Mariam mama yake Bwana Yesu!

Mstari wa Msingi: Luka 1:26-33 “Mwezi wa sita, malaika Gabrieli alitumwa na Mungu kwenda mpaka mji wa Galilaya, jina lake Nazareti, kwa mwanamwali bikira aliyekuwa ameposwa na mtu, jina lake Yusufu, wa mbari ya Daudi; na jina lake bikira huyo ni Mariamu. Akaingia nyumbani kwake akasema, Salamu, uliyepewa neema, Bwana yu pamoja nawe. Naye akafadhaika sana kwa ajili ya maneno yake, akawaza moyoni, Salamu hii ni ya namna gani? Malaika akamwambia, Usiogope, Mariamu, kwa maana umepata neema kwa Mungu.  Tazama, utachukua mimba na kuzaa mtoto mwanamume; na jina lake utamwita Yesu. Huyo atakuwa mkuu, ataitwa Mwana wa Aliye juu, na Bwana Mungu atampa kiti cha enzi cha Daudi, baba yake. Ataimiliki nyumba ya Yakobo hata milele, na ufalme wake utakuwa hauna mwisho”

 

 

Maana ya jina Mariam.

Jina Mariam au Maria limetokana na jina la Kiyunani Maria na kwa kiaram Maria, kwa kiibrania Miriam kwa kiarabu Maryam ni Jina maarufu sana katika maandiko ya Kikristo na Kiislamu, Mariam ni mwanamke anayesadikiwa kuwa alibarikiwa sana kutokana na kupata neema ya Kumzaa mwokozi wa Ulimwengu yaani Bwana Yesu Kristo (Masihi). Jina hili Mariam maana yake ni mtumishi wa Mungu!

Mariam anatajwa kama mwanamke aliyekuwa mwanamwali yaani Bikira aliyekuwa anakaribia kuolewa au aliyekuwa amechumbiwa anasifiwa kwa sifa kubwa ya kuwa mwanamke mwaminifu aliyejitunza na mnyenyekevu aliyekuwa na uelewa wa juu sana kuhusu Neno la Mungu na Mapenzi ya Mungu. Mwanamke huyu alikuwa na asili ya ukoo wa Daudi ingawa aliishi Galilaya katika mji mdogo wa Nazareth kama yanenavyo maandiko yaani Agano jipya na Quran

Mwanamke huyu shujaa anatwaja na maandiko yote agano jipya na Quran kwamba alikuwa Bikira na alikuwa amebakiza muda tu wa kufungishwa ndoa kwa Yusufu ambaye naye pia alikuwa wa ukoo wa Mfalme Daudi, Bikira wa aina hii aliitwa PARTHENOS kwa kiyuinani yaani mwana mwali, aliyekuwa tayari kwa kutimiza tu ibada ya ndoa, alionekana kuwa ana mimba ni mimba ambayo vitabu vitakatifu vinaeleza wazi kuwa haikutokana na uashetari wala mbegu za kiume za mwanamume awaye yote, bali zilitokana na muujiza wa kiungu sawasawa na jinsi alivyotabiri nabii Isaya “TAZAMA BIKIRA ATACHUKUA MIMBA NAYE ATAZAA MWANA WA KIUME NAYE WATAMUITA JINA LAKE IMANUEL YAANI MUNGU PAMOJA NASI” 

Isaya 7:14 “Kwa hiyo Bwana mwenyewe atawapa ishara. Tazama, bikira atachukua mimba, atazaa mtoto mwanamume, naye atamwita jina lake Imanueli.”

Tukio hili halikuweza kumuumiza Yusufu kwa vile alikuwa na uelewa mpana wa Mapenzi ya Mungu aidha malaika wa bwana mjumbe wa Mungu Gabriel alimtokea na kumpa ufafanuzi kuhusu ujauzito huo, ni kutokana na hali hii Mariam aliambatana na Yusufu mpaka Bethelehemu kwaajili ya kuhesabiwa kutokana na amri ya Kaisari Augusto kwamba wahesabiwe watu wa utawala wake kila mmoja kwao na kwa vile Yusufu na Mariamu kwa asili ni watu wa Bethelehemu huko Uyahudi walikwenda huko ili wahesabiwe na kwa bahati nzuri Masihi alizaliwa huko, ili kutimiza Unabii wa Mika katika Mika 5:2 kwamba “Bali wewe, Bethlehemu Efrata, uliye mdogo kuwa miongoni mwa elfu za Yuda; kutoka kwako wewe atanitokea mmoja atakayekuwa mtawala katika Israeli; ambaye matokeo yake yamekuwa tangu zamani za kale, tangu milele.”

Mwanamke huyu maarufu anatajwa kama mara 50 hivi katika injili, Quran imempa Sura maalumu iitwayo Surat al  Maryam  na inasemekana Quran inamtaja mara nyingi zaidi kama mwanamke mtakatifu katika Quran Maryam ametajwa mara 70

Mariam alitokewa Malaika Gabriel na kuelezwa rasmi kuwa amechaguliwa na Mungu kuwa mama wa Masihi, ni mwanamke mwenye uwezo mkubwa sana wa kuvumilia kwani licha ya kuwa na mtoto mwema mno kama Yesu injili imethibitisha kuwa alikuwepo wakati mwanae anasulubiwa na kuuawa kwaajili ya dhambi za ulimwengu hili lilikuwa ni tukio chungu sana na lilihitaji kuyajua mapenzi ya Mungu hasa na kwa uwazi Mariamu huenda katika kipindi hiki alikumbuka maneno ya nabii mzee aliyeitwa simeon ambaye aliahidiwa na Mungu kuwa hatakufa mpaka atakapomuona Masihi mzee huyu alimweleza maneno mazito Mariamu kumuandaa tayari kwa machungu ya kusulubiwa kwa mwanae miaka michache ijayo. 

Luka 2:21-35 “Hata zilipotimia siku nane za kumtahiri, aliitwa jina lake Yesu; kama alivyoitwa na malaika kabla hajachukuliwa mimba. Kisha, zilipotimia siku za kutakasika kwao, kama ilivyo torati ya Musa walikwenda naye hata Yerusalemu, wamweke kwa Bwana, (kama ilivyoandikwa katika sheria ya Bwana, Kila mtoto mwanamume aliye kifungua mimba ya mamaye na aitwe mtakatifu kwa Bwana), wakatoe na sadaka, kama ilivyonenwa katika sheria ya Bwana, Hua wawili au makinda ya njiwa wawili. Na tazama, pale Yerusalemu palikuwa na mtu, jina lake Simeoni, naye ni mtu mwenye haki, mcha Mungu, akiitarajia faraja ya Israeli; na Roho Mtakatifu alikuwa juu yake. Naye alikuwa ameonywa na Roho Mtakatifu ya kwamba hataona mauti kabla ya kumwona Kristo wa Bwana. Basi akaja hekaluni ameongozwa na Roho; na wale wazazi walipomleta mtoto Yesu ndani, ili wamfanyie kama ilivyokuwa desturi ya sheria, yeye mwenyewe alimpokea mikononi mwake, akamshukuru Mungu, akisema, Sasa, Bwana, wamruhusu mtumishi wako, Kwa amani, kama ulivyosema;  Kwa kuwa macho yangu yameuona wokovu wako, Uliouweka tayari machoni pa watu wote; Nuru ya kuwa mwangaza wa Mataifa, Na kuwa utukufu wa watu wako Israeli. Na babaye na mamaye walikuwa wakiyastaajabia hayo yaliyonenwa juu yake. Simeoni akawabariki, akamwambia Mariamu mama yake, TAZAMA, HUYU AMEWEKWA KWA KUANGUKA NA KUINUKA WENGI WALIO KATIKA ISRAELI, NA KUWA ISHARA ITAKAYONENEWA. NAWE MWENYEWE, UPANGA UTAINGIA MOYONI MWAKO, ili yafunuliwe mawazo ya mioyo mingi.”

Mariamu hata baada ya kufufuka kwa Yesu alijiunga na wanafunzi wa kanisa la kwanza pale Yerusalem na maandiko yanamtaja kuwa aliungana katika maombi na wanafunzi na alikuwa miongozi mwa watu 120 waliojazwa Roho Mtakatifu japo kwa Mariamu huenda tukio hilo lilikuwa likijirudia kwa mara nyingine kwani Raoho wa Mungu alikuwa juu yake mapema zaidi ili aweze kukabidiwa jukumu la Kumbeba Bwana Yesu.

Kwa mujibu ya masimulizi ya kihistoria hasa ya wakatoliki na makanisa ya Othodox wanaamini kuwa mwili wake ulinyakuliwa Mbinguni moja kwa moja lakini swala hili linaitwa “Assumption” yaani inasadikiwa tu lakini hakuna uthibitisho wa moja kwa moja, Masimulizi mengine yanaeleza kuwa huenda alikuweko mpaka mwaka wa 70 AD wayahudi walipotawanywa na kupoteana na kutokuweko kwa uhakika kuwa ni wapi alifia, Mtume Yohana alipewa jukumu la kumlea Mariam lakini hata hivyo hajawahi kueleza lolote kuhusu Mwisho wake aidha baadhi ya wanawe kama Yuda aliyeandika waraka na Yakobo pia  ndugu zake bwana hawajawahi kueleza lolote kuhusu mama yao.

Mariamu anaheshimika na watu wengi sana na mamilioni ya watu wanaamini kuwa ni moja ya watakatifu muhimu sana katika dini, wengine wanaamini kuwa amewahi kuwatokea kimuujiza katika karne kadhaa, makanisa ya Othodox na Catholic na Anglican na Lutheran yanaamini kuwa kwa kuwa yesu ni Mungu na alizaliwa na Mariam basi Mariamu ni mama wa Mungu, baadhi ya mashirika ya kikatoliki kama Marian wao wanaamini na kumuita kuwa ni mama wa Mungu na wanaamini kuwa hata yeye kama ilivyo kwa yesu Kristo hakuwa na dhambi na kuwa alizaliwa pasipokuwa na dhambi, siwezi kusema lolote katika hili lakini ukweli ni kuwa Quran pia imemkubali sana Maryam na kuonyesha heshima kubwa sana juu yake akitetewa kuwa hakuwa na dhambi tofauti na mama wa Muhamad ambaye hatajwi kabisa katika kitabu hichi ukicha khadithi.

Pamoja na ubora wote huu kuhusu Mariamu na utakatifu wake kwetu sisi na kwangu mimi Mariamu ni mtakatifu kama walivyo watakatifu wote katika biblia, nakubali kuwa Yesu alimuheshimu sana mama yake lakini vilevile sisi nasi tunamuheshimu sana na kama mbingu zilivyomuheshimu sana kuwa ni Mtakatifu hilo hatuna mashaka nalo, kila mtu anaweza kuwa kama Mariamu tu kama tukiyashika maneno ya Mungu Yesu alisema “MAMA NA NDUGU ZANGU NI AKINA NANI? NI WALE WANAOLISIKIA NENO LA MUNGU NA KULISHIKA”  ni imani yangu pia kuwa furaha atakayokuwa nayo Mariamu inaweza kuwa furaha ya kila mmoja anayelisikia neno la Mungu na kulishika Yesu akasema  alipoulizwa ni furaha gani aliyonayo mwanamke aliyekuzaa na kukulea alijibu AMA NI FURAHA GANI WALIYONAYO WANAOLISIKIA NENO LA MUNGU NA KULITII” 

Katika kitabu cha matendo Mariamu anaonekana akiwa muombaji sawa na waombaji wengine kama Petro na wengineo, mariamu amebarikiwa hatuna shaka na hilo, Mariamu ytuko mbinguni kama watakatifu wengine hatuna shaka na hilo, Lakini Mariamu sio njia na kweli na uzima, yeye sio njia ya kumfikia Mungu aliye hai, yeye sio njia ya kutumika kutuombea kwa baba mbinguni, yeye sio mama wa Mungu, wala sio mke wa Mungu, yeye aliendelea kuwa mke wa Yusufu na alizaa watoto sita zaidi ukiacha Yesu mwanawe wa kwanza aliyemzaa kwa muujiza soma Mathayo 13:54-56 “ Na alipofika nchi yake, akawafundisha katika sinagogi lao, hata wakashangaa, wakasema, Huyu amepata wapi hekima hii na miujiza hii? Huyu si mwana wa seremala? Mamaye si yeye aitwaye Mariamu? Na nduguze si YAKOBO, NA YUSUFU, NA SIMONI, NA YUDA? Na MAUMBU  (Dada zake) yake wote hawapo hapa petu? Basi huyu amepata wapi haya yote?”

Kama u mwanafunzi wa Biblia utaona wazi kuwa ndugu zake Yesu wametajwa katika Biblia Yakobo. Yusufu, Simoni na Yuda yaaninkaka wane na neno maumbu maana yeke dada zake ambao inakisiwa walikuwa wawili hivyo jumla ya wana wa Mariamu ni Saba na aliozaa na Yusufu ni sita, so kama Mariamu ni mama wa Mungu basi pia ni mama wa wanadamu! Kumbuka ni Yesu pekee ndie alikuwa mwana wa miujiza na yusufu aliendelea kuzaa na kufurahia maisha yake na Mariam inasadikiwa tu kuwa Yusufu alifariki mapema zaidi.

Wakati watu wanakazania kumuomba Mariamu ni muhimu kujikumbusha kuwa Mariamu alikuwa akimuomba Yesu pamoja na wanafunzi wake aliungana nao katika maombi Matendo ya Mitume 1:12-14 “Kisha wakarudi kwenda Yerusalemu kutoka mlima ulioitwa wa Mizeituni, ulio karibu na Yerusalemu, wapata mwendo wa sabato.Hata walipoingia, wakapanda orofani, walipokuwa wakikaa; Petro, na Yohana, na Yakobo, na Andrea, Filipo na Tomaso, Bartholomayo na Mathayo, Yakobo wa Alfayo, na Simoni Zelote, na Yuda wa Yakobo. Hawa wote walikuwa wakidumu kwa moyo mmoja katika kusali, pamoja nao wanawake, na Mariamu mama yake Yesu, na ndugu zake.” Unaona Mariamu mama yake Yesu na ndugu zake walikuwa miongoni mwa watu waombaji waliokuwa wakimuomba Mungu kwa jina la Yesu, dhana inayojengwa na baadhi ya watu wanaotaka kupotoshja maandiko wakisema kuwa Mariamu ni muombezi wanajenga hoja kupitia muujiza wa kana ya Galilaya wakati Yesu alipohudhuria harusini na kisha watu wakatindikiwa na Divai, Mariamu alikuja kumuomba Yesu na kumpa taarifa ya kutoikuweko kwa Divai Yesu hakukubali kwa urahisi kwani mariamu alitaka Yesu atumie uwezo wake wa kimuuijiza kabla ya wakati wa Mungu, hata hivyo alimuomba kwa imani na kuwagiza wanafunzi wake kuwa atakalowaagiza walifanye dhana hii haitufundishi kumuomba mariamu aku kumfanya mariamu kuwa ni muombezi bali inatufundisha kuwa tukiwa na uhitaji wowote ni lazima tumweleze Bwana yesu kwa imani naye ataenda Yohana  2:1-9 “Na siku ya tatu palikuwa na arusi huko Kana, mji wa Galilaya; naye mama yake Yesu alikuwapo. Yesu naye alikuwa amealikwa arusini pamoja na wanafunzi wake. Hata divai ilipowatindikia, mamaye Yesu akamwambia, Hawana divai. Yesu akamwambia, Mama, tuna nini mimi nawe? Saa yangu haijawadia. Mamaye akawaambia watumishi, Lo lote atakalowaambia, fanyeni. Basi kulikuwako huko mabalasi sita ya mawe, nayo yamewekwa huko kwa desturi ya Wayahudi ya kutawadha, kila moja lapata kadiri ya nzio mbili tatu. Yesu akawaambia, Jalizeni mabalasi maji. Nao wakayajaliza hata juu. Akawaambia, Sasa tekeni, mkampelekee mkuu wa meza. Wakapeleka. Naye mkuu wa meza alipoyaonja yale maji yaliyopata kuwa divai, (wala asijue ilikotoka, lakini watumishi walijua, wale walioyateka yale maji),” 

Ni muhimu kufahamu kuwa Yesu Kristo ni Mkuu kuliko Mariam, neema aliyopewa Mariamu ilikuwa ni kushiriki Baraka kubwa ya kumleta masihi Duniani, Lakini Mungu hajamfanya Mariamu kuwa mwombezi kwa sababu zozote zile Makuhani waombezi wote katika uyahudi walikuwa wanaume, Mariamu hakuwa nabii kama ilivyokuwa kwa Miriam wa agano la kale aliyekuwa Dada wa Musa na Haruni,  alikuwa ni mwanamke shujaa jasiri na mwenye imani katika kutunza neno na ahadi za Mungu, Mungu hajawahi kumfanya Mariamu kuwa malkia wa Mbinguni wala hajawahi kumfanya mariamu kuwa sehemu ya ibada, Mariam atasikitika sana kama atarudi duniani na kukuta akuombwa na kuabudiwa kama Mungu kwa unyenyekevu aliokuwa nao angeshangaa kukuta kufuru hii.

Njia pekee ya kumfikia Mungu ni Yesu naye ndiye kipatanisho pekee kati ya Mungu na wanadamu, 1Yohana 2:1-2 “Watoto wangu wadogo, nawaandikia haya ili kwamba msitende dhambi. Na kama mtu akitenda dhambi tunaye Mwombezi kwa Baba, Yesu Kristo mwenye haki, naye ndiye kipatanisho kwa dhambi zetu; wala si kwa dhambi zetu tu, bali na kwa dhambi za ulimwengu wote.” 

Unapotumia Muda wako kumuomba Mungu kupitia Mariamu unapoteza lengo la maombi yako huku ukiwa na nia nzuri lakini sio ya kimaandiko ni vema dua zetu na maombi yetu tukamuombababa wa Mbinguni kwa njia ya mwanae Yesu Kristo pekee

Yohana 16:23-24 “Tena siku ile hamtaniuliza neno lo lote. Amin, amin, nawaambia, Mkimwomba Baba neno lo lote atawapa KWA JINA LANGU.  Hata sasa hamkuomba neno KWA JINA LANGU; ombeni, nanyi mtapata; furaha yenu iwe timilifu.”

 

Wengi hawana furaha hawajawahi nkufurahia uwepo wa Mungu na utendaji wa Mungu kwa sababu hawajawahi kuomba kwa jina la Yesu wamedanganywa na kudanganyika wakiomba kupitia majina mengine Yesu Mwenye yu ashauri hivi Yohana 14:13-14 “Nanyi mkiomba lo lote kwa jina langu, hilo nitalifanya, ili Baba atukuzwe ndani ya Mwana. Mkiniomba neno lo lote kwa jina langu, nitalifanya”: ni jambo la kusikitisha sana katika Karne hii ya uwazi na ukweli yautafiti na ujuzi ya hekima na maarifa neno la mungu liko wazi kila mahali bado kuna watu wanatumia jina la Mariamu katika maombezi, ni malizie kwa kusema kuwa Roho Mtakatifu ndiye anayetuombea kwa kuugua kusikoweza kutamkwa.

Kama hujui kuomba ruhusu Roho Mtakatifu akufundisha kuomba maana yeye ndio muombezi mkuu na sio Mariamu Warumi 8:26-27 “Kadhalika Roho naye hutusaidia udhaifu wetu, kwa maana hatujui kuomba jinsi itupasavyo, lakini Roho mwenyewe hutuombea kwa kuugua kusikoweza kutamkwa. Na yeye aichunguzaye mioyo aijua nia ya Roho ilivyo, kwa kuwa huwaombea watakatifu kama apendavyo Mungu.” 

Ni imani yangu kuwa utaifahamu kweli nayo itakuweka Huru katika jina la Yesu Kristo aliye hai amen!

Rev. Innocent Kamote

Mkuu wa wajenzi mwenye Hekima       

Je ! Mifupa hii yaweza kuishi?

Mstari wa Msingi: Ezekiel 37:1-3 “.Mkono wa Bwana ulikuwa juu yangu, naye akanichukua nje katika roho ya Bwana, akaniweka chini, katikati ya bonde; nalo limejaa mifupa; akanipitisha karibu nayo pande zote; na tazama, palikuwa na mifupa mingi katika ule uwanda! Nayo, tazama, ilikuwa mikavu sana.  Akaniambia, Mwanadamu, je! Mifupa hii yaweza kuishi? Nami nikajibu, Ee Bwana MUNGU, wajua wewe”.

Je! mifupa hii yaweza Kuishi?

Utangulizi:

Ni muhimu kufahamu kuwa Wana wa Israel walikuwa wameokolewa na Mungu kwa uweza mkubwa sana wote tunakumbuka jinsi Mungu alivyomuadhibu farao kwa mapigo mazito chini ya mkono wa Mtumishi wake Musa na Haruni, mpaka Mungu alivyojipatia taifa na kulistawisha katika nchi ya mkanaani na kuwa na ustawi mkubwa sana chini ya waamuzi na wafalme. Hata hivyo ni jambo la kusikitisha kuwa baada ya muda mfupi, walimuacha Mungu na kuabudu miungu na kumpuuzia Mungu aliyewaokoa, ukweli ni kuwa walisahau historia nzima na kugeukia njia zao, Hivyo Mungu aliruhusu waweze kwenda utumwani tena.

Mwaka kama wa 722BK na 586BK  Mungu aliruhusu Israel kuchukuliwa uhamishoni na Yuda kuchukuliwa uhamishoni Babeli chini ya utawala wa mfalme Nebuchadnezer, Jeshi la Nebuchadnezer liliizingira Yerusalem na kuharibu na kusambaratisha vibaya Hekalu lililokuwako Yerusalem na kulichoma moto kuwa majivu, na wayahudi walichukuliwa kwenda Utumwani Babeli, hiki ndio kilikuwa kifo cha Taifa hili na mwisho wa matumaini yao. Huu ulikuwa ni msiba mkubwa sana ambao haukuwa na matumaini ya kuupoza.

Daniel 1:1-4 “Katika mwaka wa tatu wa kumiliki kwake Yehoyakimu, mfalme wa Yuda, Nebukadreza mfalme wa Babeli,alikwenda Yerusalemu akauhusuru.Bwana akamtia Yehoyakimu, mfalme wa Yuda, katika mkono wake, pamoja na baadhi ya vyombo vya nyumba ya Mungu; naye akavichukua mpaka nchi ya Shinari, mpaka nyumba ya mungu wake; akaviingiza vile vyombo katika nyumba ya hazina ya mungu wake.  Mfalme akamwambia Ashpenazi, mkuu wa matowashi wake, awalete baadhi ya wana wa Israeli, wa uzao wa kifalme, na wa uzao wa kiungwana;  vijana wasio na mawaa, wazuri wa uso, wajuzi wa hekima, werevu kwa sababu ya maarifa yao, wenye kufahamu elimu, watakaoweza kusimama katika jumba la mfalme; tena alimwambia awafundishe elimu ya Wakaldayo, na lugha yao.”    

Katika wakati huu watu wazuri na vijana wazuri na kila kitu kizuri kilichukuliwa utumwani Yerusalem ilibaki ukiwa huku kukiwa hakuna matumaini tena, Ezekiel nabii alikuwa ni miongozi mwa watu waliochukuliwa utumwani kwa mujibu wa historia.

Ni katika wakati huu sasa Ndipo Mungu alimwambia nabii Ezekiel katika maono aweze kuangalia bonde hili lisilo na matumaini, bonde lenye umauti usio na tumaini la kurejea tena na mifupa ilikuwa imetapakaa na ni mikavu hakukuwa na matumaini ya uhai na ndipo Mungu alipomuuliza Ezekiel swali hili Je mifupa hii mikavu yaweza kuishi?

Kwa ukweli maono haya yalikuwa yanalihusu Taifa la Israel kwa wakati huo kwa sababu walikuwa wamekata tamaa, walikuwa wamepoteza tumaini, waliona mauti na kujihisi kuwa ni kama wamekatiliwa mbali Ezekiel 37:11 “Kisha akaniambia, Mwanadamu, mifupa hii ni nyumba yote ya Israeli; tazama, wao husema, Mifupa yetu imekauka, matumaini yetu yametupotea; tumekatiliwa mbali kabisa.”ni kweli kuwa hakukuwa na namna na jinsi ya kujiokoa kutoka katika msiba huo, kwani watu wengi waliuawa na wengine walichukuliwa kwenda utumwani , Israel iilikuwa tayari limegeuka kuwa bonde lisilo na uhani, na ni lenye mauti sisyo na matumaini hii ilikuwa ni picha ya kukosekana kwa matumaini.

Tukio la jinsi hii lilijirudia tena Israel waliporudi tena kutoka utumwani, walipata Hekalu na Yesu alikuja lakinimnamo mwaka wa 70 hivi walitawanywa kotekote uhamishoni duniani na hakukuwa na matumaini tena na hekalu lilibomolewa lakini ilipofika 1948 Israel ilipata uhuru wake na kufanyika taifa tena Mungu ni mwaminifu kwa watu wake Historia inatushuhudia.

Hali hii sio tu kuwa ilikuwa inaihusu Israel wakati ule, lakini inawezekana ikawa inatuhusu sisi nasi katika siku hii ya leo, inawezekana uko mahali hapa unaisikia sauti hii, au unasoma makala hii, lakini ukiwa katika hali ya uzuni nzito inayokukabili, moyoni mwako ukiwa umepoteza matumaini, huoni nuru mbele matumaini yako yamepotea, una vyeti kadhaa vya madaktari, una shuhuda kadhaa za watu wenye tatizo kama lako na wote mmeambia kuwa tatizo lako haliwezekani, inawezekana ni wachawi wameharibu ukoo wenu, ni adui zako wamesema wale tumewaweza kwa hali hii hawachomoki tena, hawainuki tena uko katika giza nene, inawezekana watu wakakuona una-smile lakini Moyoni huna amani ya kweli, moyoni ni misiba, moyoni ni kukavu, hufurahii uwepo wa Bwana, unalia kilio cha ndani unajiuliza matumaini yatatokea wapi? Unajiuliza kehso itakuwaje? Unajiuliza nawezaje kukabiliana na aibu hii? Kila kitu kimesambaratika hakuna matumaini ya kusimama tena, ndoto zako zimeyeyuka? Mambo unayotaka ni kama hayaendi?

Namshukuru Mungu kwa Jibu alilolitoa Ezekiel 37:3b “Nami nikajibu Ee Bwana Mungu wajua wewe.” Ezekiel yuko katika Bonde lililojaa mifupa mikavu tena iliyotawanyika na kwaakili za kibinadamu hakuna uwezekano wa kuweko uzima wala ufufuo, ni vigumu kukubali hali halisi ya uzima hapa ni vigumu hata kufariji we ungejibuje swali kama hili, Lakini jibu la nabii Ezekiel linaonyesha kwa sehemu alijua kuwa Mungu anaweza kuwa anaelewa zaidi.

Ezekiel ni kama alikuwa anajua kuwa Mungu anaelewa zaidi, ni yeye pekee anayeweza kuingilia kati na kufanya kitu katika mazingira ambayo akili ya mwanadamu imefika mwisho, Ezekiel alikuwa anajua kuwa Mungu anaweza kufanya lolote analolitaka, kwa Mungu hakuna linaloshindikana, Mungu akitaka mifupa hii mikavu iiishi itaishi.

Mungu amenituma leo nikutangazie kuwa yasiyowezekana kwa wanadamu, Kwa Mungu yanawezekana kwake liko tumaini kubwa sana na hupaswi kukata tamaa, kila matumaini yanayofifia katika moyo wako na ndoto zako Bwana anaweza kukuinua tena Ee bwana Mungu wajua wewe ilikuwa ni sauti ya Ezekiel akimjibu Mungu ashukuriwe Mungu Ezekiel hakusema haiwezekani, lakini alisema Mungu anajua liko tumaini katika yeye, atakufufua tena atakupa uhai, kama alivyoipa Israel uhai, wa kisiasa na kiroho na kuliponya taifa lile na kulilinda hata liko tena leo.

Mungu atakuinua tena, Simama tena changamka usikae chini na kusikitika kuwa itakuwaje iko pumzi ya uhai leo, Bwana atakuganga kwa upya, kila kilicho na uhai na kisicho na uhai kinasikia neno la Mungu leo neno la Mungu linakuja kwako kama pumzi ya uhai nawe utajua ya kuwa Bwana ndiye Mungu Ezekiel 37:4-6 “Akaniambia tena, Toa unabii juu ya mifupa hii, uiambie, Enyi mifupa mikavu, lisikieni neno la Bwana. Bwana MUNGU aiambia mifupa hii maneno haya; Tazama, nitatia pumzi ndani yenu, nanyi mtaishi. Nami nitatia mishipa juu yenu, nami nitaleta nyama iwe juu yenu, na kuwafunika ngozi, na kutia pumzi ndani yenu, nanyi mtaishi; nanyi mtajua ya kuwa mimi ndimi Bwana.” 

Nakuomea ili kwamba Bwana afufue na kurejeza matumaini yako kila yanakoonekana kufifia aku kufa katika jina la Yesu Kristo wa Nazareth aliye hai.

Ni matumaini yangu kuwa umebarikiwa na ujumbe huu ningependa kupata maoni yako kama ujumbe huu umekubariki, na ni imani yangu utakubariki, au utabariki washirika wako usisite kumshukuru Mungu japo kwa ujumbe was sms

Rev. Innocent Kamote.

Mkuu wa Wajenzi mwenye Hekima.

0718990796        

HASIRA YA BWANA !

Zaburi 90:7-11 “Ni nani aujuaye uweza wa hasira yako? Na ghadhabu yako kama ipasavyo kicho chako? Basi, utujulishe kuzihesabu siku zetu, Tujipatie moyo wa hekima. Ee Bwana urudi, hata lini? Uwahurumie watumishi wako. Utushibishe asubuhi kwa fadhili zako, Nasi tutashangilia na kufurahi siku zetu zote.  Utufurahishe kwa kadiri ya siku ulizotutesa, Kama miaka ile tuliyoona mabaya. Matendo yako na yaonekane kwa watumishi wako, Na adhama yako kwa watoto wao. Na uzuri wa Bwana, Mungu wetu, uwe juu yetu, Na kazi ya mikono yetu utufanyie thabiti, Naam, kazi ya mikono yetu uithibitishe.” 

• ·         Mifano ya kibiblia inayoonyesha kuweko kwa Hasira ya Mungu.
• ·         Sababu ya kuweko kwa hasira ya Mungu.
• ·         Hasira ya Mungu inafunuliwa namna gani.
• ·         Hatima ya Hasira ya Mungu.
• ·         Namna ya kujiokoa na hasira ya Mungu ijayo:

Utangulizi:

“Hasira ni hisia kali zinazotokea wakati jambo linalofikiriwa kuwa baya au lisilofaa au lisilola haki linapokuwa limetendeka” wanadamu kwa kawaida huwa wana hasira, Na hali kadhalika Mungu katika nyakati fulani fulani hufikia kiwango cha kutokuendelea kuwavumilia wanadamu pale wanapotenda yasiyopaswa! Neno la Mungu limejaa mifano mingi inayoonyesha juu ya hasira za Mungu pale wanadamu walipotenda kinyume na mapenzi yake!

Musa alifahamu kuwa Mungu ndiye aliyekuwa akiwaongoza wana wa Israel, aliona jinsi Mungu alivyowaokoa Israel kwa uweza mkubwa, kupitia mapigo yale 10 na vilevile namna alivyowaokoa Israel kwa kuwavusha bahari ya shamu na kumwangamiza Farao na majeshi yake yote kwa sababu walikuwa wakijaribu kupingana na mpango wake dhidi ya watoto wake na taifa lake teule, lakini vilevile Musa alishuhudia Mungu akiwaangamiza walwi 250 baada ya kuivuka bahari ya shamu, kwa hiyo sasa Musa alikuwa na ufahamu wa kutosha kuhusu Hasira za Mungu.

Mifano ya kibiblia inayoonyesha kuweko kwa Hasira ya Mungu.

Mungu anapokasirika hufanya matukio ya kutisha sana hasira za Mungu huja pale wanadamu wanaposimama kinyume na mpango wake na kutaka kuvuruga makusudi yake na kuishi maisha ya dhambi, Mungu aliiharibu miji ya Sodoma na Gomora kwa sababu ya maisha mabaya na machafu., Mungu alimuhurumia Lutu tu na familia yake kwa sababu ya Haki, lakini wengine wote na mji mzima aliusambaratisha Maandiko yanaonyesha katika sehemu kadhaa jinsi Mungu anavyochukizwa na dhambi

·       Mapema sana wanadamu walipokuwa wakiongezeka juu ya uso wa dunia na kuacha njia za Mungu Mungu aliweza kuifunua Hasira yake takatifu na kuwafutilia mbali wanadamu wote juu ya uso wa nchi Mwanzo 6:1-8 “.Ikawa wanadamu walipoanza kuzidi usoni pa nchi na wana wa kike walizaliwa kwao, wana wa Mungu waliwaona hao binti za wanadamu ya kuwa ni wazuri; wakajitwalia wake wo wote waliowachagua.  BWANA akasema, Roho yangu haitashindana na mwanadamu milele, kwa kuwa yeye naye ni nyama; basi siku zake zitakuwa miaka mia na ishirini. Nao Wanefili walikuwako duniani siku zile; tena, baada ya hayo, wana wa Mungu walipoingia kwa binti za binadamu, wakazaa nao wana; hao ndiyo waliokuwa watu hodari zamani, watu wenye sifa. BWANA akaona ya kuwa maovu ya mwanadamu ni makubwa duniani na kwamba kila kusudi analowaza moyoni mwake ni baya tu sikuzote.BWANA akaghairi kwa kuwa amemfanya mwanadamu duniani, akahuzunika moyo. BWANA akasema, Nitamfutilia mbali mwanadamu niliyemwumba usoni pa nchi; mwanadamu na mnyama, na kitambaacho na ndege wa angani; kwa maana naghairi ya kwamba nimewafanya. Lakini Nuhu akapata neema machoni pa BWANA.”

·         Aidha Hasira takatifu ya Mungu ilifunuliwa pale wanadamu walipopingana na makusudi yake ya kutawanyika na kuijaza Dunia na hivyo Mungu alishuka na kuwachafulia usemi Mwanzo 11:1-9 “Nchi yote ilikuwa na lugha moja na usemi mmoja. Ikawa watu waliposafiri pande za mashariki waliona nchi tambarare katika nchi ya Shinari; wakakaa huko. Wakaambiana,Haya, na tufanye matofali tukayachome moto. Walikuwa na matofali badala ya mawe, na lami badala ya chokaa.  Wakasema, Haya, na tujijengee mji, na mnara, na kilele chake kifike mbinguni, tujifanyie jina; ili tusipate kutawanyika usoni pa nchi yote. BWANA akashuka ili auone mji na mnara waliokuwa wakiujenga wanadamu. BWANA akasema, Tazama, watu hawa ni taifa moja, na lugha yao ni moja; na haya ndiyo wanayoanza kuyafanya, wala sasa hawatazuiliwa neno wanalokusudia kulifanya. Haya, na tushuke huko, tuwachafulie usemi wao ili wasisikilizane maneno wao kwa wao. Basi BWANA akawatawanya kutoka huko waende usoni pa nchi yote; wakaacha kuujenga ule mji. Kwa sababu hiyo jina lake likaitwa Babeli; maana hapo ndipo BWANA alipoichafua lugha ya dunia yote; na kutoka huko BWANA akawatawanya waende usoni pa nchi yote.”

·         Hasira ya Munguiliweza kudhihirika pale watu wa miji ya Sodoma na Gomora walipoanza kufuata uchafu na kushiriki ngono za jinsia moja, Mungu aliteketeza kila kitu katika mji wa Sodoma na Gomora , waona watoto wao na mali zao na kila walichokuwa wakikimiliki Mwanzo 18:17-21 “BWANA akanena, Je! Nimfiche Ibrahimu jambo nilifanyalo, akiwa Ibrahimu atakuwa taifa kuu, hodari, na katika yeye mataifa yote ya dunia watabarikiwa? Kwa maana nimemjua ya kwamba atawaamuru wanawe, na nyumba yake baada yake waishike njia ya BWANA, wafanye haki na hukumu, ili kwamba BWANA naye akamtimizie Ibrahimu ahadi zake. BWANA akasema, Kwa kuwa kilio cha Sodoma na Gomora kimezidi, na dhambi zao zimeongezeka sana, basi, nitashuka sasa nione kama wanayotenda ni kiasi cha kilio kilichonijia; na kama sivyo, nitajua”. Kumbuka kuwa watu wa Sodoma hawakuwa na Biblia hawakuwa na manabii wala viongozi wa dini lakini hiyo haikuwa tiketi ya Mungu kuwaacha watu waishi bila uadilifu, Mungu anataka watu waishi kwa uadilifu ili kuepuka hasira zake.

·         Hasira za Mungu zinafunuliwa katika kitabu cha kutoka Pale Kora, Dathan na Abiramu waliposhindana na Mtumishi wa Mungu Musa katika Hesabu 16:1-21 “Basi Kora, mwana wa Ishari, mwana wa Kohathi, mwana wa Lawi, akatwaa watu, pamoja na Dathani na Abiramu, wana wa Eliabu, na Oni, mwana wa Pelethi, waliokuwa wana wa Reubeni; nao, pamoja na watu kadha wa kadha wa wana wa Israeli, watu mia mbili na hamsini, Wakuu wa mkutano, waliokuwa wateule wa mkutano, watu wenye sifa, wakainuka mbele ya Musa; nao wakakusanyika kinyume cha Musa na Haruni, na kuwaambia, Ninyi inawatosha, kwa kuwa mkutano wote ni mtakatifu, kila mmoja miongoni mwao, Bwana naye yu kati yao; n'nini basi kujitukuza juu ya mkutano wa Bwana?  Musa aliposikia maneno haya, akapomoka kifudifudi; kisha akanena na Kora na mkutano wake wote, akawaambia, Asubuhi Bwana ataonyesha ni kina nani walio wake, kisha ni nani aliye mtakatifu, tena ni nani atakayemkaribisha kwake; maana, yeye atakayemchagua ndiye atakayemsongeza kwake. Fanyeni neno hili; twaeni vyetezo, ninyi Kora na mkutano wake wote; vitieni na moto, mkaweke na uvumba juu yake mbele za Bwana kesho; kisha itakuwa ya kwamba mtu Bwana atakayemchagua, yeye atakuwa mtakatifu; inawatosha ninyi, enyi wana wa Lawi.

Musa akamwambia Kora, Sikizeni basi, enyi Wana wa Lawi; Je! Mwaona kuwa ni jambo dogo kwenu, kuwa Mungu wa Israeli amewatenga ninyi na mkutano wa Israeli, ili apate kuwakaribisha kwake; ili mfanye utumishi wa maskani ya Bwana, na kusimama mbele ya mkutano ili kuwatumikia; tena ya kuwa amekuleta uwe karibu, na ndugu zako wote wana wa Lawi pamoja nawe? Nanyi, je! Mwataka na ukuhani pia? Kwa sababu hii wewe na mkutano wako wote mmekusanyika kinyume cha Bwana; na Haruni, je! Yeye ni nani hata mkamnung'unikia? Kisha Musa akatuma kuwaita Dathani na Abiramu, wana wa Eliabu; nao wakasema, Hatuji sisi; je! Ni jambo dogo, wewe kutuleta kutoka nchi iliyojawa na maziwa na asali, ili kutuua jangwani, lakini pamoja na haya wajikuza mwenyewe uwe mkuu juu yetu kabisa? Kisha, hukutuleta katika nchi iliyojawa na maziwa na asali, wala hukutupa urithi wa mashamba, na mashamba ya mizabibu; je! Unataka kuwatoboa macho watu hawa? Hatuji. Musa akakasirika sana, akamwambia Bwana. Usiikubali sadaka yao; mimi sikutwaa hata punda mmoja kwao, wala sikumwumiza hata mtu mmoja miongoni mwao. Kisha Musa akamwambia Kora, Wewe na mkutano wako wote iweni hapa mbele ya Bwana kesho, wewe, na wao, na Haruni; mkatwae kila mtu chetezo chake, na kutia uvumba juu yake, mkavilete mbele za Bwana, vyetezo mia mbili na hamsini; wewe pia, na Haruni, kila mtu na awe na chetezo chake. Basi wakavitwaa kila mtu chetezo chake, wakatia na moto ndani yake, wakatia na uvumba juu ya moto, na kusimama pale mlangoni pa hema ya kukutania, pamoja na Musa na Haruni. Kisha Kora akakutanisha mkutano wote kinyume chao mlangoni pa hema ya kukutania; na utukufu wa Bwana ukatokea mbele ya mkutano wote. Kisha Bwana akanena na Musa na Haruni, na kuwaambia, Jitengeni ninyi mkaondoke kati ya mkutano huu, ili nipate kuwaangamiza mara moja.”

·         Hasira za Mungu ziliweza kuainishwa tena kwa wana wa Israel waliposhindwa kumuamini kwamba wataingia katikia nchi ya mkanaani  Hesabu 14:1-9 “Mkutano wote wakapaza sauti zao wakalia; watu wakatoka machozi usiku ule. Kisha wana wa Israeli wote wakamnung'unikia Musa na Haruni; mkutano wote wakawaambia, Ingekuwa heri kama tungalikufa katika nchi ya Misri, au, ingekuwa heri kama tungalikufa katika jangwa hili. Mbona Bwana anatuleta mpaka nchi hii ili tuanguke kwa upanga? Wake zetu na watoto wetu watakuwa mateka; je! Si afadhali turudi Misri? Wakaambiana, Na tumweke mtu mmoja awe akida, tukarudi Misri. Ndipo Musa na Haruni wakaanguka kifudifudi mbele ya mkutano wa kusanyiko la wana wa Israeli. Na Yoshua mwana wa Nuni, na Kalebu mwana wa Yefune, waliokuwa miongoni mwao walioipeleleza nchi, wakararua nguo zao; wakanena na mkutano wote wa wana wa Israeli wakasema, Nchi ile tuliyopita kati yake ili kuipeleleza, ni nchi njema mno ya ajabu. Ikiwa Bwana anatufurahia, atatuingiza katika nchi hii atupe iwe yetu, nayo ni nchi yenye wingi wa maziwa na asali. Lakini msimwasi Bwana, wala msiwaogope wale wenyeji wa nchi, maana wao ni chakula kwetu; uvuli uliokuwa juu yao umeondolewa, naye Bwana yu pamoja nasi; msiwaogope.”

·         Wakati watu walipofanya dhambi ya manung’uniko kinyume na mpango wa Mungu Hasira za Mungu zliwaka na akaruhusu nyoka za moto kuwashughulikia Israel ingawa walikuwa watu wake Hesabu 21:4-6 “Wakasafiri kutoka mlima wa Hori kwa njia ya Bahari ya Shamu; ili kuizunguka nchi ya Edomu, watu wakafa moyo kwa sababu ya ile njia. Watu wakamnung'unikia Mungu, na Musa, Mbona mmetupandisha huku kutoka nchi ya Misri, ili tufe jangwani? Maana hapana chakula, wala hapana maji, na roho zetu zinakinai chakula hiki dhaifu. Bwana akatuma nyoka za moto kati ya watu, wakawauma, watu wengi wakafa.”

·         Katika agano jipya tunaweza kuona Jnsi mtu aliyeitwa anania na Safira walivyoweza kufanya dhambi na hatimaye walijikuta wakifutiliwa mbali wote mtu na mke wake kwa sababu ya kulidanganya kanisa Matendo 5:1-10 “Lakini mtu mmoja jina lake Anania, pamoja na Safira mkewe, aliuza mali, akazuia kwa siri sehemu ya thamani yake, mkewe naye akijua haya, akaleta fungu moja akaliweka miguuni pa mitume. Petro akasema, Anania, kwa nini Shetani amekujaza moyo wako kumwambia uongo Roho Mtakatifu, na kuzuia kwa siri sehemu ya thamani ya kiwanja? Kilipokuwa kwako, hakikuwa mali yako? Na kilipokuwa kimekwisha kuuzwa, thamani yake haikuwa katika uwezo wako? Ilikuwaje hata ukaweka neno hili moyoni mwako? Hukumwambia uongo mwanadamu, bali Mungu. Anania aliposikia maneno haya akaanguka, akafa. Hofu nyingi ikawapata watu wote walioyasikia haya. Vijana wakaondoka, wakamtia katika sanda, wakamchukua nje, wakamzika.     Hata muda wa saa tatu baadaye mkewe akaingia, naye hana habari ya hayo yaliyotokea. Petro akamjibu, Niambie, Mlikiuza kiwanja kwa thamani hiyo? Akasema, Ndiyo, kwa thamani hiyo. Petro akamwambia, Imekuwaje hata mkapatana kumjaribu Roho wa Bwana? Angalia, miguu yao waliomzika mumeo ipo mlangoni, nao watakuchukua nje wewe nawe.Mara akaanguka miguuni pake akafa; wale vijana wakaingia wakamkuta amekufa, wakamchukua nje, wakamzika pamoja na mumewe.”

Sababu ya kuweko kwa hasira ya Mungu.

Ni muhimu kufahamu kuwa Mungu ni Mungu wa haki, na moja ya malipo anayoyafanya kwa wanadamu wanapokuwa wameasi au kwenda kinyume naye biblia imeweka wazi kuwa mshahara wa dhambi ni mauti  na zawadi ya utii ni uzima wa milele Warumi 6:23 “Kwa maana mshahara wa dhambi ni mauti; bali karama ya Mungu ni uzima wa milele katika Kristo Yesu Bwana wetu.” Maandiko yanatuthibitishia wazi kuwa tukifanya dhambi yako malipo yanayotukabili Hesabu 32:23 “Lakini kama hamtaki kufanya neno hilo, ninyi mmefanya dhambi mbele za Bwana, nanyi jueni ya kwamba hiyo dhambi yenu itawapata hapana budi.” Hakuna mtu anaweza kufanya dhambi kisha akakwepa Hasira za Mungu, Ni kweli kuwa Mungu ana uvumilivu mkubwa lakini maandiko bado yanatuonya kwa uwazi kwamba dhambi huamsha hasira za Mungu.

Hasira ya Mungu inafunuliwa namna gani.

Ni muhimu kufahamu kuwa Hasira za Mungu zinafunuliwa mara kadhaa kupitia nyuso au uso wa watumishi wake na maneno ya watumishi wake au matendo ya watumishi wake, mara kadhaa utaweza kuona kimaandiko jambo lilipokuwa baya aidha lilimuuzi Mungu na mtumishi wake pia Hesabu 16:28-35 “Musa akasema, Kwa jambo hili mtajua ya kwamba Bwana amenituma, ili nifanye kazi hizi zote; kwa kuwa mimi sikuzifanya kwa akili zangu mwenyewe. Kama watu hawa wakifa kifo cha sikuzote, kama watu wote wafavyo, au kama wakipatilizwa kwa mapatilizo ya watu wote; hapo basi Bwana hakunituma mimi. Lakini Bwana akiumba kitu kipya, na hiyo nchi ikifunua kinywa chake na kuwameza, pamoja na wote walio nao, nao washukia shimoni wali hai; ndipo mtatambua ya kwamba watu hawa wamemdharau Bwana Basi ilikuwa, hapo alipokwisha kusema maneno haya yote, nchi iliyokuwa chini yao ikapasuka; nchi ikafunua kinywa chake, na kuwameza, na watu wa nyumba zao na wote walioshikamana na Kora, na vyombo vyao vyote. Basi wao, na wote waliokuwa nao, wakashukia shimoni wali hai; nayo nchi ikawafunika wakaangamia kutoka mle mkutanoni. Nao Israeli wote waliokuwa kando-kando yao wakakimbia kwa ajili ya kilio chao; kwa kuwa walisema, Nchi isije kutumeza na sisi. Kisha moto ukatoka kwa Bwana, ukawateketeza hao watu mia mbili hamsini waliofukiza uvumba.”

2Wafalme 1:1-17 “Ikawa, baada ya kufa kwake Ahabu, Moabu wakawaasi Israeli. Na Ahazia akaanguka katika dirisha la chumba chake orofani, katika Samaria, akaugua; akatuma wajumbe, akawaambia, Enendeni mkaulize kwa Baal-zebubu, mungu wa Ekroni, kwamba nitapona ugonjwa huu. Lakini malaika wa Bwana akamwambia Eliya Mtishbi, Ondoka, uende ukaonane na wale wajumbe wa mfalme wa Samaria, ukawaambie, Je! Ni kwa sababu hapana Mungu katika Israeli, hata mnakwenda kuuliza kwa Baal-zebubu, mungu wa Ekroni? Basi sasa, Bwana asema hivi, Hutashuka katika kile kitanda ulichokipanda, bali hakika utakufa. Eliya akaondoka. Wale wajumbe wakarudi, na mfalme akawaambia, Mbona mmerudi? Wakamwambia, Mtu alitokea, akaonana nasi, akatuambia, Enendeni, rudini kwa mfalme yule aliyewatuma, mkamwambie, Bwana asema hivi Je! Ni kwa sababu hapana Mungu katika Israeli, hata mnakwenda kuuliza kwa Baal-zebubu, mungu wa Ekroni? Basi kwa ajili ya hayo hutashuka katika kile kitanda ulichokipanda, bali hakika utakufa. Akawaambia, Je! Mtu yule aliyetokea, akaonana nanyi, akawaambia maneno hayo, alikuwa mtu wa namna gani? Wakamwambia, Alikuwa amevaa vazi la manyoya, tena amejifunga shuka ya ngozi kiunoni mwake. Naye akasema, Ndiye yule Eliya Mtishbi. Ndipo mfalme akatuma akida wa askari hamsini pamoja na hamsini wake, wamwendee Eliya. Akamwendea, na tazama, ameketi juu ya kilima. Akamwambia, Ewe mtu wa Mungu, mfalme asema, Shuka.  Eliya akajibu, akamwambia yule akida wa hamsini, Ikiwa mimi ni mtu wa Mungu, na ushuke moto kutoka mbinguni, ukuteketeze wewe na hamsini wako. Moto ukashuka, ukamteketeza, yeye na hamsini wake. Akatuma tena akida wa hamsini mwingine pamoja na hamsini wake, wamwendee. Akajibu, akamwambia, Ewe mtu wa Mungu, mfalme asema, Shuka upesi. Eliya akajibu, akamwambia, Ikiwa mimi ni mtu wa Mungu, na ushuke moto kutoka mbinguni, ukuteketeze wewe na hamsini wako. Moto wa Mungu ukashuka kutoka mbinguni, ukamteketeza, yeye na hamsini wake. Tena akatuma akida wa hamsini wa tatu, pamoja na hamsini wake. Yule akida wa hamsini wa tatu akapanda, akaenda akapiga magoti mbele ya Eliya, akamsihi sana, akamwambia, Ee mtu wa Mungu, nakusihi, roho yangu, na roho za watumishi wako hawa hamsini, ziwe na thamani machoni pako. Tazama, moto ulishuka kutoka mbinguni, ukawateketeza wale akida wa hamsini wawili wa kwanza pamoja na hamsini wao; laiti sasa roho yangu na iwe na thamani machoni pako. Malaika wa Bwana akamwambia Eliya, Shuka pamoja naye; usimwogope. Akaondoka, akashuka pamoja naye hata kwa mfalme. Akamwambia, Bwana asema hivi, Kwa kuwa umetuma wajumbe waulize kwa Baal-zebubu, mungu wa Ekroni, je! Ni kwa sababu hapana Mungu katika Israeli, uulize neno lake? Kwa hiyo hutashuka katika kile kitanda ulichokipanda, bali hakika utakufa. Basi akafa, sawasawa na neno la Bwana alilolinena Eliya. Na Yoramu alianza kutawala mahali pake katika mwaka wa pili wa Yehoramu mwana wa Yehoshafati mfalme wa Yuda; kwa kuwa yeye hakuwa na mwana.”

Yohana 2:14-16 “Akaona pale hekaluni watu waliokuwa wakiuza ng'ombe na kondoo na njiwa, na wenye kuvunja fedha wameketi. Akafanya kikoto cha kambaa, akawatoa wote katika hekalu, na kondoo na ng'ombe; akamwaga fedha za wenye kuvunja fedha, akazipindua meza zao;  akawaambia wale waliokuwa wakiuza njiwa, Yaondoeni haya; msiifanye nyumba ya Baba yangu kuwa nyumba ya biashara”.  

             

Hatima ya Hasira ya Mungu.

Ni muhimu kufahamu kuwa hatima ya maswala yote haya ni kuwa Mungu ataifunua hasira yake kamili kwa wampingao katika jehanamu au ziwa la moto Zaburi 9:17 “Wadhalimu watarejea kuzimu, Naam, mataifa yote wanaomsahau Mungu.” Kuzimu ni mbali na huruma ya Mungu maelezo ya kawaida kuhusu kuzimu maana yake ni mahali ambapo pamejaa moto na salfa na makaa na mawe ya moto ni shimo lenye giza huko nafsi za wote waliomkataa Mungu kwa matendo yao watahifadhiwa wakiwa katika hali ya kifo milele na milele pamoja na mashetani, Biblia inaelezea kuwa huko kutakuwa na kilio na kusaga meno ni wazi kuwa Mungu anayaandika majina ya watu wake wanaomuheshimu na kushika amri zake katika kitabu cha uzima na kama mtu hataoonekana siku ile ya hukumu atatupwa katika ziwa la Moto Ufunuo 20:15 “Na iwapo mtu ye yote hakuonekana ameandikwa katika kitabu cha uzima, alitupwa katika lile ziwa la moto.”

Namna ya kujiokoa na hasira ya Mungu ijayo:

Biblia inaonyesha njia pekee ya kuikimbia hasira hii ni kuliitia jina la bwana ili tuokolewe Warumi 10:13 “kwa kuwa, Kila atakayeliitia Jina la Bwana ataokoka.”hatima ya kila mmoja wetu inategemeana na jinsi unavyoyatoa maisha yako kwa Yesu, kuliitia jina la Bwana maana yake ni kumuamini Yesu na kumuabudu na kuzishika njia zake na kufuata mafundisho yake na kuishi mbali na dhambi ambayo ndio husababisha hasira ya Mungu aidha dhambi mshahara wake ni Mauti Warumi 6:23, “Kwa maana mshahara wa dhambi ni mauti; bali karama ya Mungu ni uzima wa milele katika Kristo Yesu Bwana wetu.” Njia pekee ya kujiokoa na na mauti hii ni sisi kumuamini Yesu Kristo na kumfanya kuwa Bwana na mwokozi wa maisha yetu na kumuomba atuokoe na dhambi maana hii ndio kazi kubwa ya mwokozi Mathayo 1:21 “Naye atazaa mwana, nawe utamwita jina lake Yesu, maana, yeye ndiye atakayewaokoa watu wake na dhambi zao”

Tunaweza kuikwepa Hasira ya Bwana kwa toba na kumkimbilia Yeye, kumbuka kuwa Yeye ni mwaminifu kama tutajinyenyekeza kwake atatuangalia, katika Ghadhabu yake atakumbuka rehema, na kutusaidia, kama tukifanya dhambi kama watu wote tufanyavyo dhambi tusimkimbie Mungu bali tukimbilie kwa Mungu.

Ni muhimu kwetu tukajiokoa na kizazi hiki chenye ukaidi na uasi wa kila namna ili tuweze kuiepuka Hasira ya Mungu

Bwana ampe neema kila mmoja wetu kuwa mbali na hasira ya Mungu katika Jina la Yesu.

Rev. Innocent Kamote.

Mkuu wa wajenzi mwenye hekima.!