Siri kuu Muhimu kuhusu toba!

Mstari wa Msingi: Matendo 2:38 “Petro akawaambia, Tubuni mkabatizwe kila mmoja kwa jina lake Yesu Kristo, mpate ondoleo la dhambi zenu, nanyi mtapokea kipawa cha Roho Mtakatifu.”

 

Utangulizi:

“Tubuni” alisema Petro, Hii ilikuwa sehemu muhimu ya ujumbe wa Petro iliyotolewa chini ya uwepo wa Roho Mtakatifu siku ya Pentekoste siku ambayo ilikuwa sikukuu kwa Wayahudi lakini Mungu katika mpango wake alikusudia Kanisa lizaliwe, Toba ilikuwa ni sehemu muhimu kwa watu kupokea Roho Mtakatifu, Toba ilikuwa ni sehemu muhimu mara kanisa lilipoanza, toba lilikuwa ni jibu Muhimu kwa swali muhimu lililoulizwa katika Matendo 2:37 “Walipoyasikia haya wakachomwa mioyo yao, wakamwambia Petro na mitume wengine, Tutendeje, ndugu zetu?”

Toba ni sehemu muhimu sana katika msingi wa imani ya Kikristo, Mwandishi wa kitabu cha Waebrania anaiweka toba kama moya ya mafundisho ya awali ya Kristo Waebrani 6:1-2 “Kwa sababu hiyo, tukiacha kuyanena mafundisho ya kwanza ya Kristo, tukaze mwendo ili tuufikilie utimilifu; tusiweke msingi tena wa kuzitubia kazi zisizo na uhai, na wa kuwa na imani kwa Mungu, na wa mafundisho ya mabatizo, na kuwekea mikono, na kufufuliwa wafu, na hukumu ya milele.” Waebrania 5:12 pia, kwa msingi huo kama toba ni moja wapo ya msingi muhimu katika imani yetu haipaswi kupuuziwa hata kidogo.

Kimsingi mafundisho na ukweli kuhusu toba katika agano jipya hauwezi kupuuziwa Hasa ukizingatia kuwa toba ilikuwa ni kiini kikuu au kilele cha mahubiri ya watu wote maarufu katika agano jipya.

·         Yohana mbatizaji alihubiri toba Mathayo 3:1-2 “Siku zile aliondokea Yohana Mbatizaji akihubiri katika nyika ya Uyahudi, na kusema, Tubuni; kwa maana ufalme wa mbinguni umekaribia.”

·         Yesu Kristo alihubiri toba Mathayo 4:17 “Tokea wakati huo Yesu alianza kuhubiri, na kusema, Tubuni; kwa maana ufalme wa mbinguni umekaribia.”

·         Paulo Mtume alihubiri toba Matendo 20:21 “nikiwashuhudia Wayahudi na Wayunani wamtubie Mungu, na kumwamini Bwana wetu Yesu Kristo”

Kwa msingi huo basi si jambo la kushangaza kuona Yesu akiwaagiza wanafunzi wake kuhubiri na kuwafanya mataifa yote kuwa wanafunzi huku kiini cha ujumbe kikiwa tubuni kwa maana ufalme wa Mungu umekaribia Mathayo 28:19-20 “Basi, enendeni, mkawafanye mataifa yote kuwa wanafunzi, mkiwabatiza kwa jina la Baba, na Mwana, na Roho Mtakatifu; na kuwafundisha kuyashika yote niliyowaamuru ninyi; na tazama, mimi nipo pamoja nanyi siku zote, hata ukamilifu wa dahari”

Luka 24:47 “na kwamba mataifa yote watahubiriwa kwa jina lake habari ya toba na ondoleo la dhambi, kuanza tangu Yerusalemu.”

Kwa hiyo unaweza kuona kuwa toba ndio msingi wa mafundisho ya ukristo, awaye yote anayebatizwa katika ukristo kwanza ni lazima awe na uelewa kamili wa maana ya toba, anapaswa aelewe wazi, huzuni ya kimungu, Neema ya Mungu na imani iokoayo

Kwani toba ni agizo kuu kwa watu wote wa aina zote wa mahali popote Matendo 17:30 “Basi, zamani zile za ujinga Mungu alijifanya kama hazioni; bali sasa anawaagiza watu wote wa kila mahali watubu.”

Kwa msingi huo basi ni muhimu kufahamu kuwa Toba ni mojawapo ya somo linalotakiwa kufuatiliwa kwa makini na kwa undani zaidi, toba ni sehemu muhimu sana katika kujiunga na ufalme wa Mungu Dr, David A DeSilva alisema “toba ni neema ya Mungu yenye kurejesha uhusiano wa Mungu na mwanadamu”

Zifuataza sasa ni siri kuu muhimu kuhusu toba.

1.       Toba ni badiliko la nia na tabia.

Tunzapozungumzia toba kwa ufupi tunasema toba ni badiliko la nia na tabia, ni kuachana na njia ya kwanza ya kawaida uliyokuwa ukiifuata kuelekea katika njia nyingine unayopaswa kuifuata, kuacha kufuata nia ya mwili wako na kufuata nia ya Mungu, mwanadamu anapoamua kubadilisha nia yake na mtazamo wake mara moja na tabia yake hubadilika

Warumi 12:2 “Wala msiifuatishe namna ya dunia hii; bali mgeuzwe kwa kufanywa upya nia zenu, mpate kujua hakika mapenzi ya Mungu yaliyo mema, ya kumpendeza, na ukamilifu.”

Mathayo 21:28-32 “Lakini mwaonaje? Mtu mmoja alikuwa na wana wawili; akamwendea yule wa kwanza, akasema, Mwanangu, leo nenda kafanye kazi katika shamba la mizabibu. Akajibu akasema, Naenda, Bwana; asiende. Akamwendea yule wa pili, akasema vile vile. Naye akajibu akasema, Sitaki; baadaye akatubu, akaenda. Je! Katika hao wawili ni yupi aliyefanya mapenzi ya babaye? Wakamwambia, Ni yule wa pili. Basi Yesu akawaambia, Amin nawaambia, watoza ushuru na makahaba wanatangulia mbele yenu kuingia katika ufalme wa Mungu. . Kwa sababu Yohana alikuja kwenu kwa njia ya haki, ninyi msimwamini; lakini watoza ushuru na makahaba walimwamini, nanyi hata mlipoona, hamkutubu baadaye, ili kumwamini.”

Toba huambatana na kutii na kutenda mapenzi ya Mungu,toba inamtoa mtu kutoka katika mtazamo hasi aliokuwa nao kuelekea katika mtazamo chanya toba inaleta badiliko kuu sana katika maisha ya mtu, kwa mfano wote tunatambua jinsi Paulo mtume alivyokuwa katika njia zake alikuwa tishio kubwa sana la Ukristo na alidhamiria kuhakikisha kuwa anawashughulikia wakristo kama watu wahalifu Matendo 9:1-2, “Lakini Sauli, akizidi kutisha na kuwaza kuwaua wanafunzi wa Bwana, akamwendea Kuhani Mkuu, akataka ampe barua za kuenda Dameski zilizoandikwa kwa masinagogi, ili akiona watu wa Njia hii, waume kwa wake, awafunge na kuwaleta Yerusalemu.” Mtu huyuhuyu ambaye alikuwa na nia mbaya kuhusu Wakristo na aliyetumia nguvu zake nyingi kuwasumbua wakristo sasa alipotubu alibadilika na kuwa mtu mwingine akithibitisha kuwa Yesu kristo ni Bwana Matendo 9: 20-22 “Mara akamhubiri Yesu katika masinagogi, kwamba yeye ni Mwana wa Mungu. Na wote waliosikia wakashangaa, wakasema, Siye huyu aliyewaharibu walioliitia Jina hili huko Yerusalemu? Na hapa alikuwa amekuja kwa kusudi hilo, awafunge na kuwapeleka kwa wakuu wa makuhani?Sauli akazidi kuwa hodari, akawatia fadhaa Wayahudi waliokaa Dameski, akithibitisha ya kuwa huyu ndiye Kristo.”

Tunapozungumzia toba maana yake ni ufunguo mkubwa wa mabadiliko ya akili yaani nia na tabia mtu anapodai kuwa ametubu hatarajiwi kuonekana na tabia zile za kwanza tena lakini anapaswa kuwa na matendo mapya yanayoendana na toba yake Matendo 26:20 “bali kwanza niliwahubiri wale wa Dameski na Yerusalemu, na katika nchi yote ya Uyahudi, na watu wa Mataifa, kwamba watubu na kumwelekea Mungu, wakiyatenda matendo yanayopatana na kutubu kwao.”

2.       Toba humfanya Mungu arudishe uhusiano na sisi.

Dhambi zinaharibu uhusiano mwema na Mungu, Mungu hasikilizi wenye dhambi Yohana 9:31 “Twajua ya kuwa Mungu hawasikii wenye dhambi; bali mtu akiwa ni mcha Mungu, na kuyafanya mapenzi yake, humsikia huyo.” Yesu Kristo alihakikisha kuwa anadumisha uhusiano wake na Mungu wakati wote alimtii Mungu na hivyo alisikilizwa sana na Mungu na hatimaye kuwa sababu ya wokou kwa watu wote Waebrania 5:7-9 “Yeye, siku hizo za mwili wake, alimtolea yule, awezaye kumwokoa na kumtoa katika mauti, maombi na dua pamoja na kulia sana na machozi, akasikilizwa kwa jinsi alivyokuwa mcha Mungu; na, ingawa ni Mwana, alijifunza kutii kwa mateso hayo yaliyompata;naye alipokwisha kukamilishwa, akawa sababu ya wokovu wa milele kwa watu wote wanaomtii;” Toba ni kurejesha uhusiano na Mungu na ambao ulivunjika au unavunjika kutokana na kutokutii au dhambi, ni mbaya sana kupoteza uhusiano na Mungu. Hakuna jambo zuri sana duniani kama kuwa na uhusiano na Mungu, mwanadamu kukosa uhusiano na Mungu ni sawa na kufariki dunia kabla ya wakati, hatuwezi kuwa na amani ya kweli kama hatuna amani na Mungu, kwa hiyo ni muhimu sana kurejesha uhusiano wetu na Mungu, watu wengi wanatamani lakini uhusiano wao na Mungu umevunjika Dhambi zinazuia uhusiano mwema na Mungu na ndio maana Mungu anatoa wito wa sisi kumrudia yeye Isaya 59:1-2 “Tazama, mkono wa Bwana haukupunguka, hata usiweze kuokoa wala sikio lake si zito, hata lisiweze kusikia; lakini maovu yenu yamewafarikisha ninyi na Mungu wenu, na dhambi zenu zimeuficha uso wake msiuone, hata hataki kusikia.” Sababu kubwa ya watu wengi kupoteza uhusiano na Mungu ni makosa na dhambi Lakini Mungu anasema ameweka njia ameweka mwaliko ambao tunaweza kuutumia kurudisha uhusiano wetu na Mungu, njia hii ni toba pekee, kupitia njia hii anaweza kutusamehe, kuturejesha na kutusafisha. 

1Yohana 1: 8-10 “Tukisema kwamba hatuna dhambi, twajidanganya wenyewe, wala kweli haimo mwetu. Tukiziungama dhambi zetu, Yeye ni mwaminifu na wa haki hata atuondolee dhambi zetu, na kutusafisha na udhalimu wote.Tukisema kwamba hatukutenda dhambi, twamfanya Yeye kuwa mwongo wala neno lake halimo mwetu”. Mungu anatuthibitishia kuwa yuko tayari kusamehe na kutufikia na kuturudia endapo sisi tutakubali kufanya sehemu yetu yaani kutubu kwa kumaanisha kuacha.

Zekaria 1:3 “Basi, uwaambie, Bwana wa majeshi asema hivi, Nirudieni mimi, asema Bwana wa majeshi, nami nitawarudia ninyi, asema Bwana wa majeshi.”

2Nyakati 7:12-14 “Bwana akamtokea Sulemani usiku, akamwambia, Nimesikia uliyoyaomba, na mahali hapa nimejichagulia kuwa nyumba ya dhabihu. Nikizifunga mbingu isiwe mvua, tena nikiamuru nzige kula nchi, au nikiwapelekea watu wangu tauni; ikiwa watu wangu, walioitwa kwa jina langu, watajinyenyekesha, na kuomba, na kunitafuta uso, na kuziacha njia zao mbaya; basi, nitasikia toka mbinguni, na kuwasamehe dhambi yao, na kuiponya nchi yao.” 

Wakati wote Mungu ametamani sana kuwa na uhusiano thabiti na sisi, au na mimi na wewe lakini kikwazo kikubwa ni dhambi na maovu ni wito wa rehema na neema ya Mungu na ahadi zake kubwa kwetu kwamba tukimuita atatuitikia, Kama tunahitaji uponyaji kwa taifa letu na maisha yetu na mafanikio na baraka na mvua nzuri ni toba pekee inayoweza kufungua milango ya Baraka kwa Mungu wetu.

3.       Toba ni ishara ya unyenyekevu.    

           

Swala la kutubu ni zawadi kutoka kwa Mungu ni karama sio swala rahisi kama tunavyofikiri, wanadamu wengi hupenda kujihesabia haki, tunatabia ya kufikiri kuwa sisi ni bora kuliko wengine na tunatabia ya kufikiri kuwa jambo hililinamuhusu mtu fulani na halinihusu mimi tunayo tabia ya kukwepa kuwajibika tuna tabia ya kufikiri kwamba tna ubora fulani kuliko wengine na kwa sababu hiyo tukakataa kutubu bila kuelewa, toba sio kitu rahisi kwa mtu anayejihesabia haki, na kujihesabia haki nintabia ya kiburi na kukosa unyenyekevu 

Luka 18: 9-14 “Akawaambia mfano huu watu waliojikinai ya kuwa wao ni wenye haki, wakiwadharau wengine wote.Watu wawili walipanda kwenda hekaluni kusali, mmoja Farisayo, wa pili mtoza ushuru. Yule Farisayo akasimama akiomba hivi moyoni mwake; Ee Mungu, nakushukuru kwa kuwa mimi si kama watu wengine, wanyang'anyi, wadhalimu, wazinzi, wala kama huyu mtoza ushuru.  Mimi nafunga mara mbili kwa juma; hutoa zaka katika mapato yangu yote. Lakini yule mtoza ushuru alisimama mbali, wala hakuthubutu hata kuinua macho yake mbinguni, bali alijipiga-piga kifua akisema, Ee Mungu, uniwie radhi mimi mwenye dhambi. Nawaambia, huyu alishuka kwenda nyumbani kwake amehesabiwa haki kuliko yule; kwa maana kila ajikwezaye atadhiliwa, naye ajidhiliye atakwezwa.”                 

Unaona sio rahisi kwa mtu anayejifikiria kuwa na haki kukubali toba , sio rahisi, sio rahisi kwa mtu mwenye kiburi kutubu, toba inakaa na wanyenyekevu, watu wanaovunjika moyo ka haraka ukiwa mtu wa toba unaweza kuomba msamaha kwa wanadamu na hata kwa Mungu lakini vilevile unaweza kuomba radhi kwaajili ya watu wengine

Mungu anafananisha toba na unyenyekevu, Mungu anaiona toba kama vunjiko la moyo, Mungu anaiangalia toba kama unyenyekevu na kuwa nje ya kiburi jambo hili sio jepesi bila neema ya Mungu.

Katika Biblia hususani agano la kale maombolezo makubwa sana yenye kuonyesha kupoteza tumaini yalifanyika kwa watu kuvaa Magunia na kujipaka majivu, au kurarua mavazi ya na kurusha michanga juu, hii ilikuwa ni ishara ya nje ya maumivu makali na kuonyehsa unyenyekevu, Yakobo alivaa magunia na kuomboleza kwa siku nyingi sana alipofikiri kuhusu kifo cha mwanaye Yusufu, Daudi alimamuru watu kuvaa magunia akiomboleza kwaajili ya Abneri alipouawa, wakati mwingine pia toba ilifanyika kwa kiwango sawa na maombolezo kama ya kufiwa.

 

Moja ya stori ya kusisimua katika agano la kale ilikuwa ni habari ya mfalme Ahabu 1Wafalme 21: 19-26 “Angalia, nitaleta mabaya juu yako; nami nitakuangamiza kabisa, nitamkatia Ahabu kila mume, aliyefungwa na aliyeachwa katika Israeli. Kisha nitaifanya nyumba yako iwe kama nyumba ya Yeroboamu mwana wa Nebati, na kama nyumba ya Baasha mwana wa Ahiya, kwa ajili ya chukizo ulilonichukiza, hata kunighadhibisha, ukawakosesha Israeli. Tena Bwana alinena habari za Yezebeli, akisema, Mbwa watamla Yezebeli katika kiwanja cha Yezreeli. Mtu wa nyumba ya Ahabu afaye mjini, mbwa watamla, na yeye afaye mashambani ndege wa angani watamla.  (Lakini hapakuwa na mtu kama Ahabu, aliyejiuza atende maovu machoni pa Bwana ambaye Yezebeli mkewe alimchocheaAkachukiza mno, kwa kuzifuata sanamu sawasawa na yote waliyoyafanya Waamori, Bwana aliowafukuza mbele ya wana wa Israeli.).” Ni wazi kabisa katika stori hii kuwa hakuna mtu aliyewahi kuwa muovu katika wafalme wa Israel nyakati za agano la kale kama Ahabu, na kutokana na maovu kadhaa wa kadhaa, Mungu alimtuma nabii kutangaza hukumu mbaya dhidi ya Ahabu na familia yake lakini Ahabu aliposikia hukumu hii mbaya badala ya kumshambulia nabii na au kuamuru kumuua aliamua kuwa mnyenyekevu na kujinynyekeza kwa Mungu kwa njia ya toba 1Wafalme 21:27-29 “Ikawa, Ahabu alipoyasikia maneno hayo, akayararua mavazi yake, akavaa magunia mwilini mwake, akafunga, akajilaza juu ya magunia, akaenda kwa upole. Neno la Bwana likaja kwa Eliya Mtishbi, kusema, Huoni jinsi Ahabu alivyojidhili mbele yangu? Basi kwa sababu amejidhili mbele yangu, sitayaleta yale mabaya katika siku zake; ila katika siku za mwanawe nitayaleta mabaya hayo juu ya nyumba yake.”  Mungu aliheshimu toba ya ahabu na kuamini kuwa amenynyekea mbele zake, toba ni sihara ya unyenyekevu, toba na unyenyekevu huenda pamoja Mithali 3:34 “Hakika yake huwadharau wenye dharau, Bali huwapa wanyenyekevu neema.”      Mungu huwapinga wajikwezao bali huwapa neema wanyenyekevu. Yakobo 4:6

4.       Toba humfukuzia shetani mbali nasi.

Mara tunapokuwa tumemkosea Mungu, tunaweza kujikuta tunapungukiwa na imani, tunaacha kumuamini Mungu na neno lake, tunasikia sauti za mashaka, hukumu katika mioyo yetu na dhamira zetu, unahisi kama Mungu hatakupa nafasi nyingine tena au Mungu amekuchoka, na kisha unakosa amani

Lakini mara mkristo anapotubu na kurejea kwa Mungu sauti hizo za kishetani hukimbia mbali sana na wewe Biblia inasema mtiini Mungu mpingeni shetani naye atawakimbia Yakobo 4:7 “Basi mtiini Mungu. Mpingeni Shetani, naye atawakimbia.” Katika mstari huo maana na kumtii Mungu na kumpinga shetani ni nini? Maana yake ni kutubu, kujinyenyekesha, kutubu, ni kuacha dhambi, ni kuacha kuwa vuguvugu angalia Yakobo 4:8-10 “Mkaribieni Mungu, naye atawakaribia ninyi. Itakaseni mikono yenu, enyi wenye dhambi, na kuisafisha mioyo yenu, enyi wenye nia mbili. Huzunikeni na kuomboleza na kulia. Kucheka kwenu na kugeuzwe kuwa kuomboleza, na furaha yenu kuwa hamu.  Jidhilini mbele za Bwana, naye atawakuza.”

Dhambi inampa nguvu shetani ruhusa kuwa karibu nasi, Shetani huwa karibu na wale wanaotenda mapenzi yake kama Mungu anavyokuwa karibu nwatendao mapenzi yake 1Yohana 3:8 “atendaye dhambi ni wa Ibilisi; kwa kuwa Ibilisi hutenda dhambi tangu mwanzo. Kwa kusudi hili Mwana wa Mungu alidhihirishwa, ili azivunje kazi za Ibilisi.” Shetani huwa karibu na wale wanaotenda mapenzi yake Yohana 8;44 Ninyi ni wa baba yenu, Ibilisi, na tamaa za baba yenu ndizo mpendazo kuzitenda. Yeye alikuwa mwuaji tangu mwanzo; wala hakusimama katika kweli, kwa kuwa hamna hiyo kweli ndani yake. Asemapo uongo, husema yaliyo yake mwenyewe; kwa sababu yeye ni mwongo, na baba wa huo.”

Unaweza kuona kwa msingi huo tunapotubu Shetani anakosa nafasi ya kushitaki na kutudai kama mali yake na hivyo tunaweza kumpinga na kupambana naye na kuondoa nguvu yake yote ya ushawishi katika maisha yetu.

5.       Toba inatuweka huru kutoka katika mateso ya dhambi.

Yohana 8:34 -36 “Yesu akawajibu, Amin, amin, nawaambia, Kila atendaye dhambi ni mtumwa wa dhambi. Wala mtumwa hakai nyumbani sikuzote; mwana hukaa sikuzote. Basi Mwana akiwaweka huru, mtakuwa huru kweli kweli.”

Dhambi inampa shetani kibali cha kututesa na kutuonea, inatoa kibali kwa kila kitu kuwa adui yetu, inatoa kibali kwa magonjwa, jambo hili lina ukweli katika maisha yetu, tunapoendelea na maisha yetu ya dhambi, utagundua kuwa anayeteseaka zaidi ni wewe na mimi, ingawa dhambi huonekana kuwa njema na tamu tunapoitenda lakini kilele chake kina maumivu makubwa sana kuliko ahadi ambayo dhambi imetuahidi, Na ndio maana kwa kiasi kikubwa Yesu alipowasaidia watu waliokuwa na matatizo mbalimbali kwa sababu ya dhambi aliwaonya kwamba wasifanye dhambi tena

Yohana 8:10-11 “Yesu akajiinua asimwone mtu ila yule mwanamke, akamwambia, Mwanamke, wako wapi wale washitaki wako? Je! Hakuna aliyekuhukumu kuwa na hatia?  Akamwambia, Hakuna, Bwana. Yesu akamwambia, Wala mimi sikuhukumu. Enenda zako; wala usitende dhambi tena.]”

Yohana 5:14 “Baada ya hayo Yesu akamkuta ndani ya hekalu, akamwambia, Angalia, umekuwa mzima; usitende dhambi tena, lisije likakupata jambo lililo baya zaidi.”

Magonjwa, uvamizi wa kipepo, mashambulizi ya ibilisi na hatari za mauti vinaruhusiwa kutuandama tukiwa katika maisha ya dhambi, na ndio maana Yesu anatoa tahadhari kutokuirudia dhambi tena ili kuepuka mateso yake,  Ni jambo la kumshukuru Mungu kwamba tunapotubu dhambi zetu tunapokea Rehema, na kwakuwa Yesu Kristo ndiye kuhani wetu mkuu hutuombea kwa kuingilia kati kwaajili yetu

 Waebrania 4:14-16 “Basi, iwapo tunaye kuhani mkuu aliyeingia katika mbingu, Yesu, Mwana wa Mungu, na tuyashike sana maungamo yetu. Kwa kuwa hamna kuhani mkuu asiyeweza kuchukuana nasi katika mambo yetu ya udhaifu; bali yeye alijaribiwa sawasawa na sisi katika mambo yote, bila kufanya dhambi. Basi na tukikaribie kiti cha neema kwa ujasiri, ili tupewe rehema, na kupata neema ya kutusaidia wakati wa mahitaji.”

Waebrania 7:24-25 “bali yeye, kwa kuwa akaa milele, anao ukuhani wake usioondoka. Naye, kwa sababu hii, aweza kuwaokoa kabisa wao wamjiao Mungu kwa yeye; maana yu hai sikuzote ili awaombee.”

Ni kwa sababu hiyo basi neno la Mungu linatuahidi kwamba toba inatuleta kwa Mungu na kumfanya Mungu afutilie mbali dhambi zako na tusipotubu hatuwezi kuwa huru kutoka katika mateso na vifungo vya dhambi. Matendo 3: 19 “Tubuni basi, mrejee, ili dhambi zenu zifutwe, zipate kuja nyakati za kuburudishwa kwa kuwako kwake Bwana;”

6.       Toba huongoza katika maisha na Yesu Kristo.

Kwa kawaida dhambi huongoza katika mauti na mauti ya milele Biblia iko wazi kabisa kuwa Mshahara wa dhambi ni mauti

Warumi 6:23 “Kwa maana mshahara wa dhambi ni mauti; bali karama ya Mungu ni uzima wa milele katika Kristo Yesu Bwana wetu.” Na Yesu alitoa maonyo kuwa tusipotubu bila shaka nasi tutaangamia

Luka 13: 1-3 “Na wakati uo huo walikuwapo watu waliompasha habari ya Wagalilaya wale ambao Pilato alichanganya damu yao na dhabihu zao. Akawajibu akawaambia, Je! Mwadhani ya kwamba Wagalilaya hao walikuwa wenye dhambi kuliko Wagalilaya wote, hata wakapatwa na mambo hayo? Nawaambia, Sivyo; lakini msipotubu, ninyi nyote mtaangamia vivyo hivyo”.

Lakini inapokuwepo toba maangamizi huahirishwa na wokovu hupatikana 

Matendo 11:18 “Waliposikia maneno haya wakanyamaza, wakamtukuza Mungu, wakisema, Basi, Mungu amewajalia hata mataifa nao toba liletalo uzima.”

2 Wakoritho 7:10 “Maana huzuni iliyo kwa jinsi ya Mungu hufanya toba liletalo wokovu lisilo na majuto; bali huzuni ya dunia hufanya mauti.

Toba ina tabia ya kumkaribisha Yesu Kristo, na kumfanya Mungu awe na ushirika na sisi katika maisha yetu, Yesu alikazania sana swala la toba kwa makanisa yale saba ya asia katika ufunuo lakini hatimaye alisema

 Ufunuo 3:19-20 “Wote niwapendao mimi nawakemea, na kuwarudi; basi uwe na bidii, ukatubu. Tazama, nasimama mlangoni, nabisha; mtu akiisikia sauti yangu, na kuufungua mlango, nitaingia kwake, nami nitakula pamoja naye, na yeye pamoja nami.” Ni furaha kubwa sana kuwa na ushirika na Yesu Kristo na Mungu, Yeye alishinda kifo na mauti ili aweze kutupa uzima huu na uzima wa milele, Uzima wa milele haunza tutakapokuwa tumeenda mbinguni bali unaanza sasa hivyo ni furaha kubwa sana kama tutatubu na kuacha dhambi zetu kwa kumaanisha kuziacha ili tuwe na ushirika wa kudumu na Bwana wetu Yesu Kristo.

7.       Toba ni Agizo la Mungu ni ushauri wa Mungu.

Paulo mtume alisumbuliwa sana na jamii ya watu waliokuwa wanafalsafa wa Areopago waliokuwa wakiabudu sanamu pale Athenes Ugiriki na kuwaambia wazi mapenzi ya Mungu ni kila mtu wa kila taifa popote pale anapaswa kutubu, Mungu alijifanya kuwa haoni uovu wao zamani za ujinga lakini saasa anaagiza toba kwa kila mtu na kila taifa Matendo 17:30 “Basi, zamani zile za ujinga Mungu alijifanya kama hazioni; bali sasa anawaagiza watu wote wa kila mahali watubu.” Mafundisho kuhusu toba yanamuhusu nkila mmoja iwe ni mataifa au wayahudi iwe ni kanisa au wasio kanisa ili kurejesha uhusiano wetu na Mungu tunapaswa kutubu, kumbuka hatupaswi kumlazimisha mtu kutubu lakini tunapaswa kuhubiri toba na kuwapa watu uwezo na maamuzi ya kuchagua, toba ni sehemu ya njia ya uzima na kutokutubu ni kuchagua mauti Kumbukumbu la Torati 30:19 “Nazishuhudiza mbingu na nchi juu yenu hivi leo, kuwa nimekuwekea mbele yako uzima na mauti, baraka na laana; basi chagua uzima, ili uwe hai, wewe na uzao wako;” Unaona ili uwe hai uwe na uzima Mungu anakushauri kuchagua toba hii ndio namna pekee utakayoweza kuepuka Mauti, Yesu alipokuwa akiyaonya makanisa yaliyoko Asia ndogo aliwashauri mara kwa mara faida za toba na kuwaonya madhara ya kutokutubia kile alichowashauri:-

Ufunuo 2:5 EFESO “Basi, kumbuka ni wapi ulikoanguka; ukatubu, ukayafanye matendo ya kwanza. Lakini, usipofanya hivyo, naja kwako, nami nitakiondoa kinara chako katika mahali pake, usipotubu.”

Ufunuo 2:14-16. Smirna “Lakini ninayo maneno machache juu yako, kwa kuwa unao huko watu washikao mafundisho ya Balaamu, yeye aliyemfundisha Balaki atie ukwazo mbele ya Waisraeli, kwamba wavile vitu vilivyotolewa sadaka kwa sanamu, na kuzini. Vivyo hivyo wewe nawe unao watu wayashikao mafundisho ya Wanikolai vile vile. Basi tubu; na usipotubu, naja kwako upesi, nami nitafanya vita juu yao kwa huo upanga wa kinywa changu.”

Ufunuo 3:2-3  SARDI “Uwe mwenye kukesha, ukayaimarishe mambo yaliyosalia, yanayotaka kufa. Maana sikuona matendo yako kuwa yametimilika mbele za Mungu wangu. Basi kumbuka jinsi ulivyopokea, na jinsi ulivyosikia; yashike hayo na kutubu. Walakini usipokesha, nitakuja kama mwivi, wala hutaijua saa nitakayokuja kwako”

Ufunuo 3:19, Laodekia “Wote niwapendao mimi nawakemea, na kuwarudi; basi uwe na bidii, ukatubu.”Wakati wote maandiko yanakazia na kutoa wito wa kutubu, ushauri wa kutubu, maoni ya kutubu,hivyo toba inabaki kuwa agizo na ushauri wa Mungu kwa faida ya mwanadamu katika ufalme wa Mungu.

8.       Toba inaleta furaha kubwa sana Mbinguni.

Yesu kristo katika mafundisho yake alikazia sana furaha na shangwe inayotokea Mbuinguni pale mtu mmoja anapotubu, Luka 15: 1-7 biblia inasema “Basi watoza ushuru wote na wenye dhambi walikuwa wakimkaribia wamsikilize.Mafarisayo na waandishi wakanung'unika, wakisema, Mtu huyu huwakaribisha wenye dhambi, tena hula nao. Akawaambia mfano huu, akisema, Ni nani kwenu, mwenye kondoo mia, akipotewa na mmojawapo, asiyewaacha wale tisini na kenda nyikani, aende akamtafute yule aliyepotea hata amwone? Naye akiisha kumwona, humweka mabegani pake akifurahi. Na afikapo nyumbani kwake, huwaita rafiki zake na jirani zake, akawaambia, Furahini pamoja nami, kwa kuwa nimekwisha kumpata kondoo wangu aliyepotea. Nawaambia, Vivyo hivyo kutakuwa na furaha mbinguni kwa ajili ya mwenye dhambi mmoja atubuye, kuliko kwa ajili ya wenye haki tisini na kenda ambao hawana haja ya kutubu.”  Biblia au Bwana Yesu amerudia tenana tena kwamba kuna furaha mbinguni, kwa malaika wa Mungu kwaajili ya mwenye dhambi mmoja tu anapotubu, ni wazi kuwa toba ni mapenzi ya Mungu yanayopendeza na kusubiriwa sana mbinguni ili kwamba mtu aweze kuyatimiza. Mtu anapokuwa dhambini kibiblia anaitwa mfu au anafananishwa na mtu aliyekufa kwa sababu ya dhambi aidha toba inaleta neema ya Mungu inayotuokoa kama tutakavyoona baadaye lakini neno la Mungu lasema dhambi hutufanya kuwa wafu na tunapotubu neema ya Mungu hutusaidia kuokoka Waefeso 2:1-9 “Nanyi mlikuwa wafu kwa sababu ya makosa na dhambi zenu; ambazo mliziendea zamani kwa kuifuata kawaida ya ulimwengu huu, na kwa kumfuata mfalme wa uwezo wa anga, roho yule atendaye kazi sasa katika wana wa kuasi; ambao zamani, sisi sote nasi tulienenda kati yao, katika tamaa za miili yetu, tulipoyatimiza mapenzi ya mwili na ya nia, tukawa kwa tabia yetu watoto wa hasira kama na hao wengine. Lakini Mungu, kwa kuwa ni mwingi wa rehema, kwa mapenzi yake makuu aliyotupenda; hata wakati ule tulipokuwa wafu kwa sababu ya makosa yetu; alituhuisha pamoja na Kristo; yaani, tumeokolewa kwa neema. Akatufufua pamoja naye, akatuketisha pamoja naye katika ulimwengu wa roho, katika Kristo Yesu; ili katika zamani zinazokuja audhihirishe wingi wa neema yake upitao kiasi kwa wema wake kwetu sisi katika Kristo Yesu. Kwa maana mmeokolewa kwa neema, kwa njia ya imani; ambayo hiyo haikutokana na nafsi zenu, ni kipawa cha Mungu; wala si kwa matendo, mtu awaye yote asije akajisifu.” Watu walioko dhambini Mungu, anawatazamia kuwa watatubu kwani biblia inawaita wafu na waliopotea na wanapotubu inawaita walifufuka na walioonekana  Luka 15, 32 “Tena, kufanya furaha na shangwe ilipasa, kwa kuwa huyu ndugu yako alikuwa amekufa, naye amefufuka; alikuwa amepotea, naye ameonekana.” Mungu angeweza kuuhukumu ulimwengu kwa haraka na Yesu angeweza kurudi mara ya pili kwa haraka lakini kukawia kwake ni uvumilivu kwa wanadamu ili kwamba watu wote wafikie toba, 2Petro 3:9 “Bwana hakawii kuitimiza ahadi yake, kama wengine wanavyokudhani kukawia, bali huvumilia kwenu, maana hapendi mtu ye yote apotee, bali wote wafikilie toba.”

9.       Yesu alikuja kwaajili ya wenye dhambi ili watubu.

Tumeona maana halisi ya toba kwamba kutubu ni kugeuka Metanoia kwa kiyunani, kwamba mtu anageuka na kuiacha njia mbaya na kuyatoa maisha yake kwa Mungu, Toba ni kama wito na kwaasili unaanza na Mungu, anatufungua akili kwa neema yake na kisha tunaitikia kwa kuomba naye analeta msaada kwetu,na kutubadilisha kupitia neno lake, tunapolisoma neno lake tunaanza kurekebisha imani zetu, tamaduni zetu, tabia zetu na namna na mwenendo wa kuishi kwetu neno la Mungu likiwa ndio kipimo kikuu cha maisha yetu!

Kwa msingi huo toba ni sehemu muhimu sana katika maisha yetu ya imani Yesu mwenyewe anaeleza wazi kuwa kusudi kubwa la ujio wake duniani ni ili watu watubu Luka 5:32 “Sikuja kuwaita wenye haki, bali wenye dhambi, wapate kutubu.”

Yesu licha ya kusisitiza kuwa alikuja kuwaita wenye dhambi wapate kutubu pia alilihubiri kusudi hili kila mara alipoihubiri injili Marko 1;14-15 “Hata baada ya Yohana kutiwa gerezani, Yesu akaenda Galilaya, akiihubiri Habari Njema ya Mungu, akisema, Wakati umetimia, na ufalme wa Mungu umekaribia; tubuni, na kuiamini Injili”.  na Mathayo 4:17 “Tokea wakati huo Yesu alianza kuhubiri, na kusema, Tubuni; kwa maana ufalme wa mbinguni umekaribia.” Yesu alifundisha kuwa moja ya mambo muhimu sana ni kuurithi ufalme wa Mungu Mathayo 6:33 “Bali utafuteni kwanza ufalme wake, na haki yake; na hayo yote mtazidishiwa.” Yesu alisisitiza kuwa ufalme wa Mungu ndio wa Muhimu zaidi lakini njia pekee ya kuupata alisisitiza kuwa ni toba, Maandiko yanasisitiza kuwa ufalme wa Mungu unapatikana kwa wale wanaotubu.

10.   Toba inaleta wokovu

Njia kuu ya kupokea zawadi ya wokovu na kuingia katika ufalme wa Mungu nji kwa njia ya toba, hakuna namna yoyote mtu anaweza kuokoka bila kutubu, toba ndio msingi mkuu wamafundisho ya wokovu na ufalme wa Mungu, 

Waebrania 6:1-2. “Kwa sababu hiyo, tukiacha kuyanena mafundisho ya kwanza ya Kristo, tukaze mwendo ili tuufikilie utimilifu; tusiweke msingi tena wa kuzitubia kazi zisizo na uhai, na wa kuwa na imani kwa Mungu, na wa mafundisho ya mabatizo, na kuwekea mikono, na kufufuliwa wafu, na hukumu ya milele”. Kuzitubia kazi zisizo na uhai maana yake ni kuacha dhambi, Yesu alikwisha kutoa maonyo kuwa kama hatutatubu uko uwezekano mkubwa wa kuangamia 

Luka 13:1-5 “Na wakati uo huo walikuwapo watu waliompasha habari ya Wagalilaya wale ambao Pilato alichanganya damu yao na dhabihu zao. Akawajibu akawaambia, Je! Mwadhani ya kwamba Wagalilaya hao walikuwa wenye dhambi kuliko Wagalilaya wote, hata wakapatwa na mambo hayo?Nawaambia, Sivyo; lakini msipotubu, ninyi nyote mtaangamia vivyo hivyo. Au wale kumi na wanane, walioangukiwa na mnara huko Siloamu, ukawaua, mwadhani ya kwamba wao walikuwa wakosaji kuliko watu wote waliokaa Yerusalemu? Nawaambia, Sivyo; lakini msipotubu, ninyi nyote mtaangamia vivyo hivyo.” Onyo la Kristo halimaanishi kuwa anataka watu waangamia hapana anataka watu watubu ili wasiangamie ni ushauri uliojaa upendo kama watu hawatatubu kweli hawataokolewa Mungu ni mvumilivu kwa sababu anataka watu wote tufikie toba  

2Petro3:9 “Bwana hakawii kuitimiza ahadi yake, kama wengine wanavyokudhani kukawia, bali huvumilia kwenu, maana hapendi mtu ye yote apotee, bali wote wafikilie toba.” Maandiko yanatoa wito wa toba kwani Mungu atamuhukumu kila mtu kwa kadiri ya matendo yake na ndio maana manabii walioonya wakati wote walitoa wito kwa watu kutubu 

Ezekiel 18:30-32 “ Basi, nitawahukumu ninyi, nyumba ya Israeli, kila mmoja kwa kadiri ya njia zake, asema Bwana MUNGU. Rudini, mkaghairi, na kuyaacha makosa yenu yote; basi hivyo uovu wenu hautakuwa uharibifu wenu.   Tupilieni mbali nanyi makosa yenu yote mliyoyakosa; jifanyieni moyo mpya na roho mpya; mbona mnataka kufa, enyi nyumba ya Israeli? Maana mimi sikufurahii kufa kwake afaye, asema Bwana MUNGU; basi ghairini, mkaishi”. Unaona dhambi huleta maangamizi huleta kifo lakini Mungu hafurahii kufa kwetu na ndio maana anatoa wito tutubu toba ina faida gani toba inaleta wokovu, tunapomuamini Bwana Yesu maana yake tutatubu kwa imani kupitia kazi za rehema zilizofanya na Yesu pale msalabani ili tuweze kuokolewa  

Matendo 16:30-31 “kisha akawaleta nje akasema, Bwana zangu, yanipasa nifanye nini nipate kuokoka?  Wakamwambia, Mwamini Bwana Yesu, nawe utaokoka pamoja na nyumba yako.”

Rev. Innocent Kamote.

Mkuu wa wajenzi mwenye Hekima!

Huyu ndiye Rais Halali wa Kenya!

Uhuru Muigai Kenyatta.

Uhuru Kenyata alizaliwa tarehe 26 October 1961 ni moja ya wanasiasa mahiri na raisi  wa awamu ya nne wa jamhuri ya Kenya.

Mheshimiwa Kenyatta amewahi kuwa mbunge wa Jimbo la Gatundu ya kusini kati ya mwaka 2002 mpaka 2013, Kenyatta ni mtu aliyejaa upendo, imani, na mwenye kuheshimu utu, ni mpole na mnyenyekevu, ni mpenda maendeleo na ni mtu anayeipenda Afrika kwa dhati na mwenye moyo wa Kumcha Mungu.

Kabla ya kuwa raisi wa awamu ya nne wa Kenya ndugu Kenyata amewahi kuwa mwanachama wa Kenya African National Union, chama ambacho kilihusika kudai Uhuru wa Kenya chini ya baba yake Mzee Jomo Kenyatta. Kwa sasa Kenyatta ameingia madarakani kwa tiketi ya chama cha “Jubilee” jina ambalo kwa asili ni la kibiblia lenye kuzungumzia mwaka wa Bwana wa kuwaweka huru watu wake sawa na Luka 4:18-19. “Roho wa Bwana yu juu yangu, Kwa maana amenitia mafuta kuwahubiri maskini habari njema. Amenituma kuwatangazia wafungwa kufunguliwa kwao, Na vipofu kupata kuona tena, Kuwaacha huru waliosetwa, Na kutangaza mwaka wa Bwana uliokubaliwa.”  Neno mwaka wa Bwana uliokubaliwa kibiblia ndio ulijulikana kama Jubilee.

Uhuru Kenyatta ni moja ya watoto wa kiume wa aliyekuwa rais wa Kwanza wa jamhuri ya Kenya na mama yake Mama Ngina Kenyatta ambaye kwa bahati nzuri bado yu hai, Mheshimiwa Uhuru alishinda Uchaguzi  kwa mara ya pili August 2017 katika uchaguzi mkuu na kupata ushindi kwa asililia 54% kupitia kura za wakenya wote waliokuwa wamejiandikisha, Hata hivyo ushindi huu uliokuwa umetangazwa na mwenyekiti wa tume ya taifa ya uchaguzi wa nchi hiyo “Independent Electoral and Boundaries Commission” Ndugu Wafula Chebukati. Ushindi huu ulipingwa kisheria na mahakama kuu nchini humo baada ya kuzingatia madai ya muungano wa vyama pinzani unaojulikana kwa ufupi kama NASA uonaoongozwa na “Raila Odinga” kwa kuzingatia madai kadhaa tarehe 1 September 2017 Mahakama kuu ilibatilisha matokeo hayo na kuamuru kuwa uchanguzi urudiwe tena tarehe 26 October 2017 yaani ndani ya siku 60 tangu kutanguliwa kwake, hata nhivyo katika namna ya kushangaza uchaguzi huu wa marudio ulipingwa na kukosolewa vibaya  na wapinzani na watu wa maswala ya haki za binadamu, Huku mpinzani mku Raila Amolo Odinga akisusia uchaguzi huo.

Maswala kadhaa ya ya uvunjifu wa amani yalijitokeza kwaajili ya kupinga matokeo ya uchaguzi huo uliorudiwa kwa mara ya pili, huku wafuasi wa raila wakiandamana katika mitaa kama Kawangware,  Nairobi na maeneo mengine wakipinga vikali na kuchoma moto maduka na kuchoma matairi, watu kadhaa walijeruhiwa na wengine kufariki dunia, waandamanaji walikuwa wakimtaka Raila kuchukua hatua, kabla ya kura kurudiwa tena,  Huku yeye mwenyewe akiwachochea wafanye fujo na kupinga uchaguzi huo kwa madai kuwa hakukuwa na uwanja huru na wa haki wa ufanyikaji wa uchaguzi huo, Na baadaya bwana Odinga alijitoa katika kinyanganyiro hicho cha uchaguzi wa mara ya pili, kutokana na tukio hilo Muheshimiwa Kenyatta alipata nafasi ya kushinda uchaguzi wa Marudio kwa njia iliyo laini zaidi na hivyo kumpa nafasi ya kuiongoza Kenya kwa miaka mitano ijayo.

Katika uchaguzi huo wa Marudia muheshimiwa Uhuru Kenyatta alipata ushindi mkubwa wa kishindo kwa asilimia 98% ya kura zote zilizopigwa, Wakati akiapishwa Rais Kenyata aliahidi kuwa daraja la maendeleo lenye kuwaunganisha wakenya kuwa kitu kimoja na kusonga mbele huku akiweka moyo wake wote, katika Hutuba yake iliyojawa na utukufu wa Mungu Mheshimiwa Kenyata alisoma andiko na Nabii Isaya  akihusisha tukio la kuapishwa kwake tarehe 28/11/2017 kuwa bila Mungu haikuwa rahisi namnukuu 

“Today is yet another historic day for our great motherland.  First and foremost, our gratitude is to our Almighty God. The Prophet Isaiah proclaimed: When you pass through the waters, I shall be with you. When you pass through the rivers, they shall not overwhelm you. When you walk through fire, the flames will not consume you, Our God is faithful.  He heard our voices when we cried out to Him.  He listened, and answered our prayers.  He has brought us thus far, and He will take us even further.This is the testimony of our country today; and for this we thank Him”

Tafasiri isiyo rasmi Leo ni siku nyingine ya kihistoria katika ardhi mama yetu, Kwanza ningependa kumshukuru Mwenyezi Mungu, Nabii Isaya alisema, “Upitapo katika maji mengi nitakuwa pamoja nawe; na katika mito, haitakugharikisha; uendapo katika moto, hutateketea; wala mwali wa moto hautakuunguza.” Mungu wetu ni mwaminifu, amesikia sauti zetu tulipomlilia na kuhitaji msaada wake. Amesikia na kuyajibu maombi yetu, ametufikisha hapa leo na atatuvusha zaidi ya hapa na huu ni suhahidi ulio wazi leo na kwaajili ya hili tunamshukuru mwisho wa kumnukuu

Maandiko yaliyotumiwa na Mheshimiwa Kenyatta ni Isaya 43:2, Ni wazi kuwa Kenyatta hakunukuu maandiko haya hivihivi tu Kenyata pamoja na willium Rutto ambaye siku ile Kenyata alimuita Pastor ni wazi kuwa walimtegemea Mungu, ni wazi kuwa walimtanguliza Mungu mbele, ni wazi kuwa walikuwa na timu kubwa ya watu walioomba pamoja nao na kwaajili yao mapema waimbaji kadhaa walisikika katika uwanja ule wakiimba kuwa sio uchawi ni Maombi, hii ilikuwa ni ushahidi wazi kuwa kuna watu walikuwa wakiomba kwaajili ya wakenya.

Kwanini naandika makala haya, ? wanafunzi wangu wote waliosoma Living Stone Boys’ Seminary ni mashahidi kuwa kwa neema aliyonipa Mungu niliweza kuwatabiria maraisi kadhaa na wakawa katika nafasi nilizowatabiria, akiwepo Rais John Pombe Magufuli, Rais Trump na Kenyatta, Niliwaambia wazi wanafunzi wangukwa vile tulikuwa tunaomba pamoja mara kadhaa nilitaka wayajue mapenzi ya Mungu niliwaambia kuhusu ujio wa maraisi hao madarakani na ikawa kama nilivyowaambia, niliwaambia kuwa mimi sio Muhubiri mkubwa sana kwa maana ya umarufu, wala sijiiti nabii lakini nilimsikia nabii mmoja mkubwa mwenye kituo kikubwa cha tv huko Dar es Salaam akisema wazi kuwa anamuona Raila Ikulu, mimi hapohapo nmilimwambia mke wangu hapana mimi namuona Kenyetta Ikulu, na jiono nilipokwenda kuomba niliwaambia wanafunzi waziwazi kuwa yuko nabii mwenye kituo cha TV huko Dar es Salaam amesema kuwa amemuona Raila akiwa ikulu mimi naomba nieleze wazi kwamba tuiombee Kenya kwani nimeona Moto katikati ya mji, na moshi mkubwa karibu na jengo moja refu sana nchini humo, na tukiomba vema moto huo unaweza kuzimishwa lakini mimi simuoni Raila Ikulu namuona Kenyatta.

Leo ninapoandika naandika mambo haya yakiwa yametimia lakini kwa nini nataka kuandika hili leo nataka kukiri Mbele za Mungu kuwa Kenyatta yuko Kihalali madarakani, si kwa sababu ya uchaguzi kurudiwa, si kwa sababu, ameapishwa lakini kwa sababu Mungu amemchagua na kukusudia awepo na nataka kuitumia nafasi hii kutoa maonyo kwa raila Odinga, kuwa ajihadharina jaribio la kutaka kujiapisha kuwa Rais kwani tukio hili licha ya kuwa na madhara kwa wafuasi wake kadhaa lina madhara makubwa sana kwake mwenyewe, huu ndio utakuwa mwisho wa Raila, kisiasa, kiimani na kwa heshima aliyonayo, litakuwa tukio la aibu kubwa sana kwake na lenye kufedhehesha, kwani licha ya kuwa kinyume cha sheria liko kinyume na Mungu, Mungu hakukuchagua Raila, wala hatakuchagua tena kuwa Rais wa Kenya wakati wowote na nataka kuweka wazi wazi wazi kuwa Rais ajaye wa Kenya mara baada ya Kenyata atakuwa Mcha Mungu zaidi mara mbili ya Kenyatta atalitaja jina la Mungu maradufu zaidi na atatokea Jubelee tena na  Raila hataonekana tena. Katika Historia ya mageuzi nchini Kenya.

Wito kwa wakenya wote tusikubali kamwe kumwaga Damu, tusikubali kushawishiwa na wapinga maendeleo na wapinzani na maadui wa Kenya walioko ndani na nje, Kenyatta anaweza asiwe mkali kama Magufuli, watu hawafanani, lakini moyo wake una mapenzi mema kwa wakenya na Afrika kwa ujumla, Mimi ni Mtanzania sina asili yoyote ya Kenya, lakini nabii hana mipaka kwa vile Mungu ni wa watu wote, lakini Kenya ikiendelea ni Afrika imeendelea, uchumi wa Kenya ukikua ni uchumi wa Afrika umekua,

Naitakia Kenya wakati wa utulivu na wakati wa kufanya kazi na kuachana na aina yoyote ya ushawishi ulio na nia ovu wa kutokuitambua serikali halali iliyoko Madarakani, niwaonye wakenya wote kutokujitokeza tarehe 12 kwaajili ya kuapisha mtu asiyehusika na  wamuache mwenyewe aidha serikali ya Kenya iliyoko madarakani ichukue hatua stahiki na kali za kisheria kwa jaribio hilo la kipumbavu litakalojaribiwa kufanya na uongozi wa Nasa.

Mungu Ibariki Kenya

Mungu Ibariki Afrika

Rev. Innocent Kamote Mkuu wa wajenzi mwenye Hekima.

Kwa taya la Punda!

Waamuzi 15:16 “Samsoni akasema, Kwa taya ya punda chungu juu ya chungu, Kwa taya ya punda nimepiga watu elfu.”

Then Samson said, "With a donkey's jawbone I have made donkeys of them. With a donkey's jawbone I have killed a thousand men

Ni Muhimu kufahamu kuwa ushindi wetu katika mazingira ya aina yoyote ile na katika vita vya kiroho unatoka kwa Mungu, Mungu alikwisha kutuahidi mapema sana katika torati kuwa atatupa ushindi, bila kujali ni aina gani ya silaha inayotumiwa na adui, yeye anatia moyo kuwa tusiogope wala mioyo yenu isizimie, Mungu asiyeonekana kwa macho ya kibinadamu yuko nyuma ya watu wake kuwapa nguvu isiyoweza kuonekana na kusababisha ushindi. 

Kumbukumbu  20:1-4 “Utokapo kwenda vitani kupigana na adui zako, na kuona farasi, na magari, na watu wengi kuliko wewe, usiwaogope; kwa kuwa Bwana Mungu wako, yu pamoja nawe, aliyekukweza kutoka nchi ya Misri. Na iwe, msongeapo mapiganoni, kuhani na akaribie na kusema na watu, awaambie, Sikizeni, enyi Israeli, hivi leo mwasongea mapiganoni juu ya adui zenu mioyo yenu na isizime; msiche, wala msiteteme, wala msiingiwe na hofu kwa ajili ya wao; kwa maana Bwana, Mungu wenu, ndiye awaandamaye kwenda kuwapigania juu ya adui zenu, ili kuwaokoa ninyi.”

Mungu aliahidi kuwa atatupa Ushindi, na kuwa ndani yetu ameweka uwezo wa kupiga watu elfu uwezo huu unatoka kwake na sio wa mtu binafsi au kwa akili ya mtu binafsi Kumbukumbu 32:30 “Mmoja angefukuzaje watu elfu, Wawili wangekimbizaje elfu kumi, Kama Mwamba wao asingaliwauza, Kama Bwana asingaliwatoa?”

Ni wazi tu kuwa Samson alielewa ahadi za Mungu na aliamua kutunga shairi na kutengeneza Fumbo kubwa sana la siri ya nguvu zake kwamba ameweza kupiga watu elfu KWA TAYA LA PUNDA, lakini ukweli ulio wazi ni kuwa Samsoni alijiliwa na ROHO WA MUNGU na ndiye aliyempa ushindi huu na nguvu ya kupiga watu 1000

Tunajifunza wazi kuwa siri ya ushindi wetu inatokana na NGUVU ZA ROHO MTAKATIFU ambaye hapa Samson anamtaja kama taya la Punda, sio kweli kwamba Samson aliwaangamiza maadui kwa Taya la punda bali nyuma ya taya la punda ilikuweko nguvu isiyoonekana iliyomuwezesha Samson kupata ushindi

Waamuzi 15:14-20. Alipofika Lehi, Wafilisti wakapiga kelele walipokutana naye; ndipo roho ya Bwana ikamjia kwa nguvu, na zile kamba zilizokuwa juu ya mikono yake zikawa kama kitani iliyoteketezwa kwa moto, na vile vifungo vyake vikaanguka mikononi mwake. Naye akaona mfupa mbichi wa taya ya punda, akautwaa, akapiga watu elfu kwa mfupa huo;  Samsoni akasema, Kwa taya ya punda chungu juu ya chungu, Kwa taya ya punda nimepiga watu elfu. Ikawa, alipokuwa amekwisha kunena akautupa ule mfupa wa taya mkononi mwake; na mahali pale pakaitwa Ramath-lehi.Kisha akaona kiu sana, akamwita Bwana akasema, Wewe umetupa wokovu huu kwa mkono wa mtumishi wako; na sasa nitakufa kwa kiu, na kuanguka katika mikono ya watu wasiotahiriwa. Lakini Mungu akapasua mahali penye shimo palipo katika Lehi, pakatoka maji; naye alipokwisha kunywa, roho yake ikamrudia, akaburudika; kwa hiyo jina la mahali pale likaitwa Enhakore, napo pa katika Lehi hata hivi leo.Naye akawa mwamuzi wa Israeli: katika siku za Wafilisti muda wa miaka ishirini.”

Ushindi wa Samsoni haukuwa katika mikono yake wala katika taya la punda bali ulitokana na nguvu za Roho wa Mungu yaani Roho Mtakatifu,

Samson aliweza kusababisha uharibifu mkubwa miongoni mwa maadui za Mungu Wafilisti, kwa kutumia Taya la Punda huu ulikuwa ni muujiza mkubwa wenye maana ya kuwa Mungu hutumia mambo manyonge na mapumbavu na yaliyodharaulika  ya dunia kudhihirisha Nguvu zake, kwa sababu hiyo ushindi huu ni dhahiri kuwa haukutokana na aina ya silaha, wala mikono ya Samson Lakini alikuwa ni Roho Mtakatifu aliyetumia Mkono pamoja na taya la punda kuleta ushindi, tunayaweza yote katika yeye atutiaye Nguvu Wafilipi 4:13 “Nayaweza mambo yote katika yeye anitiaye nguvu.” Mungu anapokusudia kutupa ushindi dhidi ya adui zetu ni lazima kuitunza ile nguvu ya asili inayotupa ushindi nguvu hii ni Roho Mtakatifu.

Aidha ni muhimu kukumbuka kuwa  Pale “Ramoth lehi” Kulikuwa na hekalu la miungu ya kifilisti ambamo ndani yake kulikuwa na alama ya taya la punda alama hii ilikuwa inawakilisha nguvu za siri za miungu ya wafilisti ambao waliamini kuwa Mungu huyu aliwapa ushindi dhidi nya adui zao, ni wazi kabisa na inawezekana kabisa kuwa watu wale 1000 waliopigwa na Samsoni huenda walikuwa ni makuhani wa miungu hiyo pale “Ramoth lehi” Jina “Ramoth lehi” ni muungano wa Maneno mawili ya Kiebrania na wafilisti Ramoth kwa Wafilisti ilimaanisha DRAGON au Joka na LEHI maana yake Palipotupwa mfupa wa Punda Taya la punda,  Nguvu ya joka iliyokuwa linaabudiwa na wafilisti katika eneo hili tendo la Samsoni kuwapiga kwa kutumia taya la punda ilikuwa ni ishara ya wao kupigwa na nguvu ya siri, na kwa sababu hawakuwa wametambua nguvu ya Samsoni bila shaka wakati hu ndipo walipoanza uchunguzi wa kutaka kujua siri ya Nguvu ya Samsoni ni nini?

Pichani Samsoni akiwa amepiga watu wengi 1000 pale Ramoth lehi, 

Samson alikuwa ametumiwa na Roho Mtakatifu kwani nguvu za Mungu zilikuja juu yake kwa nguvu lakini maadui hawakutambua, ndugu msomaji wangu ni muhimu ukafahamu kuwa iko nguvu ya siri itakayosambaratisha kila anayekupinga na kukusaidia wakati nwa mahitaji yako nguvu hii ni Roho Mtakatifu, Bwana atawasambaratisha wote wanaoshindana nawe kupitia nguvu za Roho Mtakatifu, nguvu hii ya Mungu isiyoonekana kwa macho iliweza kuwapa ujasiri watakatifu wote waliotutangulia na ndio itakayohusika na inayohusika kuwashughulikia adui zako hata Leo, Kule Marekani watu fulani hutumia alama ya vidole viwili, kwa kulaza vidole viwili vya katikati na kusimamisha viwili, wakimaanisha nguvu ya siri nguvu hii inayowapa ushindi inaweza kuwa ya Joka (Satanic Sign) au kwa Wakristo wanaomjua Mungu inaweza kuwakilisha Heshima kwa Roho Mtakatifu aliyewapa ushindi dhidi ya adui zao (Honor Sign)  kwa hiyo taya la punda kwa wafilisti ilikuwa nguvu ya siri ya Joka na kwa wayahudi taya la Punda ilitumika kama alama ya Nguvu za siri za Roho wa Bwana.

Na. Rev. Innocent Kamote.

Mkuu wa wajenzi wa mwenye Hekima

Kuwa wajinga Katika mambo mabaya !

Mstari wa Msingi: Warumi 16:19 “Maana utii wenu umewafikilia watu wote; basi nafurahi kwa ajili yenu, lakini nataka ninyi kuwa wenye hekima katika mambo mema, na wajinga katika mambo mabaya.”

Ni lazima watoto walelelwe katika njia iwapasayo kabla mioyo yao haijawa zege iliyokauka na Rev. Innocent Kamote Mkuu wa wajenzi mwenye Hekima

Utangulizi.

Ni muhimu kufahamu kuwa tunaishi katika nyakati za mwisho zaidi na katika nyakati hizi nza mwisho Shetani amekusudia kuharibu kanisa na kuiharibu jamii kupitia mmomonyoko wa maadili, na ili aweze kufanikiwa kuharibu jamii anaweza kupata mafanikio makubwa kama atakusudia kuwaharibu watoto ambao ndio kanisa na taifa la kizazi kijacho.

Kwa muda mrefu katika jamii ya wasomi wa Kikristo kumekuwako na mijadala mikubwa miwili, mmoja ni msimamo mkali unaolenga kuwa watoto ni lazima wafundishwe njia za Mungu mapema kabisa katika maisha yao ili neno la Mungu likae ndani yao kwa iwngi kabla ya kuwa watu wazima, lakini wazazi wengine na baadhi ya wanatheolojia wa kikristo wanapinga kwa madai kuwa watoto hawawezi kuzaliwa na Ukristo wetu hivyo ni muhimu wakaachwa na kujifunza mema na mabaya na kuijua Dunia kisha wakutane na Mungu wao binafsi ndipo watakuwa na imani ya kweli, hata hivyo wazo hili la pili ingawa linaweza kuonekana kama lenye hekima ni wazo baya zaidi kupata kutokea duniani kwani liko kinyume na maandiko.

Biblia imeagiza kuwa ni lazima watoto waelekezwe na kukua katika njia ya Mungu,  

Kumbukumbu la torati 6:1-9 “Na hii ndiyo sheria, na amri, na hukumu, alizoziamuru Bwana, Mungu wenu, mfundishwe, mpate kuzitenda katika nchi ile mnayoivukia kuimiliki; upate kumcha Bwana, Mungu wako, kushika amri zake zote, na sheria zake, ninazokuamuru, wewe na mwanao, na mwana wa mwanao, siku zote za maisha yako; tena siku zako ziongezwe. Sikiza basi, Ee Israeli, ukaangalie kuzitenda; upate kufanikiwa, mpate kuongezeka sana, kama Bwana, Mungu wa baba zako, alivyokuahidi, katika nchi ijaayo maziwa na asali. Sikiza, Ee Israeli; Bwana, Mungu wetu, Bwana ndiye mmoja. Nawe mpende Bwana, Mungu wako, kwa moyo wako wote, na kwa roho yako yote, na kwa nguvu zako zote. Na maneno haya ninayokuamuru leo, yatakuwa katika moyo wako;  nawe uwafundishe watoto wako kwa bidii, na kuyanena uketipo katika nyumba yako, na utembeapo njiani, na ulalapo, na uondokapo.  Yafunge yawe dalili juu ya mkono wako, nayo yatakuwa kama utepe katikati ya macho yako. Tena yaandike juu ya miimo ya nyumba yako, na juu ya malango yako.” 

Biblia inaonyesha kuwa watoto wakifundishwa vema njia ya Mungu hawataiacha hata watakapokuwa watu wazima  

Mithali 22:6 “Mlee mtoto katika njia impasayo, Naye hataiacha, hata atakapokuwa mzee.” 

Kutokuwalea watoto katika njia iliyonyooka na kosa kubwa sana katika mapenzi ya Mungu Nyakati za Biblia hususani wakati wa waamuzi kulitokea kizazi ambacho hakimjua Mungu wala njia zake na hivyo waliishi kwa kutenda kila aina ya uovu  

Waamuzi 2:10-11 “Tena watu wote wa kizazi hicho nao walikusanywa waende kwa baba zao; kikainuka kizazi kingine nyuma yao, ambacho hakikumjua Bwana, wala hawakuijua hiyo kazi ambayo alikuwa ameitenda kwa ajili ya Israeli. Wana wa Israeli walifanya yaliyokuwa ni maovu mbele za macho ya Bwana, nao wakawatumikia Mabaali.” 

Kwa sababu hiyo ni jukumu la Wachungaji walimu na wazazi kuhakikisha kuwa watoto wanaikulia njia ya Mungu, na hawajifunzi uovu kutoka kwetu, na kuhakikisha kuwa tunawasaidia kwa namna yoyote ile kukua kiakili, kimwili, kitaaluma na kiroho, huiku wakiwa wenye nidhamu thabiti, Yesu alitangaza hukumu kubwa sana kwa watu watakaowakwaza watoto na kuwafanya wakengeuke alisema yafaa wafungiwe jiwe kubwa la kusagia na kutoswa katika kilindi cha bahari  

Mathayo 18:6 “bali atakayemkosesha mmojawapo wa wadogo hawa waniaminio, yamfaa afungiwe shingoni jiwe kubwa la kusagia, na kutoswa katika kilindi cha bahari.”

Mungu alimchagua Ibrahimu na kumfanya kuwa Baraka kubwa sana Duniani lakini sababu kuu ya kumchagua Ibrahimu Mungu anaieleza katika  

Mwanzo 18:17-19 “BWANA akanena, Je! Nimfiche Ibrahimu jambo nilifanyalo, akiwa Ibrahimu atakuwa taifa kuu, hodari, na katika yeye mataifa yote ya dunia watabarikiwa? Kwa maana nimemjua ya kwamba atawaamuru wanawe, na nyumba yake baada yake waishike njia ya BWANA, wafanye haki na hukumu, ili kwamba BWANA naye akamtimizie Ibrahimu ahadi zake.”  

             

Kumbe ni kwa kusudi hili katika andiko la Msingi Paulo mtume anatoa wito kwa kanisa la rumi kuwa na hekima Yaani ujuzi wa kutosha katika mambo mema na kuwa wajinga katika mambo mabaya neno kuwa wajinga katika biblia ya kiyunani linasomeka kama “AKERAIOS” Ambalo maana yake kuwa incorruptible au kuwa Innocent,  kwa Kiswahili ni kuwa safi kabisa, wasiochanganywa, kutokuujua kabisa uovu wala mwenendo wa Dunia, Biblia inatumia neno hilo pia katika

 1Wakoritho 14:20 “Ndugu zangu, msiwe watoto katika akili zenu; lakini katika uovu mgeuzwe watoto wachanga, bali katika akili zenu mkawe watu wazima.”

Unaweza kuona kwa msingi huo basi Msingi wa kibiblia haufudnishi kuwaachia huru watoto, Bibloia inataka watoto wabanwe katika sheria, waelekezwe nini cha kufanya na nini sio cha kufanya , haiwezekani watoto waachiwe kufanya lolote wanalojisikia kilifanya, tusiwaruhusu kukaa katika njia ya shetani eti ili nao wakutane na neema ya Mungu binafsi, ni lazima sisi tutumike kama chombo cha kuwanyoosha wakae katika njia iliyonyooka, kujua maovu kuna mateso mengi sana ni waarabu na wayahudi tu Duniani ndio wanaojua kuwalea watoto wao na kuwafanya wafuate imani zao kwa uthabiti na kuwarithisha kama Ibrahimu, sehemu nyingi duniani na wakristo wameshindwa kabisa kufanya wajibu huu

Hatupaswi kuwaacha watoto wakajikulia tu kana kwamba kuna bahati nasibu ya kukua kwao, lazima tuhusike katika kuwajenga na kuwalea watu wengi sana wanatumia mamilioni ya fedha duniani kusomesha wachungaji, walimu madaktari na wataalamu mbalimbali na hata makanisani lakini hakuna watu wanaofanya utafiti wa kutosha kuhusu watoto zaidi tu tunasoma kina “Maria Montessori” mwana falsafa wa zamani tu wakizungumza kuhusu watoto na namna yao ya kujifunza, Zamani kulikuwa na kozi katika chuo cha biblia Inaitwa “Children Ministry” mimi niliisoma katika ngazi ya Diploma zamani sijui kama mkozi hii siku hizi ipo lakini kanisa limepuuza kabisa huduma ya watoto na ukiwauliza Wachungaji wengi watakuambia kuwa tatizo watoto hawana mafungu ya kumi, 

Ni lazima tufanye kila jitihada ya kuwalinda watoto wetu katika udanganyifu wa dhambi na maasi ili kuwalinda watoto wetu na uovu duniani Roho mtakatifu anataka wawe wajinga katika mambo ya uovu

Tukiwaachia watoto wetu waijue dunia watabikiriwa kama Dinah binti Lea wa Yakobo Mwanzo 34:1-2, 7 Wana wa Yakobo waliposikia walikasirika sana na walisikitika waliona kuwa dada yao amefanyiwa mambo ya kipumbavu kwa nini hii ni kwa sababu Yakobo alikaa na watu wabaya karibu nao ni lazima tuwalinde watoto wetu, Naamini ya kuwa hukuchagua mahali hapa kwa bahati mbaya, wazazi waliochagua mahali hapa wanajua kuwa watoto wao wako katika mikono salama na hatutaruhusu mambo ya kipumbavu yatokee Katika jina la Yesu amen

“Songs “Bless the Lord” Rebbeca Malope”

Rev. Innocent Kamote.

Mkuu wa Wajenzi mwenye hekima