwake, Pamoja na Lincolin kuwa mwanademocrasia mkubwa katika unenaji alikuwa na Madaraka makubwa kuliko raisi yeyote wa marekani aliyepatakuweko kiasi ambacho kimaamuzi ni kama alikuwa Dikteta. Nanaheshimika sana kwa kiwango ambacho jamii kubwa hutembelea Makumbusho yake wakiwemo wayahudi, waasia na watu wa mataifa Mengineyo

Lincolin aliuawa kwa kupigwa risasi na wanaosadikiwa kuwa wapinzani wake hususani wa sera ya kukataa kumiliki watumwa wa majimbo ya kusini, aliyemuua alijulikana kwa jina la John Wilkes Booth tarehe 14 April 1865 siku ya Ijumaa kuu wakati alipokuwa ametembelea Ford Theatre Washington Booth alikuwa amechukizwa alipomsikia Lincoln akizungumza na alikuwa amakusudia kumteka lakini aliposhindwa aliamua kumuua, wakati wa Pasaka hata hivyo lincolin alifariki asubuhi yake Tarehe 15 April 1865 saa moja na dakika 20. Siku ya kuuawa kwake mapema alikuwa na Mawaziri wake na aliwaeleza ndoto yake aliyoiota usiku na wakaitafasiri kuwa ni ya ushindi dhidi ya Sherman na kuwa vita hiyo imefikia mwisho, siku hiyo Rais Lincoln alionekana mwenye furaha kuliko kawaida hata waliomuona walisema haijawahi kuonekana akiwa na Furaha kiwango hicho Lincoln alizikwa nyumbani kwake Springfield kwa Hesmika kubwa za kijeshi, Katika Maraisi wa Marekani hakuna Rais amabaye amaewahi kuandikwa nn maandishi mengi sana Kama ilivyo kwa Abraham Lincolin 

Mambo ya kujifunza:

1.      Kiongozi bora haitaji miaka mingi sana ili aweze kufanya mambo mazuri Lincoln aliweza kufanya mambo mengi mazuri huku akiwa na kipindi kidogo cha uongozi

2.      Kuweko kwa matatizo hakuzuii shughuli za maendeleo Lincolin aliweza kuleta maendeleo licha ya kuweko na vikwazo na kuwa na wakati mgumu ni vema viongozi wa afrika tukakubali kuwa Mbaazi zikikosa Mvua husingizia jua, kwa Lincoln changamoto alizokuwa nazo hazikuzuia yeye kusababsha maendeleo

3.      Nguzo ya maadili ni nguzo muhimu sana kwaajili ya kujenga ufanisi wa kazi

4.      Taifa lisilokusanya kodi au kutoa mianya ya misamaha ya kodi na ubadhirifu kuendelea kwake ni menemene tekeli na peresi

5.      Viongozi wasiojali matumizi mabaya ya mali za umma matumizi mabaya ya Magari ya serikali watajifunza kwa Lincoln aliyeamua kwenda ikulu akitumia treni

6.      Mwisho nimejifunza kuwa kama Tukiwatumikia watu kwa moyo wetu wote bila kujali ni vikwazo gani tunakutananavyo nkatika maisha yetu ama upinzani toka kwa maadui heshima itatufuata siku zote za maisha yetu hata tujapokufa tutakuwa tungali tunaishi Lincoln anakumbukwa na kuhesimiwa na watu Milele

UJUMBE: KUVIKWA UWEZO UTOKAO JUU

Luka 24:49 “Na tazama nawaletea juu yenu ahadi ya Baba yangu lakini kaeni humu mjini, Hata MVIKWE uwezo utokao juu”

Leo nataka kuzungumzia Jambo la Muhimu sana kuhusu Ujazo wa Roho Mtakatifu  ambalo kwa kawaiada wahubiri wengi pamoja na kanisa huwa hawalizungumzii, wanapofundisha kuhusu Roho mtakatifu au alama zinazotumika kumuelezea au kuelezea kazi za Roho mtakatifu, na alama hii  au kielelezo hini kinatokana na neon “MVIKWE” Neno hilo ukilichunguza kwa makini lina uhusiano na tendo la kuvaa au kuvikwa ambapo ndani yake kuna neon vazi

Ni muhimu kama wanafunzi wa Biblia kujiuliza kwa nini Yesu anaunganisha tendo la kumpokea au kujazwa nguvu za Roho Mtakatifu na neon kuvikwa au vazi? Hii ni Lugha ya kinabii, kwa Kawaida Biblia inapozungumzia kuhusu Vazi, inazungumzia kuhusu Heshima au Mamlaka ni hesima gani na mamlaka gani ni muhimu kuelewa!

Mara baada ya Adam na Hawa kufanya dhambi, utakumbuka mara moja walipoteza heshima na mamlaka na kupungukiwa na utukufu wa Mungu na hivyo walijitambua na kujiona kuwa wako UCHI

Mwanzo 3:10,21.

Lugha za kinabii katika maandiko zinatufundisha kuwa Vazi lina uhusiano mkubwa sana HESHIMA ama  kuipata au Kuipoteza:

Biblia imejaa mifano kadhaa inayoonyesha Lugha ya KInabii kuhusu Vazi

Mfano

1.       Yusufu alitengenezewa Vazi maalumu na Baba yake kama alama ya heshima na kibali kutoka kwa baba yake  Mwanzo 37:1-3

2.        Vazi hilo lilipata mashambulizi na kuonyesha kuwa ametoweka Mwanzo 37:31-33

3.       Baadaye alipata heshima nyingine kutoka kwa Potifa Mwanzo 37:1-5

4.       Heshima hiyo iliharibiwa kwa Mke wa Potifa na akakimbia na kuacha vazi Mwanzo 39:11-15

5.       Mungu aliirudisha Heshima ya Yusuphu na akavikwa mavazi tena Mwanzo 41:41-43

Mavazi pia yanazungumzia Heshima ya Kifalme katika Ufalme wa Mungu 1Samuel 15:27-29 Vazi linaporaruliwa maana yake ufalme umeondolewa!

Vazi linawakilisha Heshima, mamlaka, Ufalme na ndio maana wanafunzi wanapohitimu huvaa mavazi maalumu ya kuonyesha kuwa wanastahili heshima hiyo Vazi lina ashiria Upako 1Wafalme 19:19-21, 2Wafalme 2:11-15

Yesu alippokari bia kupaa mbinguni aliahidi kuwa atatuachia Roho wake mtakatifu maana yeke

Anatuachia Heshima ambayo wanadamu waliipoteza

Anatupa mamlaka  ambayo Adamu aliipoteza

Mtu anapompokea Roho Mtakatifu anapokea Heshima, mamlaka, utawala, ufalme, upako, uwezo na   nguvu na aibu yake inaondolewa, Ndio maana Yesu akawaambie msitoke Humu mjini mpaka mmevikwa uwezo utokao juu Yaani Roho Mtakatifu, anafaida nyingi katika masisha ya Ukristo analeta Heshima na kufunika aibu!

KWANINI TUNAKULA NGURUWE

Na Mkuu wa wajenzi mwenye Hekima.

Neema na amani zotokazo kwa Bwana Mungu wetu na ziwe juu yenu Nyote !

Ndugu Mpenzi kama ilivyo kawaida leo Mkuu wa wajenzi nimetamani nizungumzie swala hili nyeti Duniani ili kujibu swali Kwanini tunakula Nguruwe ? watu wa imani nyingine wamakuwa wakiwashutumu wakristo na hata kuwaita makafiri kwa vile eti wanakula nyama ya nguruwe, kwa madai kuwa eti imekatazwa katika maandiko matakatifu yaani Tourati na ikiwemo Quran, leo nataka kuanika wazi ili kama unakula mdudu huyu umle kwa amani bila kuhukumiwa au kushutumiwa na mtu.

 Kiti moto mdudu mwenye mjadala mkali duniani

Biblia inasema hivi katika Wakolosai 2 : 16 ‘Basi, mtu asiwahukumu ninyi katika vyakula au vinywaji, au kwa sababu ya sikukuu au mwandamo wa mwezi, au sabato;’ Kwa tafasiri nyepesi biblia inasema usimuache mtu yeyote akuhukumu ‘do not let anyone judge you’ kwa habari ya nunakula nini unakunywa nini, au kama huandami mwezi au kushika sabato mtu asikuhukumu, maana yake ni kuwa mafundisho yoyote duniani ya imani yoyote yanayokataza ule nini usile nini ni mafundisho ya Mashetani, sisi wakristo hatuna miiko, ukienda kwa wapunga pepo wanganga watakupangia ule nini usile nini haya ni mafundisho ya mashetani ona 1Timotheo 4 1-5 Biblia inasema :-

‘1. Basi Roho anena waziwazi ya kwamba nyakati za mwisho wengine watajitenga na imani, wakisikiliza roho zidanganyazo, na mafundisho ya mashetani; 2. kwa unafiki wa watu wasemao uongo, wakichomwa moto dhamiri zao wenyewe; 3. wakiwazuia watu wasioe, na kuwaamuru wajiepushe na vyakula, ambavyo Mungu aliviumba vipokewe kwa shukrani na walio na imani wenye kuijua hiyo kweli. 4. Kwa maana kila kiumbe cha Mungu ni kizuri, wala hakuna cha kukataliwa, kama kikipokewa kwa shukrani; 5. kwa kuwa kimetakaswa kwa neno la Mungu na kwa kuomba.’

Ndugu zangu unaweza kuona maandiko haya yako wazi kabisa kwamba kumzuia mtu ajiepushe na chakula fulani ni mafundisho ya roho zidanganyazo yaani mapepo na mashetani biblia iko wazi kuwa kila kiumbe kilichoumbwa na Mungu ni kizuri kama ukikipkea kwa shukurani kwa vile vimeatakaswa na neno la Mungu !

Wakati najenga Msingi huu napenda pia nikufahamishe vema somo hili kwa kuzingatia vipengele vitatu vifuatavyo :-

• Ufahamu kuhusu Nyakati saba za Maongozi ya Mungu.
• Mafundisho ya Quran kuhusu Nyama ya Nguruwe.
• Mafundisho ya Agano jipya kuhusu kula Nguruwe.

Ufahamu kuhusu nyakati saba za maongozi ya Mungu.

       Moja ya sababu zinazopelekeabaadhi ya watu kupinga aina Fulani ya vyakula  ikiwemo nyama ya nguruwe ni kuto kuyajua maandiko na kutofahamu juu ya nyakati saba za Maongozi ya Mungu ambapo Mungu aliongoza kwa Sheria tofauti tofauti, ikumbukwe kuwa Mungu ndie mtunga sheria na huweza kupanga au kupangua sheria  “Amendments” kulingana na nyakati Yeye mwenyewe, kama apendavyo, Kama bunge linavyoweza kupitisha sheria  na hatimaye kuibadili wakati Fulani kama wapendavyo ndivyo ilivyo kwa Mungu wetu, Mungu ameiongoza Dunia hii kwa nyakati tofauti tofauti zipatazo saba, maeneo sita kati yake yametimizwa na eneo la saba litakuwa ni wakati ujao

Nyakati za Maongozi ya Mungu kibiblia Zimegawanyika katika Maeneo makuu saba yafuatayo

1. Innocence Period-Hiki ni kipindi cha uumbaji mpaka anguko la Adamu(mwanadamu)
2. Concience Period-Hiki ni kipindi cha dhamiri mpaka gharika
3. Human Government Period-Hiki ni kipindi cha kujitawala mpaka wakati wa Ibrahimu
4. Promise au Patriach Period-Hiki ni kipindi cha mababa mpaka wakati wa Musa.
5. Dispensation of Law- hiki ni kipindi cha sheria ya Musa.
6. Dispensation of Grace-Hiki ni kipindi cha neema au wakati wa Mataifa.
7. Escatological times-Kipindi cha mambo yajayo (Dhiki kuu, hukumu ya mataifa, utawala wa miaka 1000,vita ya gogu na magogu, ziwa la moto, Mbingu mpya na nchi mpya.)

Katika vipindi hivi vyoote Mungu aliweka sheria mbalimbali za kuongoza vipindi hivyo,Mtu asipofahamu vizuri anaweza kuchanganya  mambo katika vipindi hivyo Mungu aliweka au kubadili sheria zake kulingana na nyakati hizo na makusudi yake aliyoyakusudia kwa wakati huo.

Mfano sheria kuhusu Vyakula;-

1. Kipindi cha uumbaji mpaka anguko la Adamu (Innocence Period).

 Sheria ilikuwa moja tu wasile tunda la ujuzi wa mema na mabaya tu wakati huu mwanadamu hakula nyama (Mwanzo 2;16-17,1;28-30) Mungu aliweka sheria hii moja kwa sababu Adamu na Eva walikuwa Peke yao na Mungu aliwapa vitu vyote hebu jaribu kuwaza kama Mungu angesema Usizini, usiibe hizo sheria pale Bustanini zingemuhusu nani wakati Adam yuko peke yake na mkewe

2. Kipindi cha dhamiri Anguko mpaka wakati wa gharika Gharika (Concience period.)

 Wakati huu Mungu aliamuru wale vitu vyoote isipokuwa Damu tu (Mwanzo 9;1-4).Baada ya gharika Mungu alimruhusu Nabii Nuhu na wanawe kula kila kitu yaani vitu vyote isipokuwa Damu tu yaani lazima damu ya mnyama imwagike unapotaka kumla, soma biblia yako Mwanzo 9: 1-4 waliruhusiwa kula kila kitu yaani vyote akiwemo Yule mdudu Nguruwe!

3. Wakati wa sheria ya Musa (Mungu aliamuru wale baadhi ya vitu na baadhi vilikatazwa).

  hii ilikuwa ni kwa sababu za kiafya na kutafuta utii wa Israel, baadhi ya vitu vilivyokatazwa ni pamoja na Ngamia, Sungura, Nguruwe, Kambale, Taa, Pweza, Ngisi, n.k. Mungu aliwakataza WAYAHUDI peke yao wasile baadhi ya wanyama na samaki wote wasio na Magamba na wanyama wasio na kwato zilizopasuliwa kati, au wenye kwato zilizopasuliwa kati lakini hawacheui soma (Walawi 11;1-47).

4. Wakati wa Neema,

Wakati huu Mungu aliamuru kuliwa kwa vitu vyoote isipokuwa damu ambayo kibiblia imekatazwa milele. ( Luka 17;10,1Koritho 10;25-27,Kolosai 2;16,1Timotheo 4;1-5). Wakati wa neema ndio wakati huu wa agano jipya wakati huu tunaruhusiwa kula kila kitu bila kujali wala kuulizauliza soma maandiko yale juu.

   Tatizo kubwa la waislamu ni kutokujua nyakati hizi za maongozi ya Mungu na Sheria alizoweka,wanachanganya mambo. Aidha katika namna ya kushangaza waislamu wanaona Nguruwe tu kuwa ni haramu, huku wamesahau kuwa Mungu alikataza hata ngamia ambao mara nyingi huchinjwa na waislamu wakati wa iddi alhaji. wavuvi wengi wa pwani ni waislamu mara nyingi huvua taa, pweza na ngisi, Mtu anayeamua kuishika sheria na ashike yoote na asiyedumu katika yoote amelaaniwa (Galatia 3;10). Wanyama wengi miongoni mwa waliokatazwa wanahitilafu za kiafya kama wasipoandaliwa vema mfano Nguruwe ana tegu wengi katika nyama yake pia huharibika kwa Haraka nyama yake inapokaa zaidi ya wakati hivyo kutokana na mazingira ya jangwani walikokuwa wanasafiri Israel isingelikuwa vema kuruhusiwa kutumia aina hizi za nyama. Mungu aliwapa sheria hii Wayahudi peke yao wakiwa chini ya nabii Musa. Baada ya kuyaelewa haya sasa hebu tuangalie Mafundisho ya Quran kuhusu Nguruwe!

* Mafundisho ya Quran Kuhusu Nyama ya nguruwe;

     Pamoja na kuwa waislamu wanatushutumu sana wakristo kuwa tunakula Nguruwe Quran inajikanganya sana katika swala zima la kuliwa ama kutokuliwa kwa mnyama huyu ni muhimu kuangalia, kwa ufupi hakuna aya maalumu katika Quran inayoharimisha na kukataza kula nguruwe

Quran inasemaje kuhusu nyama ya nguruwe;-

• Quran inaeleza wazi kuwa Mungu aliharimisha Vitu vizuri (akiwemo Nguruwe) kwa Wayahudi kwa sababu ya ugumu wa mioyo yao, yaani Mwenyezi Mungu aliwakataza kula nyama hii kama sehemu ya kuwahukumu wayahudi na si vinginevyo soma (Surat an-nisaa 4;160).Quran inasema hivi katika aya hiyo “Basi kwa dhulma yao hao Mayahudi tuliwaharimisha vitu vizuri walivyohalalishiwa na vilevile kwa sababu ya kuzuiliwa kwao watu wengi na njia ya mwenyezi Mungu” ni aya iliyo wazi kuwa wayahudi walizuiliwa vitu vizuri kwaajili ya dhuluma Mungu alitaka kuwahukumu kwa kuwanyima baadhi ya vitu vizuri Quran inakiri wazi kuwa Nguruwe ni kitu kizuri Umeona?
• Quran inafundisha kuwa Yesu alikuja kuhalalisha yale yaliyo harimishwa (Surat al-Imran 3;50).Quran inasema haya katika aya hii “ Na nitakuwa Msadikishaji way ale yaliyokuwa kabla yangu katika Taurati na nimekuja ili NIKUHALALISHIENI yale MLIYOHARIMISHWA na nimekujieni na hoja Kutoka kwa Mola wenu kwa hiyo mcheni mwenyezi Mungu na NITIINI” Hayo ni meneno ya Yesu Ndani ya Quran ikionyesha wazi kuwa Yesu alikuja kuhalalisha yale yaliyoharimishwa katika Tourati na anatuamuru kumtii, ni wazi kuwa Yesu ameruhusu kula Nguruwe na Quran pia
• Quran imehalalisha kula vilivyo vizuri walavyo waliopewa kitabu (Al-maida 5;3-5).Sura hii almaida maana yake maswala ya meza inasema hivi “……..Leo mmehalalishiwa kila vilivyo vizuri. Na chakula cha wale waliopewa Kitabu ni Halali kwenu na chakula chenu ni halali kwao…” Hii ni aya iliyo wazi inayoruhusu kila muislamu kula vyakula vya wakristo na wayahudi na sisi kula vyao umeona!
• Quran ina kigugumizi kwa vile hakuna katazo la moja kwa moja kuhusu kutokula Nguruwe yaani inakataza kula Nguruwe na wakati huohuo inaruhusu endapo utashurutishwa na njaa (Al-baqara 2;173) au kama una dharula waweza kula hapa ndipo quran inapojikanganya ni muhimu kujiuliza imekataza au imeruhusu? Na dharula hii ni ipi? Quran inajibu kuwa dharula hii ni njaa (Al-an nam 6;145)Quran inasema kula bila kupita kiasi hili ni jema kwani biblia inafundisha kuwa hata kama una njaa kiasi gani kula kupita kiasi  hata kama si nguruwe chakula chochote ni ulafi ni dhambi (Galatia5;21)
• Quran inafundisha kuwa Mungu hakuharimisha chochote ila wazee wa kiyahudi waliharimisha kwa mapokeo yao tu (Al-an nam 146)
• Quran inatahadharisha kuwa makini kumzulia Mungu uongo kuwa ameharimisha kitu kumbe hakuharimisha chochote (An Nahl 16;116)
• Qyran inaamuru uletwe Ushahidi kuwa ni wapi Mungu ameharimisha wanyama? Soma (Al an- am 6;150).

Hivyo ukisoma kwa makini Quran utaona hakuna kilicho haramu ndugu zangu waislamu kula nguruwe ni ruksa ila kiasi tu usizidishe ndivyo quran inavyofundisha kama husadiki pale uwanja wa sabsaba Tanga kwa Minchi waislamu wnzenu hujumuika kula kiti moto kila iitwapo leo kwani wameelimika na wamegundua siri hii.Mimi sikushawishi ila nina kuweka huru kama mwalimu wa kweli ya Mungu “….. Mtaifahamu kweli nayo kweli itawaweka huru

 Mafundisho ya Agano jipya kuhusu vyakula (Nguruwe).

• Biblia inasema mafundisho yoyote yanayokataza mtu kula vitu Fulani ni mafundisho ya Mashetani (1Timoth 4;1-5). Ndio maana waganga wa kienyeji mtu anapokwenda kuaguliwa hukatazwa kula baadhi ya vitu Mungu sio Mganga wa kienyeji. Na wanaomwamini hawana sheria ya kuwazuia nini cha kula au kutokula
• Biblia inasema hakuna kitu najisi kwa mtu asiye najisi lakini kitu Fulani ni najisi kwake yeye aliye najisi (Rumi14;14)Biblia inafundisha kuwa kula au kutokula  hakuongezi utakatifu wala hakuzuii tamaa za mwili (Kolosai 2;16-23) hivyo hatupaswi kujitia katika mambo ya kutunga tu ya mtu,au akilizake na maono ya wanao abudu malaika kumuabudu Mungu hakuji kwa kula au kutokula aina fulani ya vyakula  bali katika moyo safi (Math 5;8)

• Biblia inafundisha kuwa unajisi wa mtu hautoki nje bali ndani ya mtu pia Yesu alitakasa vyakula vyoote (Marko 7;14-16,17-19)
• Paulo mtume alifundisha kuwa chakula ni kwa tumbo tu na si mambo ya rohoni

(1Koritho 6;13).Hoja ya Pepo waliotolewa na Yesu kuwaingia nguruwe je ina maana gani?

      Jambo lingine ambalo wanaharakati wa kiislamu Hulishikia bango kuwa nguruwe hawafai ni lile tendo la Pepo waliotolewa kwa mtu aliyeteseka kama kichaa kuomba ruhusa kuwaingia Nguruwe (Marko 5;12-13)

Kwa mujibu wa wachangiaji wa maoni ya kibiblia kama Mathew Henry commentary na wengineo hujaribu kutoa ufafanuzi huu kuhusia na na swala hili

   Nchi ya wagerasi ilikuwa inakaliwa na wayahudi wengi walioasi na kufuata mambo ya mataifa, swala la kufuga Nguruwe lisingeweza kufanywa na Wayahudi wa kawaida kwani kwao walikatazwa kula wanyama hao kwa mujibu wa sheria ya Musa, Hivyo tendo la Yesu kuruhusu pepo kuingia Nguruwe kama walivyojiombea wenyewe lilikuwa ni sehemu ya hukumu kwao kwa kuishi kinyume cha sheria ya Musa,Jambo hili linathibitishwa na maombi ya mapepo “asiwapeleke nje ya nchi ile” maana yake kutokana na uasi uliokuwepo katika nchi ile mapepo bado yalikuwa na kazi katika mji ule, na hivyo waliomba wasihukumiwe kabla ya wakati wala wasifungwe kwani Kristo alikuwa na mamlaka hiyo.

     Aidha inaonekana Tendo lile lilifanyika kwa kusudi la kuwafanya wachungaji wa nguruwe kuingia mjini na kutoa taarifa kwa haraka watu wamtukuze Mungu na kama sehemu ya kutoa Hesabu ya mifugo kupotea hivyo kutokuwa na Kesi.Jambo hili liliwafanya wagerasi waogope na kumsihi Yesu aondoke mipakani mwao.

    Katika eneo hili pia tunaona jinsi thamani ya mwanadamu ilivyo bora nguruwe walikuwa wapata 2000 kwa sasa kilo ya nyama ya nguruwe ni kati ya 6000/- kwa wastani chukua 6000 zidisha mara 100 yaani kilo za nguruwe mmoja mara 2000 idadi ya nguruwe woote utapata gharama ya 120,000,000/yaani Bilioni moja na milioniishirini. Hasara waliyoipata wagerasi hailinganishwi na roho moja ya mtu anayepokea wokovu hivyo Kristo alitaka kuonyesha ni jinsi gani Roho ya Mtu ina thamani.

   Jambo lingine ni kuonyesha wingi wa pepo ambao walijitaja kuwa ni jeshi legion kwa kawaida kikosi cha askari wa kirumi kilichoitwa legion kilibeba askari 6000 au zaidi,Pepo hao walikuwa ni wengi na isingeliwezekana watu kujua Mtu huyu anateswa na pepo wengi kiasi gani kama Masihi hangeuliza Maswali na pia kuruhusu Pepo hao kuingia Nguruwe, hii ilisaidia wanafunzi na jamii kujua ni wingi wa mapepo kiasi gani wakati mwingine hutesa watu,Kwa bahati nzuri pia nguruwe hao walikufa baharini, hii haimaanishi kuwa Nguruwe woote wana mapepo.Tendo la Masihi hapo halina uhusiano na kula au kutokula nguruwe bali thamani ya mtu na mateso yanayotokana na Mshetani ambayo waislamu ni rafiki zao.

Kwa kuhitimisha Mjenzi mwenye hekima nawaalika watu wote duniani msiwe na wasiwasi wa kula kiti moto na wanyama wengineo mnaojisikia kuwala Karibuni

“Maana msingi mwingine hakuna awezaye kuuweka isipokuwa ule uliokwisha kuwekwa yaani Yesu Kristo” makala na Mkuu wa wajenzi mwenye Hekima, Rev. Innocent Kamote 1Wakoritho 3:10-11

UJUMBE : MWENYEZI MUNGU ANAPOTUTENDA MAMBO MACHUNGU SANA!

Ruthu 1 : 19-22

Biblia inasema hivi:-

“19. Hivyo hao wakaendelea wote wawili hata walipofika Bethlehemu. Na ikawa walipofika Bethlehemu, mji wote ulitaharuki kwa habari zao. Nao wanawake wakasema, Je! Huyu ni Naomi? 20. Akawaambia, Msiniite Naomi niiteni Mara,kwa sababu Mwenyezi Mungu amenitenda mambo machungu sana.21. Mimi nalitoka hali nimejaa, naye Bwana amenirudisha sina kitu, kwani kuniita Naomi, ikiwa Bwana ameshuhudia juu yangu, na Mwenyezi Mungu amenitesa?

     Nyakati za Biblia hususani nyakati za agano la kale watu wengi sana walipopatwa na mabaya walifikiri kuwa mabaya hayo yanatoka kwa Mungu, ni muhimu kufahamu kuwa mambo mabaya na machungu sana hutoka kwa Yule Muovu, lakini hata hivyo wakati mwingine ni kwa ruhusa ya Mungu, Mungu huweza kuruhusu mabaya yatupate kwaajli ya utukufu wake, na katika nyakati nyingine Mungu katika hekima yake huweza kuyatumia mambo mabaya ili kutuletea mambo mema!

Katika Mistari ile tuliyoisoma Ruthu 1:19-22 tumesoma habari za mwanamke aliyeitwa Naomi (mwenye kupendeza ndio maana ya Jina lake) akirudi Bethelehem na mkwewe wakiwa katika hali ngumu sana na wimbi la umasikini na kufilisika huku kila mmoja akiwa hajui maisha yake yatakuwaje mbeleni (No feature), Matumaini yake yote aliyokuwanayo yalitoweka, alikuwa na uchungu uliokuwa umemzunguka na ni uchungu wa mauti tu na hakukuwana tumaini la uhai, jumla ya mawazo yake ni kuwa Mwenyezi Mungu amemtenda mambo machungu sana

Ruthu 1-13 aliona ni kama mkono wa Bwana umeondoka juu yake ni kama vile Mungu hashughuliki naye tena

Alikuwa na Mume aliyeitwa Elimeleki Maana yake Mungu ndiye Mfalme au Mtawala

Alikuwa na mtoto wa kiume mkubwa aliyeitwa Maloni maana yake Magonjwa

Na wa kiume mdogo aliyeitwa Kilioni maana yake Kufilisika

Historia ya Familia hii inaonekana kama waliokuwa wakijaribu kuokoa maisha yao kwa vile walikimbia njaa katika nchi ya Israel huko Bethelehem na kuelekea nchi ya Moabu Jordani ya leo kwaajili ya chakula lakini  familia hii ilikutana na wakati mgumu kwani ni wazi kuwa wakati Maloni anazaliwa ilikumbwa na magonjwa mazito na labda ndio maana  walimpa mtoto wao jina hilo na huenda walipokuwa huko moabu walifilisika kabisa na ndio maana walimuita mtoto wa pili kilioni yaani kufilisika na kama haitoshi ingawa kilioni na maloni walioa mara Baba yao alifariki, kisha Maloni na kisha kilioni bila kuacha watoto, na Naomi alijikuta maebaki na wakwe vijana Orpa na Ruthu, katika hali ya mashaka makubwa Naomi aliwasihi wakweze kurejea makwao katika hali ya ukwasi mkubwa Orpa alikubali huyu alikuwa mke wa Maloni na Ruthu alikazia kubakia na mkwewe huyu alikuwa mke wa kilioni

Hali ya Naomi ilikuwa ni ya kusikitisha nay a majonzi mno hakutamani tena kuitwa Naomi bali mara yaani machungu, mkwewe alifuatana naye katika hali hiyo ya umauti na kukosekana kwa matumaini, kazi kubwa aliyofanya ni kuokota ngano na masazo yaliyosazwa na waliovuna Ngono huko Bethelehemu

Mkwe wa naombi Ruthu aliyekuwa mwaminifu na kuendelea kumtunza mkwewe hatakatika hali ya umasikini na shida alipata mchumba na kuolewa sawa na desturi zao na Mchumba huyu aliitwa Boazi na baada ya kumuoa Ruthu walipata mtoto wa kiume na Kumuita Obedi yaani Kurejezewa Uhai! Huyu Obedi alimzaa Yese na Yese alimzaa Mfalme Daudi

Msomaji wangu mpendwa Mungu huweza kuruhusu mambo machungu yatupate, na wakati mwingine tukafikiri kuwa umefika mwisho wetu, hatuwezi kuinuka tena hata maadui zetu na wale wasiotutakia mema wanaweza kufikiri kuwa mwisho wetu umefika, lakini ninazo habari njema kwako leo kuwa Mungu amerejeza Uhai, haijalishi ni magumu kiasi gani unapitia Mungu yuko Nyuma ya mambo ili kusababisha mambo mema yatokee Na  ndio maana njia zake hazichunguziki wala mawazo yake si kama  ya wanadamu njia zake ziko juu sana na hekima yake kwa wanadamu ni ujinda Lakini upumbavu wa Mungu una hekima kuliko Hekima ya wanadamu Hatupaswi kumlaumu Mungu kwa lolote tunalolipitia au linalotutokea, Mshukuru Mungu kwa Kila Jambo

Na Rev. Innocent Kamote Mkuu wa Wajenzi mwenye Hekima!