Amri iliyo kuu:

Mathayo 22:34-40 “Na Mafarisayo waliposikia ya kwamba amewafumba kinywa wale Masadukayo, walifanya shauri pamoja. Mmoja wao, mwana-sheria, akamwuliza, akimjaribu;  Mwalimu, katika torati ni amri ipi iliyo kuu? Akamwambia, Mpende Bwana Mungu wako kwa moyo wako wote, na kwa roho yako yote, na kwa akili zako zote. Hii ndiyo amri iliyo kuu, tena ni ya kwanza. Na ya pili yafanana nayo, nayo ni hii, Mpende jirani yako kama nafsi yako.  Katika amri hizi mbili hutegemea torati yote na manabii.”

 Kutokana na upendo mkubwa usio na mipaka aliokuwa nao Abrahamu asingeliweza kuzuia kumrudisha Isaka kwa Mungu endapo tu kama malaika wa Bwana Hangelimzuia kufanya hivyo

Utangulizi:

Kifungu hiki cha maandiko ni moja ya kifungu muhimu sana kwa wanafunzi wa Biblia kuweza kukipa muda na kujifunza, Kuna jambo au mambo muhimu ya msingi ya kujifunza hasa kutokana na Majibu ya Yesu Kristo kwa  swali la Mwanasheria wa kiyahudi aliyetaka kujua amri iliyo kuu ni ipi ili kupima uelewa na msimamo wa Yesu Kuhusu Torati, Pamoja na kuwa swali liliulizwa kwa hila lakini ukweli unabaki kuwa jibu la Bwana Yesu lilikuwa la muhimu kwa mafarisayo na kwa kila mwanadamu mmoja mmoja kuhusu umuhimu wa Kumpenda Mungu na wanadamu wenzetu, Jibu la Yesu safari hii lililkuwa ni andiko lililonukuliwa moja kwa moja kutoka Kumbukumbu la torati 6:4-5 ambao unasema hivi “Sikiza, Ee Israeli; Bwana, Mungu wetu, Bwana ndiye mmoja. Nawe mpende Bwana, Mungu wako, kwa moyo wako wote, na kwa roho yako yote, na kwa nguvu zako zote.”Lakini pamoja na hayo Yesu aliongeza amri ya pili inayofanana na hiyo Mpende Jirani yako kama nafsi yako. Unapoangalia kwa makini katima vifungu hivi na majibu ya Yesu Kristo utaweza kuona kuwa Yesu alijibu swali hili kwa Upeo mpana na wa hali ya juu ambao tutachukua Muda kuuchambua leo kwa kuzingatia mambo ya msingi nay a muhimu yafuatayo:-

·         Amri iliyo kuu ni Upendo

·         Mpende Bwana Mungu wako kwa moyo wako wote, na kwa roho yako yote, na kwa akili zako zote

·         Mpende jirani yako kama nafsi yako.

Amri iliyo kuu ni Upendo:-

Ni muhimu kwanza kufahamu kuwa katika majibu ya Yesu kwa mwanasheria Yesu amekazia neno Upendo likitumika kote kwa Mungu kwanza na kwa binadamu pia Kwa msingi huo ni muhimu kwetu kuchukua Muda kutafakari kwanza maana ya Neno Upendo linalotajwa katika biblia linamaanisha nini kabla ya kujifunza mambo mengine kwa undani:-

Kwa kawaida unapotaja neno la kibiblia upendo, huna budi kukumbuka kuwa Biblia hususani agano jipya lililetwa kwetu kwa lugha ya kiyunani, na kutokana na mantiki ya Kiswahili kuhusu neno upendo na ya kiingereza kutokutosheleza aina ya upendo tunaotaka kuzungumza ni muhimu kwetu kwanza kuzama katika lugha ya kiyunani na kuangalia maneno yanayotumika kutofautisha upendo na maana zake, katika kiyunani unapotaja neno Upendo kuna maneno manne yanayoelezea upendo kwa maana tofauti Kuna neno PHILEO,STORGE,EROS na AGAPE au AGAPAO.

·         PHILEO aina hii ya upedno kwa kiingereza tunaiita “Companionable love”yaani ni upendo wa Kirafiki, Ni upendo unaojengeka kutokana na kushirikiana kuzungumza kukubaliana kupeana zawadi,kuendana na kadhalika huu ni upendo wa kirafiki.

·         STORGE aina hii ya upendo kwa kiingereza tunaiita “Natural affection love” yaani ni upendo unaotokana na kuweko kwa undugu wa damu, unampenda mtu kwa sababu ni baba, mama, mwana, mjomba shangazi, dadam kaka na kadhalika katika mahusiano ya kindugu na damu.

·         EROS aina hii ya upendo kwa kiingereza tunaiita “Erotic love” yaani ni upendo unaotokana na mvuto wa kimapenzi, ni upendo unaohusu jinsia tofauti na yako, unampenda mtu kwa sababu ya muonekano wake , umbile lake na uzuri wake hii husababishwa na mvuto wa kimapenzi, body morphology is concern Muonekana wa mwili au mvuto unahusika na upendo huu ni wa kihisia.

·         AGAPE aina hii ya Upendo kwa kiingereza tunaiita “unconditional love” Yaani ni upendo wenye kupitiliza mipaka ya kibinadamu, ni upendo ambao asili yake ni Mungu ni upendo unaomtakia mema kila mmoja awe adui au ndugu upendo huuunapita mipaka ya kawaida ya kibinadamu, hauangalii hali ya hewa, unampenda Mungu au mtu bila kutarajia kitu kutoka kwake, bila kujali mtu huyo ni mwema au mbaya, bila kujali ni wakati mzuri au mbaya, bila kujali ni wakati wa matatizo au raha upendo huu unabaki vilevile na haubadilishwi na matukio, Mungu anapoamuru kupendana au kumpenda Yeye katika maandiko anamaanisha upendo huu wa Agape.

Mpende Bwana Mungu wako kwa moyo wako wote, na kwa roho yako yote, na kwa akili zako zote

Katika Mathayo 22:34-40 Mwanasheria wa kifarisayo alimuuliza Yesu swali la muhimu sana ingawa ni kwa kusudi la kumjaribu, kusudi lao kuu sio kujua Yesu anajua nini lakini wapate kuhukumu kuwa atasema nini kuhusu swala la kumpenda Mungu, Mafarisayo walijifikiri kuwa wao wanampenda Mungu na kuwa wanashika amri za Mungu huenda kuliko hata adui zao Masadukayo ambao Yesu alikuwa ametoka kuzungumza nao punde na kuwashinda kwa hoja jambo ambalo mafarisayo walilifurahia upeo na wakajifikiri kuwa wao ni wenye haki kwakuwa imani yao inafanana na ile ya Kristo, Hata hivyo katika jibu hili la Kristo ujuzi wake na ufahamu wake ulikuwa tofauti na mafarisayo wanavyo fikiri ukitafakari kwa kina kuhusu Majibu ya Yesu kila mmoja atajiona kuwa bado kuna upungufu katika ukiri wake kuwa anampenda Mungu

Unapoangalia maana ya upendo wa Agape kwa Mungu na mkazo wa Yesu, kuhusu kumpenda Mungu kwa Moyo na kwa roho na kwa akili au kwa nguvu hii ina maana wazi kabisa ya kuwa upendo wetu kwa Mungu unapaswa kuwa upendo wa kweli na wa dhati, haupaswi kuwa upendo wa mdomoni tu bali unapaswa kuwa wa kivitendo

1.       Kumpenda kwa moyo wetu wote kunamaanisha kuwa tuwe tayari kumfanya yeye kuwa namba moja, kumjali na kumuwaza yeye kuliko jambo lingine kuwa tayari yamkini hata kupoteza kila kitu cha thamani tulichonacho kwaajili yake, mafarisayo ukweli ni kuwa walikuwa wakijifikiri kuwa wana haki na wanampenda sana Mungu lakini Yesu alikuwa anawaona kama watu waliojaa ubinafsi na ambao hawakuwa tayari kuachia kila walichonacho kwaajili ya wengine ili kumfuata Mungu, Ibrahimu alikuwa tayari kumtoa mwanae wa Pekee Isaka kwaajili ya kumtii Mungu, lakini nani katika binadamu anaweza kufanya tukio hilo labda washirikina peke yao wanaotafuta utajiri kwa shetani, Kumpenda Mungu kwa moyo ni kuwa tayari kuendelea kuambatana na Mungu hata kama kwa kufanya hivyo tunaweza kupata hasara kubwa sana, unaendelea kushikamamana na Mungu tu awe amaekujibu maombi au hajakujibu moyo wako uambatane naye

2.       Kumpenda Mungu kwa roho yako, hii biblia inazungumzia upendo ambao uko tayari kufa kutoa roho yako kwaajili ya Mungu wako, hili sio swala Jespesi kwa Mafarisayo, wayahudi na hata wakristo, ni baadhi tu ya waislamu wachache ambao wanauwezo wa kujitoa muhanga na kupoteza roho zao kwaajili ya Mungu, wako pia mashujaa wachache wa imani ambao wameweza kufanya ahivyo, Kumpenda Mungu kwa roho yako yote maana yake ni kuwa tayari kuachilia kila kitu hata kama itagharimu uhai wetu kwaajili yake.

3.       Kumpenda Mungu kwa akili zako zote, kwa kiingereza tunaweza kusema to submit the intellect to his will, ni kuwa tayari kumpenda yeye na sheria zake zote, na kuamua lolote katika mapezni yake bila kutumia akili zetu, kukubali kufuata muongozo wake na kutokutenda lolote bila kumuuliza Yeye, daudi hakufanya lolote bila kuuliza kutoka kwa Bwana, huku ni kujitoa kwa hiyari kiasi cha kukosa maamuzi yako na kufuata maamuzi ya Mungu hii ni sadaka ya hali ya juu

4.       Kwa nguvu zako zote kama inavyoainishwa katika Marko hii humaanisha kwa roho yako na kwa mwili wako kuwa tayari kumtumikia na hata kuvumilia kwaajili ya utukufu wake kwa gharama yoyote.

Yesu anapozungumzia swala la Kumpenda Mungu anazungumzia hali ya kuendelea kumtegemea na kumtumikia Mungu bila kujali anatufanyia nini au hajatufanyia nini, Mungu anabaki kuwa Mungu, awe amejibu maombi yetu awe ajajibu, awe ametupa mume au hajatupa, awe ametupamnyumba awe hajatupa, awe ametupa gari ,awe hajatupa, awe ametuponya magonjwa yetu awe ahajatuponya, awe ametupandiah cheo au hajatupandisha, awe ametupa utajiri , au umasikini, awe ametupa chakula au njaa, awe ametuokoa na mateso au hajatuokoa, awe amenipa watoto au ameninyima, awe ameniulia kipenzi change, au amemponnya, awe ametupa maadui au hajatupa, awe ametupa ushindi au tumeshindwa, awe ametuokoka au hajatuokoa, awe ametupa au maketupokonya lazima Mungu abaki kuwa Mungu na ni lazima upendo wetu uendelee kuwepo kwake huu ndio upendo wa agape, Upendo wetu kwa Mungu unapaswa kuendelea kuwepo kwa vile ametupa zawadi ya wokovu, Mungu anatarajia tutampenda tu na hakuna sababu ya kutokumpenda.Upendo wetu kwake lazima uendane na ukweli kuwa yeye mwenyewe alitupenda upeo kiasi ambacho  alimtoa mwana wake wa pekee Yesu kufa kwaajili yetu Yohana 3:16, upendo wetu lazima ubebe imani kwake na kuonyesha kuwa tunamtegemea katika hali zote ziwe njema ama mbaya, upendo wetu kwake haupaswi kuwa na masharti, kama yeye mwenyewe alivyotupenda upeo bila sababu, uhusiano wetu na Mungu ni wa Muhimu kiasi kwamba hauwezi kutenganishwa na jambo lolote, lazima tukubali kuikataa dunia kwa gharama yoyote, ukweli wa upendo wetu kwa Mungu utadhihirika kwa matukio ya kuwa tayari hata kufa kwaajili yake inakuwaje kama yesu alikuwa tayari kufa kwaajili yetu? Sisi je hatuwezi kuwa tayari kufa kwaajili yake? Huku ndio iujitoa kwa ngazi ya juu zaidi kwa Mungu Warumi 12:1-2, 1Wakoritho 6:20, 10:31 2Wakoritho 9:15, Efeso 4:30, 5:1-2 Wakolosai 3:12-17.

Mpende jirani yako kama nafsi yako.

Yesu katika kujibu swali la farisayo tunajua wazi kuwa alinukuu Torati 6:4-5 na katika andiko hilo hakuna agizo la Mpende jirani yako kama nafsi yako, Yesu alikuwa ameliongeza jambo hilo kwa makusudi maalumu, kuhusu Mafarisayo kumpenda Mungu swala hilo halikuwa na na mjadala wengi walijitahidi kushika sheria ya Mungu tangu utoto wao, lakini ukweli ni kuwa kumpenda Mungu hakungeweza kukamilika kama hakuna kumpenda Mwanadamu mwenzako kama nafsi yako, watu wengi leo wanakiri kuwa wanampenda Mungu, lakini hawako tayari kuona maisha yaw engine yakiwa kama yao, ubinafsi na uchoyo vimewajaa kiasi ambacho wao hujiweka daraja la juuu kabisa na hawafurahii wengine kuwa kama wao, au kuwafanania, yesu aliwakumbusha Mafarisayo na sisi kuwapenda wenzetu kama nafsi zetu,

Warumi 13: 8-10 “Msiwiwe na mtu cho chote, isipokuwa kupendana; kwa maana ampendaye mwenzake ameitimiza sheria. Maana kule kusema, Usizini, Usiue, Usiibe, Usitamani; na ikiwapo amri nyingine yo yote, inajumlishwa katika neno hili, ya kwamba, Mpende jirani yako kama nafsi yako. Pendo halimfanyii jirani neno baya; basi pendo ndilo utimilifu wa sheria”.

Mafundisho ya mitume yanaungana na majibu ya Yesu kuhusu kuwapenda wenzetu kama nafsi zetu,watoto wote wa Mungu wanapaswa kuwapenda watu kwa upendo wa agape, hali hiii ya kupenda ni lazima ipite mipaka na kufikia kiwango cha kuwapenda hata wasiopendeka Biblia inatutaka kuwapenda maadui Mathayo 5:43-15. “Mmesikia kwamba imenenwa, Umpende jirani yako, na, Umchukie adui yako; lakini mimi nawaambia, Wapendeni adui zenu, waombeeni wanaowaudhi, ili mpate kuwa wana wa Baba yenu aliye mbinguni; maana yeye huwaangazia jua lake waovu na wema, huwanyeshea mvua wenye haki na wasio haki”

Biblia inatufunulia wazi kuwa ni Daudi, Yesu na Stefano amabo waliweza kufikia kiwango hiki cha kuwapenda na hata kuwaombea adui zao, Mafarisayo waliwachukia adui zao, lakini pia walijawa na ubinafsi kiasi ambacho wasingeliweza kwa vyovyote vile kusema wanampenda mungu katika hali ya kuwa ni wabinafsi na wenye choyo.

Na mkuu wa Wajenzi mwenye Hekima

Rev. Innocent Kamote

Huyu ndiye Niliyekuambia habari zake!

1 Samuel 9:15-17. “Biblia inasema “Basi Bwana alikuwa amemfunulia Samweli, siku moja kabla Sauli hajamwendea, akisema,  Kesho, wakati kama huu, nitakuletea mtu kutoka nchi ya Benyamini, nawe mtie mafuta ili awe mkuu juu ya watu wangu Israeli, naye atawaokoa watu wangu na mikono ya Wafilisti; maana nimewaangalia watu wangu, kwa sababu kilio chao kimenifikilia. Hata Samweli alipomwona Sauli, Bwana akamwambia, HUYU NDIYE NILIYEKUAMBIA HABARI ZAKE; huyu ndiye atakayewamiliki watu wangu.”

 Sauli alikuwa Mfalme wa Kwanza wa Israel na Yuda, alitawala mnamo karne ya 11 hivi kabla ya Kristo akitokea kabila la Benjamin ingawa Baadaye Ufalme wake ulisitishwa na kurejea katika kabila la Yuda, kutokana na uchaguzi wa Mungu kumleta Masihi kupitia kabila hilo.

Utangulizi:

Kitabu cha Samuel ni kitabu cha mpito, ni kitabu kinachoonyesha jinsi wana wa Israel walivyodai kuwa na uongozi wa kifalme, kutoka kuwa na viongozi waamuzi ambao walikuwa ni wawakilishi wa Mungu katika kuongoza Israel, Mungu alikuwa akiwatumia viongozi hao kwa kuwajaza Roho wake Mtakatifu na wakamwakilisha Mungu kama mfalme mkuu hata wakati wa Nabii Samuel, Hata hivyo wana wa Israel waligomea aina hii ya uongozi na walimuomba Samuel awapatie Mfalme,

1Samuel 9:4-8 “ Ndipo wazee wote wa Israeli wakakutana pamoja, wakamwendea Samweli huko Rama; wakamwambia, Angalia, wewe umekuwa mzee, na wanao hawaendi katika njia zako; basi, tufanyie mfalme atuamue, mfano wa mataifa yote. Lakini neno hilo likawa baya machoni pa Samweli, waliposema, Tupe mfalme atuamue. Naye Samweli akamwomba Bwana.  Bwana akamwambia Samweli, Isikilize sauti ya watu hawa katika kila neno watakalokuambia; kwa maana hawakukukataa wewe, bali wamenikataa mimi, ili nisiwe mfalme juu yao. Kwa kadiri ya matendo yote waliyonitenda tokea siku ile nilipowatoa katika Misri hata leo, kwa kuniacha mimi, na kwa kutumikia miungu mingine, ndivyo wanavyokutenda wewe.  swala hili lilikuwa baya machoni pa samuel na machoni kwa Mungu, Hata hivyo Mungu alimwambia Samuel awakubalie na kisha Mungu aliwamwambia Samuel habari za huyo mfalme waliemuhitaji.”

Maandalizi ya Heshima Kubwa.

Baada ya Ushauri huu wa Mungu ni wazi kuwa Samuel aliomba kwaajili ya Mfalme na Mungu alikuwa amemfunulia majira na muda ambao Mfalme huyu angekuja, kwa sababu hiyo Samuel akiwa na mtazamo kuhusu Mfalme aliandaa karamu kubwa sana naya Muhimu sana pia alialika watu wapatao 30 ambao walikuwa wastahiki, bila shaka walikuwa ni wazee muhimu sana katika Israel,aidha Samuel aliandaa Ngombe aliyenona 1Samuel 9: 22-24 “Naye Samweli akamtwaa Sauli na mtumishi wake, akawaleta ndani sebuleni, akawaketisha mahali pa heshima kati ya watu walioalikwa, nao jumla yao walikuwa kama watu thelathini. Samweli akamwambia mpishi, Lete ile sehemu niliyokupa, hiyo niliyokuambia, Iweke akiba. Basi mpishi akatwaa paja, na nyama iliyokuwa juu yake, akaiweka mbele ya Sauli. Samweli akasema, Iliyowekwa akiba ndiyo hiyo! Iweke mbele yako ule, kwa sababu umewekewa hiyo wewe hata wakati uliokusudiwa, maana nalisema, Nimewaalika watu. Basi Sauli akala pamoja na Samweli siku hiyo”. Hebu jaribu kuwaza Pale Mungu anapokuwa amekujulisha kuwa kiongozi wa Nchi atakuja kwako kwa muda Fulani, ukweli utajiandaa na kumuandalia kwa heshima kubwa sana ndivyo ilivyokuwa kwa Samuel ingawa alikuwa Nabii na mwamuzi lakini alimuandalia kiongozi mpya ajaye maandalizi ya Heshima kubwa sana.

Mungu anamleta Mfalme.

Katika namna ya Kushangaza sana Mungu anamleta Mfalme, lakini ili mfalme afike kwa Nabii Samuel Mungu anasababisha tukio la kupotea kwa Punda ambalo linawapelekea Mzee kishi kumtuma kijana wake Sauli na mtumishi wake na hivyo kuwa na mwendo wa siku tatu kwaajili ya kuwatafuta Punda na hatimaye anakutana na Nabii Samuel 1Samuel 9:1-10, Basi, kulikuwa na mtu mmoja wa Benyamini, jina lake akiitwa Kishi, mwana wa Abieli, mwana wa Serori, mwana wa Bekorathi, mwana wa Afia, mwana wa Mbenyamini, mtu shujaa, mwenye nguvu. Naye alikuwa na mwana, aliyeitwa jina lake Sauli, kijana, tena mzuri; wala katika wana wa Israeli hakuwako mtu mzuri kuliko yeye; tangu mabega yake kwenda juu alikuwa mrefu kuliko watu wote. Na punda za Kishi, baba yake Sauli, walikuwa wamepotea. Kishi akamwambia Sauli mwanawe, Haya basi, twaa mtumishi mmoja pamoja nawe, uondoke, uende ukawatafute punda hao. Naye akapita kati ya nchi ya milima milima ya Efraimu, akapita na kati ya nchi ya Shalisha, lakini hawakuwaona; kisha wakapita kati ya nchi ya Shaalimu, wala huko hawakuwako; wakapita kati ya nchi ya Wabenyamini, lakini hawakuwapata. Hata walipofika nchi ya Sufu, Sauli akamwambia yule mtumishi aliyefuatana naye, Haya, na turudi, baba yangu asije akaacha kufikiri habari za punda akatufikiri sisi. Naye akamwambia, Tazama, katika mji huu mna mtu wa Mungu, naye ni mtu mwenye kuheshimiwa; yote asemayo hutukia kweli kweli; basi, twende huko; labda yeye aweza kutuambia habari ya safari yetu tunayoiendea. Ndipo Sauli akamwambia mtumishi wake, Lakini angalia, kama tukienda, tumpelekee mtu huyo kitu gani? Maana chakula kimekwisha vyomboni mwetu, wala hapana zawadi ya kumpelekea mtu wa Mungu; tuna nini sisi? Yule mtumishi akamjibu Sauli, akasema, Tazama, mkononi mwangu nina robo ya shekeli ya fedha; nitampa huyo mtu wa Mungu fedha hiyo, atuambie njia yetu. (Hapo zamani katika Israeli, mtu alipokwenda kuuliza neno kwa Mungu, husema hivi, Haya! Twende kwa mwonaji; maana mtu aitwaye sasa Nabii hapo zamani aliitwa Mwonaji.) Basi Sauli akamwambia mtumishi wake, Umesema vema; haya! Twende. Wakaenda mpaka mji ule aliokuwamo mtu wa Mungu.”

Huyu ndiye Niliyekuambia habari zake!

Katika kisa hiki tunajifunza wazi jinsi Mungu anavyotenda kazi kwa viwango tofauti na mitazamo ya kibinadamu, hii ni wazi kuwa Mungu ndiye anayechagua viongozi, Mungu anapochagua kiongozi na anapochagua kumrehemu mtu sio lazima mtu huyo awe ana fiti katika mitazamo yetu ya kibinadamu, Wakati mwingine Mungu hufanya kazi kinyume na mitazamo tuliyo nayo, angalia kwamba Sauli na mtumishi wake wanapita katika mapori wakitafuta punda siku tatunzinapita huenda walikuwa hawajachana nyele zao, au kuoga, wala kupaka mafuta na chakula kilikuwa kimewaishia lakini Mungu kupitia Nabii Samuel alikuwa amemuandalia Heshjima kubwa na Mambo yaliyotamanika katika Israel . Sauli alipoambiwa alisema mimi ni nani na kabila yangu na familia yangu vyote vilikuwa vidogo,

Mungu huwatumia watu wanyenyekevu na waliodharaulika katika jamii, watu ambao katika mitazamo yetu wanweza kuwa hawafai

Mungu anayo mamlaka ya kuchagua na hakuna mwanadamu anaweza kumuuliza Kwanini, wala jitihada za kibinadamu hazina nyongeza katika kusababisha akuchague, awaye yote ambaye anajibidiisha kibinadamu kwa kusudi la kutafuta sifa kwa Mungu amekataliwa, Mungu huwapinga wajikwezao bali huwapa Neema wanyenyekevu ni ukweli ulio wazi kuwa Sauli alipoambiwa habari hizi alijiona hastahili 1Samuel 9: 21 “Basi Sauli akajibu, akasema, Je! Mimi si Mbenyamini, mtu wa kabila iliyo ndogo kuliko kabila zote za Israeli? Na jamaa yangu nayo si ndogo kuliko jamaa zote za kabila ya Benyamini? Kwa nini basi, kuniambia hivyo?” Sauli alijiona Duni moyoni mwake alijiona hafai lakini Mungu alikuwa amemkusudia Mema ili awatawale watu wake Israel, namna tunavyojitazama na hata namna watu wanavyotutazama sio Mungu alivyotutazama Mungu anatuangalia kwa jicho la tofauti anataka atukuzwe kupitia udhaifu wetu, sio lazima udhaifu huu umaanisha dhambi, lakini hata kama udhaifu huo ni dhambi yeye ndiye atutakasaye hivyo mtu awaye yote asijisifu kwa Matendo yake bali tuheshimu uamuzi wa Mungu wa kuchagua

Warumi 9 :11-18 11. “(kwa maana kabla hawajazaliwa wale watoto, wala hawajatenda neno jema wala baya, ili lisimame kusudi la Mungu la kuchagua, si kwa sababu ya matendo, bali kwa sababu ya nia yake aitaye),    aliambiwa hivi, Mkubwa atamtumikia mdogo. Kama ilivyoandikwa, Nimempenda Yakobo, bali Esau nimemchukia. Tuseme nini basi? Kuna udhalimu kwa Mungu? Hasha! Maana amwambia Musa, Nitamrehemu yeye nimrehemuye, nitamhurumia yeye nimhurumiaye. Basi, kama ni hivyo, si katika uwezo wa yule atakaye, wala wa yule apigaye mbio; bali wa yule arehemuye, yaani, Mungu.Kwa maana maandiko yasema juu ya Farao, ya kwamba, Nilikusimamisha kwa kusudi hili, ili nionyeshe nguvu zangu kwako, jina langu likatangazwe katika nchi yote. Basi, kama ni hivyo, atakaye kumrehemu humrehemu, na atakaye kumfanya mgumu humfanya mgumu.” 

Kila ambaye Mungu memchagua na atembee kwa ujasiri akimtemgemea Mungu na kufahamu kuwa yeye tunayemtumikia sio Mnyonge hata kidogo atakamilisha kile anachokikusudia katika mioyo yetu, kamwe hatupaswi kukata tamaa.

Na mkuu wa wajenzi mwenye Hekima.

Simpi mwanamke ruhusa ya kufundisha, wala kumtawala mwanamume:

1Timotheo 2: 12 “Simpi mwanamke ruhusa ya kufundisha, wala kumtawala mwanamume, bali awe katika utulivu.”

 

Utangulizi:

Ni muhimu kufahamu kuwa Agano jipya liko wazi kabisa katika mafundisho yake kuhusu nafasi ya mwanamke, kama ilivyo ya mwanamume katika utumishi wake kwa Mungu, wanawake wamepewa Karama za rohoni kama ilivyo kwa wanaume 1Wakoritho 12:7-11, wote wanatumiwa na Mungu katika kuujenga mwili wa Kristo 1Petro 4:10, Huduma za wanawake ni muhimu katika kanisa kama na zina mchangoi mkubwa katika ujenzi wa mwili wa Kristo na hilo halina shaka yoyote, 1.Wakoritho 12:12-26, Kuna mifano mingi sana katika Agano jipya jinsi Mungu alivyowakirimia wanawake na kuwatumia katika kumtumikia Mungu.

Je lakini agano jipya limewakataza wanawake kuwa makasisi yaani kuwa wachungaji? Hili linawezekana lakini litakuwa fundisho lenye utata mkubwa, kutokana na mitazamo mbalimbali ya wanatheolojia, kwa mfano Makanisa makubwa ya zamani, likiwemo kanisa la Orthodox wamekataa na kupinga wanawake kuwa wachungaji kutokana na sababu ya tafasiri ya 1Timotheo 2:8-15, Katika mistari hiyo Biblia inasema hivi;- “Basi, nataka wanaume wasalishe kila mahali, huku wakiinua mikono iliyotakata pasipo hasira wala majadiliano. Vivyo hivyo wanawake na wajipambe kwa mavazi ya kujisitiri, pamoja na adabu nzuri, na moyo wa kiasi; si kwa kusuka nywele, wala kwa dhahabu na lulu, wala kwa nguo za thamani;  bali kwa matendo mema, kama iwapasavyo wanawake wanaoukiri uchaji wa Mungu. Mwanamke na ajifunze katika utulivu, akitii kwa kila namna. Simpi mwanamke ruhusa ya kufundisha, wala kumtawala mwanamume, bali awe katika utulivu.  Kwa maana Adamu ndiye aliyeumbwa kwanza, na Hawa baadaye.Wala Adamu hakudanganywa, ila mwanamke alidanganywa kabisa akaingia katika hali ya kukosa.  Walakini ataokolewa kwa uzazi wake, kama wakidumu katika imani na upendo na utakaso, pamoja na moyo wa kiasi”.

Swala kubwa katika mabishano ya kitheolojia ni je Mwanamke anaweza kuwa Mchungaji? Au Mwanamke anaweza kuwa Kuhani kwa wayahudi, au mwanamke aweza kuwa Rabbi kwa wayahudi na je mwanamke aweza kuwa sheihk kwa waislam? Maswali hayo yote yakijibiwa kwa ufasaha yanaweza kuleta jibu muafaka kama wanawake wanaweza kuzishika nafasi hizo nyeti katika imani, licha ya kuwa Mungu anaweza kuwakarimia karama zilezile ambazo wanaume wanaweza kuwa nazo bila upendeleo.

Swala la wanawake kuwa makuhani Priest ni lenye utata hata katika jamii ya kiyahudi na ni swala la kihistoria ambalo ni vigumu kulitolea maamuzi thabiti kwa sasa na katika mada fupi kama hii

Pichani mwanamke wa Kiyahudi anayefanya kazi za kikuhani, jambo hili limewagawa Wayahudi kwamba wako wanaopinga na wako wanaokubaliana 

Ujumbe:

1Timotheo 2: 12 “Simpi mwanamke ruhusa ya kufundisha, wala kumtawala mwanamume, bali awe katika utulivu.

Tunaporejea katika ujumbe wangu wa leo Simpi mwanamke ruhusa ya kufundisha, wala kumtawala mwanamume Mimi kama mkuu wa wajenzi mwenye hekima nataka kuzungumzia mada tofauti na ile ambayo nimeigusia katika utangulizi wangu, mimi nataka kutafasiri andiko hilo hapo juu na kisha kuleta fundisho ambalo linaweza kuleta unafuu katika ndoa zetu na kutupa amani

Simpi mwanamke ruhusa ya kufundisha, wala kumtawala mwanamume, bali awe katika utulivu. Katima mstari huu ukiacha mjadala wa mwanamke anaweza kuwa kasisi au la, kuna jambo la msingi linalofunuliwa na andiko hili katika uhusiano wa wanandoa, mstari huu katika lugha ya kiingereza unasomeka namna hii katika matoleo tofauti ya biblia mfano

 KJV inasema “But I suffer not a woman to teach, nor to usurp authority over the man, but to be in silence” NIV inasema “I do not Permit a woman to teach or to have authority over a man; She must be silent. Maneno teach na neno Authority au Usurp yote yanabeba maana moja katika biblia ya kiyunani neno linalotumika hapo ni kama to have authority au to usurp ni neno “authentein”ambalo maana yake ni to take position au to have a power without the right to do that au to have control au Dominate. 

Katika lugha yetu ya Kiswahili neno “Kufundisha na kumtawala”katima maana ya kibiblia hapo yana maana moja ambayo ni kutawala, au kushikisha adabu au kuwa na nafasi ya juu kuliko mwanaume katika madaraka ya nyumba na kanisa, fundisho langu kuu leo linalalia katika kutawala mume kwa maana ya madaraka au mamlaka katika ndoa.

Katika nyakati hizi za kidigital wanawakwe wengi na hata wanaume wamekuwa wakisahau wajibu wao katika ndoa na hivyo kusababisha madhara makubwa na mafarakano na hata kuweko kwa talaka, moja ya tatizo kubwa ambalo ndio ningependa kulizungumzia leo ni wanawake kuwatawala waume zao, jambo hili inawezekana umewahi kulishuhudia, au linakutokea au umewahi kuwasikia watu wakisema na wakati mwingine hata wanawake wenyewe wakijisifu kuwa wamewaweka kiganjani waume zao je jambo hili lina mustakabali gani kibiblia?

·         Kwa nini wanawake wanataka kuwatawala wanaume?

·         Kwanini baadhi ya wanawame tayari wanawatawala waume zao?

·         Kwanini kweli wako wanaume wanatawaliwa na wake zao na hawawezi kukohoa au nkusema lolote mbele zao?

·         Kwa nini wanwake ndio wamekuwa mabwana na watawala wa waume zao?

Ni imani yangu kuwa utakuwa umelishuhudia hili katika ulimwengu huu tulio nao duniani, utakuwa umeshuhudia kwa kiwango kikubwa kuwako kwa hamasa kubwa ya wanawake kuwatawala wanaume na kuwaweka chini ya udhibiti wao, wanawake leo wanafanya jitihada kubwa katika kuhakikisha wanawatawala waume zao, na kuwa ndani ya nyumba hakuna anayekohoa isipokuwa mwanamke, leo nataka kutoa jibu au majibu ya sanbabu hii ya changamoto kubwa inayojitokeza na kuharibu jamii.

Nataka kama mkuu wa wajenzi kujibu kwanini wanawake wanataka kuwatawala wanaume?

1.      Ni mpango wa shetani mwanamke kumtawala mwanamume.

Ni muhimu kwanza tukajenga msingi wa kiroho wa kuona kilichompelekea Paulo mtume kuzungumza swala hili angalia 1Timotheo 2: 12-15 biblia inasema;-

“Simpi mwanamke ruhusa ya kufundisha, wala kumtawala mwanamume, bali awe katika utulivu. Kwa maana Adamu ndiye aliyeumbwa kwanza, na Hawa baadaye. Wala Adamu hakudanganywa, ila mwanamke alidanganywa kabisa akaingia katika hali ya kukosa. Walakini ataokolewa kwa uzazi wake, kama wakidumu katika imani na upendo na utakaso, pamoja na moyo wa kiasi”. 

Paulo mtume anatoa sababu za katazo lale kwa nini hataki mwanamke kumtawala mwanamume anaweka wazi sababu za kimaumbile kwanza akisisitiza kuwa Adamu ndiye aliyeumbwa kwanza na Hawa baadaye, hii inamaanisha kimaumbile tu mwanamume ni kiongozi, yeye ndiye aliyeumbwa kwanza na Hawa alifuata baadaye, katika bustani ya Edeni aliyepokea maelekezo ya kwanza ya kutokula mti wa matunda yaliyokatazwa alikuwa mwanaume, na mwanaume hakudanganywa kwanza maana yake mwanaume alikuwa na msimamo, ndiye kiongozi ndiye mzaliwa wa kwanza kisha mwanamke aliumbwa baadaye.

Pili Paulo mtume anaeleza habari za utendaji wa kazi wa shetani, kwamba shetani hakumfuata kwanza mwanamume, alimfuata mwanamke, shetani alijua udhaifu aliokuwa nao mwanamke, aliutumia kumdanganya na kwa kuanza nayeye alileta uharibifu kwa familia nzima na aina binadamu wote leo ulimwenguni, kwa mtindo huo huo shetani ataendelea kuwatumia wanawake duniani kupitia udhaifu wao kuleta maanagmizi katika familia na kanisa kwa ujumla.

Mungu aliona katika mpango wake kuwa ili mwanamke awe salama anapaswa kuwa chini ya mumewe anapaswa kujinyenyekesha chini ya mumewe angalia Mwanzo 3:16 “Akamwambia mwanamke, Hakika nitakuzidishia uchungu wako, na kuzaa kwako; kwa utungu utazaa watoto; na tamaa yako itakuwa kwa mumeo, naye atakutawala.”

Katika maandiko hayo Mungu alitangaza adhabu atakayokuwa nayo mwanamke kutokana na anguko na moja ilikuwa ni kuzidishiwa kwa uchungu wake, na  pili kwa utungu utazaa watoto na tatu tamaa yako itakuwa kwa mumeo naye atakutawala.

Katika mgogoro huu uliotangazwa na Mungu ni muhimu kukumbuka kuwa ni mgogoro wa milele ambapo kila saa na kila wakati wanwake watajaribu kuwatawala wanaume moja kwa moja au kwa namna nyingine kama tutakavyoona katika vipengele vingine.

KJV inasema ;-

Unto the woman he said, I will greatly multiply thy sorrow and thy conception; in sorrow thou shalt bring forth children; and thy desire shall be to thy husband, and he shall rule over thee

. 

Kutokana na mwanamke kudanganywa na ibilisi, biblia inaonyesha kuwa Mungu ataongeza uchungu wa mwanamke, yaani huzuni, lakini vilevile uchungu wakati wa kuzaa na zaidi tamaa yake itakuwa kwa mumewe na mumewe atamtawala

“Tamaa yako itakuwa kwa mumeo na mumeo atakutawala” katika maneno haya Mungu yu aonyesha kuwa wanawake watakuwa na tamaa ni tamaa gani hii sio tamaa ya ngono ni tamaa ya kuwatawala wanaume lakini matokeo yake mumewe atamtawala Mungu alitangaza mgogoro hapa kuwa mwanamke atashawishika kutaka kumtawala mwanaume na matokeo yake yatakuwa mabaya kwa sababu Mungu ameandaa utawala kwa mwanaume, kwa sabubu hiyo kiu nya wanawake kutaka kuwatawala wanaume inachochewa na shetani kuiinua nia iliyoko ndani yao Mungu alikuwa anaonyesha njia ya amani kwa mwanamke ni kunyenyekea na kukubali kutawaliwa na mumewe

Mara zote chanzi kikubwa cha migogoro hutokea pale nyumba inapokuwa na mwanamke mtawala, wanawake wengi hupigwa na hata kupewa talaka kwa sababu ya kutaka kutawala waume zao, pale wanapojaribu tu kuwa juu ya waume zao, mgomgoro unaibuka na kuanza, Mungu katika hekima yake alitaka kuwasaidia wanawake wapate kutambua kuwa njia pekee ya wao kuwa na mafanikio katika ndoa zao ni kuwa wanyenyekevu. 1Petro 3:1a “Kadhalika ninyi wake, watiini waume zenu;” mwanamke awaye yote anayetaka kuheshimika na kupendwa na kuthaminiwa katika ndoa yake ni muhimu akakubali muongozo huu wa upenndo wa kiungu.

2.      Ni kwa sababu ya malezi toka kwa mama yake.

Nyani hujifunza kuogopa nyoka pala wanapoona nyani wengine wakiogopa nyoka na kutetemeka, wanadamu pia hujifunza kutoka kwa wanadamu wengine, kama mwanamke amekulia katika mazingira ambayo mama ni mtawala wa mumewe hali kadhalika binti  yake au zake wanauwezo wa kukua katika tabia na mwenedno huo huo Biblia inaonyesha hivyo wazi katika Ezekiel 16:44-45 “ Tazama, kila mtu atumiaye mithali atatumia mithali hii kinyume chako, akisema, Kama mama ya mtu alivyo, ndivyo alivyo binti yake.  Wewe u binti ya mama yako, amchukiaye mume wake na watoto wake; nawe u umbu la maumbu yako, waliowachukia waume zao na watoto wao; mama yako alikuwa Mhiti, na baba yako Mwamori.”  Kama mama atakuwa mwanamke mtawala na binti yake atakua akiwa na mtazamo huo na hapo ndipo mafanikio huweza kuwa hatarini katika nyumba na familia za aina hii 

      

3.      Kutokana na kutokujiamini.

Hili ni tatizo la kiroho na kisaikolojia kama mwanamke hajiamini huanza kuwadibiti wengine yaani kuwatawala ili kwamba ajisikia yuko salama kitaalamu ningesema “when someone feels insecure he might start to control others in order to feel in control once again” Saikolojia sio kama 1+1=2, kwa hiyo hapa simaanshi kila mwanamke mtawala anakuwa na tatizo la kutokujiamini HAPANA lakini  mara nyingi wanawake wasiojiamini watajaribu kujiweka huru na salama kwa kujaribu kudhibiti mazingira yanayomzunguka na ikiwezekana atamjumuisha na mumewe.

4.      Kujichukia au kuchukia jinsia yake.

Tatizo hili ni tatizo la kisaikolojia na linatokea pale ambapo mwanamke najichukia kuzaliwa manamke kwa kudhani kwamba kuwa mwanamke ni kuwa wa ngazi ya chini na matokeo yake huanza kutumia nguvu za kiutawala kutawala watu na mumewe ili kufidia au akifikiri kuwa yuko katika nafasi salama kama ya wanaume, Katika saikolojia jambo hili huitwa Masculine protest ambayo maana yake kwa lugha ya kigeni ni

Masculine protest is a tendency attributed especially to the human female in the psychology of Alfred Adler to escape from the female role by assuming a masculine role and by dominating others; broadly: any tendency to compensate for feelings of inferiority or inadequacy by exaggerated overt aggressive behavior.

5.      Mwanamke mtawala huchagua mwanamme dhaifu.

Kutokana na maswala ya kisaikolojia na kiroho pia utaweza kuona ile tamaa ya kiutawala ndani ya mwanamke itakuwa inatafuta mwanamume dhaifu ambaye anatawalika kwa njia rahisi sana bila kutumia nguvu nyingi, hii maana yake mwanamke mwenye tamaa hii ya kutawala haraka sana anavutiwa na mwanamume ambaye ni rahisi kutawalika, Endapo atagundua kuwa hutawaliki wakati wa migogoro ya kiutawala atahitimisha kwa kusema kuwa umekuwa na kiburi siku hizi, anaweza kusingizia uwezo ulio nao cheo na hata fedha kuwa zimekubadilisha.

Njia mbadala wanazotumia wanawake kuwatawala wanaume!

Katika mgogoro huu uliotangazwa na Mungu ni muhimu kukumbuka kuwa ni mgogoro wa milele ambapo kila saa na kila wakati wanwake watajaribu kuwatawala wanaume moja kwa moja au kwa namna nyingine.

Ni muhimu kufahamu kuwa huu ni mgogoro wa asili uliotokana na anguko la mwanadamu hivyo ni muhimu kukumbuka kuwa wanawake watafanya hivyo kwa kusudi au hata bila kukusudia ili mradi wajisikie salama kutawala, Hapo juu tumechambua njia ambazo wanawake huzitumia kuwatawala wanaume moja kwa moja lakini sasa nataka kufunua njia nyingine ambazo sio za moja kwa moja namna wanawake wanavyotafuta kutawala ndoa zao au waume zao au nyumba zao, njia hizi huzitumia kutawala hata kama hawajawa au hawajafanikiwa kushika madaraka hayo

1.      Kulitumia tendo la ndoa kama njia ya kutawala.

Wanawake hutumia njia ya kunyima tendo la ndoa kama njia ya kuwafanya waume zao watimize matakwa yao, mwanzoni nilipokuwa nimeoa moja ya mgogoro mkubwa niliokutana nao ulikuwa ni huu wa kunyimwa unyumba sikufahamu sana sababu zilikuwa ni nini lakini nilikonda na kuwa mnyonge sana kwa sababu namcha Mungu na hakuna mahali pengine ningeweza labda kupata tendo hilo, nilimuuliza Mchungaji wangu mmoja kuhusu hili na alinijibu kwa ufupi tu “Ukiona mwanamke anakunyima unyumba ujue anataka kukutawala” full stop mchungaji hakunifafanulia kwa undani jambo hili lilikuwa lina maana gani, inawezekana ni kutokana na ufahamu wake aliokuwa nao wakati huo na mimi sikuuliza maswali mengi pia kutokana na ufahamu wangu niliokuwa nao wakati huo. Lakini sasa nafahamu kuwa hakuna jambo baya duniani kama kunyimana unyumba na dawa ya jambo hili inaweza kuwa mbaya hata kuielezea hapa, Lakini mjenzi mwenye hekima mwenzangu alisema tu shetani asije akapata nafasi msinyimane.

1Wakoritho 7:2-5 “Lakini kwa sababu ya zinaa kila mwanamume na awe na mke wake mwenyewe, na kila mwanamke na awe na mume wake mwenyewe. Mume na ampe mkewe haki yake, na vivyo hivyo mke na ampe mumewe haki yake. Mke hana amri juu ya mwili wake, bali mumewe; vivyo hivyo mume hana amri juu ya mwili wake, bali mkewe. Msinyimane isipokuwa mmepatana kwa muda, ili mpate faragha kwa kusali; mkajiane tena, Shetani asije akawajaribu kwa kutokuwa na kiasi kwenu”

Mwanamke mpumbavu huweza kuibomoa nyumba yake kwa mikono yake miwili, kama mwanamke atalitumia tendo la ndoa kwa matakwa yeke tu na kwa kusudi la kumtawala mumewe biblia iko wazi tu kwamba shetani atafanikiwa kuwajaribu, na zinaa itatokea na anguko lilelile kama lililomtokea Adamu  na Hawa linaweza kuwatokea na ninyi katika namna hii ambayo Mwanamke anatafuta utawala na ndio maana hakuna jambo la msingi na maana sana duniani kama mwanamke kuwa mnyenyekevu, wabarikiwe sana makabila yote ambayo wanawake wamefunzwa kuwapigia goti wanaume mpaka chini na kuwaheshimu waume zao kama watawala na mabwana kwa kufanya hivi hawapungukiwi na kitu lakini wataongeza kupendwa zaidi na waume zao na kuaminiwa.

Malaki 2:16 “Maana mimi nakuchukia kuachana, asema Bwana, Mungu wa Israeli; naye aifunikizaye nguo yake kwa udhalimu namchukia, asema Bwana wa majeshi; basi jihadharini roho zenu, msije mkatenda kwa hiana.”

Pia kutokana na wanawake kufanya hayo kuachana kunaweza kutokea jambo ambalo linamuudhi sana Mungu na sio hivyo tu Mungu anachukizwa na “naye aifunikaye nguo yake kwa udhalimu”kunaweza kuwa na tafasiri mbili tu katika kimstari hicho yeye nafanyaye zinaa lakini zaidi sana yeye anayenyima unyumba, kufunika nguo yako kwa udhalimu ni kukataa kuwa tayari kwa tendo la ndoa, wanawake wa jinsi hii hupanda kitandani wakiwa na magwanda, hawatoi ushirikiano wa kutosha katika tendo la ndoa, na tendo la ndoa hupewa mwanaume kama vile mtoto anapohitaji kunyonya tu na sio kwaajili ya kuhakikisha nyumba inasimama

Kwa nini wanawake hunyima tendo la ndoa makusudi wapate kutawala na tabia hii hufanywa zaidi na wanawake waoajiita kuwa wacha Mungu, waliobarikiwa kuwa na Mume mmoja mcha Mungu na mwaminifu na hatima ya jambo hili huwa mbaya

2.      Hutumia Machozi kama njia ya kutawala.

Baadhi ya wanawake huwatawala wanaume kwa kutumia machozi, yaani hutumia njia ya kukimbilia kulia machozi pale wanapokutana na vikwazo kuhusu jambo Fulani katika ndoa zao hii hutokea endapo mwanamke ana mahitaji yake au madai yake ya aina Fulani, ama amefanya jambo ambalo anajua kama mume utachukua hatua kali, kumdibiti hapo mwanamke hukimbilia kulia kama kinga na njia yaw ewe kukubaliana naye au ushindwe kuchukua hatua stahiki.

3.      Hutumia njia za kuaibisha au kusemelea.

Mwanamke anayetaka kutawala hutumia njia ya kuaibisha yaani anaweza kutishiakuondoka akiwa amefungasha mizigo yake yote, au baadhi ya nguo, hii itakuogopesha kwamba watu watajua kuwa mmegombana na hivyo, utambembeleza, au kwamba unawaogopa wakwe zako na unawaheshimu hivyo hutaki kuonekana mbaya na hivyo utanyenyekea mwanamke wako na kutimiza matakwa yake aidha wanawake hao pia hukimbilia kwa watu unaowaheshimu na kueleza mambo yenu ili kukuitisha vikao na kutafuta suluhu, haya yote yatakufanya uogope kumfanya lolote ukijua kuwa utaaibika na hapo ndipo wanapopata nafasi ya kutawala kama mwanaume hutakuwa na ufahamu wa kukutosha kuhusu viumbe hao.

Ni kwasababu nkama hizo na nyinginezo zisizoorodheshwa hapa shetani huzitumia kupitia wanawake ili kuwatawala wanaume na ni kwaajili ya hayo Paulo mtume anakataza kutoa nafasi hii kwa wanawake kuwatawala wanaume na kutokuheshimu nafasi ya mwanamume katika ndoa na katika kanisa

Dawa ya mwanamke mtawala.

Kama wewe ni mume au mwanaume unayepitia mateso ya kuwa na mwanamke mtawala ujue una njia moja au mbili tu za kusuluhisha tatizo lako moja kumsaidia kwa kumfundisha ili kwamba atambue wajibu wake na mahitaji yake ya kisaikolojia na nafasi yake kiroho na kimaandiko na njia ya pili ni kukubaliana naye kwa kumfanya ajione kama mtawala na kutafuta namna unavyoweza kumtawala.

Njia ya kwanza sio rahisi kama unavyodhani, mwanamke mtawala hawezi kukubali hilo na atahakikisha kuwa anajisaidia vyovyote iwavyo ashike mpini, na hapo ndipo kosa linapotokea kwani sasa mwanaume anaweza kujikuta akitumia nguvu na migogoro mingi hutokea magomvi, vipigo, kunyimana unyumba, zinaa na talaka pia, hakuna mtu hasa mwanaume anayeweza kukubali kukaa katika nyumba isiyo na amani.

Mfalme Sulemani alisema manen magumu sana kuhusu kuwa na mwanamke mtawala Mitahli 21:9 Biblia inasema “Ni afadhali kukaa katika pembe ya darini, Kuliko katika nyumba pana pamoja na mwanamke mgomvi” pia Sulemani akarudia tena Mithali 21:19 “Ni afadhali kukaa katika nchi ya nyika; Kuliko na mwanamke mgomvi, mchokozi.” Je wadhani Mfalme mwenye hekima anazungumzia mwanamke mgomvi au mchokozi anamaanisha nini ni wanawake watawala.

Ugomzi utajitokeza na kama ukitumia nguvu uhusiano utavunjika na kuachana kutatokea, ni muhimu kuwafunza wanawake kutambua nafasi zao na kujinyenyekesha kwa waume zao, mfano mwema biblia inamtaja Sarah alikuwa ni mwanamke wa kipekee sana aliyejali hisia za mumewe na kumuheshimu sana kiasi ya kumuita BWANA 1Petro 3:1-6 “Kadhalika ninyi wake, watiini waume zenu; kusudi, ikiwa wako wasioliamini Neno, wavutwe kwa mwenendo wa wake zao, pasipo lile Neno; wakiutazama mwenendo wenu safi, na wa hofu. Kujipamba kwenu, kusiwe kujipamba kwa nje, yaani, kusuka nywele; na kujitia dhahabu, na kuvalia mavazi; bali kuwe utu wa moyoni usioonekana, katika mapambo yasiyoharibika; yaani, roho ya upole na utulivu, iliyo ya thamani kuu mbele za Mungu. Maana hivyo ndivyo walivyojipamba wanawake watakatifu wa zamani, waliomtumaini Mungu, na kuwatii waume zao. Kama vile Sara alivyomtii Ibrahimu, akamwita Bwana; nanyi ni watoto wake, mfanyapo mema, wala hamkutishwa kwa hofu yo yote”

Unaona Sarah anatajwa kama mfano wa wanawake watii waliowaheshimu waume zao Sara alimuheshimu sana Abraham, na kwa sababu hiyo Abrahamu alimsikiliza sana Sarah kila mwanamke mcha Mungu anapaswa kuiga mfano wa Sarah wa utii na unyenyekevu na heshima kwa mumewe kwa faida ya nyumba yake na familia yake hutakuwa mjinga mwanamke ukijinyenyekeza lakini utakuwa mpumbavu ukitafuta utawala.

Biblia inamtaka mwanamume kutumia akili 

1Petro 3:7  “Kadhalika ninyi waume, kaeni na wake zenu kwa akili; na kumpa mke heshima, kama chombo kisicho na nguvu; na kama warithi pamoja wa neema ya uzima, kusudi kuomba kwenu kusizuiliwe.”

Biblia inamtaka mwanaume kuitumia kili yake ipaswavyo katika kuishi naye mapambano yote ya mwanamke ya kutaka kutawala yakiachiwa hivihivi ni hatari, mwanamke akifanikiwa kukutawala atatawala kwa uangamivu wa nyumba yako yote nao wanapolenga kutawala wanalenga kutawala Tendo la Ndoa, Fedha, kujaliwa na Muda wako kwa msingi huo ili umtawale mwanamke ni lazima maswala hayo manne yawe yamakaa vema na uwe na ujuzi nao na utaalamu nayo, Hakikisha una ujuzi wa kutosha katika Tendo la ndoa na unampatia haki yake kana inavyopaswam hakikisha unaitunza familia yako na kuipatia mahitaji yake yote na ukifanikiwa nay a ziada, hakikisha kuwa unamjali kiasi ambacho anaweza kujifikiri kuwa yeye ndiye anayetawala na hakikisha unampa muda wa kutosha, kama hutajali hayo utajikuta unaingia katika wakati mgumu sana wanaume wengi hudharaulika kwa sababu ya kuwa dhaifu katika eneo moja wapo kati ya hayo, mwanamke akiwa mpweke anaweza kufanya jambo lolote, mwanamke akikosa tendo la ndoa anaweza kushiriki na yeyote hata mnayama, mwanamke asipojaliwa anaweza kutoa muda wake hata kwa house boy, mwanamke kama hana matuzo au yeye ndiye anakutunza unapoteza maana katika ndoa, aidha nitoe tahadhari kwa watumishi wa Mungu wanaotoa muda mwingi sana katika kuomba bila ya wake zao, hili ni kosa maombi yako hayatazuia mkeo kushughulikiwa na watu wa ajabu ajabu wanaweza kuwa wauza mchele tu, au madereva nk.  kama hutampa mahitaji muhimu na kuishi naye kwa akili, kla kitu kifanyika kwa kiasi, Mungu yu ajua kuwa tuko ulimwenguni hivyo usihamie kwenye ulimwengu wa roho tu na kuacha ulimwengu wa akili ukitoa muda kwa mkeo na familia yako.

Ni matumaini yangu kuwa wanawake kwa wanaume mmefaidika na mafundisho haya yenye Baraka, tafadhali kama somo hili limekusaidia wewe Mwanamume na wewe mwanamke acha maoni yako hapa, ili nimtukuze Mungu kwa somo hili au nitumie ujumbe au kunipigia kwa namba zifuatazo.

Mkuu wa wajenzi mwenye hekima

Rev. Innocent Kamote

0718 990 796 call any time

0784 394 550 call any time

0626 606 608 sms only

E mail ikamote @yahoo.com