Usiudharau Msalaba!

Waebrania 12:2-3 “tukimtazama Yesu, mwenye kuanzisha na mwenye kutimiza imani yetu; ambaye kwa ajili ya furaha iliyowekwa mbele yake aliustahimili msalaba na kuidharau aibu, naye ameketi mkono wa kuume wa kiti cha enzi cha Mungu. Maana mtafakarini sana yeye aliyeyastahimili mapingamizi makuu namna hii ya watendao dhambi juu ya nafsi zao, msije mkachoka, mkizimia mioyoni mwenu.”

Utangulizi:

Usiudharau Msalaba wa Yesu! Angalia iko nguvu ya ajabu na uwezo wa ajabu katika Msalaba, Msalaba unaweza kukupa ushindi dhidi ya changamoto zozote unazozipitia katika maisha, Ushindi mkubwa katika maisha yetu utapatikana kwa kitafakari kazi kubwa iliyofanya na Yesu Kristo pale Msalabani, wokovu kamili umekuja kwetu kupitia Msalaba na ndio maana ni muhimu sana kuutafakari , na kukumbuka kazi aliyoifanya Yesu Pale Msalabani

Paulo Mtume anaonyesha kuwa msalaba una nguvu, na kwa watu wanaopotea unaokana kuwa ni upuuzi lakini kwetu sisi tunaookolewa ni Nguvu ya Mungu angalia katika  1Wakoritho 1:18 “Kwa sababu neno la msalaba kwao wanaopotea ni upuzi, bali kwetu sisi tunaookolewa ni nguvu ya Mungu.” Ulimwengu unafahamu kuwa katika Historia Mfalme mmoja wa kipagani wa Rumi aliyejulikana kama CONSTANTINE akiwa pamoja na askari wake vitani tarehe 27/10/312 Baada ya Kristo, akiwa katika kambini Jeshini na wanajeshi wake aliona alama ya Msalaba upande wa juu wa jua na maandishi yaliyoansikwa kwa lugha ya Kiyunani, Lakini yanasomeka au yamepata umaatrufu zaidi katika Lugha ya Kilatini “IN HOC SIGNO VINCES” Kwa kiinregreza “IN THIS SIGN YOU WILL CONQUER” Yaani kwa ishara hii Utashinda. Unaona kwa mujibu wa mwana historia maarufu wa karne ya tatu Askofu Eusebius wa Kaisaria anaeleza kuwa Contantine alikuwa akisonga mbele na jeshi lake  bila kutaja ni mahali ganina alipoangalia juu ya jua aliona msalaba unaong’ara  juuyake  yaliandikwa maneno hayo, inasemekana kuwa Contantine hakuwa ameelewa maana ya maono yale lakini usiku alipokuwa amelala aliona katika ndoto Yesu akimfafanulia kwamba anaopaswa kuitumia alama ya msalaba dhidi ya adui zake  na kuwa atapata ushindi, Tangu wakati huo wakristo wengi wa maeneo ya kilatini huutumia msalaba kama alama ya ushindi, wachezaji wa mpira wa miguu wanapoingia viwanjani hugusa uwanja na kuonyesha alama ya msalaba, alama ya msalaba ilipata umaarufu mkubwa kutokana na ushindi alioupata Contsntine ambaye baada ya ushindi wake aliifanya Roman kuwa himaya ya Kikristo.

Msalaba si jambo la kupuuzi ni ushindi wa maisha yetu, nilipokuwa nikitafakari kwamba ni jambo gani naweza kuzungumza na waomaji wangu na wasikilizaji wangu, Roho Mtakatifu aliniambia waaembie wasiudharau Msalaba, hii haina maana ya kuwa watu waubusu na kuuheshimu msalaba wenye sanamu ya Yesu hapana, maana yake ni lazima wakubali na kumtafakari Yesu mwenyewe aliyekubali kufa msalabani kwaajili yao/yetu.

Unapofungua Biblia yako katika injili ya Luka 23:35-43 tunapata habari za watu wawili wanaowakilisha jambo mmoja  watu wanaodharau kazi ya msalaba na wa pili watu wanaouheshimu msalaba watu hawa walikuwa karibu kabisa na Yesu aliyekuwa anasulubiwa hali kadhalika na wao walikuwa wakisulubiwa siku ile hebu tusome kwanza tuone

Luka 23:35-43 “Watu wakasimama wakitazama. Wale wakuu nao walikuwa wakimfanyia mzaha, wakisema, Aliokoa wengine; na ajiokoe mwenyewe, kama ndiye Kristo wa Mungu, mteule wake. Wale askari nao wakamfanyia dhihaka, wakimwendea na kumletea siki,  huku wakisema, Kama wewe ndiwe mfalme wa Wayahudi, ujiokoe mwenyewe. Na juu yake palikuwa na anwani; HUYU NDIYE MFALME WA WAYAHUDI. Na mmoja wa wale wahalifu waliotungikwa alimtukana, akisema, Je! Wewe si Kristo? Jiokoe nafsi yako na sisi.Lakini yule wa pili akamjibu akamkemea, akisema, Wewe humwogopi hata Mungu, nawe u katika hukumu iyo hiyo? Nayo ni haki kwetu sisi, kwa kuwa tunapokea malipo tuliyostahili kwa matendo yetu; bali huyu hakutenda lo lote lisilofaa. Kisha akasema, Ee Yesu, nikumbuke utakapoingia katika ufalme wako. Yesu akamwambia, Amin, nakuambia, leo hivi utakuwa pamoja nami peponi.”

Unaweza kuona watu walimdharau Yesu pale msalabani, wakatoa maneno ya kejeli na kumfanyia mzaha walisema aliokoa wengine na ajiokoe mwenyewe hapa msalabani hususani kama yeye ndio masihi, aidha mhalifu mmoja aliyekuwa anasulubiwa pamoja na Yesu naye bila aibu alimtukana Yesu na kusema je wewe sio Kristo jiokoe nafsi yako na sisi, huyu aliupuuzia Msalaba na kujikuta yuko jehanamu milele na milele

Lakini yule muhalifu mwingine alikuwa na dalili kadhaa zilizomletea wokovu:-

a.       Alikuwa na Hofu ya Mungu Luka 23:40 alimuuliza mwenzake Je wewe humuogopi Mungu

b.      Alitambua kuwa yeye ni mwenye dhambi Luka 23:41 alimweleza mwenzake kuwa sisi tunasulubiwa kwa sababu ya maovu yetu na uhalifu wetu, hivyo tunapata kilicho halali yetu ni malipo ya maovu yetu  Lakini sivyo ilivyo kwa Yesu yeye yuko pale akiwa hata hatia

c.       Alimuamini Yesu kuwa anaweza kumuokoa Luka 23:42 alimwambia Yesu unikumbuke utakapokuja katika ufalme wako, Yeye aliamini kuwa Yesu huyu aliyetundikwa Msalabani ni mfalme na atatawala ilikuwa ni imani ya ajabu alikuwa na utambuzi kuwa msalaba sio mwisho wa maisha ya Yesu

d.      Mwisho Luka 23:42 alijiombea aweze kuokolewa alimwambia Yesu unikumbuke utakapokuja katika ufalme wako, jamaa alijitambua kuwa amefanya maovu mengi na kuwa hasathili chochote alijiombea rehema kwa Yesu palepale msalabani, huyu alikuwa ni kama mtu anayejua kuitumia nafasi aliyoipata katika dakika ya mwisho, ni kama timu iliyokuwa imekwisha kufungwa kisha ikasawazisha goli katika dakika ya nyongeza, Yesu alimjibu Lao utakuwa pamoja nani peponi

Unapopitia changamoto za iana yoyote, mitihani ya aina yoyote, mateso ya aina yoyote, majonzi ya aina yoyote, dhuluma ya aina yoyote machozi ya aina yoyote,kuonewa kwa namna yoyote, unyama wa aina yoyote, uonevu wa aina yoyote, majaribu ya aina yoyote, kucheleweshwa kwa aina yoyote, ni lazima ukumbuke na kuuangalia msalaba hapo ndipo palipo siri ya ushindi wako, ushindi wangu uko Msalabani, siogopi chochote Nauangalia msalaba kwa alama hii nitashinda kama alivyoshinda Mfalme Constantine, wewe nawe ni mshindi ni mshindi kupitia kazi iliyofanya na Yesu pale msalabani, mwangalie Yesu, katika mapito yako mwangalie Yesu , katika mateso yako mwangalie Yesu, katika ugumu wa maisha unaoupitia mwangalie Yesu, katika kesi yako na majonzi na mateso na njaa, na uchgu na kupungukiwa na aibu nadharau nakukataliwa na kutokufaanamakosa wewe mwangalie Yesu tu, na kwa kuiangalia kazi aliyoifanya pale msalabani wewe ni mshindi, Kumbuka Msalaba! Usiudharau!

Na Mkuu wa wajenzi mwenye hekima

Rev. Innocent Kamote.
 

0718990796.

Hata Malaika wapo!

Zaburi 34:7 “Malaika wa Bwana hufanya kituo, Akiwazungukia wamchao na kuwaokoa.”

Hatuko peke yetu! Watu wengi sana huwa wanasahau hili, wanapopita katika changamoto za iana mbalimbali huwa wanadhani kuwa Mungu amewaacha, nasio tu kudhani kuwa Mungu amewaacha lakini hawana ufahamu kuwa watu wa Mungu wanalindwa na Majeshi ya malaika tunasahau kuwa Hata malaika wapo! Ndio Malaika wapo

Biblia inasema Hawa malaika ni roho wanaotumwa kuwahudumia wale watakaourithi wokovu Waebrania 1: 13-14; “Je! Yuko malaika aliyemwambia wakati wo wote, Uketi mkono wangu wa kuume Hata nitakapoweka adui zako chini ya nyayo zako? Je! Hao wote si roho watumikao, wakitumwa kuwahudumu wale watakaourithi wokovu?”

Unaona Biblia inasema kuwa malaika ni viumbe wa kiroho wanaotumwa kuwahudumia wale watakaourithi wokovu, Malaika wapo, wakati unalia na kushangaa wana wanakushangaa kwanini unalia, kwanini huwatumii je unajua waoa hutuhudumia je unajua wao hututazama kwa macho mengine  wao hututia moyo pale tunapojihisi kuwa sisi ni Duni wao hutuona kuwa sisi mashujaa, Ndugu wewe ni zaidi ya Rais unalindwa na malaika pande zote usimtie Mungu aibu, wala usimfanye Mungu kuwa Bodigadi wako, How comes ulindwe na Mfalme wa wafalme ili hali majeshi yake yapo. Wapo wapo kukupa msaada unaoutaka kumbuka wanakuita wewe shujaa ona Waamuzi 6:12 “Malaika wa Bwana akamtokea, akamwambia, Bwana yu pamoja nawe, Ee shujaa.” Hakukuwa na mtu muoga duniani kama Gideon Lakini malaika alimuita Ee Shujaa, Ndio ni shujaa kwa sababu haendi peke yake Malaika kibao wapo wanaenda pamoja naye iweje asiwe shujaa, angalia mtu anayelindwa na mabaunsa pande zote anawezaje kutembea kama mtu mnyonge? Ni Shujaa ndio ni shujaa kwa nini kwa sababu anazungukwa na ulinzi wa kutosha na kupewa msaada wa kila ainna autakao.

Malaika hawana Nguvu zote kama Mungu, lakini wana nguvu kuliko binadamu, katika rekodi za juu za kibiblia, Maandiko yanasema Malaika mmoja anauwezo wa kupiga watu 185,000, ndio nasema ndio malaika mmoja tu anauwezo huo soma Isaya 37:36 “Basi malaika wa Bwana alitoka, akaua watu mia na themanini na tano elfu katika kituo cha Waashuri, na watu walipoamka asubuhi na mapema, kumbe, hao walikuwa maiti wote pia.”         

Sasa wewe unaogopa nini? Unaogopa wachawi? Unaogopa changamoto gani Biblia inasema malaika wa Bwana hufanya kituo (Hufanya Patrol) akiwalinda wale wanaomcha Mungu, na hawa unaona mmoja tu anauwezo wa kupiga watu 185,000, Ndio maana Daudi aliimba Bwana ni ngome yangu, Jeshi lijapojipanga kupigana nani moyo wangu hautaogopa!, Malaika wapo dada, malaika wapo, kaka, malaika wapo baba, malaika wapo ndugu yangu, waache wao watumie Majini, waache watumie uchawi waache watumie kila silaha wanayoweza sisi, tunatumia Malaika tunawaamuru Malaika waingilie kati katika kila hali inayotuzunguka na watatupigania

Malaika wanauwezo wa kukutoa katika kifungo cha aina yoyote, Matendo 12:5-11 “Basi Petro akalindwa gerezani, nalo kanisa likamwomba Mungu kwa juhudi kwa ajili yake. Hata wakati Herode alipotaka kumtoa, usiku ule ule Petro alikuwa analala katikati ya askari wawili, amefungwa minyororo miwili; walinzi mbele ya mlango wakailinda gereza. Mara malaika wa Bwana akasimama karibu naye, nuru ikamulika mle chumbani, akampiga Petro ubavuni, akamwamsha, akisema, Ondoka upesi. Minyororo yake ikamwanguka mikononi. Malaika akamwambia, Jifunge, kavae viatu vyako. Akafanya hivyo. Kisha akamwambia, Jivike nguo yako, ukanifuate. Akatoka nje, akamfuata; wala hakujua ya kuwa ni kweli yaliyofanywa na malaika; bali alidhani kwamba anaona maono. Na walipopita lindo la kwanza na la pili, wakaja hata mlango wa chuma wa kuingilia mjini, ukawafungukia wenyewe. Wakatoka nje, wakapita katika njia moja; mara malaika akamwacha. Hata Petro alipopata fahamu akasema, Sasa nimejua yakini ya kuwa Bwana amempeleka malaika wake na kunitoa katika mkono wa Herode na katika kutazamia kote kwa taifa la Wayahudi.”  

  

Petro alipokuwa Gerezani katikati  ya ulinzi mkali, kila mtu akitarajia kuwa atauawa Malaika alikuja na kumtoa gerezani, jamani malaika wapo, wakristo mailka wapo Hakuna sababu ya kuogopa chochote ni lazima na muhimu kumuamini Mungu, kuamini uweza wake kujua uuumbaji wake aliumba viumbe vinavyoonekana na visivyoonekana, Malaika hawaonekani lakini maandiko yanasema wapo, Mimi naamini wapo najua wanawajibika katika kile alichowaagiza Mungu najua wanafanya kituo, sihitaji ulinzi wa mabausa, wala Bodigadi wao wapo kwaajili yangu, wapo pia kwaajili yako huna sababu ya kuogopa mchana wala usiku kwa sababu wao wapo! Mungu amenituma nikujulishe tu kuwa viumbe hawa wapo, wapo wametumwa na Mungu kwa Makusudi ya kutuhudumia kwanini uteseke watumie usiogope hatuko peke yetu Malaika nao wapo

Hata malaika wapo!

Mkuu wa wajenzi mwenye Hekima!

Rev. Innocent Kamote

0718990796.

Sisi je! Tutapataje kupona, TUSIPOJALI WOKOVU MKUU NAMNA HII?

Andiko la Msingi: Waebrania 2:1-3 “Kwa hiyo imetupasa kuyaangalia zaidi hayo yaliyosikiwa tusije tukayakosa.  Kwa maana, ikiwa lile neno lililonenwa na malaika lilikuwa imara, na kila kosa na uasi ulipata ujira wa haki,  sisi je! Tutapataje kupona, tusipojali wokovu mkuu namna hii? Ambao kwanza ulinenwa na Bwana, kisha ukathibitika kwetu na wale waliosikia;”

Utangulizi:

Yesu Kristo alikuja Duniani kwa makusudi makubwa mengi, lakini kusudi kubwa ni ili apate kutuokoka! Luka 10:19 “Kwa kuwa Mwana wa Adamu alikuja kutafuta na kuokoa kile kilichopotea.” 

Na ndio maana Yesu pia anaitwa mwokozi, ametukomboa katika mambo mengi lakini kubwa zaidi ametuokoa na adabu ya dhambi  

Mathayo 1:21 “Naye atazaa mwana, nawe utamwita jina lake Yesu, maana, yeye ndiye atakayewaokoa watu wake na dhambi zao.” Kwa hiyo unaweza kuona kuwa kusudi kubwa la Yesu ni kutuokoa na ametuokoa na mambo mengi lakini zaidi sana ametuokoa na Dhambi zetu, kwa nini kuokolewa nadhambi ni kwa muhimu sana kwa sababu kila aina moja ya dhambi tuifanyayo msahara wake ni mauti ona 

Warumi 6:23 “Kwa maana mshahara wa dhambi ni mauti; bali karama ya Mungu ni uzima wa milele katika Kristo Yesu Bwana wetu” kwa hiyo kutokana na kuweko kwa dhambi katika nasfi zetu adhabu yake ilikuwa ni kifo, kifo cha mwili huu na kifo cha kiroho ambacho ni kutengwa na Mungu milele lakini Yesu akaja Duniani akatuelekeza njia kwa mafundisho yake akaandaa watu watakaotufundisha neno lake kisha Yeye mwenyewe alikufa kwaajili yetu yaani kwa niaba yetu, ili damu yake itakayomwagika iwe malipo kwa niaba ya damu zetu na hivyo tukimuamini hukumu hii haina nguvu na tunasamehewa na huu ndio wokovu mkuu, kwa hiyo sasa kazi yetu ni kumuamini yeye na kukubali kazi yake aliyoifanya pale msalabani ili tuweze kuwa na uzima wa milele  

Yohana 3:16 “Kwa maana jinsi hii Mungu aliupenda ulimwengu, hata akamtoa Mwanawe pekee, ili kila mtu amwaminiye asipotee, bali awe na uzima wa milele.” Kwa hiyo wajibu wako mkubwa ni kumuamini yetu, yaani kutambua na kukubali kuwa alikufa msalabani kwaajili yako na yangu na ukifanya hivyo wewe una uzima wa milele.

Kwa nini wokovu ni mkuu?

Hakuna tukio baya duniani au laana mbaya kama kutengwa na uso wa Mungu! Mwanzo 4:13-14. Kaini akamwambia BWANA, Adhabu yangu imenikulia kubwa, haichukuliki. Tazama, umenifukuza leo katika uso wa ardhi, nitasitirika mbali na uso wako, nami nitakuwa mtoro na mtu asiye na kikao duniani; hata itakuwa kila anionaye ataniua.”

 Mara moja mtu anapokuwa dhambini anatengwa na uso wa Mungu anakuwa mtoro duniani na kila kitu kinakuwa adui yake na hata mbu au bacteria wanaweza kukuua ni jambo bay asana kupungukiwa na utukufu wa Mungu ni hasara ya hali ya juu hata kama una heshima kiasi gani kwaajili ya hayo basi Neno la Mungu linatuonya kutokuuchezea wokovu, wokovu ni neema tu sio wote wanaojaliwa kuukubali, sio watu wote watajaliwa kuupata wokovu au hata kuufahamu, ikiwa wewe umepata neema ya kuufahamu basi usiuchezee wokovu ni mkuu mno, msamaha wa dhambi ni baraka kubwa mno kuliko kutolewa gerezani, ndio maana mwandishi wa kitabu cha waebrania ametuonya kwamba tunapaswa kuuangalia sana kuutunza sana wokovu na tusiuchezee 

 Waebrania 2:1-3 “Kwa hiyo imetupasa kuyaangalia zaidi hayo yaliyosikiwa tusije tukayakosa. Kwa maana, ikiwa lile neno lililonenwa na malaika lilikuwa imara, na kila kosa na uasi ulipata ujira wa haki,  sisi je! Tutapataje kupona, tusipojali wokovu mkuu namna hii? Ambao kwanza ulinenwa na Bwana, kisha ukathibitika kwetu na wale waliosikia;”Kwa nini mwandishi anauona 

wokovu kuwa ni mkuu kwa sababu muhimu zifuatazo;-

Ulinenwa na Bwana mwenyewe, yaani ni zawadi ni mpango  wa Mungu mwenyewe tusingeweza kujisamehesha mbele zake ni yeye mwenyewe kwa hiyari yake aliamua kutusamehe

Umethibitishwa ndani yetu, yaani unapoukubali kwa imani unapewa furaha ya dhati moyoni inayokushuhudia kuwa wewe ni wa Mungu tofauti na jinsi watu wanavyokujua na kukufahamu au kukuangalia

Umethibitishwa kwa ishara na miujiza na Roho Myakatifu, yaani Mungu roho Mtakatifu amewaponya wengi na kufanya miujiza mingi kwa kusudi la kututhiboitishia kuwa kama anaweza kutufanyia ukarimu huumkubwa wa kuiponya miili yetu anashindwaje kutusamehe dhambi zetu miujiza iko ili tupate kuamini kuwa Yesu ni mwokozi, kama watu watafurahia miujiza kuliko kuufurahia wokovu na msamaha wa dhambi watakuwa hawajui thamani ya wokovu Zaburi 103:3 “Akusamehe maovu yako yote, Akuponya magonjwa yako yote,” Ni msamaha wa dhambi unaoweza kutuletea pia uponyaji wa mwili na nafsi zetu.

Umegharimu maisha ya mwana wa Mungu, ni kwaajili ya kutuokoa ilimpasa Yesu kufa msalabani kwa kifo cha aibu ili mimi na wewe tuweze kuokolewa kuupuuzia wokovu ni kuidharai kazi ya Yesu aliyoifanya pale msalabani, kurudi nyuma na kuacha wokovu ni kudharau msalaba  Waebrania 6:4-6 Kwa maana hao waliokwisha kupewa nuru, na kukionja kipawa cha mbinguni, na kufanywa washirika wa Roho Mtakatifu, na kulionja neno zuri la Mungu, na nguvu za zamani zijazo, wakaanguka baada ya hayo, haiwezekani kuwafanya upya tena hata wakatubu; kwa kuwa wamsulibisha Mwana wa Mungu mara ya pili kwa nafsi zao, na kumfedhehi kwa dhahiri.” Tabia ya kuendelea kuukataa na kuupinga wokovu na kuidharau kazi iliyofanywa na Yesu msalabani inaweza kutufikisha mahali pabaya sana na huu ndio unaitwa ukengeufu, hii ni dhambi ya mauti, huku ni kushindana na Roho Mtakatifu, hatujui ni lini na wapi mtu anaweza kufikia dhambi hii ngumu lakini jnaanza na kudharau wema wa Mungu hivyo kama hujui wokovu uligharimu nini usiutukane!

Unatupa Uzima wa milele unatuokoa na dhambi mauti na kuzimu , kama tukiukubali wokovu na kuupokea licha ya kusamehewa dhambi zetu kila wakati pia tunakuwa na uzima wa milele lakini Mungu anatulinda na dhambi ya mauti yaani ya kukataa kazi za Roho Mtakatifu na kuipinga zawadi ya wokovu

Tumeokolewa kwa neema !

Kule kuwa mbali na Mungu ni kifo, lakini kupitia wokovu kama tumeuamini ni zawadi kubwa sana kutoka kwa Mungu hivyo hatupaswi kuichezea neema ya Mungu Waefeso 2:1-5 “Nanyi mlikuwa wafu kwa sababu ya makosa na dhambi zenu; ambazo mliziendea zamani kwa kuifuata kawaida ya ulimwengu huu, na kwa kumfuata mfalme wa uwezo wa anga, roho yule atendaye kazi sasa katika wana wa kuasi;  ambao zamani, sisi sote nasi tulienenda kati yao, katika tamaa za miili yetu, tulipoyatimiza mapenzi ya mwili na ya nia, tukawa kwa tabia yetu watoto wa hasira kama na hao wengine.  Lakini Mungu, kwa kuwa ni mwingi wa rehema, kwa mapenzi yake makuu aliyotupenda; hata wakati ule tulipokuwa wafu kwa sababu ya makosa yetu; alituhuisha pamoja na Kristo; yaani, tumeokolewa kwa neema.”

Nimalizie ujumbe huu kwa stori hii 

Mfanya biashara mmoja alikuwa akifanya biashara ya kuuza chumvi, alisambaza chumvi yeke sehemu mbalimbali akitumia punda, kila alipoelekea sokoni ilimlazimu kuvuka  mto ili aweze kuelekea sehemu mbalimbali kwaajili ya kuuza chumvi yake, siku moja punda wake kwa bahati aliangusha mzigo wa gunia la chumvi kwenye mto, na hivyo chumvi iliyeyuka na kwenda na maji kutokana na hali hiyo gunia la chumvi likawa Jepesi, hali hii ilimpa punda yule furaha kubwa mno.

Kwa hiyo punda yule alianza kuwa na mchezo mbaya ilikuwa kila siku akibeba chumvi akifika eneo lenye mto aliliangusha gunia kwa makududi yaleyale, Muza chumvi alijiuliza ni kwanini hali ile inatokea mwisho aliweza kugundua tabia ya punda wake na akakusudia kumfundisha somo, safari moja alimbebesha gunia la Pamba na punda bila kujalia amebeba nini alipofika pale aliliangusha tena gunia la Pamba, akijua kuwa litakuwa jepesi vilevile kama ilivyokua kwa chumvi, lakini mambo yalikuwa tofauti safari hii, gunia la pamba lilikuwa zito mno kuliko maelezo na hivyo punda alipata taabu sana na akaacha tabia yake ya mchezomchezo na mfanya biashara yule akawa na furaha.

Usichezee neema ya wokovu kwa sababu bahati haiji mara mbili, iko siku unaweza kupoteza kila ulichojaaliwa na Mungu na ukajikuta unapata tabu , shika sana ulicho nacho.

Bwana ampe neema kila mmoja wetu asiuchezee wokovu katika jina la Yesu Kristo amen!

Rev. Innocent Kamote

Mkuu wa Wajenzi mwenye hekima.

0718990796