Kupandishwa kwa mifupa ya Yusufu!

Mwanzo 50:24-26 “Yusufu akawaambia nduguze, Mimi ninakufa, lakini Mungu atawajia ninyi bila shaka, atawapandisha toka nchi hii, mpaka nchi aliyowaapia Ibrahimu, na Isaka, na Yakobo. Yusufu akawaapisha wana wa Israeli, akasema, Bila shaka Mungu atawajia ninyi, nanyi mtaipandisha huko mifupa yangu. Basi Yusufu akafa, mwenye miaka mia na kumi; wakampaka dawa, wakamtia katika sanduku, huko Misri.”

Utangulizi:

Kaka zangu na dada zangu katika Kristo! Leo tunachukua Muda kujifunza kwa kina na mapana na marefu kuhusu kutimizwa kwa mojawapo ya agizo la Muhimu sana la Yusufu kwa wana wa Israel, wote tunakumbuka habari za Mtu huyu Muhimu aliyeitendea mema familia yake na mataifa mengi kwa kuyaokoa na njaa kupitia uwezo wake mkubwa wa kiutawala na mipango chini ya Farao iliyoleta wokovu kwa wengi, Pamoja na kuwa ndugu zake walimfanyia vibaya lakini wote tunaukumbuka Moyo wa Yusufu jinsi ulivyokuwa mwema kwani hakuthubutu kulipa mabaya, alihesabu yaliyomkuta kama mapenzi ya Mungu, jambo lililopelekea kuwa mtu wa kuheshimiwa sana katika familia yake, Lakini akiwa anakaribia kufa mtu huyu aliwakusanya Israel wote na akiwa amezungukwa na wana wa Israel pamoja na wanae na wajukuu zake aliwaeleza habari za Muhimu sana na akazisisitiza kwa kuwaapisha kwamba ni lazima Bwana atawatokea tena na Bila shaka atawapandisha kutoka katika inchi hii Misri, na kuwa atawapandisha katika inchi ile aliyowaapia baba zao yaani Ibrahimu, Isaka na Yakobo, na ya kuwa wakati huo utakapowadia wahakikishe wanaipandisha Mifupa yake huko na aliwaapisha kuwa jambo hili ni lazima walitimize.

 Mwanzo 50:24-26 “Yusufu akawaambia nduguze, Mimi ninakufa, lakini Mungu atawajia ninyi bila shaka, atawapandisha toka nchi hii, mpaka nchi aliyowaapia Ibrahimu, na Isaka, na Yakobo. Yusufu akawaapisha wana wa Israeli, akasema, Bila shaka Mungu atawajia ninyi, nanyi mtaipandisha huko mifupa yangu. Basi Yusufu akafa, mwenye miaka mia na kumi; wakampaka dawa, wakamtia katika sanduku, huko Misri.”

Tunaweza kujiuliza swala la msingi sana kwanini mtu huyu aliyekuwa na mafanikio makubwa sana kule Misri, aliyestawi sana na kuwastawisha ndugu zake wote lakini bado hataki kusahau inchi ya Urithi wa baba zake?  Yusufu alikuwa na ujuzi mkubwa sana kuhusu Mungu wa baba zake ya kuwa hakuna neno ambalo Mungu wetu ataahidi likaanguka bure yaani likapita bila kutimizwa, Yusufu anamjua wazi Mungu wa Ibrahimu na Isaka na Yakobo kuwa hakuna neno linalotoka katika kinywa chake ambalo liliwahi kuanguka bure, Mungu alikuwa ameahidi kwa kinywa chake Tangu zamani ya kuwa atawapa Israel Inchi ya Mkanaani, Nchi iliyojawa na maziwa na asali. Yusufu alikuwa na Imani kuwa neno hilo lazima litakuja kutimizwa, Hivyo hata kama yu katika hali ya kufa anajua kuwa Mungu atatimiza ahadi zake, Yusufu aliendelea kumuamini Mungu kwamba atawaokoa watu wake na kuwaondoa katika inchi ile ambayo wangetumikishwa kwa utumwa mzito ambao kimsingi pia waliujua kuwa utakuja na ya kuwa ni lazima atawaleta tena katika inchi ya ahadi. Nadhani Yusufu alikuwa anakumbuka kile ambacho Mungu alizungumza na baba zake Ibrahimu na Isaka na Yakobo.

Mwanzo 15:13-16 “BWANA akamwambia Abramu, Ujue hakika ya kwamba uzao wako utakuwa mgeni katika nchi isiyo yake, watawatumikia watu wale, nao watateswa muda wa miaka mia nne. Hata na taifa lile, watakaowatumikia, nitawahukumu; baadaye watatoka na mali mengi. Lakini wewe utakwenda kwa baba zako kwa amani, utazikwa katika uzee mwema. Na kizazi cha nne kitarudi hapa, maana haujatimia uovu wa Waamori bado.”

Tutajifunza somo hili kupandishwa kwa mifupa ya Yusufu kwa kuzingatia vipengele viwili vifuatavyo:-

1.      
  Kwanini Mifupa ya Yusufu katika inchi ya Kanaani?

2.       Kupandishwa kwa mifupa ya Yusufu

Kwanini Mifupa ya Yusufu katika inchi ya Kanaani?

Yusufu aliinuliwa sana katika inchi ya Misri, alikuwa maarufu mno? Aliwasaidia wengi na kuheshimika sana na alipata mafanikio makubwa, aliwapa ndugu zake inchi ya Gosheni mahali ambapo Mto Nile unamwaga maji yake katika bahari ya Mediteraniani, ni eneo lenye rutuba na ustawi mkubwa sana kwa wana wa Israel na kwa kweli walifanikiwa sana, walimiliki mali nyingi mpaka wenyeji wao waliona wivu, waliongezeka sana walistawi na walikuwa na Nguvu,  Gosheni lilikuwa eneo lenye kufaa kwa malisho pia, unaweza kujiuliza kwanini Yusufu anawaapisha Israel na kuwahakikishia kuwa watakuja kuondoka na hivyo waikumbuke mifupa yake na kuipeleka katika inchi ya ahadi?

1.       Yusufu alikuwa amejifunza ya kuwa Mungu wa baba zake ni Muaminifu, Hakuna neno hata moja amewahi kuliahidi lisitimizwe bila kujali kuwa itachukua muda gani, Yeye mwenyewe alikuwa amejifunza uaminifu wa Mungu kwani Ndoto zile alizooteshwa na Mungu Japokuwa zilimpitisha katika mapito Mengi lakini zilikuja kutimia, alikuwa amejifunza kivitendo kwamba ni Mungu asiyeweza kusema uongo na ya kuwa neno lake haliwezi kwenda bure, uaminifu wake na fadhili zake ni za milele nazo hudumu kizazi hata kizazi!

 

Hesabu 23:19 “Mungu si mtu, aseme uongo; Wala si mwanadamu, ajute; Iwapo amesema, hatalitenda? Iwapo amenena, hatalifikiliza?”

 

Isaya 55:10 -11 “Maana kama vile mvua ishukavyo, na theluji, kutoka mbinguni, wala hairudi huko; bali huinywesha ardhi, na kuizalisha na kuichipuza, ikampa mtu apandaye mbegu, na mtu alaye chakula; ndivyo litakavyokuwa neno langu, litokalo katika kinywa changu; halitanirudia bure, bali litatimiza mapenzi yangu, nalo litafanikiwa katika mambo yale niliyolituma.”

 

Kwa hiyo Yusufu alikuwa na uhakika wa Mungu wa baba zake ya kuwa hakuna kitu anaahidi kisha asikitimize, kwa hiyo tukio la kuagiza mifupa yake kuzikwa katika inchi ya kanaani ni wazi kuwa alikuwa na Imani ya kuwa wana wa Israel watatoka katika inchi ya utumwa na kuwa Mungu atawarejesha katika inchi ya ahadi.

 

Waebrania 11: 22 “Kwa imani Yusufu, alipokuwa amekaribia mwisho wake, alitaja habari za kutoka kwao wana wa Israeli, akaagiza kwa habari ya mifupa yake.”

 

2.       Yusufu anatumika kama alama ya kisayuni kwa wana wa Israel, Israel leo wametawanyika kila mahali duniani, na nafahamu na wote tu mashahidi kuwa wengi wamerudi nyumbani, wako pale Israel leo katika inchi ambayo dunia inachanganyikiwa kuhusu mustakabali wa inchi ile, Lakini Yusufu anawakumbusha Wayahudi wote duniani hata pamoja na mafanikio makubwa wanayoyapata kokote waliko duniani, wanaheshimika sana wanafanikisha inchi hizo huko waliko lakini ni lazima wakumbuke kuwa wao ni Wayahudi na kuwa Mungu anatoa wito kwao kurudi Nyumbani, kuchelewa kwao kurudi nyumbani kunachelewesha kutimia kwa unabii na mapenzi mengi ya Mungu, Mungu aliahidi kuwatawanya lakini vile vile Mungu aliahidi kuwa atawarudisha,

 

Kumbukumbu 30:4-6“Watu wako waliotawanyika wakiwako katika ncha za mbingu za mwisho, kutoka huko atakukusanya Bwana, Mungu wako; kutoka huko atakutwaa; atakuleta Bwana, Mungu wako, uingie nchi waliyomiliki baba zako, nawe utaimiliki; naye atakutendea mema, na kukufanya uwe watu wengi kuliko baba zako. Bwana, Mungu wako, atautahiri moyo wako, na moyo wa uzao wako, ili umpende Bwana, Mungu wako, kwa moyo wako wote, na kwa roho yako yote, upate kuwa hai.”  

 

Haijalishi vizazi vingapi vimepita, haijalishi wana siasa  wa dunia wanawaza nini Lakini Israel ni Inchi ya ahadi kwa Ibrahimu, Isaka, Yakobo na Yusufu pia, kila anayeshindana na agizo hili anashindana na agizo la Mungu, Yusufu anaonyesha moyo wa kizalendo, anajitanabahisha kuwa Myahudi halisi nyumbani ni Israel, alijua kuwa Israel watakuwa watumwa, lakini Misri sio inchi salama kiroho wala sio kwao, ina miungu mingi inayoabudiwa, walipitia magumu mengi, watoto wao wa kiume waliuawa na Yusufu anaonyesha kwamba anatamani nyumbani na nyumbani halisi ni Israel sawasawa na Neno la Mungu kwa baba zao.

 

Mwanzo 15: 18-21 “Siku ile BWANA akafanya agano na Abramu, akasema, Uzao wako nimewapa nchi hii, kutoka mto wa Misri mpaka huo mto mkubwa, mto Frati, Mkeni, na Mkenizi, na Mkadmoni, na Mhiti, na Mperizi, na Mrefai,na Mwamori, na Mkanaani, na Mgirgashi, na Myebusi.”

 

Mwanzo 17:7-8 “Agano langu nitalifanya imara kati ya mimi na wewe, na uzao wako baada yako, na vizazi vyao, kuwa agano la milele, kwamba nitakuwa Mungu kwako na kwa uzao wako baada yako. Nami nitakupa wewe na uzao wako baada yako nchi hii unayoikaa ugeni, nchi yote ya Kanaani, kuwa milki ya milele; nami nitakuwa Mungu wao.”

 

Mwanzo 28:11-17 “Akafika mahali fulani akakaa huko usiku kucha, maana jua lilikuwa limekuchwa; akatwaa jiwe moja la mahali pale akaliweka chini ya kichwa chake, akalala usingizi pale pale. Akaota ndoto; na tazama, ngazi imesimamishwa juu ya nchi, na ncha yake yafika mbinguni. Tena, tazama, malaika wa Mungu wanapanda, na kushuka juu yake. Na tazama, BWANA amesimama juu yake, akasema, Mimi ni BWANA, Mungu wa Ibrahimu baba yako, na Mungu wa Isaka; nchi hii uilalayo nitakupa wewe na uzao wako. Na uzao wako utakuwa kama mavumbi ya nchi, nawe utaenea upande wa magharibi, na mashariki, na kaskazini, na kusini; na katika wewe, na katika uzao wako, jamaa zote za dunia watabarikiwa. Na tazama, mimi nipo pamoja nawe, nitakulinda kila uendako, nami nitakuleta tena mpaka nchi hii, kwa maana sitakuacha, hata nitakapokufanyia hayo niliyokuambia. Yakobo akaamka katika usingizi wake, akasema, Kweli BWANA yupo mahali hapa, wala mimi sikujua. Naye akaogopa akasema, Mahali hapa panatisha kama nini! Bila shaka, hapa ni nyumba ya Mungu, napo ndipo lango la mbinguni.”

 

Mwanzo 48:3-4 “Yakobo akamwambia Yusufu, Mungu Mwenyezi alinitokea huko Luzu, katika nchi ya Kanaani, akanibariki, akaniambia, Mimi hapa, nitakuongezea uzao wako, na kukuzidisha, nami nitakufanya uwe kundi la mataifa; kisha nitawapa wazao wako nchi hii baada yako, iwe milki ya milele.”

 

Israel ni ya Mungu, Israel (Kanaani) ni Mungu alimpa Ibrahimu na Isaka na Yakobo, kila anayetaka Israel isiwepo anashindana na agizo la Mungu, Wayahudi wenyewe wanapaswa kuwa mstari wa Mbele kutii agizo la Mungu ambalo Ibrahimu, Isaka na Yakobo walilitii, na Yusufu hakutaka kuwa sababu ya wayahudi kubakia Misri hivyo kwa kiapo aliwaapisha kwamba akifa haijalishi watakaa muda gani Misri, lakini Lazima Mungu ataitimiza ahadi yake naye hataki kubaki ugenini, huu ni moyo wa uzalendo mkubwa na nitoe wito kwa kila myahudi kokote aliko duniani wakumbuke Kanaani, kwa sababu Mungu ameagiza hivyo.

 

3.       Yusufu alikuwa ni Mwalimu mzuri sana, alitumia kifo chake na mifupa yake kuwa alama muhimu kwa kizazi na kizazi, kumbuka Tangu walipofika Misri Israel waliishi miaka karibu 430 na Yusufu aliishi miaka 110 tu lakini Fundisho lake na kazi yote ambayo Mungu aliifanya Yusufu alihakikisha kuwa kumbukumbu yake haitafutika alihakikisha kuwa kupitia mifupa yake kila kizazi kitakumbuka umuhimu wake, na uaminifu wa Mungu na unabii wake, Yeye aliagiza siku watakapoondoka Misri aliwaapisha wakumbuke mifupa yake hivyo kizazi na kizazi katika jamii ya wayahudi kila mmoja kabla hajafa alimkubusha mtoto wake kila nyumba kulikuwa na mafundisho ya kuwa Mungu atatutoa utumwani na atakapotimiza hilo kumbukeni mifupa ya Yusufu, kila familia ilionywa jamani jamani msisahau mifupa ya Yusufu, na ndio maana Musa alipotoka Misri  japo alikuwa wa kabila la Lawi hakusahau kamwe mifupa ya Yusufu, na Wana wa Israel hata alipokufa Musa huko jangwani bado wana wa Israel chini ya Yoshua walipewa inchi na walihakikisha wanaizika mifupa ya Yusufu huko Shekemu  nchini Israel yaani inchi ya mkanaani nchi ya ahadi.

 

Kutoka 13:19 “Musa akaichukua ile mifupa ya Yusufu pamoja naye; maana, alikuwa amewaapisha sana wana wa Israeli, akisema, Mungu hana budi atawajilia ninyi; nanyi mtaichukua mifupa yangu kutoka hapa pamoja nanyi.”

 

Yoshua 24:31-32 “Nao Israeli wakamtumikia Bwana siku zote za Yoshua, na siku zote za hao wazee walioishi baada ya kufa kwake Yoshua, hao walioijua kazi yote ya Bwana, aliyowatendea Israeli. Na hiyo mifupa ya Yusufu, ambayo wana wa Israeli walikuwa wameileta kutoka Misri, wakaizika huko Shekemu katika ile sehemu ya nchi, Yakobo aliyoinunua kwa wana wa Hamori, babaye Shekemu, kwa vipande mia vya fedha; nayo ikawa ni urithi wa wana wa Yusufu.”

 

Vizazi vingi vilikuwa vimepita Lakini Israel walikumbuka umuhimu wa Yusufu na agizo lake, walilishika walilitii na walilitimiza kama walivyoapishwa na Yusufu!

 

Kupandishwa kwa mifupa ya Yusufu!

 

Kupandishwa kwa mifupa ya Yusufu katika inchi ya kanaani kunatufundisha maswala kadhaa ya Muhimu sisi kama wakristo, huu ni mfano Muhimu sana wenye vitu vya kutufunza.

 

1.       Lazima tuendelee kumuamini Mungu na ahadi zake – iwe mvua iwe jua, iwe tumefanikiwa iwe hatujafanikiwa bado Mungu ni mwaminifu, Yusufu alikuwa amebarikiwa sana na alikuwa na mafanikio makubwa sana, lakini hii haikumfanya asahau uaminifu wa Mungu. Wala haikumfanya asahau kwao!  Alikuwa amejifunza kuwa Mungu ni mwaminifu na kila alisemalo litatimia aliamini kuwa Mungu atafanya alilolisema, Ni wangapi tunaamini katika kile ambacho Bwana amekisema? Yesu Kristo ni mwaminifu kila neno lake aliloliahidi litatimia kila kitu kitapita lakini maneno yake Bwana wetu Yesu hayatapita kamwe. Ni lazima kila mtu wa Mungu awe na Imani katika Neno la Mungu. Yesu Kristo anaitwa shahidi aliye mwaminifu, ni lazima tuziamini ahadi zake na kujua ya kila alilolisema atalitimiza.

 

Ufunuo 1:4-6 “Yohana, kwa yale makanisa saba yaliyoko Asia; Neema na iwe kwenu na amani, zitokazo kwake yeye aliyeko na aliyekuwako na atakayekuja; na zitokazo kwa roho saba walioko mbele ya kiti chake cha enzi; tena zitokazo kwa Yesu Kristo, shahidi aliye mwaminifu, mzaliwa wa kwanza wa waliokufa, na mkuu wa wafalme wa dunia. Yeye atupendaye na kutuosha dhambi zetu katika damu yake, na kutufanya kuwa ufalme, na makuhani kwa Mungu, naye ni Baba yake; utukufu na ukuu una Yeye hata milele na milele. Amina.”     

 

2.       Yusufu alifikiri yajayo – Yusufu hakujifikiri yeye mwenyewe tu, alitaka kizazi na kizazi kimuelewe Mungu, hakuwa anafanya mambo kwaajili yake, tendo lake la kuamuru kwa nguvu na lazima yaani kwa kuwaapisha lilikuwa linaonyesha anawaza maisha zaidi ya maisha haya, kila Mkristo anapaswa kuhakikisha ya kuwa injili inarithishwa kwa kizazi kijacho kwa watu waaminifu ambao watafaa kuwafundisha na wengine, Israel walikuwa waaminifu kurudia tena na tena kiapo cha Yusufu kwao kwa kizazi kilichofuata waliogopa kupata madhara endapo hawatawashirikisha watu wengine, Injili yetu inapaswa kukabidhiwa watu wengine ili kizazi na kizazi kiweze kulijua neno la Mungu vile vile kama tulivyoagizwa tangu enzi za mitume

 

2Timotheo 2:2 “Na mambo yale uliyoyasikia kwangu mbele ya mashahidi wengi, hayo uwakabidhi watu waaminifu watakaofaa kuwafundisha na wengine.”

 

3.       Umuhimu wa inchi ya kanaani – Wakristo wanapaswa kuwa Mstari wa mbele kuelewa mapenzi ya Mungu kuhusu Israel ile nchi ni lango la Mbinguni, Baraka zote zilizokusudiwa duniani kwa wanadamu wote zinapitia Israel, kwa hiyo kila mmoja anapaswa kuwatendea mema wayahudi na kuwasaidia kurudi kwao na kuisimamia inchi yao, Wamarekani na Waingereza na Wafaransa na Wajerumani wanaijua siri hii, ni afadhali kukaa kimya linapokuja swala la Israel kuliko kuropoka ropoka Israel ni ya Mungu na amewapa wana wa Ibrahimu Milele, Waarabu wanapaswa kulijua hilo, Waafrika wanapaswa kulijua hilo, Wazungu wanapaswa kulijua hilo na zaidi sana Wakristo na kuwa watetezi wakubwa kwa wayahudi, Yusufu aliipa kipaumbele inchi ya Kanaani kwa sababu ni inchi waliyoahidiwa na Mungu, makao makuu ya Bwana wetu Yesu Kristo na serikali ya ufalme wake duniani itatawala kutokea Israel na Yerusalem yakiwa makao makuu yake, linaweza kuwa jambo la kusikitisha na la kushangaza mtu yeyote yule akisimama kinyume na Mapenzi ya Mungu kuhusu Israel, waarabu wanapaswa kukumbuka hilo ya kuwa endapo wanamuheshimu Mungu basi pia wakumbuke kuiacha Israel kwa wana wa Israel na waarabu kubakia katika mataifa mengine, vinginevyo Ibrahimu na Isaka na Yakobo na Yusufu watashangaa sana wakati wa Hukumu kukuta watu wengine wakiidai inchi ya kanaani kuwa yao kinyume na mapenzi ya Mungu mwenye nguvu sana !

 

Mathayo 5:34-35 “lakini mimi nawaambia, Usiape kabisa; hata kwa mbingu, kwa maana ndicho kiti cha enzi cha Mungu; wala kwa nchi, kwa maana ndiyo pa kuwekea miguu yake; wala kwa Yerusalemu, kwa maana ndio mji wa Mfalme mkuu.”

 

4.       Kuwaza kuhusu uzima wa milele – Swala la mifupa ya Yusufu liatukumbusha kuwa maisha yanaendelea hata baada ya kifo, kila mtu anapaswa kufikiri zaidi ya mazingira ya kawaida kwa sababu hata baada ya uzima huu uko uzima wa milele. Mungu ameahidi uzima wa milele kwa kila anayemuamini Yesu Kristo aliyetolewa pale msalabani kwa niaba ya watu wote watakaoamini ahadi hii ni ya kweli, kwa hiyo katika kuishi kwetu duniani pamoja na mafanikio yetu yote na umaarufu wetu wote tusisahau kujiwekeza katika uzima wa milele, Yusufu hakusahau inchi ya ahadi, Hatupaswi kusahau uzima wa umilele, hatuna budi kuwekeza katika uzima wa milele na kuamini ya kuwa Mungu atatufufua kutika kwa wafu na kutupa neema ya kuketi katika mkono wake wa kuume katika ufalme wake 

 

Yohana 3:16 “Kwa maana jinsi hii Mungu aliupenda ulimwengu, hata akamtoa Mwanawe pekee, ili kila mtu amwaminiye asipotee, bali awe na uzima wa milele.”         

 

5.       Imani ni zaidi ya kawaida ya Muda – Ni swala la Muda tu, Yusufu hakujali kuwa Israel wataondoka lini Misri lakini alikuwa na Imani kuwa iko siku Mungu atawatokea, Nasema Mungu atakutokea bila kujali muda, kila mkristo anapaswa kukumbuka kumsubiri Mungu na kuishi kwa Imani, Mwamini Mungu biola kujali Muda, mwamini Mungu kuwa atafanya kitu, mwamini Mungu kuwa atakujibu, mwamini mungu kuwa atatkutokea, mwamini Mungu kuwa atafanya, Yusufu aliishi kwa Imani, aliamini katika maneno ya Mungu wa baba yake na babu zake alihesabiwa haki kwa Imani hii

 

Waebrania 10:38 “Lakini mwenye haki wangu ataishi kwa imani; Naye akisita-sita, roho yangu haina furaha naye.”         

 

6.       Agizo kuu – Agizo la Yusufu ambalo ilishikwa na kizazi na kizazi cha wana wa Israel ni fundisho kwa kanisa ya kuwa sisi nasi tunapaswa kulikumbuka agizo la Bwana wetu Yesu Kristo na kuihubiri injili duniani na kwa kila kiumbe, kama wana wa Israel vizazi na vizazi walilishika agizo la Yusufu, wakristo hawana budi kuhakikisha wanalishika agizo la Bwana Yesu, kuhakikisha kuwa kwa nguvu zetu zote tunarithisha injili au habari njema za wokovu  ulioletwa kwetu na Bwana wetu Yesu Kristo kwa kufa kwake Msalabani, Neno la Mungu ni lazima lienee na kurithishwa kwa watu wote Duniani na kwa vizazi vyetu vyote kwa kufanya hizi sisi nasi tutakuwa tumeipandisha mifupa ya Yusufu katika inchi ya kanaani, Musa hakuisahau mifupa, na hata Yoshua na wazee baada ya Yoshua walihakikisha Mifupa ya Yusufu inafika Shekemu inchi ya urithi wa wana Israel Efraimu na nusu ya Manase na Israel wote.  

 

Mathayo 28:18-20 “Yesu akaja kwao, akasema nao, akawaambia, Nimepewa mamlaka yote mbinguni na duniani. Basi, enendeni, mkawafanye mataifa yote kuwa wanafunzi, mkiwabatiza kwa jina la Baba, na Mwana, na Roho Mtakatifu; na kuwafundisha kuyashika yote niliyowaamuru ninyi; na tazama, mimi nipo pamoja nanyi siku zote, hata ukamilifu wa dahari.”               

 

Na. Rev. Innocent Samuel Kamote

Mkuu wa wajenzi mwenye Hekima!      

Who is Innocent Samuel Kamote?

 

Who is Innocent Samuel Kamote?

Rev. Innocent Samuel Kamote.

Innocent Samuel Kamote is a Tanzanian Pastor, Teacher, Author and Blogger known for his writings on Educational and Inspirational topics as well as motivational Speaker, He is also running the Blog DiraElimu@blogspot.com  where he shares various articles aimed at motivating and educating his readers.

His content includes discussion on Biblical teachings, Personal Growth, and practical advice on subjects like Defensive driving and learning techniques. Kamote’s works reflects a deep commitment to uplifting his community through thoughtful and meaning discourse.

He is well known for his nick name aka Mkuu wa wajenzi Mwenye Hekima, The name originated from

1Corinthians 3:10 "By the grace God has given me, I laid a foundation as an expert builder, and someone else is building on it. But each one should be careful how he builds"

So name Mkuu wa wajenzi mwenye Hekima means Expert Builder or "Wise Master Mason" the intention of using this nick name is to inspire the Ministry of building the body of Christ 

Surname: Kamote.

Given Names: Innocent Mkombozi Samuel

Birth Date: 25^th June 1976. Friday

Place of Birth : Tanga, Tanzania

Tribe: Mbondei

Gender: Male

Address.   0718990796,ikamote@yahoo.com Pongwe, Tanga.

Phone Numbers. 0784394550, 0718990796

E-mail  Address.  ikamote@yahoo.com   and ikamote@gustudent.org .

Marital status. Marred to One wife 15^th December 2001 Assemblies Of God City Center –Tanga

Religion: Born Again Christian:  On 15 th October 1992 Full Gospel Bible Fellowship Church

Spiritual Fathers: (Mantles)

§  Zachary Kakobe  1992 - 1996 FGBF Dar-es- Salaam

§  George Swenya   1996 – 1997 FGBF Tanga

§  Obadia Kilango   1997 – 1999 TAG Simanjiro Orkesumet

§  AGBC Dodoma  1999 -  2001 CBC.Central Bible College former AGBC.

Mantle and Models”: Bishop Zachary Kakobe - Tanzania, and Dr, Mensah Otabil from Ghana

Leadership Models: Retired District Commissioner. Samuel Jumaa Kamote.

Current Bishop: Tanzania Assemblies Of God; Dr. Barnabas Mtokambali.

Christianity teachings Foundations Assemblies Of God

Education Background:

·         January 1985- 1991 Changa Primary School/Kwalukonge Primary School – Tanga

·         Certificates of Christian religion in Anglican church for standard VII 1991

·         January 1992 – November 1992 Mbeya Artisans Technical school

·         1993 January -  1996 November Secondary School Makongo/Makongo High school Dar es Salaam

·       January 1999 – November 2001 Diploma in Bible and Church Ministry at Dodoma Tanzania Assemblies of God Bible College (AGBC).Now (CBC) Central Bible College.

·         November 2001 Certificate of Award for the outreaches Ministries at Dodoma 2001

·         January 2008 – November 2010 Bachelor of Arts in Bible and Theology (B.A.) Global University Springfield MO. USA.

·         February 8-12 /2010 Certificate of Participation on Understanding the Bible presented by Tree of Live Ministries Tanga, Christian Bible College February 2010.

·         January 2015- December 2017 Bachelor of Education Teacher Educator. teaching Philosophy and History from Open University of Tanzania (OUT)

Experiences:

·         Works as a Sunday school Teacher 1995 – 2010

·         Religion teacher for Primary and Secondary schools /youth leader 1997-1998 Simanjiro –Arusha.

·         Cell and prayer Group leader December 1996 - 1997, Full Gospel Bible Fellowship Church.

·         Part time teacher at Tanga Christian Bible College January 2003 - November 2007

·         Senior Pastor Tanzania Assemblies of God Pongwe – Tanga December 2001- September 2008

·         External Bible College Teacher – Assemblies of God - Kombezi 2003-2007

·         Licensed to cerebrate marriage from 2007 up to Now

·         Ordained Pastor from August 2004

·         AIDS & HIV. Seminar’s teacher and Youth Canceller/ speaker in CASFETA’S  Easter Conferences

·         Full time teacher teaching Staff at T.C.B.C from January 2010 – December 2012

·         Senior Pastor T.C.B.C. Church 2010 – 2012.

·         Chaplin, Bible Knowledge and Divinity Teacher at Living Stone Boys’ Seminary from January 2012- January 2023.

·         Headmaster Living Stone Boys’ Seminary from 18^th Dec 2013- January 2023 with the following awards:-. 

1.    Best performing non government school 2015

2.    Best performing non government school 2016

3.    Best performing non government school 2017

4.    Best performing non government school 2018

·         Blogger of DiraElimu@blogspot.com

Traveling Experience:

 

Vision Trip to US June 2014 – visiting

·         University of Virginia, Georgetown University

·         New Post Office, Washington DC National Postal Museum

·         Library of Congress – Thomas Jefferson Building

·         Basilica of the National Shrine of the Immaculate Conception

·         Washington National Cathedral

·         Lincoln Memorial, Jewish Community Center, Naval Academy (Maryland)

·         The Kennedy Center

·         Capital, Vietnam veteran Memorial, Korean War veteran Memorial

·         Washington monument, White House,

·         New York Empire state and zero Ground

·         Tanzania House Washington

·         Open door Presbyterian Church

·         Kings Dominion, National Air Space and Museum,(NASM).

Vision Trip to Soul Korea March 2016 – visiting

·         Jomo Kenyatta International Airport

·         Southern-China airport Guangzhou China

·         Myeon - gdong. Ave

·         N Tower, Pohang Gods University

·         Yoido Full Gospel Church

·         National Museum of Korea –INCHEON

Other issues

·         Facebook writer @Innocent Kamote

·         Reached over  900,000 Readers through Blogger

Mwanadamu siku zake zi kama majani

Zaburi 103:14-16 “Kwa maana Yeye anatujua umbo letu, Na kukumbuka ya kuwa sisi tu mavumbi. Mwanadamu siku zake zi kama majani; Kama ua la kondeni ndivyo asitawivyo. Maana upepo hupita juu yake, kumbe haliko! Na mahali pake hapatalijua tena.”

Utangulizi:

Ni muhimu kujikumbusha tena na tena Japokuwa haipendezi ya kuwa maisha ya mwanadamu duniani yamefupizwa sana, Kimsingi maisha ya mwanadamu ni mafupi mno ukilinganisha na maisha ya milele, ambayo Mungu amekusudia kuwapa wanadamu kama watamuamini Bwana Yesu,

Yohana 3:16 “Kwa maana jinsi hii Mungu aliupenda ulimwengu, hata akamtoa Mwanawe pekee, ili kila mtu amwaminiye asipotee, bali awe na uzima wa milele.”

Kufupishwa kwa maisha ya mwanadamu kumetokana na Mungu mwenyewe kuyapunguza kama adhabu Baada ya kuongezeka kwa maasi yaani dhambi zetu wanadamu hapa ulimwenguni!

Mwanzo 6:1-3 “Ikawa wanadamu walipoanza kuzidi usoni pa nchi na wana wa kike walizaliwa kwao, wana wa Mungu waliwaona hao binti za wanadamu ya kuwa ni wazuri; wakajitwalia wake wo wote waliowachagua. BWANA akasema, Roho yangu haitashindana na mwanadamu milele, kwa kuwa yeye naye ni nyama; basi siku zake zitakuwa miaka mia na ishirini.”

Mwanzoni mwanadamu alikuwana uwezo wa kuishi kwa karne tisa (9) yaani miaka mia tisa na zaidi, na Mwanadamu aliyepata kuishi sana kuliko wanadamu wote aliitwa Methusela ambaye aliishi miaka 969 (mia tisa sitini na tisa)

Mwanzo 5:22-27 “Henoko akaenda pamoja na Mungu baada ya kumzaa Methusela miaka mia tatu, akazaa wana, waume na wake. Siku zote za Henoko ni miaka mia tatu na sitini na mitano. Henoko akaenda pamoja na Mungu, naye akatoweka, maana Mungu alimtwaa. Methusela akaishi miaka mia na themanini na saba, akamzaa Lameki. Methusela akaishi baada ya kumzaa Lameki miaka mia saba na themanini na miwili, akazaa wana, waume na wake. Siku zote za Methusela ni miaka mia kenda na sitini na kenda, akafa.”

Hata hivyo maisha ya mwanadamu siku za leo yamekuwa mafupi zaidi kama maua au majani au mvuke, japokuwa kila mwanadamu anatamani kuishi milele, Kwa msingi huo haijalishi mwanadamu ataishi muda mrefu kiasi gani bado maisha hayo ni mafupi kwa nini kwa sababu maandiko yanasema pia yanaenda kwa kasi sana yaani kama kivuli, kwa hiyo maisha haya hayatoshi, bado uko uhitaji wa maisha ya milele, na ndio maana Mungu katika hekima yake alituumba tuishi milele na kwa sababu hiyo kila mwanadamu kwaasili hapendi kifo milele iko katika mioyo yetu.

Muhubiri 3:11-14 “Kila kitu amekifanya kizuri kwa wakati wake; tena ameiweka hiyo milele ndani ya mioyo yao; ila kwa jinsi mwanadamu asivyoweza kuivumbua kazi ya Mungu anayoifanya, tangu mwanzo hata mwisho. Mimi najua ya kwamba hakuna jema kwao kupita kufurahi, na kufanya mema maadamu wanaishi. Tena ni karama ya Mungu kila mtu apate kula na kunywa, na kujiburudisha kwa mema katika kazi yake yote. Najua ya kwamba kila kazi aifanyayo Mungu itadumu milele; haiwezekani kuizidisha kitu, wala kuipunguza kitu; nayo Mungu ameifanya ili watu wamche Yeye.”

Kwa nini tunajifunza somo hili? Kujikumbusha ufupi wa siku zetu sio kitu kibaya kwani kunatupa hekima ya kujua namna ya kuishi kwa Amani na kutumia siku zetu kwa hekima tuwapo hapa duniani Zaburi 90:12 “Basi, utujulishe kuzihesabu siku zetu, Tujipatie moyo wa hekima.” Kwa hiyo somo hili lina baadhi ya mwaswala Muhimu yanayotuongoza jinsi na na mna ya kuzitumia siku zetu chache duniani kwa hekima, uchahce huu pia unachangiwa na kuwa zinapita haraka sana hata kama utaishi miaka mia, bado utaona ni kama zimepita haraka sana, Na kule kujifunza somo hili hakuna uhusiano wowote na unabii wa kifo cha mtu hapa, hapana ni kwaajili ya kuishi maisha mazuri tuwapo duniani!. Tutajifunza somo hili Mwanadamu siku zake zi kama majani kwa kuzingatia vipengele viwili vifuatavyo:-

·         Mwanadamu siku zake zi kama majani

·         Jinsi ya kutumia muda tuliopewa Duniani

Mwanadamu siku zake zi kama majani.

Moja ya mifano ya asili inayoonyesha ufupi wa maisha ya Mwanadamu ni pamoja na majani na maua katika miti na mimea ya kondeni, majani na maua huishi kwa muda mfupi sana na ndio maana utaweza kuona katika maandiko majani na maua yakitumiwa kama mfano halisi au mfano hai wa kufananisha maisha mafupi ya mwanadamu

1Petro 1:24 “Maana, Mwili wote ni kama majani, Na fahari yake yote ni kama ua la majani. Majani hukauka na ua lake huanguka;”       

Kwa msingi huo maandiko yanatumia majani na maua kama mfano wa asili wa kuonyesha kitu kinachodumu kwa muda mfupi zaidi. Kwa kiyunani kitu kinachodumu kwa muda mfupi zaidi kinaitwa Ephemeral Neno hilo Ephemeral kwa kiyunani yaani Greek ni Muunganiko wa maneno mawili EPI na HEMEROS, EPI kwa kiingereza maana yake ni Upon or For na HEMEROS kwa kiingereza maana yake ni Day kwa hiyo neno Ephemeral maana yake ni “For a day” “kwa siku tu” ikiwa na maana kitu kinachoishi kwa muda mfupi sana. Ephemeral is something that lasting for a very short time yaani ni kama mwendo wa kivuli cha jua, Kwa hiyo Ephemeral maana yake ni kitu kinachoishi kwa muda mfupi sana! Kama majani, au kama maua, na pia kinachopita kwa kasi sana kama kivuli!

Zaburi 102:11-12 “Siku zangu zi kama kivuli kilichotandaa, Nami ninanyauka kama majani. Bali Wewe, Bwana utaketi ukimiliki milele, Na kumbukumbu lako kizazi hata kizazi.”         

Ayubu 14:1-2 “Mwanadamu aliyezaliwa na mwanamke Siku zake za kuishi si nyingi, naye hujaa taabu. Yeye huchanua kama vile ua, kisha hukatwa; Hukimbia kama kivuli, wala hakai kamwe.”

Muhubiri 6:12 “Kwa maana ni nani ajuaye yaliyo mema ya mwanadamu katika maisha yake, siku zote za maisha yake ya ubatili, anayoishi kama kivuli? Kwa maana ni nani awezaye kumweleza mwanadamu mambo yatakayofuata baada yake chini ya jua? ”

Zaburi 39:4-6 “Bwana, unijulishe mwisho wangu, Na kiasi cha siku zangu ni kiasi gani; Nijue jinsi nilivyo dhaifu. Tazama, umefanya siku zangu kuwa mashubiri; Maisha yangu ni kama si kitu mbele zako. Kila mwanadamu, ingawa amesitawi, ni ubatili.Binadamu huenda tu huko na huko kama kivuli; Hufanya ghasia tu kwa ajili ya ubatili; Huweka akiba wala hajui ni nani atakayeichukua.”

Kwa hiyo katika mtazamo wa kifalsafa, maisha ya mwanadamu hutazamwa kuwa mafupi sana bila kujali mtu ameishi maisha ya miaka mingapi hapa duniani, hii inathibitisha ukweli ya kuwa tunapaswa kujua namna na jinsi ya kutumia wakati wetu huu mfupi tulio nao kwa busara zaidi sana tukijifunza kuacha majivuno na maringo kwa sababu zozote.

Zaburi 90:10-12 “Siku za miaka yetu ni miaka sabini, Na ikiwa tuna nguvu miaka themanini; Na kiburi chake ni taabu na ubatili, Maana chapita upesi tukatokomea mara. Ni nani aujuaye uweza wa hasira yako? Na ghadhabu yako kama ipasavyo kicho chako? Basi, utujulishe kuzihesabu siku zetu, Tujipatie moyo wa hekima.”            

Jinsi ya kutumia muda tuliopewa Duniani

Tunawezaje kutumia kwa busara muda huu mfupi sana tuliopewa duniani? Ili kutumia muda huu vema tunapaswa kufikiri katika maana nzima kuhusu maisha na kulenga kutimiza kusudi kuu la maisha tulilopewa na Mungu, Maisha ni dhamana kwa hiyo:-

1.       Ishi sawa na kusudi la Mungu - Tambua ni jambo gani la Muhimu duniani ambalo Mungu anataka ulifanye?, Mungu alikuumba ili iweje? Mungu amekuleta ufanye nini? Ukiisha kutambua simamia katika siku zako zote za kuishi, kumbuka kila mwanadamu hapa duniani ana kusudi lake ambalo Mungu amemkusudia kulifanya basi kaa katika kusudi hilo, huku ukihakikisha unadumisha uhusiano wako na Mungu mapema!

 

Mhubiri 12:1-7 “Mkumbuke Muumba wako siku za ujana wako, Kabla hazijaja siku zilizo mbaya, Wala haijakaribia miaka utakaposema, Mimi sina furaha katika hiyo.Kabla jua, na nuru, na mwezi, Na nyota, havijatiwa giza; Kabla ya kurudi mawingu baada ya mvua; Siku ile walinzi wa nyumba watakapotetema; Hapo wenye nguvu watakapojiinamisha; Na wasagao kukoma kwa kuwa ni haba; Na hao wachunguliao madirishani kutiwa giza; Na milango kufungwa katika njia kuu; Sauti ya kinu itakapokuwa ni ndogo; Na mtu kusituka kwa sauti ya ndege; Nao binti za kuimba watapunguzwa; Naam, wataogopa kilichoinuka Na vitisho vitakuwapo njiani; Na mlozi utachanua maua; Na panzi atakuwa ni mzigo mzito; Na pilipili hoho itapasuka; Maana mtu aiendea nyumba yake ya milele, Nao waombolezao wazunguka njiani. Kabla haijakatika kamba ya fedha; Au kuvunjwa bakuli la dhahabu; Au mtungi kuvunjika kisimani; Au gurudumu kuvunjika birikani; Nayo mavumbi kuirudia nchi kama yalivyokuwa, Nayo roho kumrudia Mungu aliyeitoa.”

 

Kumkumbuka Mungu maana yake ni kulitumikia kusudi la Mungu au kutumikia shauri la Mungu yaani kufanya kile ambacho Mungu amateka tukifanye katika maisha yetu na kubwa zaidi tukiwatumikia watu na kuacha alama katika maisha yao, na moyo wa Mungu baba yetu aliyetuumba. Utatufurahia

 

Matendo 13:36 “Kwa maana Daudi, akiisha kulitumikia shauri la Mungu katika kizazi chake, alilala, akawekwa pamoja na baba zake, akaona uharibifu.”

               

2.       Tengeneza mahusiano mazuri – Ni muhimu katika maisha haya kuwekeza katika mahusiano, usiwe na maadui wala uadui na mtu wala usiwe na uadui na Mungu na watu, Neno la Mungu linatutaka tuwe na mahusiano mema na watu wote lakini na Mungu pia, Neno la Mungu limekazia sana uhusiano mwema, baba zetu wa Imani Ibrahimu na Isaka na Yakobo wakati wote katika maisha yao walitafuta amani kwa bidii hata baada ya kufanya makosa makubwa sana ya kibinadamu walitafuta Amani!

 

Waebrania 12:14 “Tafuteni kwa bidii kuwa na amani na watu wote, na huo utakatifu, ambao hapana mtu atakayemwona Bwana asipokuwa nao;”

 

Marko 12:29-31 “Yesu akamjibu, Ya kwanza ndiyo hii, Sikia, Israeli, Bwana Mungu wetu ni Bwana mmoja; nawe mpende Bwana Mungu wako kwa moyo wako wote, na kwa roho yako yote, na kwa akili zako zote, na kwa nguvu zako zote. Na ya pili ndiyo hii, Mpende jirani yako kama nafsi yako. Hakuna amri nyingine iliyo kuu kuliko hizi.”               

 

1Yohana 2:9-11 “Yeye asemaye kwamba yumo nuruni, naye amchukia ndugu yake, yumo gizani hata sasa. Yeye ampendaye ndugu yake, akaa katika nuru, wala ndani yake hamna kikwazo. Bali yeye amchukiaye ndugu yake, yu katika giza, tena anakwenda katika giza, wala hajui aendako, kwa sababu giza imempofusha macho.”

 

Wekeza katika ujenzi wa uhusiano mzuri kwa familia ndugu, jamaa na marafiki na katika jamii, tengeneza mtandao mwema wa uhusiano mzuri, tia moyo watu, furahisha watu, jenga jamii, onyesha kujihusisha. Salimia majirani, jichanganye katika jamii, jihusishe katika harusi zao, kama una nafasi na katika misiba yao nafasi ikiruhusu, sema na watu vizuri, cheka na watu vizuri hata wasipokutendea mema usijali wewe tenda, cheka na wanaocheka na lia na wanaolia, usiwe na maadui, uwe rafiki wa kila mtu na wa kila rika!

 

3.       Jaa shukurani – iweni watu wa shukurani, shukuru kwa kila jambo liwe kubwa au dogo na lolote lile ambalo ulimwengu unatoa

 

1Thesalonike 5:18 “shukuruni kwa kila jambo; maana hayo ni mapenzi ya Mungu kwenu katika Kristo Yesu.”

 

Zaburi 106:1, “Haleluya. Mshukuruni Bwana kwa kuwa ni mwema, Kwa maana fadhili zake ni za milele.”           

Zaburi 100:4 “Ingieni malangoni mwake kwa kushukuru; Nyuani mwake kwa kusifu; Mshukuruni, lihimidini jina lake;”   

 

Wakolosai 3:15 “Na amani ya Kristo iamue mioyoni mwenu; ndiyo mliyoitiwa katika mwili mmoja; tena iweni watu wa shukrani.”       

 

4.       Tia moyo ustawi – wakati wote hakikisha kuwa ustawi unakuwa, yaani wakati wote ongeza maarifa, ongeza ujuzi na mbinu mbalimbali za kuhakikisha unakua katika kutafuta mbinu za kujiongeza kiimani, kiuchumi na kimaisha !

 

Luka 2:40-52 “Yule mtoto akakua, akaongezeka nguvu, amejaa hekima, na neema ya Mungu ilikuwa juu yake. Basi, wazee wake huenda Yerusalemu kila mwaka, wakati wa sikukuu ya Pasaka.Na alipopata umri wake miaka kumi na miwili, walipanda kama ilivyokuwa desturi ya sikukuu; na walipokwisha kuzitimiza siku, wakati wa kurudi kwao, yule mtoto Yesu alibaki nyuma huko Yerusalemu, na wazee wake walikuwa hawana habari. Nao wakadhani ya kuwa yumo katika msafara; wakaenenda mwendo wa kutwa, wakawa wakimtafuta katika jamaa zao na wenzao; na walipomkosa, wakarejea Yerusalemu, huku wakimtafuta. Ikawa baada ya siku tatu wakamwona hekaluni, ameketi katikati ya waalimu, akiwasikiliza na kuwauliza maswali. Nao wote waliomsikia walistaajabia fahamu zake na majibu yake. Na walipomwona walishangaa, na mama yake akamwambia, Mwanangu, mbona umetutenda hivi? Tazama, baba yako na mimi tulikuwa tukikutafuta kwa huzuni. Akawaambia, Kwani kunitafuta? Hamkujua ya kuwa imenipasa kuwamo katika nyumba ya Baba yangu? Nao hawakuelewa na neno hilo alilowaambia. Akashuka pamoja nao mpaka Nazareti, naye alikuwa akiwatii; na mamaye aliyaweka hayo yote moyoni mwake. Naye Yesu akazidi kuendelea katika hekima na kimo, akimpendeza Mungu na wanadamu.”

 

1Nyakati 4:9-10 “Naye Yabesi alikuwa mwenye heshima kuliko nduguze; na mamaye akamwita jina lake Yabesi, akisema, Ni kwa sababu nalimzaa kwa huzuni. Huyo Yabesi akamlingana Mungu wa Israeli, akisema, Lau kwamba ungenibarikia kweli kweli, na kunizidishia hozi yangu, na mkono wako ungekuwa pamoja nami, nawe ungenilinda na uovu, ili usiwe kwa huzuni yangu! Naye Mungu akamjalia hayo aliyoyaomba.”          

 

5.       Ni heri kutoa kuliko kupokea – hakikisha ya kuwa unajitoa kwaajili ya wengine, fanikisha maisha ya wengine, furahia mafanikio ya wengine, rudisha katika jamii, Kwa matendo ya ukarimu, na utu wema, weka misingi ya kudumu kuwa mwema katika jamii yako kwa kadiri Mungu alivyokubariki utakumbukwa Daima na Mungu na watu pia.

 

Matendo 20:34-35 “Ninyi wenyewe mnajua ya kuwa mikono yangu hii imetumika kwa mahitaji yangu na ya wale waliokuwa pamoja nami. Katika mambo yote nimewaonyesha ya kuwa kwa kushika kazi hivi imewapasa kuwasaidia wanyonge, na kuyakumbuka maneno ya Bwana Yesu, jinsi alivyosema mwenyewe, Ni heri kutoa kuliko kupokea.”

               

Matendo 9:36-41 “Na mwanafunzi mmoja alikuwako Yafa, jina lake Tabitha, tafsiri yake ni Dorkasi (yaani paa); mwanamke huyu alikuwa amejaa matendo mema na sadaka alizozitoa. Ikawa siku zile akaugua, akafa; hata walipokwisha kumwosha, wakamweka orofani. Na kwa kuwa mji wa Lida ulikuwa karibu na Yafa, nao wanafunzi wamesikia ya kwamba Petro yuko huko, wakatuma watu wawili kwake, kumsihi na kusema, Usikawie kuja kwetu. Petro akaondoka akafuatana nao. Alipofika, wakampeleka juu orofani wajane wote wakasimama karibu naye, wakilia na kumwonyesha zile kanzu na nguo alizozishona Dorkasi wakati ule alipokuwa pamoja nao. Petro akawatoa nje wote, akapiga magoti, akaomba, kisha akaelekea yule maiti, akanena, Tabitha, ondoka. Naye akafumbua macho yake, na alipomwona Petro akajiinua, akaketi. Akampa mkono, akamwinua; hata akiisha kuwaita wale watakatifu na wajane akamweka mbele yao, hali yu hai.”

               

Matendo 10:1-8 “Palikuwa na mtu Kaisaria, jina lake Kornelio, akida wa kikosi kilichoitwa Kiitalia, mtu mtauwa, mchaji wa Mungu, yeye na nyumba yake yote, naye alikuwa akiwapa watu sadaka nyingi, na kumwomba Mungu daima. Akaona katika maono waziwazi, kama saa tisa ya mchana, malaika wa Mungu, akimjia na kumwambia, Kornelio! Akamtazama sana, akaogopa akasema, Kuna nini, Bwana? Akamwambia, Sala zako na sadaka zako zimefika juu na kuwa ukumbusho mbele za Mungu. Sasa basi, peleka watu Yafa, ukamwite Simoni, aitwaye Petro. Yeye ni mgeni wa mtu mmoja, jina lake Simoni, mtengenezaji wa ngozi, ambaye nyumba yake iko pwani, atakuambia yakupasayo kutenda. Na yule malaika aliyesema naye akiisha kuondoka, Kornelio akawaita wawili katika watumishi wake wa nyumbani, na askari mmoja, mtu mtauwa katika wale waliomhudumia daima; na alipokwisha kuwaeleza mambo yote akawatuma kwenda Yafa.”             

 

6.       Yafikirie yaliyo juu

Ni muhimu kufikiria kuhusu mambo yajayo, yanayohusiana na uzima wa milele, hata kama tutakuwa tumebarikiwa kwa kiasi gani tukiwa hapa duniani hii isiwe sababu ya kupoteza urafiki wetu na Mungu, Mafanikio yasikutoe katika kufikiri kuhusu Mungu na maswala ya milele!, Mche Mungu, fanya kila kitu huku ukijali sana maswala ya maisha ya milele usiyapuuzikie, watu wenye akili ni wale wanaomcha Mungu!

 

Mwanzo 13:2 “Naye Abramu alikuwa ni tajiri sana kwa mifugo, kwa fedha, na kwa dhahabu.”  

 

Waebrania 11:10 “Maana alikuwa akiutazamia mji wenye misingi, ambao mwenye kuubuni na kuujenga ni Mungu.”             

 

Wakolosai 3:1-4 1. “Basi mkiwa mmefufuliwa pamoja na Kristo, yatafuteni yaliyo juu Kristo aliko, ameketi mkono wa kuume wa Mungu. Yafikirini yaliyo juu, siyo yaliyo katika nchi. Kwa maana mlikufa, na uhai wenu umefichwa pamoja na Kristo katika Mungu. Kristo atakapofunuliwa, aliye uhai wetu, ndipo na ninyi mtafunuliwa pamoja naye katika utukufu.”   

 

Yakobo 4:13-16 “Haya basi, ninyi msemao, Leo au kesho tutaingia katika mji fulani na kukaa humo mwaka mzima, na kufanya biashara na kupata faida; walakini hamjui yatakayokuwako kesho. Uzima wenu ni nini? Maana ninyi ni mvuke uonekanao kwa kitambo, kisha hutoweka. Badala ya kusema, Bwana akipenda, tutakuwa hai na kufanya hivi au hivi. Lakini sasa mwajisifu katika majivuno yenu; kujisifu kote kwa namna hii ni kubaya.”           

 

Luka 12:16-21 “Akawaambia mithali, akisema, Shamba la mtu mmoja tajiri lilikuwa limezaa sana; akaanza kuwaza moyoni mwake, akisema, Nifanyeje? Maana sina pa kuyaweka akiba mavuno yangu. Akasema, Nitafanya hivi; nitazivunja ghala zangu, nijenge nyingine kubwa zaidi, na humo nitaweka nafaka yangu yote na vitu vyangu. Kisha, nitajiambia, Ee nafsi yangu, una vitu vyema vingi ulivyojiwekea akiba kwa miaka mingi; pumzika basi, ule, unywe, ufurahi. Lakini Mungu akamwambia, Mpumbavu wewe, usiku huu wa leo wanataka roho yako! Na vitu ulivyojiwekea tayari vitakuwa vya nani? Ndivyo alivyo mtu ajiwekeaye nafsi yake akiba, asijitajirishe kwa Mungu.”

 

7.       Tunza afya yako - Ni muhimu sana pia kuhakikisha unatunza afya yako, Afya ya mwili akili na roho yako, hatuwezi kufurahia maisha yote ya kimwili na kiroho kama hatutatunza afya zetu, hili ni jambo la muhimu sana !

 

3Yohana 1:2 “Maana nalifårahi mno walipokuja ndugu na kuishuhudia kweli yako, kama uendavyo katika kweli.”                

 

1Wakorintho 6:19-20 “Au hamjui ya kuwa mwili wenu ni hekalu la Roho Mtakatifu aliye ndani yenu, mliyepewa na Mungu? Wala ninyi si mali yenu wenyewe; maana mlinunuliwa kwa thamani. Sasa basi, mtukuzeni Mungu katika miili yenu.”         

 

8.       Ishi kwa kiasi  - Maisha yanahitaji uwiano, yaani kiasi, jaribu kuweka kila kitu katika kiasi ridhika,  Neno kiasi katika maandiko ya kiingereza ni Soberly au Modarate  na katika kiyunani ni Sophronos ambalo maana yake ni Self possessed/Self control yaani kujidhibiti, au kujikana nafsi kwa hiyo ni muhimu kuwa na kiasi ni muhimu kujidhibiti, usipitilize mipaka katika kila jambo ulifanyalo

 

Tito 2:11-12 “Maana neema ya Mungu iwaokoayo wanadamu wote imefunuliwa; nayo yatufundisha kukataa ubaya na tamaa za kidunia; tupate kuishi kwa kiasi, na haki, na utauwa, katika ulimwengu huu wa sasa;”

 

Hitimisho:

 

Tukijikita katika mambo hayo hapo juu tutajikuta tunaishi katika utoshelevu, unaotengeneza maana kamili ya maisha bila kujali urefu au ufupi wa maisha yenyewe!

               

Na. Rev. Innocent Samuel Kamote

Mkuu wa wajenzi mwenye Hekima!