Bikira na umuhimu wa ubikira katika Imani.

Utangulizi

Siku za hivi karibuni kumezuka mjadala mkubwa sana kuhusu umuhimu wa ubikira katika imani, wote tunafahamu kuwa Maandiko katika Agano la kale na Agano jipya kwa ujumla yalisisitiza sana umuhimu wa kuoa mwanamke bikira!, Mila nyingi na tamaduni nyingi pia zinathamini sana umuhimu wa mume kuoa au kupata mwanamke Bikira, Bikira ni nini na ina umuhimu gani kiimani? Je kuna ulazima wa kuoa mwanamke Bikira? Kwa nini Mungu aliiweka bikira na kwa nini alisisitiza mwanamwali kuolewa bikira kuna jambo gani katika ulimwengu wa kiroho kuhusu ubikira, je kuoa mwanamke ambaye hakuwa na bikira kuna faida gani au hasara gani? Maswala haya yote yote yanatufikisha mahali hapa ambapo tunapaswa kuliangalia swala hili kwa kina na mapana na marefu.

 Mabinti Bikira Uko Afrika ya Kusini hupewa uthamani mkubwa sana katika tamaduni zao

Maana ya Neno Bikira kimaandiko!

Kwa mujibu wa tafasiri za Agano la kale neno bikira lilitumika kumaanisha Mwanamwali yaani mwanamke kijana asiyejua Mume au ambaye hajawahi kushiriki tendo la Ndoa, na kuna maneno kadhaa ya kiebrania yaliyotumika kuwataja wanawake hao, yaani BETULAH mwanamwali bikira asiyejua mwanaume au ambaye hajaingiliwa na uume bado kwa kiarabu BATULI, na BAHUR mwanamke au mwanamwali kijana na ALMAH mwanamwali bikira aliyetolewa mahari au ambaye yuko karibu kuolewa, Almah pia ilitumika kumaanisha mwanamke safi ambaye hakuna maswali katika kuthibitisha usafi wake, Neno hili ALMAH ndilo analolitumia Isaya Nabii katika Unabii unaohusu Mwanamwali atakayemzaa Masihi Isaya 7: 14. “Tazama Bikira (ALMAH) atachukua Mimba!.” Kwa hiyo kibiblia hii ilikuwa ndio maana ya neno Bikira. Hata hivyo Neno la Mungu lilikuwa na maana ya ndani zaidi kama tutakavyoiona baadaye.

Umuhimu wa Ubikira katika Ndoa.

Ni ukweli usiopingika kabisa kuwa kwa mujibu wa mafundisho ya kibiblia yaani Agano la kale na Agano jipya na katika mtazamo wa Mungu, Ndoa ilithibitika kuwa ni halali na takatifu endapo alama za ubikira zingeonekana katika tendo la kwanza la ndoa, Damu ambayo ingemwagika kwa mara ya kwanza ingeweza kuthibitisha kuwa mwanamke huyu ameingiliwa kwa mara ya kwanza, Damu hii ilihusianishwa kama damu ya agano lililo wazi kabisa kuwa ndoa hiyo ni ya halali na ni safi na kwa mume na kwa sababu hiyo huyo ndio angekuwa mkeo halali na mwenye kumuingilia ndio mmiliki halali wa Mume huyo:-

Walawi 21: 1,7 Biblia inasema hivi “ Kisha Bwana akamwambia Musa Nena na hao makuhani wana wa Haruni kuwaambia, Mtu ASIJINAJISI……. Wasimumwoe mwanamke aliye Kahaba, au huyo aliye mwenye UNAJISI, wala wasimuoe mwanamke aliyeachwa na mumewe: kwa kuwa yeye ni kuhani ni mtakatifu kwa bwana Mungu wake” ni wazi kuwa hapa BIBLIA iliwakatza Makuhani kuoa wanawake wenye UNAJISI yaani ambao sio safi yaani ambao wameshabikiriwa hivyo kwa ufupi walitakiwa kuoa mwanamke Bikira! Yaani ASIYENAJISIWA!

Ubikira katika agano la kale na wakati wa sheria uliinua sana thamani ya mwanamke, licha ya kuweko kwa mahari maalumu (Waebrania waliita Mohar Betulot) kiarabu (Mahar al Batul) sawa na “bride price for virgin”  Mahari maalumu ya Ubikira, kwa sababu ya kukutwa Bikira, heshima kwa wazazi kwa matunzo mazuri ya binti yao, heshima kwa binti kwa kujitunza lakini pia ilithibitisha uwezo na kiwango cha juu cha uadilifu.

Katika Torati ya Musa mwanaume alipolala na mwanamwali aliyeposwa “ALMAH” na kuharibu uanawali wake alitakiwa kumuoa yeye, na kama Baba yake angekataa asimuoze binti yake kwa mtu aliyembikiri, mwanaume huyo alipaswa kulipa mahari sawa tu na ile ya muoaji wa mwanamke Bikira “Kutoka 22:16-17”

Kama mwanamume angembaka mwanamke Bikira alipaswa kwa mujibu wa torati kulipa shekel 50 sawa na mahari ya mwanamwali bikira na alilazimika kumuoa na hakupaswa kumuacha maisha yake yote Kumbukumbu 22:28-29

Kumbukumbu 22: 13-22 Biblia inasema hivi “13.Mtu akitwaa mke, akamwingilia na kumchukia, 14. kisha akamshitaki mambo ya aibu kumzushia jina baya, akasema, Nimemtwaa mwanamke huyu, nami nilipomkaribia sikuona kwake alama za ubikira; 15. ndipo babaye yule kijana na mamaye watakapotwaa alama za yule kijana za ubikira, wawatolee wazee wa mji langoni; 16. na baba yake yule kijana awaambie wazee, Mwanamume huyu nilimpa binti yangu awe mkewe, naye amchukia; 17. angalieni, amemwekea mambo ya aibu, asema, Sikuona kwa binti yako alama za ubikira, nazo hizi ndizo alama za binti yangu za ubikira. Na wayakunjue yale mavazi mbele ya wazee wa mji. 18. Basi wazee wa mji ule na wamtwae yule mtu mume na kumrudi, 19. wamtoze shekeli mia za fedha, wampe babaye yule kijana, kwa kuwa amemzulia jina baya mwanamwali wa Israeli; naye awe mkewe; hana ruhusa ya kumwacha siku zake zote. 20. Lakini likiwa ni kweli neno hili, la kutoonekana kwake yule kijana alama za ubikira; 21. na wamtoe nje yule kijana mlangoni pa nyumba ya baba yake, na waume wa mji wake wampige kwa mawe hata afe; kwa vile alivyofanya upumbavu katika Israeli, kwa kufanya ukahaba katika nyumba ya baba yake; ndivyo utakavyoondoa uovu katikati yako.

Kupoteza ubikira kungegharimu adhabu ya kifo kwa kijana wa kike na, kuondoa bikira ya mwanamwali kulilazimu kulipa mahari na kumuao hii ilikuwa sheria nzima ya uanawali au ubikira katika agano la kale au torati ya Musa

Katika agano jipya pia mwanzoni Ubikira ulichukuliwa kuwa ni sehemu ya Maisha ya kujitoa na kumtumikia Mungu, mtu alipaswa kuishi maisha ya uanawali siku zote za maisha yake ni hii ingekuwa ni sadaka Sacrifice kuwa ameyatoa maisha yake kwa Yesu na hataki kuruhusu Unajisi katika maisha yake hivyo wazee wengi nyakati za Kanisa la kwanza waliwatunza binti zao, wasiolewe waishi maisha ya kumtumikia Mungu, jambo hili lilifanywa kwa usimamizi wa mzazi vilevile kama ilivyokuwa katika agano la Kale kwa vile kama binti angenajisiwa au kubikiriwa aibu ingekuwa kwa familia nzima, lakini ingekuwaje sasa kama binti anajisikia kutaka kuolewa Paulo mtume akashauri

1Wakoritho 7: 8-9 Lakini nawaambia wale wasiooa bado na wajane Ni heri wakae Kama mimi nilivyo, Lakini kama hawawezi kujizuia na waoe; maana ni afhadhali kuoa kuliko kuwaka tamaa”

1Wakoritho 7: 25-28 “ Kwa habari za wanawali sina amri ya Bwana, lakini natoa shauri langu, mimi niliyejaliwa kwa rehema za Bwana kuwa mwaminifu. Basi, naona hili kuwa jema, kwa ajili ya shida iliyopo, kwamba ni vema mtu akae kama alivyo. Je! Umefungwa kwa mke? Usitake kufunguliwa. Umefunguliwa? Usitafute mke. Lakini, kama ukioa, huna hatia; wala mwanamwali akiolewa, hana hatia; lakini watu kama hao watakuwa na dhiki katika mwili nami nataka kuwazuilia hayo.

Wanawali wanaotajwa hapo ni vijana wa kike walio bikira kwamba kwa mujibu wa Paulo kama wanaamua kujitoa na kuishi maisha hayo ya utawa ni vema na kama wanaamua kuolewa hawana hatia yaani sio dhambi

Kwa hiyo katika falsafa za agano jipya kuishi maisha ya ubikira ilikuwa ni aina ya sadaka Sacrifice ambayo madada wengi wanaishi maisha ya utawa hulazimika kuwa bikira na hawasumbuki katika maisha yao kwa vile hawajui lolote HAWAJANAJISIKA!.

Umuhimu wa Ubikira kwa mujibu wa Tamaduni za kiyahudi.

Kwa mujibu wa tamaduni za Kiyahudi na katika vitabu vya tamaduni zao vijulikanavyo kama Talmud, Halakhah na Hagadah  Marabi wakuu kama Gamaliel na Eliezer na Joshua bin Hananiah  wanatoa maoni yao kuwa kulikuweko na utata kadhaa katika kuziangalia alama za ubikira kwani wakati mwingine alama za Damu hazikuonekana kabisa katika harusi kadhaa huku kikiwa na uhakika kuwa mabinti hao walikuwa safi na hawakuwa wamenajisiwa ugumu wa uume kuingia katika uke ulionekana na ulisumbua katika hatua za awali za ndoa au tendo la ndoa hii ilipelekea kuondoa umuhimu wa Damu katika kuthibitisha ubikira wa mwanamke hata ingawa damu ya ubikira ina kiherehere na humwagika kwa wingi tu katika mtindo ulio wazi kuwa mwanamke huyu ni bikira lakini sio wote wanakuwa na alama hiyo na hivyo labda kungekuweko uwezekano wa kuhukumiwa kwa mabinti wasio na hatia ambao ubikira wao uliweza kutokuthibitika katika mazingira mengine

Mkazo mkubwa wa ubikira unapochunguzwa vyema Katika maandiko ulimaanisha KUTOKUNAJISIKA, ASIYENAJISIKA, UNAJISI ni lazima kujiuliza unajisi ni nini kunajisika kunakozungumzwa hapo ni nini? Neno unajisi kwa urahisi ni kuchafuka, kuchafuliwa n.k. kuingiliwa kwa mwanamke katika tendo la ndoa kungepeleka taarifa ya uzuri au ubaya wa tendo hilo katika Ubongo na ungerekodiwa mara moja, taarifa ya utamu wa tendo la ndoa ingekuwa imeingizwa kwa mwanamwali ambaye hakuna mtu wa kumuoa bado, uhitaji wa tendo ungeingizwa mapema kwa binti katika ubongo wake, angeanza kuwakwa tamaa ya kutaka mume huku hakuna wa kumuoa na hivyo roho ya ukahaba ingeingia kichwani na hivyo kumbikiri mwanamke kungeitwa kumnajisi au kumfanya kuwa kahaba, na kama binti aneshindwa kujitunza angeitwa mpumbavu kwa hiyo maana kubwa ya kiroho kuhusu UBIKIRA ni KUTOKUNAJISIKA.

Mwanamke anaweza kuwa Bikira lakini akawa amenajisika

Kama maana ya kiroho ya Ubikira ni kunajisika uko uwezekano wa mwanamke kuwa na ubongo au nafsi iliyonajisika na huku akaendelea kuwa Bikira!, Katika Tamaduni za kiarabu ambako hukazia sana maswala ya Ubikira huku wanawake wakiwa ni adimu sana ziko shuhuda kuwa baadhi ya wanawake Uarabuni, na Jordani na mataifa mengine yenye tamaduni hizi, wanawali walionajisika bongo zao kimapenzi walikuwa auwamekuwa tayari kutunza heshima ya ubikira wana na heshina ya familia zao kwa kutunza ubikira wa uke huku wakitoa maumbile yao ya Nyuma na kuwafurahisha wanaume waliowahitaji kwa nyuma eti ili kutunza mbele je kuna umuhimu gani wa kuoa mwanamke ambaye ametunza bikira ya mbele huku bikira ya kichwani imeharibiwa? Amenajisika

Biblia inaonyesha wazi kuwa Binti wawili wa LUTU walikuwa Bikira yaani walikuwa wanawali lakini kutokana na historia ya kuishi katika mazingira ya Sodoma na Gomora mabinti wa Lutu walibaki na bikira za uke wao lakini walikuwa wamebikiriwa akili zao na uchafu wa Sodoma na Gomora na hivyo hatima yake hawakuona tija kulala na Baba yao baada ya kumlevya na kupokea ujauzito, kwa nini walimlevya kwa sababu walielewa wazi kuwa baba yao katika akili nza kawaida hangelikubali kuzaa na binti zake Angalia Mwanzo 19: 8 “Tazama ninao binti wawili ambao hawajajua mtu mume nawasihi nitawalotea kwenu…” andiko hilo lathibitisha wazi kuwa mabinti wa Lutu walikuwa Bikira hawakujua Mume, lakini pamoja na haya binti za Lutu walikuwa waovu mioyoni mwao Mwanzo 19:30-38 Biblia inasema hivi “

Lutu akapanda kutoka Soari akakaa mlimani, na binti zake wawili pamoja naye, kwa sababu aliogopa kukaa katika Soari. Akakaa katika pango, yeye na binti zake wawili. Yule mkubwa akamwambia mdogo, Baba yetu ni mzee, wala hakuna mtu mume katika nchi atuingilie kama ilivyo desturi ya dunia yote.  Haya, na tumnyweshe baba yetu mvinyo, tukalale naye, ili tumhifadhie baba yetu uzao.

Wakamnywesha baba yao mvinyo usiku ule, akaondoka huyo mkubwa akalala naye, wala yeye hana habari alipolala wala alipoondoka.    Ikawa siku ya pili, mkubwa akamwambia mdogo, Tazama, nimelala jana na baba yangu, tumnyweshe mvinyo tena usiku huu, ukaingie ukalale naye. Wakamnywesha tena baba yao mvinyo usiku ule, akaondoka mdogo akalala naye, wala yeye hana habari alipolala wala alipoondoka. Basi hao binti wote wawili wa Lutu wakapata mimba kwa baba yao. Yule mkubwa akazaa mwana, akamwita jina lake Moabu; huyo ndiye baba wa Wamoabi, hata leo. Na yule mdogo naye akazaa mwana akamwita jina lake Benami; huyo ndiye baba wa Waamoni hata leo.

Unaweza kuona je ulimwengu tulionao leo unaruhusu watu kuendelea kuwa Bikira? Je watu wamenajisika au la? Leo hii kuna vifaa maalumu ambavyo vinawawezesha watu kushiriki ngono hata bila mwanamke au mwanaume “sex toys” zimeenea kila mahali duniani, maendeleo ya sayansi na teknolojia yenye kuruhusu watu kunajisika yameenea kila mahali unaweza kumpata bikira katika dunia ya sasa ambaye hajabikiriwa uke lakini amebikiriwa Ubongo! Lipi lilolo jema ASIYENAJISIKA, kama unataka bikira maana yake tafuta mtu ambaye ubongo wake umetakaswa na kusafishwa na damu ya Yesu asomaye na afahamu

Ubikira na uhalali wa Ndoa.

Biblia inapozungumzia ubikira haizungumzii sehemu moja ya kiungo cha mwili inazungumzia usafi wa nafsi, mwili na roho. Ndio maana kanisa huitwa bikira mbele za Mungu, hivyo neno ALMAH alilolitumia Isaya kuhusu Mariam ndio neno zuri lenye kufaa kwa mtu mwenye sifa ya kumbeba masihim Mariamu hakuwa bikira wa uke tu, mabikira wa uke tu katika Israel walikuwa wengi, Mariam alikuwa safi Mwili nafsi na Roho na hakukuwa na maswali katika habari ya maisha yake”

Hakuna mwalimu yeyote wa ndoa Duniani ambaye amewahi kufafanua kuwa uhalali wa ndoa unasababishwa na bikira hata kidogo, ilivyo ni kwamba hata Biblia haisemi kuwa ubikira unaifanya ndoa iwe halali, biblia inaonya kuwa TENDO LA NDOA lenyewe ndio linaloifanya ndoa iwe halali kuwe na damu ya ubikira au isiweko, yaani katika Ulimwengu wa kiroho unaunganishwa na mwanamke au mwanamume hata kama ni kahaba hana bikira kuwa mwili mmoja kwa tendo la ndoa

1Wakoritho 6:16 “ Au hamjui ya kuwa yeye aliyeungwa na kahaba ni mwili mmoja naye? Maana asema wale wawili watakuwa mwili mmoja”

Chunguza andiko hilo hapo juu nini kinaunganisha ndoa? Sio bikira ni tendo la ndoa hata kama utalifanya na kahaba unakuwa mwili mmoja naye

Hivyo bikira haijawahi kutumika na wanatheolojia wa aina yoyote kama sehemu halali ya kuunganisha ndoa

Je ni mambo gani yanayoifanya ndoa kuwa halali?

Ndoa halali haimaanishi kuwa ni ile iliyofungwa kanisani tu ndoa inaweza kufungwa kanisani nabado ikawa si halali au batili, Cheti cha ndoa si ndicho kinachoifanya ndoa kuwa halali, Machoni pa Mungu, Adamu na Hawa babu na bibi zetu walizaliwa zamani kabla ya kuwepo kwa vyeti, lakini ndoa zao zilikuwa halali na zilidumu kwa Muda wa kutosha Je nini basi kinaifanya ndoa iwe halali? Maswala yafuatayo huifanya ndoa kuwa halali;-

RUHUSA YA WAZAZI.

Ndoa inakua halali kwanza pale ambapo wazazi hasa wa mwanamke (Mwanamwali),wanapokuwa wametoa ruhusa ya binti yao kuolewa na kijana, Baada ya kijana kuomba  kibali hicho na kuruhusiwa aidha kwa kupitia yeye au mshenga wake, (Mwanzo 34;8,11-12, Samuel 13;11-13,1Koritho 7;36) baada ya Ruhusa hiyo hata kama kuna taratibu nyingine zitafuata  kama mahari, kitakachofuata hapo hakiifanyi ndoa kutokua halali iwe ni taratibu za kimila au desturi, dini au dhehebu, Fulani, Mchungaji, shekhe, Padree au ofisi ya DC. Machoni pa Mungu hiyo ndoa ni halali na haitenganishwi (Malaki 2;13-16).Hivyo ni lazima ndoa hizo ziheshimike na talaka si ruksa (Ebrania 13;4,Math 19;3-4,6) Kumbuka kuwa Mungu huzieshimu ndoa zote hizi hivyo watu wa namna hii wanapookoka kuja kanisani kama wameyazingatia haya watapokelewa kama wanandoa halali isipokuwa kama ana mke zaidi ya mmoja mkewe halali atakuwa ni yule wa kwanza katika kuwaoa hivyo atabakia na yule mkewe  wa kwanza kama mke halali na jambo hili litafanyika kwa hiyari baada ya kujifunza Biblia na kuielewa wala si kwa shinikizo la kichungaji.

SWALA LA KISHERIA

       Swala lingine linaloifanya ndoa iwe halali ni swala la kisheria  au swala la kiserekali kwa mfano hapa Tanzania Unapokaa na mwanamke au mwanamume kinyumba kwa Muda unaozidi miezi mitatu mfululizo na kuzidi, Kisheria serikali inawatambua kama mke na mume walio halali hata kama mahari haijatolewa. Kwa sheria hii mwanamume anapo pokonywa mke kwa sababu yoyote ile ana haki ya kufungua kesi mahakamani na kudai haki ya kurejeshewa mkewe na endapo mwanamke atafukuzwa bila sababu za msingi ana haki ya kudai mahakamani yaliyo haki yake  jambo la msingi au ushauri wa bure kwa wanandoa wa jinsi hii ni kuzisajili ndoa zao serikalini hii itasaidia ndoa kutambuliwa rasmi na kuepuka usumbufu wakati yanapotokea Matatizo kama kuachana, madai ya mirathi au kifo, hili litawafanya watu hao kuwa salama, Wanapookolewa watu wa namna hii ni muhimu mkwa watumishi wa Mungu kuwasaidia watu hao kujisajili na kutokutia moyo ndoa hizi kuvunjika hii ni kwa sababu kanisa ni msimamizi wa utaratibu duniani na serikali pia hivyo ni muhimu kwa kanisa kusaidiana na serikali katika kuhakikisha watu wanaishi kwa utaratibu na si vinginevyo (Warumi 13;1) 

SWALA LA UZIMA WA VIA AU VIUNGO VYA UZAZI (MITAMBO).

      Hili ni mojawapo ya  swala gumu na lenye utata sana  na huwa lina leta  maaamuzi magumu endapo linatokea hususani katika ndoa zetu za kikristo katika swala hili wako wale wanaounga mkono  kuwa endapo ndoa  itafungwa na baada ya kufungwa ikabainika kuwa  mmoja wa wanandoa hana uwezo  wa kufanya tendo la ndoa  yaani mitambo yake ya kike au kiume haifanyi kazi basi ndoa hiyo ni batili na hasa pale itakapo bainika kuwa mmoja hawezi kabisa kufanya hivyo tangu walipooana ndoa hiyo inabatilishwa swala hili linategemea na mtazamo wa kichungaji na mazingira. Wengine huliona jambo hili kuwa ni halali na wengine huliona kuwa si halali lakini kwa mujibu wa serikali watu wa namna hii hutenganishawa na mahakama.

SWALA LA AGANO (KIAPO) CHA NDOA.

Ndoa ni swala nyeti linalogusa jamii, Dini, Serikali na Mungu, pia hugusa Maisha ya kiroho ya  Wahusika, Hivyo ni muhimu kuelewa kuwa Mungu ni muhusika mkuu hasa pale  wanandoa wanapoapa kwa Mungu humuhusisha yeye Moja kwa moja  na kule kumhusisha Mungu huifanya ndoa kuwa AGANO, Agano ni nini? Neno agano kwa ufupi ni Patano, Ahadi au nadhiri inayofanywa baina ya pande mbili huku zikimuhusisha Mungu, Patano linapofanywa bila kumuhusisha Mungu huitwa  “Mkataba” na Mungu anapinga vikali sana Ndoa za mkataba  ndoa za mkataba  zinazo ibuka duniani hivi karibuni ni kinyume na mapenzi ya Mungu, Mkataba unaweza kuvunjika, lakini sivyo lilivyo Agano, Agano linapokuwa limefanyika huwa limefanyika  (Yoshua 9;14, Kumbukumbu 20;10,Samuel 21;1-9)  Agano huwa halivunjiki hata kama mmojawapo atakuwa amedanganya kwa namna yoyote hiwezi kubatilisha Agano.Kwa mtazamo huu basi sababu ya via vya uzazi kutokufanya kazi inaweza isikubalike kibiblia.

Ubikira haujawahi kutajwa kokote kule kama jambo linaloifanya ndoa kuwa halali, kwa sababu hiyo binti napobikiriwa yuile aliyembikiri anakuwa ameinajisi akili ya binti na hivyo alipaswa amchukue asimuache kwa vile kufanya hivyo kungeharibu maisha ya binti na kumfanya aishai maisha yasiyo yenye kujitunza, Mke wa mtu pia aweza kunajisiwa, kama mtu aliolewa na hajawahi kutoka nje ya ndoa yake pia anakuwa safi na mwaminifu kwa mumewe, anapojaribu kufanya tendo la ndoa na mwanamume mwingine kinachotokea ni uwezekano wa kunajisika kiakili, kwa vila wanawake na wanaume hutofautiana katika utendaji wao washughuli za kimapenzi kila mmoja ana namna yake na hivyo kujaribu sehemu nyingine kunaweza kukuumbia ulevi mwingine wa kimapenzi nakukufanya uhesabike kuwa kahaba au Malaya jambo hili pia hutokea kwa wanaume wanawake hutofautiana miitikio yao kimapenzi na kimahaba na maumbile yao na kadhalika huweza kukufanya uonje tofauti na hivyo kujikuta unaharibu maisha yako ya uadilifu na hivyo kuharibu ubikira wako hata sasa

Ubikira ilikuwa ni alama kivuli ya kibiblia yenye kuzungumzia maswala yafuatayo

1.      Mungu hakutuita katika uchafu (UNAJISI)

Biblia inasema hivi 1Thesalonike 4: 3-7 “3. Maana haya ndiyo mapenzi ya Mungu, kutakaswa kwenu, mwepukane na uasherati; kila mmoja wenu ajue kuuweza mwili wake katika utakatifu na heshima; si katika hali ya tamaa mbaya, kama Mataifa wasiomjua Mungu. Mtu asimpunje ndugu yake wala kumkosa katika jambo hili; kwa sababu Bwana ndiye alipizaye kisasi cha haya yote; kama tulivyowaambia kwanza, tukashuhudia sana. Maana Mungu hakutuitia uchafu, bali tuwe katika utakaso.

2.      Zinaa inakaa katika akili inakamata akili

Ikimbieni zinaa 1 Wakorotho 6: 18-20 “Ikimbieni zinaa. Kila dhambi aitendayo mwanadamu ni nje ya mwili wake; ila yeye afanyaye zinaa hutenda dhambi juu ya mwili wake mwenyewe. Au hamjui ya kuwa mwili wenu ni hekalu la Roho Mtakatifu aliye ndani yenu, mliyepewa na Mungu? Wala ninyi si mali yenu wenyewe; maana mlinunuliwa kwa thamani. Sasa basi, mtukuzeni Mungu katika miili yenu”.

Biblia ya kiingereza haisemi ikimbieni zinaa inasema flee from from sexual immorality yaani kukimbia uchafu wa kingono hii ni zaidi ya zinaa na inahusu kujinajisi na sehemu nyingine muhimu inasema “yeye afanyaye zinaa hutenda dhambi juu ya mwili wake” ni muhimu kupafahamu mahali hapa muhimu ambapo pamesumbua wanatheolojia wengi kwa miaka kutotafasiri kwa usahii eneo hilo neno juu ya mwili wake “against their own body” kiibrania ni neno NEPHES ambalo maana yake NAFSI ambayo tafasiri yake AKILI au UBONGO dhambi ya zinaa au uchafu wa kingono unatawala mawazo sana kuliko dhambi nyingine zambi nyingine zote hazikai akilini Ni nje ya mwili wake lakini dhambi za kingono zinakamata akili Juu ya mwili wake hii ndio tafasiri kwamba zinaa inatia UNAJISI

3.      Uhusiano wa Mungu na watu wake Efeso 5:31 wawili kuwa mwili mmoja kisaikolojia ni kuunganisha nafsi na hisia, si vema kuunagnisha nafsi na hisia na mtu ambaye hujaamua kuwa naye, Mungu nanapenda watu committed na wanaume wameumbwa kwa mafano wa Mungu pia wanawake hivyo kila mmoja anapenda uaminifu, Mungu anataka kanisa aminifu mume anataka mke mwaminifu na mke anataka mume mwaminifu hili ndo swala la msingi katika uhusiano Damu aliyoimwaga Yesu kwaajili yetu ilikuwa ni uthibitisho wa upendo na kujitoa kwake kwetu, damu ya ubikira ni uthibitisho wa uvumilivu uaminifu na upendo kwa Yule atakayekuwa mwenzi wako lakini kwa sasa damu hii haina msingi tena si kwa maana kuwa watu wasijitunze bali kwa maana ya kufanya uhalali wa ndoa uaminifu ni msingi na kutokuruhusu akili yetu kunajisika

4.      Kila mmoja anapaswa kufanya kila aliwezalo kuhakikisha kuwa anamfurahisha mwenzi wake kisaikolojia ili kumjenga awe wake, kama hujaolewa unaporuhusu chuchu zako kunyonywa na makalio kupapaswa na mdomo wako kuliwa denda mwanamume huyo anakuteka kisaikolojia na kukufanya umtegemee na kumuhitaji, miitikio yako kama unalegea ua unatoa milio au unalegeza macho nk inamnfanya mwanamme huyu kukukumbuka na kutekwa kisaikolojia na ndoo maana kumfikisha mtu kileleni katika mapenzi kunaweza kuwa hatua ya juu kabisa ya kuunganisha nafsi kuliko kuondoa bikira na ndio maana ndoa huwa halali kwa tendo la ndoa zaidi kuliko Ubikira

Ukiyajua hayo heri wewe ukiyatenda

Makala na Mkuu wa wajenzi mwenye Hekima

Rev. Innocent Kamote.

Jionyeshe kuwa Mwanamume!

1 Wafalme 2:1-3 “ Basi siku ya kufa kwake Daudi ikakaribia, akamwusia Sulemani mwanawe akasema, Mimi naenda njia ya ulimwengu wote; basi uwe hodari, ujionyeshe kuwa mwanamume, Uyashike mausia ya Bwana Mungu wako, uende katika njia zake, uzishike sheroia zake na amri zake na hukumu zake, sawasawa na ilivyoandikwa katika torati ya Musa, upate kufanikiwa katika kila ulifanyalo na kila utazamako;”

Ni muhimu kujiuliza maswali kadhaa hasa kama wewe ni mwanamume kisha Baba yako akakuusia au kukuambia Mwanangu “JIONYESHE KUWA MWANAMUME” hii ina maana gani?

Katika jamii mbalimbali ikiwemo jamii zetu za kiafrika na Kiswahili tunazo namna nyingi sana za kutiana moyo, na maneno yoyote ya kutiana moyo mengineyo ni pamoja na kumwambie mtu Simama kiume, na kadhalika, katika jamii ya kimasai kuonyesha uanamume ni pamoja na kutokulia na kuvumilia uchungu na ugumu wakati wa kutahiriwa, Ngariba wa kimasai huwatairi vijana Morani bila ganzi na kila kijana anapaswa kuonyesha ujasiri wa kuvumilia bila kulia akionyesha uanaume, aidha kuua samba ilikuwa ni namna nyingine ya zamani sana katika jamii ya kimasai yenye kudhihirisha uanaume.

 Mfalme Sulemani:

Daudi anakaribia kufa na mwanaye Sulemani anapaswa kuchukua uongozi, uongozi ni kazi ngumu sio kazi nyepesi inahitaji hekima, ujasiri na kumtanguliza Mungu mbele lakini kubwa zaidi kusimama katika haki na kuonyesha uhodari na ushujaa Daudi anamwambia Sulemani asimame kiume, aonyeshe uanaume, ajionyeshe kuwa mwanamume, Kwa lugha na tamaduni za Kiyahudi au kiebrania nao walikuwana maana zaidi ya kawaida walipoambiana onyesha uanaume!

Neno hilo Jionyeshe kuwa Mwanamume Kwa kiebrania Husomeka kama IYSH na kwa Kiyunani Husomeka kama ANDRIZOMAI ambayo maana yake.

Mtu anayeweza kupambana wakati watu wengine wotewameshindwa! Mtu wa mwisho mwenye kuleta ufumbuzi au ukombozi wakati mji unapovamiwa na kutekwa na kila mtu anapoonyesha kushindwa, unapojitokeza kuleta suluhu wakati watu wengine wote wamepoteza tumaini hapo ndipo mtu anapoitwa ameonyesha Uanamume  

Kwa nini Daudi alimuagiza  Sulemani kusimama kiume?

1.      Daudi mwenyewe alikuwa mtu shujaa, alionyesha uanaume wakati Israel wote walipokuwa wakiogopa kumkabili Goliath yeye alijitokeza kutoa suluhu, sulemani angeelewa vema kila ambacho baba yake alikuwa akimuagiza

2.      Daudi mwenyewe alimpendeza Mungu na kuhakikisha kuwa Mungu yuko upande wake wakati wote hata alipokosea alitubu na kubadilika kwa haraka ili Mungu awe naye hakukubali kupoteza uwepo wa Roho Mtakatifu, alishika sheria za Mungu, alijua kuwa ili Sulemani aweze kufanikiwa hana budi kuishika Sheria ya Mungu

3.      Daudi alikuwa na uzoefu wa kupambana na changamoto mbalimbali na alikuwa na ujuzi wa kuizima mishale ya adui, alijua namna ya kuwashughulikia adui zake, kuwalipa mema walio wema na kuwashughulikia waovu au mafisadi na kutokuwaonea haya wenye kudhulumu Mstari wa 4-9 unasema hivi

 “ili Bwana afanye imara neno lake alilonena kwa habari yangu, akisema, Ikiwa watoto wako wataiangalia njia yao, wakienda mbele zangu kwa kweli, kwa moyo wao wote, na kwa roho yao yote, (akasema), hutakosa mtu katika kiti cha enzi cha Israeli. Na zaidi ya hayo, umejua alivyonitenda Yoabu, mwana wa Seruya, yaani, alivyowatenda majemadari wawili wa majeshi ya Israeli, Abneri, mwana wa Neri, na Amasa, mwana wa Yetheri, ambao aliwaua, na kuimwaga damu ya vita wakati wa amani, akautia damu ya vita mshipi uliokuwa viunoni mwake, na viatu vilivyokuwa miguuni mwake. Kwa hiyo ufanye kama ilivyo hekima yako, wala usimwachie mvi zake kushukia Ahera kwa amani.  Lakini uwafanyie mema wana wa Barzilai Mgileadi, wawe miongoni mwao walao mezani pako; kwa jinsi walivyonijilia nilipokuwa nimekimbia mbele ya Absalomu, ndugu yako. Hata, angalia, yuko pamoja nawe Shimei, mwana wa Gera, Mbenyamini, wa Bahurimu, ndiye aliyenilaani kwa laana kuu siku ile nilipokwenda Mahanaimu; lakini akashuka kunilaki kule Yordani, nami nikamwapia kwa Bwana, nikamwambia, Mimi sitakuua kwa upanga.  Basi kwa hiyo usimwachilie, kwa kuwa wewe u mtu wa akili; nawe utajua ikupasayo umtendee, na mvi zake utazishusha Ahera pamoja na damu.”

Kuonyesha uanaume kibiblia kuna maana ya kusimama katika uhodari wa kuliangalia Neno la Mungu na kulishika, kuziangalia njia za Bwana kwa moyo wako wote na kuhakikisha kuwa wale waliokutendea wema au waliowatendea wema baba zako wanalipwa mema na wale waliotendea uovu baba zako wanashughulikiwa, tafasiri hii katika mtazamo wa agano jipya yaweza kuwa sio sahii, kwa sababu hatupaswi kulipa baya kwa baya au kuwatendea wema adui zetu. Lakini kisiasa ni tafasiri sahii kwa vile kitabu cha wafalme ni kitabu cha viongozi, Kiongozi wa kisiasa katika taifa letu na taifa lolote ni lazima amtangulize Mungu mbele, lakini pia waliohusika na ufisadi nilazima ahakikishe kuwa wanashughulikiwa ipaswavyo ili taifa liwezekuwa na amani.

Ahabu alikuweko katika serikali ya Daudi lakini aliuwa watu wawili wasiokuwa na hatia, alikuwa ni shujaa lakini hangefaa kuwa kiongozi wakati wa Sulemani angeleta laana kwa taifa kwa vile ana ufisadi moyoni mwake alitakiwa ashughulikiwe, Shimei alimtukana Daudi, hata ingawa Daudi alikuwa amemsamehe, Utawala wa Sulemani haungeweza kuwa wa amani kuendelea kupokea ushauri au kumfanyoia mema mtu ambaye alimtukana baba yako aliyeweka misigingi ya kitaifa, ilikuwa lazima shimei auawe halikadhalika alikuwa amemtukana masihi wa Bwana, huwezi kumtukana masihi wa Bwana kisha ukawa salama hata kidogo ilikuwa lazima ashughughulikiwe!

Katika kuyashughulikia haya yote kulihitaji Ushujaa, kulihitaji mtu asimame kiume, na kutokukubali kuyumbishwa ili amani ipatikane. Bwana angeufanya utawala wa Sulemani kuwa imara kama angeweza kuyashughulikia maagizo hayo muhimu, Ni maombi yangu kuwa Rais wa Jamhuri ya Muungano Mheshimiwa John Pombe Magufuli atasimama kiume na kuhakikisha kuwa anaiangalia katiba na kufanya kazi kwa mujibu wa sheria na utawala bora akimtanguliza Mungu na kuwashughulikia mafisadi bila kuwaonea haya akifanya haya Mungu atauimarisha utawala wake na sifa ambazo zimeanza kuenea Duniani kwaajili yake zitazidi mara elfu. Mungu ibariki Tanzania, Mungu ibariki Afrika.

Ujumbe na Rev. Innocent Kamote

Mkuu wa wajenzi mwenye Hekima

Ujumbe: Neema ya Mungu Haitendi Haki !

ONYO! “Kama hauna akili ujumbe huu haukufai, Usisome ujumbe huu kama hauna akili hutaelewa”acha!

1Wakoritho 1:26-31 Biblia inasema hivi:-

“26. Maana, ndugu zangu, angalieni mwito wenu, ya kwamba si wengi wenye hekima ya mwilini, si wengi wenye nguvu, si wengi wenye cheo walioitwa; 27. bali Mungu aliyachagua mambo mapumbavu ya dunia awaaibishe wenye hekima; tena Mungu alivichagua vitu dhaifu vya dunia ili aviaibishe vyenye nguvu; 28. tena Mungu alivichagua vitu vinyonge vya dunia na vilivyodharauliwa, naam, vitu ambavyo haviko, ili avibatilishe vile vilivyoko; 29. mwenye mwili awaye yote asije akajisifu mbele za Mungu. 30. Bali kwa yeye ninyi mmepata kuwa katika Kristo Yesu, aliyefanywa kwetu hekima itokayo kwa Mungu, na haki, na utakatifu, na ukombozi; 31. kusudi, kama ilivyoandikwa, Yeye aonaye fahari na aone fahari juu ya Bwana.”

Ndugu zangu unapoyatafakari maisha kwa undani sana na hasa maisha ya kiroho unaweza kuchanganyikiwa na ukagundua kuwa kitu au jambo linaitwa neema ya Mungu ni gumu kupokelewa kuliko unavyofikiri, ni rahisi kutafakari mambo juujuu na ukasema ni kwa neema ya Mungu lakini neema sio jambo jepesi kama unavyofikiri, leo sitaki kabisa kufafanua nini maana ya neema kwa vile nafikiri tutazunguka tu lakini natka kukazia kuwa Neema ya Mungu haitendi Haki! Najua kuwa hii ndio lugha nyepesi itakayokusaidia leo kuelewa ninapotaka kuizungumzia neema ya Mungu.

Neema ya Mungu haitendi haki swala hili kwa asili sio sahihii lakini ndio litakalotusaidia leo kuelewa maana ya neema ya Mungu tukinena kiwazimu, kichwa hiki kinatusaidia kujua kuwa wewe na mimi sio Mungu na Mungu sio mimi na wewe, wakale walisema “ Mungu sio Athumani” hebu tufafanue kwa kina zaidi

Tunapoisoma biblia neno la Mungu mara nyingi tunasoma katika mtazamo wetu our own perspective, Hata ingawa tunafahamu kuwa hili ni neno la Mungu na kuwa njia zake sio njia zetu wala mawazo yake sio mawazo yetu, angalia tunapokosea akili zetu hutuambia kuwa tunahitaji kuadhibiwa kwa sababu ya makosa yetu ndio nah ii ndio Haki kabisa, tunajisikia kuwa tumemkosea Mungu na ni lazima tuadhibiwe ndio hiyo ndio haki, sio hivyo tu wanaotuzunguka wanaweza kuona kwamba tumemkosema Mungu na ni vema tukiadhibiwa na ni haki kabisa si tumekosea si amekosea ni haki akaadhibiwa ni haki tukasimamia aadhibiwe ni haki akione cha mtemakuni ni haki akome afundishwe asirudie tena ajutie kosa lake aipate fresh, ashughulikiwe  na ndio usahii wa mambo kwa mawazo yetu ya kibinadamu, Lakini shida au Tatizo la Mungu haangalii mambo kama tunavyoangalia sisi, sisis tunataka haki, tunatadhamia thawabu kwa mtu aliyetenda vizuri na mabaya kwa aliyefanya vibaya Mungu ni tofauti, haangalii kama tunavyoangalia sisi mtazamo wake sio sawa na wa kibinadamu “your perception is not always Gods reality” Mtazamo wako sio ukweli kuhusu Mungu wakati wote. Mungu aliweka mipango kabla sisi hatujazaliwa alijua kipi kitakuwa sahii na kipi hakitakuwa sahii katika maisha alijua wapi utakaa vema na wapi utakosea alijua kabla hajakuumba, na wakati wote huo mpango wake ni kutufanikisha, kuanguka kwetu sio jambo la kushangaza kwa Mungu sio habari hata its not a news yeye anaendelea na mpango wake wa kutufanikisha tu yuko busy kutufanikisha, sio lazima afungwe  na haki, anaangalia mpango wake yuko kwenye kutii mapenzi yake na makusudi aliyotuumba kwayo

Angalia kifungu cha maandiko tulichokisoma pale juu, ni mfano ulio wazi kuhusu neema, kama Paulo angesema Mungu anachagua watu maalumu, wenye akili, wenye cheo, wenye uwezo, waliowakamilifu, watenda mema anawatafuta watu wa aina hii duniani awabariki na kuwatumia kwa utukufu wake, hii ingekuwa ni sawa na inakubalika katika akili ya kawaida Logical na lingekuwa ni jambo jema na wote tungejitahidi sana kuwa wazuri kiasi ambacho Mungu angeshawishika kutuchagua, kama Mungu angekuwa anaagalia watu wa aina hiyo wachapa kazi, wenye bidiii, wasio na maswalimaswali hata katika maswala ya uadilifu, waungwana  kwa akili zetu za kawaida tusingeweza kulaumu chochote maana ni haki tu.

Paulo Mtume alichaguliwa na Mungu na kutumiwa kuandika karibu nusu na zaidi ya agano jipya, kamakuchaguliwa kwake kulitokana na kushinda mashindano ya mitume walio bora tusingelikuwa na maswali maana ni haki, amewashinda mitume wengine, lakini la kushangaza ni kuwa Mtume huyu hakuwa hata katika orodha ya mitume wale 12, wakati Yesu anapaa ndo kwanza huyu alikuwa upande wa pili akiwapiga vita wakristo na kuwatesa vibaya na kusimamia  mauaji yao, aliomba hata kibali cha kuwatesa na kuwaburuza wakristo kila waliko, cha kushangaza sasa Yesu anamchagua huyu na kumtumia kwa kiwango kikubwa kuliko mitume wote, hii inachanganya akili zetu za kawaida hii sio haki, huyu hafai, muuaji mtesi wa kanisa alitakiwa afe, hii ndio ilikuwa haki yake lakini anachaguliwa kuwa mtume hii sio haki kabisa hii ndio NEEMA YA MUNGU!

Sasa tunajifunza nini hapa?

1.       Neema ya Mungu haitendi haki. Unapofundishwa kwa kutishiwa kuwa kila upandacho utavuna au kuna kuvuna kile ulichopanda inakubalika akilini kuwa ni sawa logically unakubali na kuelewa kuwa utakachopanda utavuna, ni rahisi kuelewa kuwa apandacho mtu ndicho atakachovuna hii ni sawa hii ni haki, ni haki mtu mbaya kupatwa na mabaya na mtu mwema kupata mema ni sawa tunavuna kila tunachokistahili, lakini kama tunastahili mema kwa kutenda mema na mabaya kwa kutenda ubaya sasa hapo ni malipo na sio neema tena. Mungu hatendi haki hata kidogo Mungu hufanya mambo kwa sababu anatupenda, anakupenda na ananipenda

2.       Usijaribu kupigana na neema ya Mungu kwa akili za kibinadamu, wakati mwingine ni vigumu kuelewa kwa nini Mungu anafanya kitu Fulani kwako au kwangu, ni muhimu tu kukubali kuwa ni upendo wa Mungu na kupokea kila jambo kwa upendo, upendo wake ndio unaomshukuma afanye kitu katika maisha yetu, Mungu anaposema kuwa anataka kukubariki na kukutumia sana na akili yako inapopambana na kusema mbona sistahili unapigana na neema, Mungu anapombariki mwingine huku unafahamu kabisa udhaifu wake ukaanza kushangaa nankushutumu unapigana na neema ni lazima tukubali kuelemewa na Neema ya Mungu acha kupigana na neema acha

3.       Luka 15: 11- 32 Biblia inasema hivi “11. Akasema, Mtu mmoja alikuwa na wana wawili;   12. yule mdogo akamwambia babaye, Baba, nipe sehemu ya mali inayoniangukia. Akawagawia vitu vyake.        13. Hata baada ya siku si nyingi, yule mdogo akakusanya vyote, akasafiri kwenda nchi ya mbali; akatapanya mali zake huko kwa maisha ya uasherati. 14. Alipokuwa amekwisha tumia vyote, njaa kuu iliingia nchi ile, yeye naye akaanza kuhitaji. 15. Akaenda akashikamana na mwenyeji mmoja wa nchi ile; naye alimpeleka shambani kwake kulisha nguruwe. 16. Akawa akitamani kujishibisha kwa maganda waliyokula nguruwe, wala hapana mtu aliyempa kitu. 17. Alipozingatia moyoni mwake, alisema, Ni watumishi wangapi wa baba yangu wanaokula chakula na kusaza, na mimi hapa ninakufa kwa njaa. 18. Nitaondoka, nitakwenda kwa baba yangu na kumwambia, Baba, nimekosa juu ya mbingu na mbele yako; 19. sistahili kuitwa mwana wako tena; nifanye kama mmoja wa watumishi wako.                 20.Akaondoka,akaenda kwa babaye. Alipokuwa angali mbali, baba yake alimwona, akamwonea huruma, akaenda mbio akamwangukia shingoni, akambusu sana. 21. Yule mwana akamwambia, Baba, nimekosa juu ya mbingu na mbele yako; sistahili kuitwa mwana wako tena. 22. Lakini baba aliwaambia watumwa wake, Lileteni upesi vazi lililo bora, mkamvike; mtieni na pete kidoleni, na viatu miguuni; 23. mleteni ndama yule aliyenona mkamchinje; nasi tule na kufurahi; 24. kwa kuwa huyu mwanangu alikuwa amekufa, naye amefufuka; alikuwa amepotea, naye ameonekana. Wakaanza kushangilia. 25. Basi, yule mwanawe mkubwa alikuwako shamba na alipokuwa akija na kuikaribia nyumba, alisikia sauti ya nyimbo na machezo.  26. Akaita mtumishi mmoja, akamwuliza, Mambo haya, maana yake nini?  27. Akamwambia, Ndugu yako amekuja, na baba yako amemchinja ndama aliyenona, kwa sababu amempata tena, yu mzima. 28. Akakasirika, akakataa kuingia ndani. Basi babaye alitoka nje, akamsihi. 29. Akamjibu baba yake, akasema, Tazama, mimi nimekutumikia miaka mingapi hii, wala sijakosa amri yako wakati wo wote, lakini hujanipa mimi mwana-mbuzi, nifanye furaha na rafiki zangu; 30. lakini, alipokuja huyu mwana wako aliyekula vitu vyako pamoja na makahaba, umemchinjia yeye ndama aliyenona. 31. Akamwambia, Mwanangu, wewe u pamoja nami sikuzote, na vyote nilivyo navyo ni vyako. 32. Tena, kufanya furaha na shangwe ilipasa, kwa kuwa huyu ndugu yako alikuwa amekufa, naye amefufuka; alikuwa amepotea, naye ameonekana.” Yesu alitoa ujumbe huu hapo juu kwa sababu ya watu waliokuwa wkipigana na NEEMA YA MUNGU utawezaje kujua kuwa Yesu aliwaonya watu hao ili wasiingilie Kazi anazozifanya Mungu kwa kutumia akili zao logic angalia mistari hii ya awali katika Luka 15:1-2 Biblia inasema hivi  “1. Basi watoza ushuru wote na wenye dhambi walikuwa wakimkaribia wamsikilize. 2. Mafarisayo na waandishi wakanung'unika, wakisema, Mtu huyu huwakaribisha wenye dhambi, tena hula nao” Angalia maneno ya aya hizi kwa umakini na Mungu akusaidie Yesu alikuwa anajiwa na watu ambao kwa akili za kawaida walikuwa wabaya, waliitwa wenye dhambi, wahalifu kwa hiyo wale watakatifu wenye haki walinung’unika kwa nini mwokozi anatenda jambo kama hili, kwa akili za kawaida ilikuwa ni haki, Yesu ni Mungu na Mungu ni mwenye haki, rafiki zake ni wenye haki, anapaswa kuwahudumia na kuwajali na kukaa nao na kuwatendea mema., Mfano wa Yesu alioutoa kufuatia manung’uniko hayo unaonyesha tena Neema ya Mungu haitendi haki, kwa vipi?

Mwana mpotevu alikuwa tayari amepewa sehemu ya urithi wake na mali yake, alitaka kuishi mbali na baba alitaka kuwa huru, amelelewa vizuri hakuna alichokikosa kwa baba yake sasa anataka kuchukua kilicho chake akaishi maisha ya uhuru, Baba yake alimruhusu, alimuachia alimpa alichokiomba na kukidai, aliondoka na kila kilichochake, alivitumia kwa anasa na maisha ya ukahaba, Hakuna alichobakiza nyumbani. Alichezea mali yake na uhuru wake, alifanya anayoyataka , mwisho yakamkuta mabaya aliishiwa na kupigika sana, hakuna alichobakiza alipoteza uhuru wake akawa kibarua akawal mlisha nguruwe, kwa mtazamo wa kawaida mtoto huyu kibinadamu ungemfanya nini? Alistahili malipo yake angeachwa akione cha mtema kuni angetaharizwa kipi kinakurudisha nyumbani umesahau nini? Umebakiza nini hii ndio haki aliyopaswa kufanyiwa kibinadamu alitakiwa kufukuzwa, angeachwa aonje joto ya jiwe akione cha mtema kuni!

Kutokana na taabu aliyokutana nayo aliamua kurudi kwa baba, Jambo la kushangaza ni kile baba alimfanyia

 “Alipokuwa angali mbali, baba yake alimwona, akamwonea huruma, akaenda mbio akamwangukia shingoni, akambusu sana. 21. Yule mwana akamwambia, Baba, nimekosa juu ya mbingu na mbele yako; sistahili kuitwa mwana wako tena. 22. Lakini baba aliwaambia watumwa wake, Lileteni upesi vazi lililo bora, mkamvike; mtieni na pete kidoleni, na viatu miguuni; 23. mleteni ndama yule aliyenona mkamchinje; nasi tule na kufurahi; 24. kwa kuwa huyu mwanangu alikuwa amekufa, naye amefufuka; alikuwa amepotea, naye ameonekana. Wakaanza kushangilia.” 

 Hiki ndicho alichokifanya baba yake alimuonea huruma maana yake Rehema za baba yake na neema ya baba yake ilimsukuma kumtendea mwanawe sherehe kubwa na kumfanya mfalme Prince na watu wote wa nyumbani kwa babaye walifurahi, Baba alijua kuwa mwanaye sasa anaweza kutofautisha maisha ya uhuru na usalama aliokuwa ameupata kwa baba yake, ni mwanaye ulitegemea atamfanya nini? Mwenyewe alielewa wazi kuwa anapaswa kuwa mtumwa tu, baba akamfanya Prince kijana wa kifalme, tunapokosea sisi na wanaotuzunguka tunategemea kuwa Mungu hawezi kutukubali tena wala kutufanyia mema haya ni mawazo mabaya kwa Mungu wetu ni kuushushia hadhi upendo wake kumbuka kuwa mfano huu na fundisho hili halitii moyo hata kidogo kuishi maisha ya dhambi lakini pia halikubaliani hata kidogo na fikra za majivuno na kiburi cha kujifikiri kuwa wewe unastahili kwa vile ni mwema kuliko Fulani, kipimo cha wema anacho Mungu na kwa rehema zake na neema yake ana haki ya kumuona mmoja kuwa sawa na wewe au kumuona mmoja kuwa bora kuliko wewe hata kama kwa vipimo vyako wajiona kuwa uko sahii, hakuna kiburi kikubwa na kibaya duniani kama kujiona unastahili nje ya neema ya Mungu, kama utakuwa na mawazo hayo utaiona Neema ya Mungu kuwa Haikutendei haki.

Hukumu na aibu ilimkuta ndugu mkubwa badala ya furaha kwake ilikuwa huzuni majuto na mkususa na kukasirika na ilikuwa siku yake ya kuhubiriwa kwamba kwanini afurahii Baba kumpata mwanaye, kwa nini hafurahii baba kumfanyia hserehe mwanaye ni wazi kuwa kwa akili za kawaida kaka mkubwa alijiona ni mwenye haki na mwenye kustahili, lakini lisahau kuwa amejikweza kwa matedno yake ya haki, aka kiburi Mungu huwapinga wenye kiburi bali huwapa wanyenyekevu neema. Haya ndio yaliyomkuta 

“Basi, yule mwanawe mkubwa alikuwako shamba na alipokuwa akija na kuikaribia nyumba, alisikia sauti ya nyimbo na machezo.  26. Akaita mtumishi mmoja, akamwuliza, Mambo haya, maana yake nini?  27. Akamwambia, Ndugu yako amekuja, na baba yako amemchinja ndama aliyenona, kwa sababu amempata tena, yu mzima. 28. Akakasirika, akakataa kuingia ndani. Basi babaye alitoka nje, akamsihi. 29. Akamjibu baba yake, akasema, Tazama, mimi nimekutumikia miaka mingapi hii, wala sijakosa amri yako wakati wo wote, lakini hujanipa mimi mwana-mbuzi, nifanye furaha na rafiki zangu; 30. lakini, alipokuja huyu mwana wako aliyekula vitu vyako pamoja na makahaba, umemchinjia yeye ndama aliyenona. 31. Akamwambia, Mwanangu, wewe u pamoja nami sikuzote, na vyote nilivyo navyo ni vyako. 32. Tena, kufanya furaha na shangwe ilipasa, kwa kuwa huyu ndugu yako alikuwa amekufa, naye amefufuka; alikuwa amepotea, naye ameonekana.”

Kama kazi ya baba huyu ingekuwa ni kuhukumu na kutokuhurumia kuacha kuutumia ukarimu wake basi angekuwa ametenda haki, kama baba angemfanyi sherehe mwana wake mkubwa na kumpongeza kwa kuwa mtoto mwaminifu angekuwa ametenda haki na wote tungekuwa na ujuzi na watu wote wangeelewa kuwa Baba ni mtenda haki amemlipa kila mmoja sawa na kutenda kwake sasa tatizo ni Moja Mungu ni wa rehema na neema hapa anaonyesha Upendo, rehema na neema na ndipo linapokuja swala lililowazi linaloacha vinywa vyetu wazi kuwa Neema ya Mungu Haitendi haki kwa nini haitendi haki ili ibaki kuwa Neema, Bila shaka nikisema ni kwa neema sasa kila mmoja atakuwa anaelewa maana ya neema.

Unataka haki unataka Neema? Mimi nachagua Neema ya Mungu.

Sala ya kuomba neema:-

Baba ninakushukuru sana nakushukuru kwa Neema yako, kadiri ninavyojifunza kuhusu neema nagundua mambo ya kushangaza sana, Unajua vema kuliko ninavyojua, na ninavyojijua, unajua mara ngapi nimekosa na mara ngapi nimekulazimisha uingie name hukumuni uniadhibu, na wakati mwingine nimejiadhibu na hata kuadhibiwa na wengine kwa makosa yangu, lakini nashukuru kwa Upendo wako na kwa msamaha wako, umeniita hata hivyo, unanitumia hata hivyo pamoja na kunijua nilivyo, sio kwa sababu ya akili nyingi sana, sio kwa sababu ya kutoka katika familia ya wenye hekima, wenye vyeo, watawala, si kwasababu nimestahili, bali ni kwa neema yako, Kwa neema yako tunawashangaza wengi, kwa neema yako nitakuabudu na kukusifu siku zote za maisha yangu, kwa neema yako Maadui zangu wataisoma namba, kwa neema yako wanaoniwazia mabaya watatahayari, kwa neema yako umewatetemesha na kuwaziba vinywa watesi,kwa neema yako umenipa mema ya umande wan chi, kwa neema yako mdogo atakuwa elfu, kwa neema yako, Kaka zangu na Ndugu zangu wataniinamia, hawataponyoka kamwe katika kongwa langu,kwa neema yako umenibariki, kwa neema yako umeniinua, kwa neema yako kila kinywa kitakachoinuka kinyuma name kitahukumiwa, kwa neema yako utabatilisha kila shauri lisiolo haki dhidi yangu, kwa neema yako, kwa neema yako kila dua mbaya itageuzwa kuwa Baraka kubwa sana kwangu, kwa neema yako utanyamazisha woote walioona hududa dhidi yangu, kwa neema yako kila silaha itakayofanyika juu yangu haitafanikiwa, nipe kuhubiri, kwa neema, nipe kuimba kwa neema, nitumia kwa neema, weka moyoni mwangu jumbe mbalimbali kwa neema, Neema neema neema

Wimbo kuhusu Neema

Wimbo: Mungu amenihurumia

1. Mungu ametuhurumia, tendo hili kubwa sana,
sikustahili jambo hili, nimelipata bure tu!
sasa najua hayo yote, sasa najua hayo yote,
nasifu rehema zake, nasifu rehema zake

2. Nalistahili kupotea, lakini nahurumiwa,
Mungu amenipatanisha na yeye kwa Yesu Kristo,
sababu hii namtumikia, sababu hii namtumikia,
nasifu huruma yake.

3. Mungu mwenye huruma nyingi, usininyime huruma,
naitafuta siku zote nikiulizwa na watu,
hivi vyote vyatoka wapi? hivi vyote vyatoka wapi?
Nasema ni huruma tu!

Ubarikiwe!