MUNGU SI MTU ASEME UONGO

Wengi wetu tutakuwa tunafahamu kuwa Mungu wetu ana tabia ya uaminifu na mkweli anapokuwa ameahidi jambo ni muhimu kufahamu kuwa atalifanya (2 Koritho 1;20,)Biblia inasema hivi:-

“Maana ahadi zote za Mungu zilizopo katika yeye ni Ndiyo; tena kwa hiyo katika yeye ni Amin; Mungu apate kutukuzwa kwa sisi.”

 Tabia za Mungu kamwe haziwezi kufananishwa na za wanadamu ambao wao hugeuka geuka kwa sababu ya kigeugeu

 (Yakobo 1;17)Biblia inasema hivi:-  “Kila kutoa kuliko kwema, na kila kitolewacho kilicho kamili, hutoka juu, hushuka kwa Baba wa mianga; kwake hakuna kubadilika, wala kivuli cha kugeuka-geuka.”

Kwa msingi huo basi hatupaswi hatupaswi kumdhani Mungu kuwa ni kama mwanadamu yeye anapohaidi au kusema ni lazima atatenda  na kulifikiliza na kamwe hawezi kujuta kama mwanadamu kuwa kwanini alihaidi YEYE SI MTU HATA ASEME UONGO Hesabu 23;19,katika kujifunza kwetu kuhusu uaminifu wa Mungu leo tutaangalia mfano wa maisha ya Yusufu tangu Mungu alipomuahidi kwa ndoto kuwa atawatawala ndugu zake  Hali ilikuwa tofauti kana kwamba ndoto za Yusufu zinakwenda kupotelea mbali je mambo yalikuaje? Miaka kumi na mitatu ilipita na ahadi za Mungu zikatimizwa angalia mchoro huu.

Maelezo kutoka katika picha ya Grafu ya maisha ya Yusufu

·         Mwanzo 37;5-11- Yusufu alipewa Ndoto Na Mungu kuwa atakuwa Kiongozi mkubwa kiasi ambacho Nduguze watamuinamia

·         Mwanzo 37;18-22 – Ndugu wa Yusufu kwa wivu uliosukumwa na Ibilisi walitaka kumuua

·         Mwanzo 37;26-27- Mungu alimuokoa Yusufu na Kifo kwa wazo la Yuda la kumuuza Ndugu yao

·         Mwanzo 39;2-6  - Yusufu alinunuliwa na Potifa Kamanda wa Jeshi la farao na kuwa mkubwa

·         Mwanzo 39;7-20  - Majaribu Makubwa yalimpata kwa kusingiziwa kubaka na akafungwa

·         Mwanzo 39;21-23  - Mungu aliyatunza maisha yake Gerezani akawa kiongozi wa wafungwa

·      Mwanzo 41;40,42,42;5-6,43;26 – Mungu aliiitimiza Ndoto ya Yusufu Na akawa mkubwa na nduguze walimsujudia ilichukua miaka 13 kwa ndoto ya Yusufu kuwa kweli, Mungu alitunza ahadi yake Mungu si Mtu hata aseme uongo  

    Kijana Yusufu akiwa anatupwa shimoni kwa kusudi la mkuuawa, na kijana Yusufu akiwa anauzwa utumwani

   Yusufu akisimikwa kumsaidia farao kama makamu wa rais wa Taifa kubwa Duniani nyakati hizo

 
 Mambo yatupasayo Kufanya
1. Kuendelea Kumuamini Mungu ( Yusufu alimuamini Mungu katika maisha yake)
2. Kuendelea kuwa mwaminifu Yusufu hakutaka kumtenda Mungu dhambi ambazo zingeweza kuharibu Ndoto yake, hata ingawa Mungu ni Mwaminifu katika upande wetu sisi nasi tunahitaji kutunza uaminifu wetu kwake kusudi aweze kutubariki
3. Ni lazima tuwe wavumilivu hakuna ahadi ya Mungu ambayo haitatimizwa kwetu, lakini kwa uvumilivu tutazipata ahadi, ni lazima tuwe kama wakulima ambao huvumilia tangu mvua ya kwanza

Waebrania 6:13-18 "13. Kwa maana Mungu, alipompa Ibrahimu ahadi, kwa sababu alikuwa hana mkubwa kuliko yeye mwenyewe wa kumwapa, aliapa kwa nafsi yake, 14.akisema, Hakikayangu kubariki nitakubariki, na kuongeza nitakuongeza. 15. Na hivyo kwa kuvumilia akaipata ile ahadi. 16. Maana wanadamu huapa kwa yeye aliye mkuu kuliko wao; na kwao ukomo wa mashindano yote ya maneno ni kiapo, kwa kuyathibitisha.  17. Katika neno hilo Mungu, akitaka kuwaonyesha zaidi sana warithio ile ahadi, jinsi mashauri yake yasivyoweza kubadilika, alitia kiapo katikati;  18. ili kwa vitu viwili visivyoweza kubadilika, ambavyo katika hivyo Mungu hawezi kusema uongo, tupate faraja iliyo imara, sisi tuliokimbilia kuyashika matumaini yale yawekwayo mbele yetu;"  

 Yakobo 5:7-8."7. Kwa hiyo ndugu, vumilieni, hata kuja kwake Bwana. Tazama, mkulima hungoja mazao ya nchi yaliyo ya thamani, huvumilia kwa ajili yake hata yatakapopata mvua ya kwanza na ya mwisho.   8. Nanyi vumilieni, mthibitishe mioyo yenu, kwa maana kuja kwake Bwana kunakaribia

MADHARA YA KUWAGUSA MASIHI WA BWANA.

Mstari wa Msingi: Zaburi 105: 14-15 Biblia inasema “Hakumwacha mtu awaonee, Hata wafalme aliwakemea kwaajili yao. Akisema, Msiwaguse masihi wangu wala msiwadhuru nabii zangu”

Kupakwa mafuta kuliunganisha unganisho la Kiroho na uwezo wa kufanya kazi uliyoitiwa na Mungu

He allowed no man to do them wrong Amplified, He allowed no one to oppress NIV, He permitted no one to do them wrong NKJV

Kusudi la Somo:- (uwakumbushe watu kunyenyekea kwa wenye uwezo na mamlaka  na kutii na kuwa tayari kwa kila kazi njema Tito 3:1)

Watu wote duniani waliookoka na wasiookoka wanapaswa kuwa na ufahamu na kuwa na hekima juu ya ujumbe huu muhimu katika maisha yao ili wasije wakajikuta wanapoteza Neema ya Mungu na kuwa na maisha yaliyojawa na mikosi na mapigo mazito yasiyoweza kuzuilika kwa sababu ya kutokuwa na ufahamu katika neno la Mungu na tukajikuta tunamchukiza Mungu, Bwana na ampe neema na hekima kila mmoja wetu kuwa na ufahamu katika somo hili katika jina la Yesu amen. Tutajifunza somo hili kwa kuzingatia vipengele vine vifuatavyo:-

 

·         Maana ya Neno  masihi

·         Onyo la kutokuwagusa masihi wa Bwana

·         Madhara ya kuwagusa masihi wa Bwana

·         Jinsi ya kufanya.

MAANA YA NENO MASIHI

Neno masihi limetokana na neno la kiibrania MESIAH au MESSIAS  na limejitokeza kwa mara ya kwanza katika 1Samuel 2:10, ambalo maana yake ni mtiwa mafuta au mwenye kuwekwa wakfu kwa kutiwa mafuta ili awe Kuhani, Mfalme au nabii, kwa kiyunani ni Kristo, Neno masihi mahali hapo linatumika katika mazingira tofauti sana na ile tunayoitumia kwa Bwana Yesu Kristo, Nyakati za Agano la kale mtu alipochaguliwa na Mungu kuwa kuhani, mfalme au nabii aliwekwa wakfu kwa kutiwa mafuta na hivyo kuitwa masihi, mafuta hayo yaliyomiminwa juu yao kwa jinsi ya mwili yaliwakilisha maswala muhimu katika jinsi ya kiroho 1Samuel 16:1-13, Roho Mtakatifu alishuka juu ya mtu aliyepakwa mafuta kumuwezesha mtu huyo, kuwa na uwezo wa kiungu na wa kupita kawaida katika kuyatimiza majukumu yake, ilifanyika hivyo katika nyakati za agano la kale kwa vile Roho Mtakatifu alikuwa hajaja maalumu bado, Nyakati za sasa hatutiwi mafuta katika namna ya kimwili, Lakini Roho wa Mungu mwenyewe ndiye anayemchagua mtu kwa utumishi alioukusudia  na kumpaka Mafuta Matendo 13:1-3, aidha pia katika agano jipya watumishi wa Mungu wanapowekewa mikono na kubarikiwa wanakuwa wametiwa mafuta katika namna ya rohoni, Kumbuka kuwa ni Mungu mwenyewe ndiye anayechagua “Nitengeeni Barnaba na Saul kwa kazi ile niliyowaitia” watu wa Mungu

Mafuta ilikuwa na hata sasa ni alama ya Roho Mtakatifu, mtu alipopakwa mafuta Roho alimuwezesha kuwa na vipaji vya kiroho vya kuweza kutimiza jukumu alilokabidhiwa, Mfano Yesu Kristo kama Masihi hakupakwa mafuta kwa jinsi ya mwili, lakini alijiliwa na Roho Mtakatifu na kuongozwa katika kuyatekeleza majukumu yake Luka 3:21-22,4:1,18-19 Kupakwa mafuta kwa Yesu Kristo kulimfanya awe na uwezo wa kipekee katika kuitimiza huduma yake hivyo Yesu ni Masihi ni mpakwa mafuta ni Kristo, Mtu anapomwamini Yesu kuwa bwana na mwokozi wamaisha yake Roho wa Mungu anakaa ndani yake kwa hivyo kibiblia mafuta yanakaa ndani yake 1Yohana 2:26-27, Yohana 14:25-26, hivyo watu waliookolewa ni wapakwa mafuta roho Mtakatifu anakaa ndani yetu 1Wakoritho 3:10, Hata hivyo kutoka miongoni mwao Roho Mtakatifu ambaye ndiye Bwana wa Mavuno, huwaita watu katika huduma Matedno 13:2, watumishi wa Mungu wanaoitwa katika huduma maalumu za utumishi, Roho wa Mungu anakuwa juu yao kwaajili ya kutimiza huduma waliyoitiwa, kwa hiyo nao huitwa wapakwa mafuta, wapakwa mafuta hao wanakuwa wametumwa na Mungu na hivyo huyanena maneno ya Mungu Yohana 3:24 wao huubiri kweli yote kwa ujasiri bila kuichakachua injili, watasimamia kweli yote huku wenyewe wakiwa kielelezo cha injili wanayoihubiri, watakemea, wataonya, watatia moyo na hawatahubiri khadihi za kutungwa na wanadamu Mathayo 5:48, watahubiri utakatifu 1Petro 1:13-16,Waebrania 12:14 watafanya na kutenda kama Yesu Kristo mwenyewe, Masihi wa Bwana wanaishi kwa haki na utauwa, bila kuwa na lawama zilizo na ukweli 1Wakoritho 1:11, 1Wathesalonike 2:10, Biblia inasema tutawatambua kwa matunda yao.

Aidha masihi wa Bwana watafanya kazi ya kulitetea jina la Bwana lisichafuliwe au kutukanwa, Manabii makuhani na manabii nyakati za agano la kale hawakujali sana watu maadui zao wanasema nini juu yao bali, walijali sana maaduin au watu waliokuwa wakitaka au kumkufuru Mungu.

Masihi wa Bwana watahubiri Utakatifu, Ni  muhimu kufahamu kuwa shetani hawezi  kuhubiri  utakatifu na ni rahisi kupambambanua kati ya mtumishi wa shetani na  Mtumishi wa Mungu, sifa  mojawapo ya Mtumishi wa shetani ni kuhubiri maneno yake. ( maneno yao) na  watajifanya ni watumishi  wa haki na watahubiri   mambo   ambayo ukiwauliza kwa wameyapata wapi au yameandikwa wapi, watakuambia  hii  ndiyo  sheria au desturi ya kanisa:  watajitungia mambo yao  na  hawataihubiri  neno, shetani kamwe hawezi   kuhubiri  utakatifu   na watumishi wa shetani  hawawezi  kamwe  kuishi  katika  utakatifu  na akawa  kielelezo  na hawezi  kuwafanya  watu waokolewe na  kukaa  katika  usafi  na utakatifu: (shetani hawezi kumtoa  shetani )

ONYO LA KUTOKUWAGUSA MASIHI  WA BWANA. Zaburi 105: 14- 15,  I Nyakati  16: 21-22

Ni muhimu kufahamu kuwa Maandiko matakatifu yanatoa maonyo na yamejaa mafundisho na mifano ya kutosha yanayotoa maonyo dhidi ya kuwagusa masihi wa Bwana

Kuwagusa huku ni pamoja  na kuwasengenya, kuwanena  vibaya, kuwachafulia huduma zao ili waonekane  wabaya  hawafai kama walivyomchafua  Yesu  kwa  kusema  anatoa pepo kwa Nguvu za mkuu wa pepo Bezelzebul, kuwadhalilisha, mbele za  watu  wengine  kuwalia huduma zao ,  kuwaua moja kwa moja  au kuwadhuru kwa mabaya au kuwatukana huko ni kuwagusa  masihi wa Bwana au kuwanyanyasa, kuwavunjia Heshima, kuwadhulumu, na kuwatendea mabaya  kumgeuza  mkewe, hata  kama ni mfalme  atashughulikiwa  atadhibitiwa na  Mungu Zakaria 2: 8  kuwagusa hawa ni kugusa  mboni  ya jicho la Mungu;  Hivyo hata kama sisi ni  wachungaji tunapaswa kuangalia walio juu  yetu  kwani wao  ni masihi wa Bwana. Kwa nini Biblia inaonya kutokuwagusa masihi wa Bwana au wapakwa mafuta?

1.       Wao ni Mawakili wa Mungu- Tito. 1:7,8,9 “Maana imempasa askofu(mwangalizi) awe mtu asiyeshitakiwa neno, kwa kuwa ni wakili wa Mungu; asiwe mtu wa kujipenda nafsi yake, asiwe mwepesi wa hasira, asiwe mlevi wala mgomvi, asiwe mpenda mapato ya aibu; bali awe mkaribishaji, mpenda wema,mwenye kiasi,mwenye haki, mtakatifu,mwenye kudhibiti nafsi yake, akilishika lile neno la imani vilevile kama alivyofundishwa,apate kuweza kuwaonya watu kwa mafundisho yenye uzima, na kuwashinda wenye kupinga.”

2.       Hawajichukulii wenyewe heshima hii Waebrania 5:4 “Na hapana mtu ajitwaliaye mwenyewe Heshima hii ila yeye aitwaye na Mungu kama vile Haruni”

3.       Biblia imeagiza kuwatii na kuwanyenyekea wanaotuongoza Waebrania 13:17 “watiini wenye kuwaongoza  na kuwanyenyekea  maana wao wanakesha kwaajili ya roho zenu, kama watu watakaotoa hesabu, ili kwamba wafanye hivyo kwa furaha wala si kwa kuugua maana isingeliwafaa ninyi”

4.       Mungu huwaheshimu watu wanaomtumikia Yohana 12:26 “Mtu akinitumikia na anifuate nami nilipo na mtumishi wangu atakakapokuwepo, tena mtu akinitumikia Baba atamheshimu”

MADHARA YA KUWAGUSA MASIHI WA BWANA.

Muda usingetutosha kuweza kuangalia mifano  mmoja moja katika Biblia juu ya watu waliowagusa masihi wa Bwana na kushughulikiwa kwa makini na Mungu alivyoonyesha  ghadhabu juu yao hata hivyo tutaangalia mifano kadhaa:

1.       MARIAMU: (Hesabu 12: 1- 9) Miriamu alikuwa nabii mke lakini alinena vibaya juu ya uongozi wake Musa na  alishughulikiwa kwa kupigwa ukoma.

2.       FARAO:  Alichukua mke wa Ibrahimu kwa kutumia mamlaka ya kifalme alivyokuwa nayo na alishughulikiwa kwa mapigo mazito sana.( Mwanzo. 12: 14- 17) 

3.       ABIMELEKI:  Alipotamani kumchukua Sarai mke wa Ibrahim Mungu alimtandika( MWANZO 20: 1- 4, 6-8,14)

4.       YEROBOAMU: ( I Falme 13: 1- 4) 

5.       ASKARI WALIOTAKA KUMKAMATA  ELIYA  Bila kuonnyesha unyenyekevu  ( 2 Falme 1: 5- 15)

6.       WATU WALIOMFANYIA MZAHA ELISHA  yaani vijana waliomtania Upara wake (2 Falme 2: 23- 25)

7.       MWAMLEKI Aliyejidai kuwa ameuua  SAULI ( 2  Samwel 1: 1-16)

8.       Herode Baada ya Kumuua Yakobo Matendo 12: 1-4,20-24

JINSI YA KUFANYA.

-          Ni muhimu kufahamu kuwa Mungu anaheshimu sana mafuta na kwa sababu hiyo si vema kupuuzia mafuta yaliyo juu ya watumishi wake kwani kwa kufanya hivyo kuna madhara yawezayo kutupata

-          Ni muhimu pia kufahamu kuwa kupakwa mafuta haipaswi kuwa sababu ya kuwafanya wapakwa mafuta hao kutokuishi sawa na maadili ya injili na Neno la Mungu

-          Ni muhimu kuomba kwa ajili ya wapakwa mafuta kwa sababu nao ni wanadamu

Na Mkuu wa wajenzi mwenye Hekima

Rev. Innocent Kamote

Nilijifunza kutoka kwa Bishop Zachary Kakobe, Miaka zaidi ya 20 iliyopita.

Jinsi ya kubadilisha Mfumo wa Maisha yako!

Andiko: 1Nyakati  4: 9-10 Biblia inasema hivi:-

“ Naye Yabesi alikuwa mwenye heshima kuliko nduguze; na mamaye akamwita jina lake Yabesi akisema; Ni kwa sababu nalimzaa kwa huzuni, Huyo Yebesi akamlingana Mungu wa Israel, akisema, Lau kwamba ungenibarikia kwelikweli na kunizidishia hozi yangu na mkono wako ungekuwa pamoja nami, nawe ungenilinda na uovu ili usiwe kwa huzuni yangu, Naye Mungu akamjalia hayo aliyoyaomba.”

Utangulizi:

Kitabu cha Mambo ya nyakati kinaanza kwa kutupa Historia ya ukoo wa Kabila la Yuda na Simeon, hasa katika sura ya 4:1-43, Hata hivyo katika namna ya kushangaza sana mwandishi anaonyesha kuwa katika ukoo huo kulikuwa na mtu anaitwa Yabesi na inaelezwa kuwa alikuwa ni mtu mwenye heshima kubwa sana kuliko ndugu zake wote, ni katika aya mbili tu yaani ya 9-10 tunapata maelezo yote kuhusu Yabesi, na inaonekana kabla ya kuwa mtu mwenye kuheshimiwa sana miongoni mwa ndugu zake, inaonekana alikuwa mwenye kudharauliwa na mwenue huzuni kubwa sana, Biblia inaonyesha kuwa mama yake alimpa jina hilo YABESI akimaanisha juu ya huzuni, kwa sababu alimzaa kwa huzuni. Hatufahamu kwa undani sana ninikilitokea katika nyakati zake, ni shida gani iliipata familia yake lakini ni wazi kuwa alikuwa na mfumo wa maisha ya huzuni na alizaliwa katika mfumo huo na alipewa jina la jinsi hiyo, Habari njema ni kuwa hata hivyo Yabesi alifanikiwa kubadili mfumo wa Maisha yake na hatimaye kuwa mtu mwenye heshima sana, na mwenye utajiri mkubwa na mwenye kutegemewa na ndugu zake na kuheshimika sana

Jinsi ya kubadili mfumo wa maisha

Yabesi anatufundisha jinsi alivyofanikiwa kubadili mfumo wa Maisha na kufanikiwa kutoka katika huzuni kuwa mwenye furaha, kutoka katika maisha yasiyo na heshima kwenda kwenye kuheshimika, kutoka katika maisha yaliyojaa umasikini kuelekea kwenye utajiri wa kweli ni namna gani Yabesi alibadili mfumo wa maisha yake kanuni alizozitumia Yabesi zinauwezo mkubwa sana wa kubadili mfumo wa maisha yetu pia

1.       Yabes akamlingana Bwana Mungu wa Israel.

Kumlingana Mungu wa Israel maana yake ni kumtafuta Mungu kwa njia ya maombi na kukubali kufuata sheria zake, kwa ufupi ni kuhakikisha kuwa anauhusiano wa kweli na Mungu wa kweli aliye hai, Mtu yeyote yule atakayekubali kuwa na uhusiano thabiti na Mungu aliye hai, atafanikiwa, Yabesi aliona namna pekee ya kuondoka katika hali ngumu aliyokuwa nayo kwanza ni kutembea na Mungu, ni kuwa na Mungu wa kweli, ni kutembea na Mungu aliye hai ni kushikamana naye awaye yote atakayedumisha uhusiano na Mungu atafanikiwa

2.       Yabesi aliomba kwaaajili ya hali yake aliyokuwa nayo.

Ni muhimu kufahamu kuwa jambo lingine lililomletea Yabesi Heshima alikuwa muombaji, alikuwa akimuomba Mungu na tunaelezwa kuwa “Naye Mungu akamjalia hayo aliyoyaomba” mtu awaye yote akidumisha uhusiano wake na Mungu atakuwa na maombi yenye matokeo, maombi yenye kujibiwa, Yabesi aliomba Mungu ambadilishie hali ngumu alizokuwa nazo,ni ukweli usiopingika kuwa Yesu alituambia kuwa ninyi mkikaa katika neno langu, na maneno yangu yakikaa nadi yenu ombeni mtakalolote nayi mtatendewa.

3.       Yabesi aliomba kwamba Mungu apate kumbariki.

Ni muhimu kufahamu kuwa hakuna Baraka za muhimu zilizo kuu kama Baraka za kiroho, huo ndio msingi wa mambo mengine ya kimwili, Baraka za Mungu ni halisi na ndizo zinageuka kuwa vitu halisi, unaweza kuwa na kila kitu lakini bila mkono wa Mungu ukakosa amani, Yabesi hakutaka mchezo na Mungu aliomba kwa kudhamiria Lau Kwamba Ungenibariki kweli kweli Biblia ya KJV “Oh that You would bless me indeed” NIV “Oh, that you would bless me” hapa napenda Tafasiri ya Mfalme James KJV kwamba ungenibariki kweli kweli, unibariki hasa

4.       Yabesi aliomba kwamba Mungu apanue HOZI yake.

Neno hozi linazungumzia umiliki, mipaka, mtaji, mali heshima, uthamani, Thamani yake ilikuwa chini na sasa anamuomba Mungu azidishe uthamani wake kama alikuwa anazaraulika katika jamii mungu aongeze heshima,kama alikuwa anamiliki kidogo amiliki zaidi, NIV-expand my territory!, NASB-enlarge my border, KJV-enlarge my border, hapa pia napendezwa na tafasiri ya KJV kukuza uthamani, ili kubadilisha mfumo wa maisha ni muhimu tukamuomba Mungu akuze uthamani, awaye yote asilidharau Taifa letu, shule yetu, familia yetu, jamii yetu, lugha yetu, tamaduni zetu na maisha yetu Mungu ayaongeze thamani, tunaweza kudharaulika kwa sababu ya umasikini tulio nao, elimu tulizo nazo lakini Mungu anaweza kubadilisha mfumo wa maisha yako kwa kumsihi azidisha Hozi yako.

5.       Yabesi aliomba kwamba Mkono wa Mungu uwe pamoja naye.

Ndugu yangu hakuna jambo baya sana duniani kama mkono wa Mungu ukiondoka juu yako, Naomi alielewa vizuri kuwa mkono wa Bwana ukitoka juu yako hakuna mafanikio mikozi na balaa vinaweza kukuandama , kila unalolifanya halifanikiwi Ruthu 1:11-14, mkono wa Bwana ukiondoka juu ya mtu, kinachofuata ni uchungu kilio na maombolezo na hasara, hakuna utakachokifanya kinaweza kufanikiwa, Yabesi alielewa kuwa mkono wa Bwana ukiwa juu yako kila kitu kitafanikiwa na ndio maana Yabesi alifahamu umuhimu wa mkono wa Mungu kuwa pamoja naye Mkono wa Bwana ukiwa juu ya mtu, maana yake Bwana atakuongoza, atakulinda, atakupa kibali,utapata fadhili na kufanikiwa katika mambo yote.

6.       Yabesi aliomba kwamba Mungu amlinde na Uovu.

Kulindwa na uovu kunakotajwa hapa kumekuwa na tafasiri mbali mbali, uovu unaotajwa hapa unaweza kumaanisha pia dhambi, lakini hapa Biblia nyingi katika tafasiri zake zimetumia maneno kama matatu ya kiingereza “Evil, Pain, Harm, Stresses” ikimaanisha uovu wenye kuleta Huzuni, ni wazi kuwa dhambi inasababisha huzuni katika maisha yetu na ni vema kumuomba Mungu akatulinda na kutuweka mbali nayo, lakini Biblia inazungumzia zaidi, uovu unaoleta huzuni yaani hasara na kulindwa na maadui au uonevu, kimsingi tunaweza kumuomba Mungu atulinde na Uovu wa dhambi, Uovu wa taabu na huzuni, uovu wa maadui na kuonewa uovu wenye kuharibu mafanikio yetu Mithali 10:22 “Baraka za Bwana hutajirisha wala hachanganyi huzuni nayo”

Mungu alijibu Maombi ya Yabesi na kubadilisha mfumo wa Maisha yake, awaye yote ambaye anataka kubadili mfumo wa maisha yake kutoka katika hali yoyote ile isiyokupendeza unaweza kumuomba Mungu kama Yabesi na Mungu atakusikia na kukujalia uliyoyaomba. Bwana ampe neema kila mmoja wetu kubadili mfumo wa maisha yake katika Jina la Yesu Kristo mwana wa Mungu aliye hai amen!

Rev. Innocent Kamote

Mkuu wa Wajenzi mwenye Hekima!

Kuutetea Urithi wako!

Andiko la Msingi: 1 Wafalme 21:1-4

“1. Ikawa baada ya hayo, Nabothi Myezreeli alikuwa na shamba la mizabibu katika Yezreeli, karibu na nyumba ya kifalme ya Ahabu mfalme wa Samaria. 2. Ahabu akasema na Nabothi, akamwambia, Nipe shamba lako la mizabibu nilifanye shamba la mboga, maana ni karibu na nyumba yangu; nami nitakupa badala yake shamba la mizabibu lililo zuri zaidi; au ukipenda, nitakupa fedha sawasawa na thamani yake. 3. Nabothi akamwambia Ahabu, Bwana apishe mbali nikupe wewe urithi wa baba zangu. 4. Basi Ahabu akaenda nyumbani kwake, ana moyo mzito, tena amekasirika, kwa sababu ya neno lile aliloambiwa na Nabothi Myezreeli, akisema, Sitakupa urithi wa baba zangu. Akajilaza kitandani pake, akageuza uso wake, akakataa kula.”

    

 Naboth aliuawa akijaribu kuutetea urithi wa Baba zake kutokana na tamaa ya mfalme Ahabu na malikia muovu Yezebeli

Utangulizi:

Ni muhimu kufahamu kuwa Biblia inazungumzia kwa undani sana kuhusu UMUHIMU WA URITHI, Katika Israel Urithi ulitambuliwa kama moja ya maswala muhimu sana na kama mtu aliuza urithi alizarauliwa sana katika jamii ya kiebrania na kuitwa jina la dharau kama mtu asiyemcha Mungu au mwesharati Katika Waebrania  angalia kwa mfano Waebrania 12: 16-17 Biblia inasema hivi;-

“16. Asiwepo mwasherati wala asiyemcha Mungu, kama Esau, aliyeuuza urithi wake wa mzaliwa wa kwanza kwa ajili ya chakula kimoja. 17. Maana mwajua ya kuwa hata alipotaka baadaye kuirithi baraka, alikataliwa (maana hakuona nafasi ya kutubu), ijapokuwa aliitafuta sana kwa machozi.”

Angalia kwa makini jinsi Esau alivyoitwa katika maandiko, alidharaulika kama mtu asiyemcha Mungu na mwesharati kwa nini? Kwa sababu aliuza urithi wake

Ni nini maana ya neno Urithi?

Urithi kwa asili ni Baraka kutoka kwa Mungu, ambazo zinaweza kutafasirika katika ulimwengu wa kimwili na kuhusisha fedha, mali, mashamba, mtaji karama, vipawa, maisha yako ya baadaye, Elimu, Kazi, Mume, mke watoto,zawadi na kadhalika.

Baraka hizo zinaweza kuweko duniani au kwa mtu toka kizazi hata kizazi, mtu anaweza kupokea urithi kutoka kwa Mungu, Roho Mtakatifu, wazee wetu, na Baraka hizo na mali zikadumu, urithi kwa kawaida hauwi mali ya mtu mmoja unakuwa ni mali ya familia, watu wako au jamii yako, urithi unaambatana na Heshima mfano Mgombe urais wa republican Donald Trump ambaye ni tajiri mkubwa sana duniani mwenye kuheshimika sana lakini inajulikana wazi kuwa utajiri wake na heshima yake inatokana na urithi wa utajiri wa Majumba kutokakwa Baba yake, na kwa mujibu wa maandiko katika torati Mungu alikataza kabisa kuuza urithi soma Hesabu 36:7 Biblia inasema haya:-

“Hivyo hapana urithi wo wote wa wana wa Israeli utakaotoka kabila hii kwenda kabila hii; kwa kuwa wana wa Israeli watashikamana kila mtu na urithi wa kabila ya baba zake.”

Unaweza kuongezea na andiko kama Walawi 25:23 “Nayo nchi haitauzwa kabisa kabisa; kwani nchi ni yangu mimi; maana ninyi ni wageni na wasafiri wangu”

Unaweza kuona Mungu alikataza kabisa kuuzwa kwa urithi lakini alikataza pia kuuza nchi, mtu aliyeuza alihesabiwa kama mtu asiyemcha Mungu au mwesharati, mtu anayefanya ukahaba ni tofauti na mtu anayefanya uasherati, makahaba huuza miili yao ili kupata kipato, wanatoa miili yao kwa mapatano ya kupata faida, anayefanya uasherati anatoa mwili wake bure, anautoa akitarajia kuwa hatimaye ataolewa mwisho wa siku anajikuta amechezewa lakini haolewi, anakuwa amepoteza tumaini, amepoteza muda na huku amesha chezewa vya kutosha na hakuna alichoambulia, mtu anayechezea urithi anachezea maisha yake ya baadaye naya jamii yake, shetani wakati wote ataangalia mbele katika mfumo wa maisha yako na kuanza kupambana na mafanikio yako ya baadaye, kumbuka alipambana na Yusuphu kwa sababu ya ndoto zake akitumia wivu wa kaka zake,

Watanzania kamwe tusikubali kuuza ardhi, wala wanyama wetu, tusikubali kuwaachia wakawa mawindo wala kuwauza katika nchi zao kwani baadaye hawatasafiri kuja kwetu kuangalia urithi tuliopewa na Mungu, tusikubali madini na malighafi nyinginezo kuchukuliwa hovyo

Katika 1Wafalme 21:1-4 Tumeona Jinsi Naboth alivyokuwa na msimamo, Mfalme Ahabu alitamani sana kulinunua shamaba la mizabibu la Nabothi , Jambo hili lilikuwa kinyume na Torati, Kama tulivyosoma, Nabothi alielewa vizuri sana swala hilo, na alijitia nguvu kumjibu mfalme kwa ujasiri 

“BWANA APISHIE MBALI NIKUPE WEWE URITHI WA BABA ZANGU?”

Ingawa majibu ya Nabothi yaligharimu maisha yake na familia yake kwani wote waliuawa na mfalme ili kujipatia shamba hilo kupitia mkewe muovu Yezebeli , Hata hivyo Nabothi anabaki kuwa mtushujaa na jasiri na mwenye imani na mcha Mungu kwani alijua umuhimu wa kuutunza urithi wa Baba zake, Mungu akupe neema na ampe neema kila mmoja wetu kuhakikisha kuwa kwa gharama yoyote anatunza na kuutetea urithi wa taifa letu, jamii yetu, ndugu zetu na wazazi wetu.

Ukiyajua hayo heri wewe ukiyatenda!