Yesu ni Alpha na Omega !

Ufunuo 1:8 “Mimi ni Alfa na Omega, mwanzo na mwisho, asema Bwana Mungu, aliyeko na aliyekuwako na atakayekuja, Mwenyezi.” Ufunuo 21:6 -7 “Akaniambia, Imekwisha kuwa. Mimi ni Alfa na Omega, Mwanzo na Mwisho. Mimi nitampa yeye mwenye kiu, ya chemchemi ya maji ya uzima, bure. Yeye ashindaye atayarithi haya, nami nitakuwa Mungu wake, naye atakuwa mwanangu.” Ufunuo 22:13 “Mimi ni Alfa na Omega, mwanzo na mwisho, wa kwanza na wa mwisho.”   

Utangulizi:

Leo ni sikukuu ya Mwaka mpya! Watu wengi sana chini bila kujali Imani yao, wanaungana na jamii kubwa ya watu duniani katika kuadhimisha sikukuu hii ya mwaka mpya, tunaposheherekea sikukuu hii yam waka mpya maana yake ni nini? Tunamshukuru Mungu kwamba tumemaliza siku za mwaka mmoja uliopita wenye, miezi 12, wiki 53, siku 365.25, Masaa 8760, dakika 525,600 na sekunde 31,536,000. Na tunafungua ukurasa wa mwaka mwingine ambao unaweza kuwa na muda unaofanana na huu, kwa kawaida hilo sio jambo dogo na kama tumepenya salama tuna kila sababu za kumshukuru Mungu, lakini vilevile kwa unyenyekevu mkubwa tunamuomba Mungu tena atupe uzima na kutusaidia kwa rehema zake na wema wake kuianza tena safari ndefu yenye wingi wa sekunde, dakika, masaa, masiku, mawiki, na hata miezi, Safari nzima hii hatuwezi kwenda kwa ujanja wetu na tunahitaji neema ya Mungu ya kutuongoza na kutusaidia

Katika siku hii muhimu ya Leo nimechagua kujikumbusha mimi pamoja na wafuatiliaji wangu kujifunza kwa kina na mapana na marefu kwa somo YESU NI ALPHA NA OMEGA tutajifunza somo hili muhimu kwa kuzingatia vipengele vitatu vifuatavyo:-

·         Maana ya neno Alpha na Omega

·         Yesu Kristo ni Alpha na Omega

·         Jinsi ya kuanza mwaka na kumaliza na Yesu Kristo

Maana ya neno Alpha na Omega

Alpha na Omega ni matamshi ya Herufi ya kwanza na ya mwisho katika lugha ya Kigiriki (Kiyunani) kama vile katika kiswahili tunapotaja A na Z.  Herufi ya kwanza na kiyunani inatamkwa ALPHA na Herufi ya mwisho ya kiyunani inatamkwa OMEGA Ω zinapotajwa kwa pamoja maana yake ni mwanzo na mwisho, Hetrufi hizi zimekuwa maarufu sana, Mkuu w ancho yoyote anapoapishwa kuanza huduma ya utumishi wake Jeshi hujipanga kwa kumkaribisha katika umno la Alpha ambayo ni A na anapohitimisha Jeshi hujipanga kwa kumuaga kwa herufi  Omega  sawa na Herufi Z katika kiingereza na kiswahili na Herufi hizo vilevile zilitumiwa na marabi mbalimbali wa kiyahudi wakimaanisha mwanzo mpaka mwisho wa kitu au jambo Fulani, au jambo zima kuanzia mwanzio mpaka mwisho, Bwana Yesu analitumia neno hilo kujitambulisha kwa kanisa kuwa yeye ni Alfa na Omega akimaanisha mwanzo na mwisho, wakwanza na wa mwisho

Ufunuo 22:13 “Mimi ni Alfa na Omega, mwanzo na mwisho, wa kwanza na wa mwisho.”

Hii inamanisha kuwa Yesu alikuwepo tangu mwanzo wa kuumbwa kwa ulimwengu na ataendelea kuwepo mpaka mwisho, yeye ni mwenye kushika majira na nyakati, anajua mwanzo wetu na anajua mwisho wetu, hii ni sawa tu na kusema MIMI NIKO AMBAYE NIKO hii inamaanisha kuwa Yesu ni wa milele na milele

Zaburi 90:1-2 “.Wewe, Bwana, umekuwa makao yetu, Kizazi baada ya kizazi. Kabla haijazaliwa milima, wala hujaiumba dunia, Na tangu milele hata milele ndiwe Mungu.”

Yesu anapojitambulisha kwetu kama Alpha na Omega anamaanisha kuwa alikuweko tangu mwanzo na atakuwepo hata mwisho nah ii maana yake ni kuwa zaidi yake hakuna mwingine

Isaya 41:4 “Ni nani aliyetenda na kufanya jambo hilo, aviitaye vizazi tangu mwanzo? Mimi, Bwana, wa kwanza na wa mwisho, mimi ndiye.”

Isaya 44:6 “Bwana, Mfalme wa Israeli, Mkombozi wako, Bwana wa majeshi, asema hivi; Mimi ni wa kwanza, na mimi ni wa mwisho; zaidi yangu mimi hapana Mungu.”

Isaya 48:11-12 “Kwa ajili ya nafsi yangu, kwa ajili ya nafsi yangu, nitatenda haya; je! Litiwe unajisi jina langu? Wala sitampa mwingine utukufu wangu. Nisikilize mimi, Ee Yakobo; na Israeli, niliyekuita; mimi ndiye. Mimi ni wa kwanza, na mimi ni wa mwisho pia.”

Sifa hii ya kuwa mwanzo na mwisho ni sifa ya Mungu peke yake na utukufu huu hakuna mwingine anaweza kujigamba namna hiyo, kwa msingi huo Herufi Alpha na Omega zinafunua ukuu wa Yesu Kristo, mamlaka yake na nguvu zake katika maisha yote ya mwanadamu, anamiliki muda wa mkaisha yetu, na makusudi yote ya maisha yetu, anauwezo wa kuanza nasi na kumaliza nasi, anauwezo na mamlaka ya kuamua kuhusu maisha yetu yalikuwa vipi na yatakuwa vipi, kwa msingi huo tunapokuwa tumeumaliza mwaka uliopita na tunapouanza mwaka huu mpya hatuna budi kuhakikisha kuwa Alpha anakuwa pamoja nasi, na Omega anamaliza pamoja nasi, yawezekana katika mwaka uliopita kuna mambo yaliharibika, kuna mambo hayakwenda sawa lakini kwa kuwa Mungu amekupa neema kuvuka anza mwaka huu na Mungu mwenye mamlaka yote na nguvu zote ili aweze kukufanikisha, kabidhi njia zako zote kwake ili uweze kufanikiwa n ahata kama ulipita katika magumu kiasi gani kwa kuwa hujafa basi Mungu hajamaliza na wewe na hivyo kuna nafasi ya kuanza naye upya wakati huu tyunapoufungua mwaka huu mpya wa 2024 haleluyaaa!

Yesu kristo ndiye aliyeuumba ulimwengu, na kila kitu kilifanyika kwa yeye, na pasipo yeye hakuna kilichofanyika, aidha Yeye ndiye atakayeuhukumu ulimwengu hivyio anaujua mwisho wa Dunia na mwisho wa kila mtu na mwisho wa kila kitu  

Yohana 1:1-3 “Hapo mwanzo kulikuwako Neno, naye Neno alikuwako kwa Mungu, naye Neno alikuwa Mungu. Huyo mwanzo alikuwako kwa Mungu. Vyote vilifanyika kwa huyo; wala pasipo yeye hakikufanyika cho chote kilichofanyika.”

2Petro 3:10-13 “Lakini siku ya Bwana itakuja kama mwivi; katika siku hiyo mbingu zitatoweka kwa mshindo mkuu, na viumbe vya asili vitaunguzwa, na kufumuliwa, na nchi na kazi zilizomo ndani yake zitateketea. Basi, kwa kuwa vitu hivi vyote vitafumuliwa hivyo, imewapasa ninyi kuwa watu wa tabia gani katika mwenendo mtakatifu na utauwa, mkitazamia hata ije siku ile ya Mungu, na kuihimiza; ambayo katika hiyo mbingu zitafumuliwa zikiungua, na viumbe vya asili vitateketea na kuyeyuka? Lakini, kama ilivyo ahadi yake, mnatazamia mbingu mpya na nchi mpya, ambayo haki yakaa ndani yake.”

Yeye ni mwanzo wa Sheria na Mwisho wa sharia, yeye ni kiongozi mkuu wa wokovu wetu, mwanzo na mwisho wa kila kitu na kila jambo katika maisha yetu, kuwa Alpha na Omega kwake Bwana wetu Yesu Kristo kunatupa uhakika ya kuwa hakuna mwanadamu, wala mchawi, wala malaika, wala mwenye mamlaka anayeweza kuamua jambo lolote au kukwamisha jambo lolote wala kuharibu jambo lolote ambalo Mungu amelikusudia katika maisha yetu, Yesu kuwa Alpha na Omega anaonyesha uwezo wake wote wa kushughulika na changamoto zetu zote na kuwa hakuna jambo lolote lililo gumu la kumshinda yeye, tunapoendelea kujifunza na kupata ufafanuzi kuhusu Yesu Kristo hususani mwanzo wa mwaka huu, kunatujengea msingi wa kumtegemea na kumtumaini yeye na kufanikiwa katika kila hatua ya maisha yetu ndani ya  waka huu.

Yesu Kristo ni Alpha na Omega

Yesu kuwa Alpha na Omega kuna maana ya kuwa yeye ni Herufi A mpaka Z, kuna maanisha yeye ana sifa zote zinazoweza kupatikana katika kila Herufi ya maisha za maandishi yetu kwaajili ya faida zetu za kiwmili na kiroho sawasawa na maandiko, katika eneo hili nataka tujifunze kwa kina na mapana na marefu namna na jinsi kila Herufi A mpaka Z zinavyomuelezea Yesu Kristo kwa Faida ya maisha yetu kimwili na kiroho

A – Yesu ni Alpha  Ni mwanzilishi wa kila kitu kilicho chema katika maisha ya mwanadamu, Ni mwanzilishi wa Imani yetu na mkamilishaji pia Waebrania 12:2 “tukimtazama Yesu, mwenye kuanzisha na mwenye kutimiza imani yetu; ambaye kwa ajili ya furaha iliyowekwa mbele yake aliustahimili msalaba na kuidharau aibu, naye ameketi mkono wa kuume wa kiti cha enzi cha Mungu.” Aidha yeye ni Arabuni ya roho zetu Waefeso 1:14 “Ndiye aliye arabuni ya urithi wetu, ili kuleta ukombozi wa milki yake, kuwa sifa ya utukufu wake.” Neno Arabuni linalotumika hapa maana yake ni Hakikisho, au garantii, ni kama muhuri wa uhakikisho kuwa sisi ni mali ya Mungu, Mungu anapotuokoa hatuachi hivi hivi anatupa uhakika mioyoni mwetu kupitia roho wake Mtakatifu kuwa sisi ni mali yake 2Wakorintho 1:21-22 “Basi Yeye atufanyaye imara pamoja nanyi katika Kristo, na kututia mafuta, ni Mungu, naye ndiye aliyetutia muhuri akatupa arabuni ya Roho mioyoni mwetu.” Kwa hiyo Mungu anapoianza safari anatupa uhakika na kututhibitishia kuwa atamaliza pamoja nasi Yesu ni A ni Arabuni ya roho zetu, Afya yetu, Imani yetu, safari yetu zitakuwa za uhakika kama tutaanza na Yesu ili tuweze kukamilisha salama pia

Yesu ni A –  Afya ya uso wangu - Zaburi 42:5 “Nafsi yangu, kwa nini kuinama, Na kufadhaika ndani yangu? Umtumaini Mungu; Kwa maana nitakuja kumsifu, Aliye afya ya uso wangu, Na Mungu wangu.”

Yesu ni A – Afya ya uso wangu – Zaburi 42:11 “Nafsi yangu, kwa nini kuinama, Na kufadhaika ndani yangu? Umtumaini Mungu; Kwa maana nitakuja kumsifu, Aliye afya ya uso wangu, Na Mungu wangu.”

Yesu ni A – Ahadi ya Uzima – 2Timotheo 1:1 “Paulo, mtume wa Kristo Yesu, kwa mapenzi ya Mungu; kwa ajili ya ahadi ya uzima ulio katika Kristo Yesu;”               

Yesu ni A – Aliye juu – Zaburi 46:4 “Kuna mto, vijito vyake vyaufurahisha mji wa Mungu, Patakatifu pa maskani zake Aliye juu”

Yesu ni A – Aliyeko, Aliyekuwako na Atakayekuja – Ufunuo 1:8 “Mimi ni Alfa na Omega, mwanzo na mwisho, asema Bwana Mungu, aliyeko na aliyekuwako na atakayekuja, Mwenyezi.”

B - Yesu ni Bwana wa Mabwana Yeye anatajwa kama Bwana wa Mabwana na Mfalme wa wafalme 

Ufunuo 17:14 “Hawa watafanya vita na Mwana-Kondoo, na Mwana Kondoo atawashinda, kwa maana Yeye ni Bwana wa Mabwana, na Mfalme wa Wafalme, na hao walio pamoja naye ndio walioitwa, na wateule, na waaminifu” ,

Yesu ni B – Bwana wa Mabwana - Ufunuo 19:16 “Naye ana jina limeandikwa katika vazi lake na paja lake, MFALME WA WAFALME, NA BWANA WA MABWANA.,”

Yesu ni B – Bwana Mkubwa Luka 5:5   “Simoni akajibu akamwambia, Bwana mkubwa, tumefanya kazi ya kuchosha usiku kucha, tusipate kitu; lakini kwa neno lako nitazishusha nyavu.”

Yesu ni B - Baraka ya Bwana Kumbukumbu 33:23 “Na Naftali akamnena, Ee Naftali, uliyeshiba fadhili, Uliyejawa na BARAKA YA BWANA; Umiliki magharibi na kusini.”

Yesu ni B – Bwana wa Vita - Bwana wa vita Kutoka 15:3 “BWANA ni mtu wa vita, BWANA ndilo jina lake.”

Yoshua 10:14 “Haikuwapo siku nyingine mfano wa siku hiyo katika siku zilizotangulia mbele yake wala katika hizo zilizoandama baada yake, hata ikawa yeye Bwana kuisikia sauti ya binadamu; kwa kuwa Bwana alipiga vita kwa ajili ya Israeli.”                

C - Yesu ni Chakula cha uzima – Yohana 6:48-58 “Mimi ndimi chakula cha uzima. Baba zenu waliila mana jangwani; wakafa. Hiki ni chakula kishukacho kutoka mbinguni, kwamba mtu akile wala asife. Mimi ndimi chakula chenye uzima kilichoshuka kutoka mbinguni; mtu akila chakula hiki, ataishi milele. Na chakula nitakachotoa mimi ni mwili wangu, kwa ajili ya uzima wa ulimwengu. Basi Wayahudi walishindana wao kwa wao wakisema, Awezaje mtu huyu kutupa sisi mwili wake ili tuule? Basi Yesu akawaambia, Amin, amin, nawaambieni, Msipoula mwili wake Mwana wa Adamu na kuinywa damu yake, hamna uzima ndani yenu. Aulaye mwili wangu na kuinywa damu yangu anao uzima wa milele; nami nitamfufua siku ya mwisho. Kwa maana mwili wangu ni chakula cha kweli, na damu yangu ni kinywaji cha kweli. Aulaye mwili wangu na kuinywa damu yangu hukaa ndani yangu, nami hukaa ndani yake. Kama vile Baba aliye hai alivyonituma mimi, nami ni hai kwa Baba; kadhalika naye mwenye kunila atakuwa hai kwa mimi. Hiki ndicho chakula kishukacho kutoka mbinguni; si kama mababa walivyokula, wakafa; bali akilaye chakula hicho ataishi milele. “

Yesu ni chipukizi la haki – Yeremia 23:5-6 “Tazama siku zinakuja, asema Bwana, nitakapomchipushia Daudi Chipukizi la haki; naye atamiliki mfalme, atatenda kwa hekima, naye atafanya hukumu na haki katika nchi. Katika siku zake Yuda ataokolewa, na Israeli atakaa salama, na jina lake atakaloitwa ni hili, Bwana ni haki yetu”.

Yesu Kristo ni Chemichemi ya uzima – Zaburi 36:9 “Maana kwako Wewe iko chemchemi ya uzima, Katika nuru yako tutaona nuru.”

Yesu Kristo ni Chanda cha Mungu – Kutoka 8:19 “Ndipo wale waganga wakamwambia Farao, Jambo hili ni chanda cha Mungu; na moyo wake Farao ukawa mgumu asiwasikize; vile vile kama BWANA alivyonena.”

Yesu Kristo ni Chapa ya Nafsi ya Mungu – Waebrania 1:3 “Yeye kwa kuwa ni mng'ao wa utukufu wake na chapa ya nafsi yake, akivichukua vyote kwa amri ya uweza wake, akiisha kufanya utakaso wa dhambi, aliketi mkono wa kuume wa Ukuu huko juu;”

D - Yesu Kristo anatajwa katika maandiko kuwa dhabihu yetu, kwaajili ya dhambi zetu, ona Waebrania 9:23-26 “Basi ilikuwa sharti nakala za mambo yaliyo mbinguni zisafishwe kwa hizo, lakini mambo ya mbinguni yenyewe yasafishwe kwa dhabihu zilizo bora kuliko hizo. Kwa sababu Kristo hakuingia katika patakatifu palipofanyika kwa mikono, ndio mfano wa patakatifu halisi; bali aliingia mbinguni hasa, aonekane sasa usoni pa Mungu kwa ajili yetu; wala si kwamba ajitoe mara nyingi, kama vile kuhani mkuu aingiavyo katika patakatifu kila mwaka kwa damu isiyo yake; kama ni hivyo, ingalimpasa kuteswa mara nyingi tangu kuwekwa msingi wa ulimwengu; lakini sasa, mara moja tu, katika utimilifu wa nyakati, amefunuliwa, azitangue dhambi kwa dhabihu ya nafsi yake.”

Isaya 53:10 “Lakini Bwana aliridhika kumchubua; Amemhuzunisha; Utakapofanya nafsi yake kuwa dhabihu kwa dhambi, Ataona uzao wake, ataishi siku nyingi, Na mapenzi ya Bwana yatafanikiwa mkononi mwake;”

 

E - Yesu Kristo anatajwa katika maandiko kama Elimu ya utukufu wa Mungu 2Wakorintho 4:6 “Kwa kuwa Mungu, aliyesema, Nuru itang'aa toka gizani, ndiye aliyeng'aa mioyoni mwetu, atupe nuru ya elimu ya utukufu wa Mungu katika uso wa Yesu Kristo.”        

Elishadai yaani Mungu mwenye nguvu Mwanzo 17:1-2 “Abramu alipokuwa mtu wa miaka tisini na kenda, BWANA akamtokea Abramu, akamwambia, Mimi ni Mungu Mwenyezi, (El Shaddai)  uende mbele yangu, ukawe mkamilifu. Nami nitafanya agano langu kati ya mimi na wewe, nami nitakuzidisha sana sana.”

Mwanzo 35:11 “Mungu akamwambia, Mimi ni Mungu Mwenyezi, (El Shaddai) uzidi ukaongezeke. Taifa na kundi la mataifa watatoka kwako, na wafalme watatoka viunoni mwako.”      

F - Yesu Kristo ni Faraja Yetu 2Wakorintho 1:3-7 “Na ahimidiwe Mungu, Baba wa Bwana wetu Yesu Kristo, Baba wa rehema, Mungu wa faraja yote; atufarijiye katika dhiki zetu zote ili nasi tupate kuwafariji wale walio katika dhiki za namna zote, kwa faraja hizo, tunazofarijiwa na Mungu. Kwa kuwa kama vile mateso ya Kristo yanavyozidi kwetu, vivyo hivyo faraja yetu inazidi kwa njia ya Kristo. Lakini ikiwa sisi tu katika dhiki, ni kwa ajili ya faraja yenu na wokovu wenu; au ikiwa twafarijiwa, ni kwa ajili ya faraja yenu; ambayo hutenda kazi yake kwa kustahimili mateso yale yale tuteswayo na sisi. Na tumaini letu kwa ajili yenu ni imara, tukijua ya kuwa kama vile mlivyo washiriki wa yale mateso, vivyo hivyo mmekuwa washiriki wa zile faraja.”

Yesu ni Fadhili za Mungu – Zaburi 57:3 “Atapeleka toka mbinguni na kuniokoa, Atukanapo yule atakaye kunimeza. Mungu atazipeleka Fadhili zake na kweli yake”

Yesu ni Fahari ya Yakobo – Zaburi 47:4 “Atatuchagulia urithi wetu, Fahari ya Yakobo ambaye alimpenda.”

Yesu ni Faraja Yetu, Faraja ya Israel – Luka 2:25 “Na tazama, pale Yerusalemu palikuwa na mtu, jina lake Simeoni, naye ni mtu mwenye haki, mcha Mungu, akiitarajia faraja ya Israeli; na Roho Mtakatifu alikuwa juu yake.”

Yesu ni Fimbo ya Mungu – Kutoka 4:20 “Basi Musa akamchukua mkewe na wanawe, na kuwapandisha juu ya punda, naye akarudi mpaka nchi ya Misri; na Musa AKAICHUKUA ILE FIMBO YA MUNGU mkononi mwake.”     

Yesu ni Furaha ya Bwana – Nehemia 8:10 “Kisha akawaambia, Enendeni zenu, mle kilichonona, na kunywa kilicho kitamu, tena mpelekeeni sehemu yeye asiyewekewa kitu; maana siku hii ni takatifu kwa Bwana wetu; wala msihuzunike; kwa kuwa furaha ya Bwana ni nguvu zenu.”

G –  Tumaini lililowekwa ndani yetu linatufanya tuwe na uso wa Imani na matumaini uso mgumu kama gume gume, Yesu alikuwa na Moyo wa gume gume akaweza kuvumilia mateso na dhihaka zote  Isaya 50:7-8  “Maana Bwana MUNGU atanisaidia; kwa sababu hiyo sikutahayari, kwa sababu hiyo nimekaza uso wangu kama gumegume, nami najua ya kuwa sitaona haya. Yeye anipatiaye haki yangu yu karibu; ni nani atakayeshindana nami? Na tusimame pamoja; ni nani aliye hasimu yangu? Na anikaribie basi.” 

Ayubu 28:9 “Huunyoshea mwamba wa gumegume mkono wake; Huipindua milima hata misingi yake.”

Yeye ni Mwamba wa Gume gume kumbukumbu 32:12-13 “Bwana peke yake alimwongoza, Wala hapakuwa na mungu mgeni pamoja naye. Alimpandisha mahali pa nchi palipoinuka, Naye akala mazao ya mashamba; Akamnyonyesha asali iliyotoka jabalini, Na mafuta yaliyotoka katika mwamba wa gumegume;”

H – Maandiko yanamtaja Yesu kama haki yetu  Yeremia 23:5-6 “Tazama siku zinakuja, asema Bwana, nitakapomchipushia Daudi Chipukizi la haki; naye atamiliki mfalme, atatenda kwa hekima, naye atafanya hukumu na haki katika nchi. Katika siku zake Yuda ataokolewa, na Israeli atakaa salama, na jina lake atakaloitwa ni hili, Bwana ni haki yetu.”

I – Maandiko yanamtaja Yesu kama Immanuel yaani Mungu Pamoja nasi Isaya 7:14  “Kwa hiyo Bwana mwenyewe atawapa ishara. Tazama, bikira atachukua mimba, atazaa mtoto mwanamume, naye atamwita jina lake Imanueli.”               

Mathayo 1:21-23. “Naye atazaa mwana, nawe utamwita jina lake Yesu, maana, yeye ndiye atakayewaokoa watu wake na dhambi zao.Hayo yote yamekuwa, ili litimie neno lililonenwa na Bwana kwa ujumbe wa nabii akisema, Tazama, bikira atachukua mimba, Naye atazaa mwana; Nao watamwita jina lake Imanueli; Yaani, Mungu pamoja nasi.”   

Yesu ni Ishara Itakayonenwa - Luka 2: 34 “Simeoni akawabariki, akamwambia Mariamu mama yake, Tazama, huyu amewekwa kwa kuanguka na kuinuka wengi walio katika Israeli, na kuwa ishara itakayonenewa.”

J -  Yesu Kristo ni Jiwe kuu la Pembeni  Isaya 28:16-17 “kwa ajili ya hayo Bwana, MUNGU, asema hivi, Tazama, naweka jiwe katika Sayuni, liwe msingi, jiwe lililojaribiwa, jiwe la pembeni lenye thamani, msingi ulio imara; yeye aaminiye hatafanya haraka. Nami nitafanya hukumu kuwa ndiyo kanuni, na haki kuwa ndiyo timazi; na mvua ya mawe itachukulia mbali hilo kimbilio la maneno ya uongo, na maji yatapagharikisha mahali pa kujisitiri.”

1Petro 2:4-6 “Mmwendee yeye, jiwe lililo hai, lililokataliwa na wanadamu, bali kwa Mungu ni teule, lenye heshima. Ninyi nanyi, kama mawe yaliyo hai, mmejengwa mwe nyumba ya Roho, ukuhani mtakatifu, mtoe dhabihu za roho, zinazokubaliwa na Mungu, kwa njia ya Yesu Kristo.Kwa kuwa imeandikwa katika maandiko Tazama, naweka katika Sayuni jiwe kuu la pembeni, teule, lenye heshima, Na kila amwaminiye hatatahayarika.”

Pia Yesu ana jina lile lipitalo majina yote Wafilipi 2:9-11 “Kwa hiyo tena Mungu alimwadhimisha mno, akamkirimia Jina lile lipitalo kila jina; ili kwa jina la Yesu kila goti lipigwe, la vitu vya mbinguni, na vya duniani, na vya chini ya nchi; na kila ulimi ukiri ya kuwa YESU KRISTO NI BWANA, kwa utukufu wa Mungu Baba.”  

Yesu ni Jiwe lililohai – 1Petro 2:4 “Mmwendee yeye, jiwe lililo hai, lililokataliwa na wanadamu, bali kwa Mungu ni teule, lenye heshima.”           

K - Yesu anatajwa kama Kiongozi mkuu wa wokovu wetu – Waebrania 2:10 “Kwa kuwa ilimpasa yeye, ambaye kwa ajili yake na kwa njia yake vitu vyote vimekuwapo, akileta wana wengi waufikilie utukufu, kumkamilisha kiongozi mkuu wa wokovu wao kwa njia ya mateso.”

Kimbilio letu – Zaburi 46:1-2 “Mungu kwetu sisi ni kimbilio na nguvu, Msaada utakaoonekana tele wakati wa mateso. Kwa hiyo hatutaogopa ijapobadilika nchi, Ijapotetemeka milima moyoni mwa bahari.”

Unapomkimbilia Mungu wetu unakuwa salama Mithali 18:10 “Jina la Bwana ni ngome imara; Mwenye haki huikimbilia, akawa salama.”

Yesu ni kichwa cha Kanisa - kichwa cha kanisa Waefeso 5;23 “Kwa maana mume ni kichwa cha mkewe, kama Kristo naye ni kichwa cha Kanisa; naye ni mwokozi wa mwili.”

Yesu ni kuhani wetu mkuu - Waebrania 7:17 “Maana ameshuhudiwa kwamba, Wewe u kuhani milele Kwa mfano wa Melkizedeki.”; Waebrania 10;21 “na kuwa na kuhani mkuu juu ya nyumba ya Mungu;”

Yesu ni Kweli – Yohana 14:6 “Yesu akamwambia, Mimi ndimi njia, na kweli, na uzima; mtu haji kwa Baba, ila kwa njia ya mimi.”

L – Yesu anatajwa kama lulu moja ya thamani Mathayo 13:45-46 “Tena ufalme wa mbinguni umefanana na mfanya biashara, mwenye kutafuta lulu nzuri; naye alipoona lulu moja ya thamani kubwa, alikwenda akauza alivyo navyo vyote, akainunua.”             

M – Mchungaji mwema – Yohana 10:11-14 “Mimi ndimi mchungaji mwema. Mchungaji mwema huutoa uhai wake kwa ajili ya kondoo.Mtu wa mshahara, wala si mchungaji, ambaye kondoo si mali yake, humwona mbwa-mwitu anakuja, akawaacha kondoo na kukimbia; na mbwa-mwitu huwakamata na kuwatawanya.Yule hukimbia kwa kuwa ni mtu wa mshahara; wala mambo ya kondoo si kitu kwake.Mimi ndimi mchungaji mwema; nao walio wangu nawajua; nao walio wangu wanijua mimi;             “

Mlango wa kondoo Yohana 10:9 “Mimi ndimi mlango; mtu akiingia kwa mimi, ataokoka; ataingia na kutoka, naye atapata malisho.”

Moto ulao – Waebrania 12:28-29 “Basi kwa kuwa tunapokea ufalme usioweza kutetemeshwa, na mwe na neema, ambayo kwa hiyo tumtolee Mungu ibada ya kumpendeza, pamoja na unyenyekevu na kicho; maana Mungu wetu ni moto ulao.”

Mungu mwenye, Nguvu na Msahauri wa Ajabu na Mfalme wa Amani Isaya 9:6-7 “Maana kwa ajili yetu mtoto amezaliwa, Tumepewa mtoto mwanamume; Na uweza wa kifalme utakuwa begani mwake; Naye ataitwa jina lake, Mshauri wa ajabu, Mungu mwenye nguvu, Baba wa milele, Mfalme wa amani. Maongeo ya enzi yake na amani Hayatakuwa na mwisho kamwe, Katika kiti cha enzi cha Daudi na ufalme wake; Kuuthibitisha na kuutegemeza Kwa hukumu na kwa haki, Tangu sasa na hata milele. Wivu wa Bwana wa majeshi ndio utakaotenda hayo.”

Maji ya uzima Yohana 4:10-13 “Yesu akajibu, akamwambia, Kama ungaliijua karama ya Mungu, naye ni nani akuambiaye, Nipe maji ninywe, ungalimwomba yeye, naye angalikupa maji yaliyo hai. Yule mwanamke akamwambia, Bwana, huna kitu cha kutekea, na kisima ni kirefu; basi umeyapata wapi hayo maji yaliyo hai? Je! Wewe u mkubwa kuliko baba yetu, Yakobo, aliyetupa kisima hiki, naye mwenyewe akanywa maji yake, na wanawe pia, na wanyama wake? Yesu akajibu, akamwambia, Kila anywaye maji haya ataona kiu tena;”

Mkate wa uzima – Yohana 6:35 “Yesu akawaambia, Mimi ndimi chakula cha uzima; yeye ajaye kwangu hataona njaa kabisa, naye aniaminiye hataona kiu kamwe.”

Mfinyanzi - Yeremia 18;2-6 – “Ondoka, ukashuke mpaka nyumba ya mfinyanzi, na huko nitakusikizisha maneno yangu.Basi nikashuka mpaka nyumba ya mfinyanzi, na tazama, alikuwa akifanya kazi yake kwa magurudumu.Na chombo kile, alichokuwa akikifinyanga, kilipoharibika mkononi mwake yule mfinyanzi, alikifanyiza tena kuwa chombo kingine, kama alivyoona vema yule mfinyanzi kukifanya. Ndipo neno la Bwana likanijia, kusema, Ee nyumba ya Israeli, je! Siwezi mimi kuwatendea ninyi vile vile kama mfinyanzi huyu alivyotenda? Asema Bwana. Angalieni, kama udongo ulivyo katika mkono wa mfinyanzi, ndivyo mlivyo ninyi katika mkono wangu, Ee nyumba ya Israeli.”         

Mungu mkuu - Tito 2;13 “tukilitazamia tumaini lenye baraka na mafunuo ya utukufu wa Kristo Yesu, Mungu mkuu na Mwokozi wetu;”       

Mwana wa Mungu - Yohana 9;35-37 “Yesu akasikia kwamba wamemtoa nje; naye alipomwona alisema, Wewe wamwamini Mwana wa Mungu? Naye akajibu akasema, Ni nani, Bwana, nipate kumwamini?  Yesu akamwambia, Umemwona, naye anayesema nawe ndiye.”

Mwana wa Adamu - Mathayo 26;64 “Yesu akamwambia, Wewe umesema; lakini nawaambieni, Tangu sasa mtamwona Mwana wa Adamu ameketi mkono wa kuume wa nguvu, akija juu ya mawingu ya mbinguni.”         

Mwokozi - Tito 1;4, “kwa Tito, mwanangu hasa katika imani tuishirikiyo. Neema na iwe kwako na amani zitokazo kwa Mungu Baba na kwa Kristo Yesu Mwokozi wetu.”

Mwalimu Yohana 3:2 “Huyo alimjia usiku, akamwambia, Rabi, twajua ya kuwa u mwalimu, umetoka kwa Mungu; kwa maana hakuna mtu awezaye kuzifanya ishara hizi uzifanyazo wewe, isipokuwa Mungu yu pamoja naye.”

Muhukumu wetu siku ya mwisho Yohana 5;22 “Tena Baba hamhukumu mtu ye yote, bali amempa Mwana hukumu yote;”

N – Yesu ni njia na kweli na Uzima  Yohana 14:6 “Yesu akamwambia, Mimi ndimi njia, na kweli, na uzima; mtu haji kwa Baba, ila kwa njia ya mimi.”

Neno la Mungu – Yohana 1:1-3 “Hapo mwanzo kulikuwako Neno, naye Neno alikuwako kwa Mungu, naye Neno alikuwa Mungu. Huyo mwanzo alikuwako kwa Mungu. Vyote vilifanyika kwa huyo; wala pasipo yeye hakikufanyika cho chote kilichofanyika.”

Nabii yule  - Yohana 6;14 “Basi watu wale, walipoiona ishara aliyoifanya, walisema, Hakika huyu ni nabii yule ajaye ulimwenguni”.    

Nyota ya kung’aa asubuhi - Ufunuo 22:16 “Mimi Yesu nimemtuma malaika wangu kuwashuhudia ninyi mambo hayo katika makanisa. Mimi ndimi niliye Shina na Mzao wa Daudi, ile nyota yenye kung'aa ya asubuhi.”

Nuru ya ulimwengu - Yohana 8;12 “ Basi Yesu akawaambia tena akasema, Mimi ndimi nuru ya ulimwengu, yeye anifuataye hatakwenda gizani kamwe, bali atakuwa na nuru ya uzima.”              

O – Yesu ni Ondoleo la dhambi zetu tukimuamini, tukitubu dhambi zetu kwa kumaanisha kuziacha Matendo 2:38-39 “Petro akawaambia, Tubuni mkabatizwe kila mmoja kwa jina lake Yesu Kristo, mpate ondoleo la dhambi zenu, nanyi mtapokea kipawa cha Roho Mtakatifu. Kwa kuwa ahadi hii ni kwa ajili yenu, na kwa watoto wenu, na kwa watu wote walio mbali, na kwa wote watakaoitwa na Bwana Mungu wetu wamjie.”

P – Yesu ni udhihirisho wa Pendo la Mungu Yohana 3:16 “Kwa maana jinsi hii Mungu aliupenda ulimwengu, hata akamtoa Mwanawe pekee, ili kila mtu amwaminiye asipotee, bali awe na uzima wa milele.”

Pazia la hekalu – Mathayo 27:51-54 “Na tazama, pazia la hekalu likapasuka vipande viwili toka juu hata chini; nchi ikatetemeka; miamba ikapasuka; makaburi yakafunuka; ikainuka miili mingi ya watakatifu waliolala; nao wakiisha kutoka makaburini mwao, baada ya kufufuka kwake, wakauingia mji mtakatifu, wakawatokea wengi. Basi yule akida, na hao waliokuwa pamoja naye wakimlinda Yesu, walipoliona tetemeko la nchi na mambo yaliyofanyika, wakaogopa sana, wakisema, Hakika huyu alikuwa Mwana wa Mungu.”               

Q – Quail (Kware kutoka Mbinguni) Zaburi 105:40-42 “Walipotaka akaleta kware, Akawashibisha chakula cha mbinguni. Akaufunua mwamba, kukabubujika maji, Yakapita pakavuni kama mto. Maana alilikumbuka neno Lake Takatifu, Na Ibrahimu, mtumishi wake.”             

R – Yesu Kristo ni Rafiki Yohana 15:14-16 “Ninyi mmekuwa rafiki zangu, mkitenda niwaamuruyo. Siwaiti tena watumwa; kwa maana mtumwa hajui atendalo bwana wake; lakini ninyi nimewaita rafiki; kwa kuwa yote niliyoyasikia kwa Baba yangu nimewaarifu. Si ninyi mlionichagua mimi, bali ni mimi niliyewachagua ninyi; nami nikawaweka mwende mkazae matunda; na matunda yenu yapate kukaa; ili kwamba lo lote mmwombalo Baba kwa jina langu awapeni.” Tunaweza kuwa na urafiki na Yesu kama Mungu baba alivyokuwa na urafiki na Abrahamu kwa sababu ya utii, yaani kama tutayatenda anayotuamuru na ni rahisi tu Yesu ametuamuru kupenda.

S - Simba wa Kabila la Yuda - Ufunuo 5:4-5 “Nami nikalia sana kwa kuwa hapakuonekana mtu astahiliye kukifungua hicho kitabu, wala kukitazama. Na mmojawapo wa wale wazee akaniambia, Usilie; tazama, Simba aliye wa kabila ya Yuda, Shina la Daudi, yeye ameshinda apate kukifungua kile kitabu, na zile muhuri zake saba.”

Shahidi mwaminifu – Ufunuo 1:5-6 “tena zitokazo kwa Yesu Kristo, shahidi aliye mwaminifu, mzaliwa wa kwanza wa waliokufa, na mkuu wa wafalme wa dunia. Yeye atupendaye na kutuosha dhambi zetu katika damu yake, na kutufanya kuwa ufalme, na makuhani kwa Mungu, naye ni Baba yake; utukufu na ukuu una Yeye hata milele na milele. Amina.”

Shina la Daudi - Ufunuo 22:16 “Mimi Yesu nimemtuma malaika wangu kuwashuhudia ninyi mambo hayo katika makanisa. Mimi ndimi niliye Shina na Mzao wa Daudi, ile nyota yenye kung'aa ya asubuhi.”    

T – Yesu ni Tabibu wa ajabu, amekuja kwaajili ya wale wasio na afya Mathayo 9:11-12 “Mafarisayo walipoona, waliwaambia wanafunzi wake, Mbona mwalimu wenu anakula pamoja na watoza ushuru na wenye dhambi? Naye aliposikia, aliwaambia, Wenye afya hawahitaji tabibu, bali walio hawawezi.”

Tumaini letu kuu - Zaburi 71;5 “Maana ndiwe taraja langu, Ee Bwana MUNGU, Tumaini langu tokea ujana wangu.”

Taraja letu - Zaburi 71;5 “Maana ndiwe taraja langu, Ee Bwana MUNGU, Tumaini langu tokea ujana wangu.”

Tegemeo letu - Yeremia 17;5-8. “Bwana asema hivi, Amelaaniwa mtu yule amtegemeaye mwanadamu, Amfanyaye mwanadamu kuwa kinga yake Na moyoni mwake amemwacha Bwana. Maana atakuwa kama fukara nyikani, Hataona yatakapotokea mema; Bali atakaa jangwani palipo ukame, Katika nchi ya chumvi isiyokaliwa na watu. Amebarikiwa mtu yule anayemtegemea Bwana, Ambaye Bwana ni tumaini lake.Maana atakuwa kama mti uliopandwa kando ya maji, Uenezao mizizi yake karibu na mto; Hautaona hofu wakati wa hari ujapo, Bali jani lake litakuwa bichi; Wala hautahangaika mwaka wa uchache wa mvua, Wala hautaacha kuzaa matunda.”    

U – Upendo wa Mungu 1Yohana 15:13 “Hakuna aliye na upendo mwingi kuliko huu, wa mtu kuutoa uhai wake kwa ajili ya rafiki zake.”

V – Vazi la wokovu wetu Isaya 61:10 “Nitafurahi sana katika Bwana, nafsi yangu itashangilia katika Mungu wangu; maana amenivika mavazi ya wokovu, amenifunika vazi la haki, kama bwana arusi ajipambavyo kwa kilemba cha maua, na kama bibi arusi ajipambavyo kwa vyombo vya dhahabu.”

W – Yesu ni wokovu wetu ni mwamba wa wokovu wetu Zaburi 95:1-2 “Njoni, tumwimbie Bwana, Tumfanyie shangwe mwamba wa wokovu wetu. Tuje mbele zake kwa shukrani, Tumfanyie shangwe kwa zaburi.”

X – X rays – Mwali wa moto  2Wathesalonike 1:6-8 “Kwa kuwa ni haki mbele za Mungu kuwalipa mateso wale wawatesao ninyi; na kuwalipa ninyi mteswao raha pamoja na sisi; wakati wa kufunuliwa kwake Bwana Yesu kutoka mbinguni pamoja na malaika wa uweza wake katika mwali wa moto; huku akiwalipiza kisasi wao wasiomjua Mungu, na wao wasioitii Injili ya Bwana wetu Yesu;”

Ufunuo 19:11-13 “Kisha nikaziona mbingu zimefunuka, na tazama, farasi mweupe, na yeye aliyempanda, aitwaye Mwaminifu na Wa-kweli, naye kwa haki ahukumu na kufanya vita. Na macho yake yalikuwa kama mwali wa moto, na juu ya kichwa chake vilemba vingi; naye ana jina lililoandikwa, asilolijua mtu ila yeye mwenyewe. Naye amevikwa vazi lililochovywa katika damu, na jina lake aitwa, Neno la Mungu.”

Y-  Yesu ni Yeye yule jana leo n ahata milele Waebrania 13:8  “Yesu Kristo ni yeye yule, jana na leo na hata milele.”

Z – Zeri ya Gileadi – Dawa isiyoshindwa Yeremia 8:22 “Je! Hapana zeri katika Gileadi? Huko hakuna tabibu? Mbona, basi, haijarejea afya ya binti ya watu wangu?” yalikuwa ni mafuta maalumu yanayotokana na mmea maalumu unaoitwa zeri ambapo katika nyakati zile matabibu waliutumia kutibu hususani mtu ambaye ameshindikana kutibiwa kwa dawa ya aina nyingine yoyote, Dawa hii kinabii ilikuwa inamtaja Yesu ambaye mtu aliposhindikana kutibiwa na matabibu wengine wote yeye aliweza kutibu, Marko 5:25-29 “Na mwanamke mmoja mwenye kutoka damu muda wa miaka kumi na miwili, na kuteswa mengi kwa mikono ya matabibu wengi, amegharimiwa vitu vyote alivyo navyo, kusimfae hata kidogo, bali hali yake ilizidi kuwa mbaya aliposikia habari za Yesu, alipita katika mkutano kwa nyuma, akaligusa vazi lake; maana alisema, Nikiyagusa mavazi yake tu, nitapona. Mara chemchemi ya damu yake ikakauka, naye akafahamu mwilini mwake kwamba amepona msiba ule.”

 

Jinsi ya kuanza mwaka na kumaliza na Yesu Kristo

Yesu ni Alpha na Omega maana yake yeye ni mwanzo na mwisho, na pia ana uwezo wa kushughulikia kila jambo katika kila Nyanja ya maisha yetu ya kila siku, Lakini sio hivyo tu tunapokaribia wakati huu wa msimu wa sikukuu yam waka mpya ni muhimu kwetu kukumbuka kuwa sio tu kwamba tunasheherekea mwaka mpya lakini vilevile ni ukweli usiopingika kwamba miaka yetu na siku zetu za kuwepo duniani zinahesabika na kupungua, kwa msingi huo ni lazima tujipange kwa upya na kuhakikisha kuwa TUnashikamana na Yeye aliye Alpha na omega yaani mwamnzo na mwisho wa kila kitu katika maisha yetu na hivyo hatuna budi kumuomba Mungu

1.       Atupe hekima ya kuutumia wakati, yaani sekunde, dakika, saa, siku, wiki, miezi na miaka ijayo kama zawadi ya tahamni sana ili tuweze kuacha alama katika kusudi lile alilotuitia Zaburi 90:12 “Basi, utujulishe kuzihesabu siku zetu, Tujipatie moyo wa hekima.” Muda ni moja ya zawadi kubwa nay a thamani ambayo Mungu ametupa tujifunze kutokupoteza muda, kukemea na kukataa uvivu, umasikini, magonjwa na kila jambo linaloturudisha nyuma kiroho, tusikubali kupoa, tusikubali kurudia makossa, tusikubali kulegea bali tusonge mbele katika wito huu ambao Mungu ametuitia Waefeso 5:15- 16. “Basi angalieni sana jinsi mnavyoenenda; si kama watu wasio na hekima bali kama watu wenye hekima; mkiukomboa wakati kwa maana zamani hizi ni za uovu.”

 

2.       Tumia muda wako Mwingi kuwa na Mungu, tunaweza kumkaribia Mungu kwa kujitoa binafsi kwake kwa Maombi, kusoma neno la Mungu, kusikiliza mahubiri, kujumuika katika makusanyiko ya ibada lakini zaidi sana kuutafuta suo wa Mungu kuliko kubwa busy na makundi ya watu Mathayo 14:22-23 “Mara akawalazimisha wanafunzi wake wapande chomboni na kutangulia mbele yake kwenda ng'ambo, wakati yeye alipokuwa akiwaaga mkutano. Naye alipokwisha kuwaaga makutano, alipanda mlimani faraghani, kwenda kuomba. Na kulipokuwa jioni, alikuwako huko peke yake.”

 

 

3.       Mtumaini Bwana – Tumejifunza kuwa Yesu ni Alfa na Omega kwa msingi huo katika mipango yetu yote hatuna budi kuhakikisha kuwa tunamtumaini yeye kwani ni yeye pekee mwenye mwenye uwezo wa kunyoosha mapito yetu yote, Mithali 3:5-6.  “Mtumaini Bwana kwa moyo wako wote, Wala usizitegemee akili zako mwenyewe; Katika njia zako zote mkiri yeye, Naye atayanyosha mapito yako.”

 

4.       Mfanye Yesu kuwa kiini cha Maisha yako na mipango yako yote – Yesu ni Alfa na Omega tumeweza kujifunza kuwa yeye ni mwamba katika kila Nyanja ya maisha yetu, hatuna budi kuhakikisha kuwa kila jambo tulifanyalo, tunalifanya kwa utukufu wake, tumfanye yeye kuwa kiini kikuu cha maisha yetu na mipango yetu,  hakkisha kuwa unakanyaga mwana na Bwana na kuendelea kuwa na uhusiano naye mwanzo mwisho Mungu atatubariki, linapokusibu lililo gumu kumbuka Alfa na Omega anaweza kuingilia katika katika kila eneo la maisha yetu kulingana na uhitaji wetu.

 

Na. Rev. Innocent Samuel Kamote

Mkuu wa wajenzi mwenye Hekima       

Hata ulipowadia utimilifu wa wakati !

Wagalatia 4:4-5 “Hata ulipowadia utimilifu wa wakati, Mungu alimtuma Mwanawe ambaye amezaliwa na mwanamke, amezaliwa chini ya sheria, kusudi awakomboe hao waliokuwa chini ya sheria, ili sisi tupate kupokea hali ya kuwa wana.”

 

 

Utangulizi:

Leo ni sikukuu ya Christmas, wakristo wote Nchini wanaungana na wakristo wengine duniani kuadhimisha kuzaliwa kwa Yesu Kristo kulikotokeza zaidi ya miaka 2000 iliyopita huko Bathelehemu, Israel. Katika wakati huu ni muhimu kujikumbusha kuwa kuzaliwa kwa Yesu Kristo hakukutokea kwa bahati mbaya kwani Kuzaliwa kwa Yesu Kristo kulitokea kwa wakati mkamilifu, katika mpango wa Mungu, watu wengi wanaweza wasielewe umuhimu wa Yesu kuzaliwa kwa wakati,  na ikawa kwao kama watu ambao walikuwa na shughuli nyingine wakati Yesu anazaliwa wasijue kuwa mwokozi amekuja kwaajili yao, Kuzaliwa kwa  Yesu Kristo huu ulikuwa ni mpango kamili wa Mungu, na ulitekelezwa ulipowadia utimilifu wa wakati, tutajifunza somo hili kwa kuzingatia vipengele vitatu vifuatavyo:-

·         Hata ulipowadia utimilifu wa wakati!

·         Kukombolewa kwa waliokuwa chini ya sheria

·         Kupokea hali ya kuwa wana

 

 Hata ulipowadia utimilifu wa wakati.

Wagalatia 4:4-5 “Hata ulipowadia utimilifu wa wakati, Mungu alimtuma Mwanawe ambaye amezaliwa na mwanamke, amezaliwa chini ya sheria, kusudi awakomboe hao waliokuwa chini ya sheria, ili sisi tupate kupokea hali ya kuwa wana.”

Neno Utimilifu wa wakati katika Biblia ya kiyunani linasomeka kama “Pleroma - Chronos”. Pleroma ikiwa na maana ya Kujaa kabisa, au kukamilika completion or Filled, na Chronos ni Time  kwa hiyo utimilifu wa wakati kwa kiingereza Fullness of the time  yaani ni kama mtu aliyekuwa anakijaza chombo kwa muda maalumu, kisha kikajaa, au muda uliokusudiwa kwa kitu Fulani kutimia, kwa hiyo Kiswahili kilichotumika hapo ni sahihi na chepesi zaidi ya mafafanuzi sawa tu utimilifu wa wakati, Kwa hiyo Kuzaliwa kwa Yesu Kristo hakukutokea tu kwa bahati mbaya, bali kulitoka kwa wakati mtimilifu ambao Mungu alikuwa ameukusudia katika mpango wake!.

Huu ulikuwa ni wakati utawala wa kiyunani ulikuwa umeisha na umeacha athari ya Lugha ya Kiyunani (Greek) na tamaduni kadhaa za kiyunani (Hellenistic culture), Lugha hii kwa wakati huo ilikuwa ni lugha ya kisomi na iliyotumiwa na wasomi wengi wa nyakati zile jambo lilolopelekea Maandiko kutafasiriwa na hata kuandikwa katika kiyunani kwani ulimwengu wa wakati huo ulikuwa ni ulimwengu wa kisomi sana na athari zake zilikuwa zimeachwa na Wayunani.

Warumi walikuwa sasa ndio wanaotawala ulimwengu wa wakati huo na walikuwa ni watu waliohakikisha Amani inakuwepo kila mahali duniani, na pia waliunganisha ulimwengu wa wakati ule kwa mifumo ya bara bara zilizorahishisha mawasiliano na ulinzi mkali uliohakikisha Amani inatawala kila mahali duniani, utaratibu na ustawi mkubwa sana wa kijamii (Pax Romana)

Wayahudi walikuwa na matazamio Makali ya kutimizwa kwa unabii hususani wa Daniel kuhusu majuma sabini,  na walikuwa tayari wamejiandaa kumpokea Masihi, wakielewa wazi kuwa wakati wowote masihi atazaliwa, ili awakomboe na kuleta faraja na kuondoa uchovu wa kukandamizwa na utumwa wa kigeni na utumwa wa sheria

Pia ulikuwa wakati ambapo watu wamechoshwa na kufilisika sana kiroho, wamefilisika kidini na kiimani, na walikuwa wameshindwa kabisa kuishi sawa na sharia ya Musa ambayo kwa wakati huu ilikuwa inaonekana kuwa ina viwango ambavyo wanadamu wa kawaida hawaviwezi, dhambi ilikuwa imewaelemea na wanyama wa kutekeketzwa kwaajili ya dhambi lilianza kuonekana kama jambo lisilowezekana tena

Ni katika wakati huu Ndipo Yesu anazaliwa, anazaliwa katika wakati ambapo watu walikuwa wamefilisika kiimani, kidini na kiuadilifu, uadui kati ya mwanadamu na Mungu ulikuwa umeongezeka sana, kwa hiyo kuja kwa Yesu na kuzaliwa kwake kwa wakati hasa wakati ambapo wanadamu wamechoka, ilikuwa ni kuleta auheni na unafuu mkubwa, kuleta neema na kutangaza rehema ulikuwa ni wakati sahihi kwa wanadamu kutangaziwa wokovu ambao wameusubiri kwa muda wakati wa kukombolewa kutoka katika laana zinazotokana na wanadamu kushindwa kuzitii sheria za Mungu, kuelekea wazi katika adhabu ambazo kwa ukweli hakuna mtu angeweza kulipa  na ndio katika wakati huu sasa Mungu anamleta Yesu Kristo kwaajili ya ukombozi.

Sio hivyo tu Paulo mtume anazungumzia wakati ambapo mtoto wa kifalme ambaye alikuwa chini ya usimamizi anapoanza kuhesabika kama mtoto wa kifalme ambaye ameiva na yuko tayari kwa utawala na kuanza kujitegemea kutoka chini ya mwangalizi, kama ukiangalia vizuri kwa kina katika kitabu cha Wagalatia Paulo anazungumza yafuatayo:-

Wagalatia 4:1-5 “Lakini nasema ya kuwa mrithi, wakati wote awapo mtoto, hana tofauti na mtumwa, angawa ni bwana wa yote; bali yu chini ya mawakili na watunzaji, hata wakati uliokwisha kuamriwa na baba. Kadhalika na sisi, tulipokuwa watoto, tulikuwa tukitumikishwa na kawaida za kwanza za dunia. Hata ulipowadia utimilifu wa wakati, Mungu alimtuma Mwanawe ambaye amezaliwa na mwanamke, amezaliwa chini ya sheria, kusudi awakomboe hao waliokuwa chini ya sheria, ili sisi tupate kupokea hali ya kuwa wana.”

Paulo anachokizungumza hapo, ni utaratibu uliokuwa unafuatwa katika nyumba za kifalme, ambapo mtoto wa kifalme anapokuwa mdogo anakuwa chini ya uangalizi wa mtu maalumu anayeitwa kwa kiyunani “EPITROPOS”  yaani kwa kiingereza  Domestic Manager or guardian yaani Mwangalizi maalumu wa watoto wa kifalme nyumbani, ambaye kazi yake ni kutoa maelekezo na kufundisha mtoto wa kifalme namna anavyotakiwa kuishi kama mfalme maelekezo anayoyatoa yanaitwa “PEDAGOGY”  yaani mafundisho na melekezo maalumu, kwa hiyo watoto wote wa kifalme huwa chini ya watu hao wakipokea maelekezo na mafundisho, wakielekezwa na kuamuliwa nini cha kufanya, wapi waende wapi wasiende, wakati mwingine hufudishwa hata vita au kupelekwa jeshini na kushiriki vita na wakati huu wanakuwa kama watumwa tu, mpaka  unapofikia wakati uliokusudiwa na mfalme  wawe wamefuzu Mfalme huwapangia majukumu ya kiutawala au kuwapa majimbo ya kurithi kiutawala ili watawale pamoja naye

Kwa msingi huo basi tunapozungumza kuhusu utimilifu wa wakati, ambao Paulo mtume anauzungumza ni wakati ambapo Mungu alikusudia sasa wa kuwaweka watu huru kutoka katika vifungo mbalimbali pamoja na kifungo cha sharia ya Musa (Torati), na kuwakomboa wanadamu ambao walikuwa wanateswa na mateso ya aina mbalimbali na laana zinazotokana na kuivunja torati sasa anazaliwa Kristo kwa wakati kwa kusuda la kutukomboa kutoka katika hali ya utumwa.

Wagalatia 3:11-14 “Ni dhahiri ya kwamba hakuna mtu ahesabiwaye haki mbele za Mungu katika sheria; kwa sababu Mwenye haki ataishi kwa imani. Na torati haikuja kwa imani, bali, Ayatendaye hayo ataishi katika hayo.Kristo alitukomboa katika laana ya torati, kwa kuwa alifanywa laana kwa ajili yetu; maana imeandikwa, Amelaaniwa kila mtu aangikwaye juu ya mti; ili kwamba baraka ya Ibrahimu iwafikilie Mataifa katika Yesu Kristo, tupate kupokea ahadi ya Roho kwa njia ya imani.”

Kwa hiyo utimilifu wa wakati unaozungumzwa hapo, kimsingi ni wakati wa kuwapa wote waliomuamini Yesu mamlaka kamili, ya kuondoka kuwa chini ya sheria na kuwa wafanya sheria hii ni Baraka kubwa sana kuliko zote, wakati Israel alipokuwa akiwabariki watoto wake na kutoa unabii ya kuwa masihi yaani mtawala atatokea katika kabila la Yuda, kabila hii ilibarikiwa pia kuwa haitakosa mfanya sheria katika miguu yake

Mwanzo 49:8-10 “Yuda, ndugu zako watakusifu, Mkono wako utakuwa shingoni mwa adui zako. Wana wa baba yako watakuinamia. Yuda ni mwana-simba, Kutoka katika mawindo, mwanangu, umepanda; Aliinama akajilaza kama simba, Na kama simba mke; ni nani atakayemwamsha? Fimbo ya enzi haitaondoka katika Yuda, Wala mfanya sheria kati ya miguu yake, Hata atakapokuja Yeye, mwenye milki, Ambaye mataifa watamtii.”

Ni aina hii ya mamlaka, kutumikiwa, kuwa na uweza dhidi ya adui zetu, kutumainiwa, kutokukosa mawindo, kuogopwa, kuwa na mamlaka, kuwa wafanya sheria, hii inakuja kwa kila mtu anayemuamini Bwana Yesu na huu ni wakati wa furaha sana kwani kristo amekuja kutuondoa katika hali ya unyonge na kutuleta katika wakati wa kutawala na kumiliki na kuwashinda maadui zetu, hata ulipowadia utimilifu wa wakati, Mungu anamtangazia kila mmoja wetu kuwa umewadia utimilifu wa wakati sasa, ni wakati wa ushindi, ni wakati wa kutawala, ni wakati wa kumiliki, ni wakati wa kuweka huru, ni wakati wa kufurahia uhuru kutoka utumwani ni wakati wa kuondoka katika uonevu ni wakati wa Amani na utulivu ni wakati wa ustawi, ni wakati wamkunena kwa lugha mpya, ni wakati wa kutembea na uungu ndani yetu, wakati wa kupakwa mafuta, wakati wa kuzungumza kwa mamlaka ya kifalme, wakati wa ushindi, wakati wa upenyo, wakati wa kutoboa, wakati wa kuyataja yasiyokuwako kana kwamba yamekuwako, Bwana ampe neema kila mmoja wetu kuufurahia wakati mtimilifu uliokusudiwa kwa Baraka zake katika jina la Yesu Kristo Amen!  

Kukombolewa kwa waliokuwa chini ya sharia.

Katika utimilifu huo wa wakati Paulo mtume anaeleza kuwa moja ya sababu ya ujio wa Yesu Kristo ni kuwakomboa wanadamu katika laana ya torati, yaani wale waliokuwa chini ya sheria, hapa inamaanisha sharia ya Musa ambayo ki msingi inapatikana katika vitabu vitano vya Musa, ambayo ina maelekezo yote ya namna ya kumuabudu Mungu na kumtumikia jambo ambalo kwa ujumla halikuwa rahisi, kuivunja torati kuliambatana na tangazo la laana kubwa na nyingi sana  nzito na za kusikitisha mno angalia :-

Kumbukumbu la torati 28:15-56 “Lakini itakuwa usipotaka kuisikiza sauti ya Bwana, Mungu wako, usiyaangalie kufanya maagizo yake yote na amri zake, nikuagizazo hivi leo, ndipo zitakapokujia laana hizi zote na kukupata. Utalaaniwa mjini, utalaaniwa na mashambani. Litalaaniwa kapu lako na chombo chako cha kukandia. Utalaaniwa uzao wa tumbo lako, na uzao wa nchi yako, maongeo ya ng'ombe wako, na wadogo wa kondoo zako. Utalaaniwa uingiapo, utalaaniwa na utokapo, Bwana atakuletea laana na mashaka, na kukemewa, katika yote utakayotia mkono wako kuyafanya, hata uangamie na kupotea kwa upesi; kwa ule uovu wa matendo yako, uliyoniacha kwayo. Bwana atakuambatanisha na tauni, hata atakapokwisha kukuondoa katika nchi uingiayo kwa kuimiliki. Bwana atakupiga kwa kifua kikuu, na kwa homa, na kwa kuwashwa, na kwa hari ya moto, na kwa upanga, na kwa ukaufu, na kwa koga; navyo vitakufukuza hata uangamie. Na mbingu zako zilizo juu ya kichwa chako zitakuwa shaba, na nchi iliyo chini yako itakuwa chuma. Bwana atafanya mvua ya nchi yako iwe vumbi na mchanga; itakujilia juu yako kutoka mbinguni hata uangamie. Bwana atakufanya upigwe mbele ya adui zako; utawatokea juu yao kwa njia moja, lakini utakimbia mbele yao kwa njia saba; nawe utatupwa huko na huko katika falme zote za duniani. Na mzoga wako utakuwa chakula cha ndege wote wa angani, na wanyama wote wa duniani, pasiwe na mtu wa kuwafukuza. Bwana atakupiga kwa majipu ya Misri, na kwa bawasiri, na kwa pele, na kwa kujikuna, ambayo hupati kupoa. Bwana atakupiga kwa wazimu, na kwa upofu, na kwa bumbuazi la moyoni; utakwenda kwa kupapasa-papasa mchana, kama apapasavyo kipofu gizani, wala hufanikiwi katika njia zako; nawe sikuzote utaonewa na kutekwa nyara, wala hapatakuwa na mtu wa kukuokoa. Utaposa mke na mume mwingine atalala naye; utajenga nyumba usiikae; utapanda mizabibu usitumie matunda yake.Ng'ombe wako atachinjwa mbele ya macho yako, usile nyama yake; utanyang'anywa punda wako mbele ya uso wako kwa jeuri, usirudishiwe; kondoo zako watapewa adui zako, usipate mtu wa kukuokoa. Wanao na binti zako litapewa taifa lingine, na macho yako yataangalia, na kuzimia kwa kuwatamani mchana kutwa; wala hapatakuwa na kitu katika uwezo wa mkono wako. Matunda ya nchi yako, na taabu yako yote, vitaliwa na taifa usilolijua; utaonewa tu, na kupondwa chini daima; hata uwe mwenye wazimu kwa yaonwayo na macho yako, utakayoyaona. Bwana atakupiga magoti na miguu kwa jipu lililo zito, usilopata kupozwa, tokea wayo wa mguu mpaka utosi wa kichwa. Bwana atakupeleka wewe, na mfalme wako utakayemweka juu yako, kwa taifa usilolijua wewe wala baba zako; nawe huko utatumikia miungu mingine ya miti na mawe. Nawe utakuwa ushangao, na mithali, na dharau, kati ya mataifa yote huko atakakokuongoza Bwana. Mbegu nyingi utazichukua nje shambani, lakini utavuna haba, kwa kuwa nzige watazila. Utapanda mizabibu na kuitengeza, wala hutakunywa katika divai yake, wala kuichuma kwani italiwa na mabuu. Utakuwa na mizeituni katika mipaka yako yote usijipake mafuta yake; kwa kuwa mzeituni wako utapukutika. Utazaa wana na binti, lakini hawatakuwa wako wewe; kwa sababu watakwenda utumwani. Miti yako yote, na mazao ya nchi yako, nzige watakuwa nayo.Mgeni aliye kati yako atazidi kupaa juu yako; nawe utazidi kushuka chini.Yeye atakukopesha, wala wewe usimkopeshe; yeye atakuwa ni kichwa, wewe utakuwa mkia.Na laana hizi zote zitakujilia juu yako, zitakuandama na kukupata, hata uangamizwe, kwa kuwa hukuisikiza sauti ya Bwana, Mungu wako, kushika maagizo yake na amri zake alizokuagiza; nazo zitakuwa juu yako kwa ishara na ajabu, na juu ya uzao wako milele; kwa kuwa hukumtumikia Bwana, Mungu wako, kwa furaha na moyo wa kushukuru, kwa ajili ya ule wingi wa vitu vyote; kwa hiyo utawatumikia adui zako atakaowaleta Bwana juu yako, kwa njaa, na kwa kiu, na kwa uchi, na kwa uhitaji wa vitu vyote; naye atakuvika kongwa la chuma shingoni mwako, hata atakapokwisha kukuangamiza. Bwana atakuletea taifa juu yako kutoka mbali, kutoka ncha ya dunia, kama arukavyo tai; taifa usiloufahamu ulimi wake; taifa lenye uso mkali, ambalo haliangalii uso wa mzee, wala halipendelei kijana; naye atakula uzao wa ng'ombe wako wa mifugo, na uzao wa nchi yako mpaka utakapokwisha kuangamizwa; wala hatakuachia nafaka, wala divai, wala mafuta, wala maongeo ya ng'ombe wako, wala wana-kondoo wako, hata atakapokwisha kukuangamiza. Naye atakuhusuru katika malango yako yote, hata kuta zako ndefu, zenye maboma, ulizokuwa ukiziamini, zishuke, katika nchi yako yote kila upande; naye atakuhusuru katika malango yako yote kila upande, katika nchi yako yote aliyokupa Bwana, Mungu wako. Nawe utakula uzao wa tumbo lako mwenyewe, nyama ya wana wako na binti zako aliokupa Bwana, Mungu wako; katika mazingirwa na katika mkazo utakaokazwa na adui zako. Mtu mume kati yenu aliye mwororo na laini sana, jicho lake litakuwa ovu juu ya nduguye, na juu ya mke wa kifuani mwake, na juu ya masalio ya wanawe waliosalia naye; hata asitake wao mmojawapo apewe katika nyama ya wanawe atakaowala, kwa kuwa hana kitu kilichomsalia kwake; katika mazingirwa na mkazo utakaokazwa na adui yako katika malango yako yote. Mwanamke kati yenu aliye mwororo na laini, ambaye hangehatirisha kuweka wayo wa mguu wake nchi kwa umalidadi na ulaini, jicho lake huyu litakuwa ovu juu ya mume wa kifuani mwake, na juu ya mwanawe, na juu ya binti yake,”

Kutii maagizo yote na amri zote za Mungu kwa wanadamu halikuwa jambo rahisi, ilikuwa ni dhambi na ilileta laana hii isingeliwezekana kwa wayahudi na hata wasio wayahudi, lilikuwa ni agizo gumu sana ambalo kila wakati lingekufanya ujione mwenye dhambi, unayestahili hukumu na hasira ya Mungu na kifo tu Petro mwenyewe alisema wazi kuwa sharia ya Musa lilikuwa ni kongwa ambalo sisi wala baba zetu tusingeliweza kulimudu angalia

Matendo 15:7-11 “Na baada ya hoja nyingi Petro akasimama, akawaambia, Ndugu zangu, ninyi mnajua ya kuwa tangu siku za kwanza Mungu alichagua miongoni mwenu ya kwamba Mataifa walisikie neno la Injili kwa kinywa changu, na kuliamini. Na Mungu, ajuaye mioyo ya watu, akawashuhudia, akiwapa Roho Mtakatifu vile vile kama alivyotupa sisi; wala hakufanya tofauti kati yetu sisi na wao, akiwasafisha mioyo yao kwa imani. Basi sasa mbona mnamjaribu Mungu na kuweka kongwa juu ya shingo za wanafunzi, ambalo baba zetu wala sisi hatukuweza kulichukua. Bali twaamini kwamba tutaokoka kwa neema ya Bwana Yesu vile vile kama wao.”

Unaona ni jambo la kushangaza ya kuwa walimu kutoka uyahudi walisambaa ameneo mbalimbali na kuwafundisha wakristo kuishika sharia ya Musa jambo ambalo lingewarudisha nyuma utumwani mahali ambako Kristo alikuwa amekwisha kuwatoa na hivyo kuishika sharia ya Musa tena kungeleta laana, kwa msingi huo Yesu alizaliwa kwa wakati ili pia aweze kumkomboa mwanadamu kutoka katika laana ya Torati ujio wa Yesu Kristo duniani ulikuwa ni kwa utimilifu wa wakati wakati wa kuwakomboa wanadamu kutoka katika kongwa zito la Sheria hii ina maana gani? Neno ukombozi linalotumiwa na Paulo katika Wagalatia  kwa kiyunani ni EXAGORAZO ambalo lina maana ya kununua, kwamba kama mtu ni mtumwa wa mtu na yuko chini ya sharia na unataka kumkomboa kutoka katika sharia za mtu huyo unamnunulia uhuru wake  na anakuwa huru mbali na sharia na adhabu za mtu huyo kwa hiyo yeye aliyenunuliwa na kuwekwa huru katika utumwa wa sharia maana yake hapaswi tena kuwa chini ya sharia na kanuni  za Musa ambazo wana wa Israel walilazimika kuzishika, sio hivyo tu hata laana za sharia hazituhusu, kwa namna yoyote ile tusingeweza sisi kuishika sharia yote ya Musa kwa uwezo wetu wenyewe na ndio maana Kristo alikuja kuitii kwa niaba yetu na kutulipia deni huko ndio kuikamilisha torati na manabii.

Mathayo 5:17 “Msidhani ya kuwa nalikuja kuitangua torati au manabii; la, sikuja kutangua, bali kutimiliza.”

Warumi 8:33-39 “Ni nani atakayewashitaki wateule wa Mungu? Mungu ndiye mwenye kuwahesabia haki. Ni nani atakayewahukumia adhabu? Kristo Yesu ndiye aliyekufa; naam, na zaidi ya hayo, amefufuka katika wafu, naye yuko mkono wa kuume wa Mungu; tena ndiye anayetuombea. Ni nani atakayetutenga na upendo wa Kristo? Je! Ni dhiki au shida, au adha, au njaa, au uchi, au hatari, au upanga? Kama ilivyoandikwa, ya kwamba, Kwa ajili yako tunauawa mchana kutwa, Tumehesabiwa kuwa kama kondoo wa kuchinjwa. Lakini katika mambo hayo yote tunashinda, na zaidi ya kushinda, kwa yeye aliyetupenda. Kwa maana nimekwisha kujua hakika ya kwamba, wala mauti, wala uzima, wala malaika, wala wenye mamlaka, wala yaliyopo, wala yatakayokuwapo, wala wenye uwezo,wala yaliyo juu, wala yaliyo chini, wala kiumbe kinginecho chote hakitaweza kututenga na upendo wa Mungu ulio katika Kristo Yesu Bwana wetu.”

Yesu amekwishakufanya kila kitu kwa niaba yetu, hatuwezi tena kuwa chini ya sharia ya kitumwa wala hatuwezi kuadhibiwa na Mungu kwa kushindwa kuishi sawa na sharia, wala hatuhitaji tena kuua au kuchinja wanyama kwaajili ya dhambi zetu na laana zetu kwani Kristo amemaliza kila kitu hii sasa ina maana gani tunaweza kufanya lolote tulipendalo hapana iko sharia ya kifalme tumeondolewa katika utumwa sharia ambayo ilikuwa Mwalimu, wa watoto wa mfalme, sasa tumekuwa wafalme wafanya sharia na iko sharia ya kifalme ambayo kwayo inatuongoza ni ipi hiyo hii hapa

Yakobo 2:8 “Lakini mkiitimiza ile sheria ya kifalme kama ilivyoandikwa, Mpende jirani yako kama nafsi yako, mwatenda vema.”

Kwa hiyo kukombolewa katika laana ya torati maana yake ni kuwekwa huru katika kushika na kufuata sharia na kanuni ambazo zingeleta hasira ya Mungu juu yetu, kwa hiyo Yesu aliyahukumu hayo pale Msalabani na sasa sisi tunaweza kuishi kwa njia iliyo rahisi kumpenda Mungu na kuwapenda wanadamu wenzetu jambo ambalo litatupelekea kufikiri pale tunapotaka kuwafanyia dhambi wengine

Mathayo 7:12 “Basi yo yote myatakayo mtendewe na watu, nanyi watendeeni vivyo hivyo; maana hiyo ndiyo torati na manabii.”

Kupokea hali ya kuwa wana.

Paulo anaeleza manufaa mengine ya Yesu kuja katika utimilifu wa wakati, kwamba tunapokea hali ya kuwa wana au watoto wa Mungu, hapa anamanisha kwa wale wanaompokea

Yohana 1:12 -13 “Bali wote waliompokea aliwapa uwezo wa kufanyika watoto wa Mungu, ndio wale waliaminio jina lake; waliozaliwa, si kwa damu, wala si kwa mapenzi ya mwili, wala si kwa mapenzi ya mtu, bali kwa Mungu.”

Ni mtoto yule yule aliyekuwa chini ya Mwangalizi sasa anapatiwa nafasi ya kutawala pamoja na baba yake, neno linalotumika katika maandiko kupokea kuwa mwana ni Adoption ambalo maana yake ni KUMRITHI au KUMUASILI, ni kitendo cha mtu hususani mtoto kupewa haki kwa baba mwingine  na kuhesabiwa kuwa amestahili kuwa mwanae wa kudumu aitwe kwa jina lake na kuwa na haki zote sawa na watoto wa baba husika jambo hili linathibitishwa kwa kuvunjiliwa mbali kwa hofu ya kuona Mungu kama Mtawala na kumuhisi Mungu kuwa ni baba na ndani yetu tunapewa uhakika wa kumuita Mungu baba yetu kupitia muunganiko wa kazi za Roho Mtakatifu, Baada ya kutununua na kutuweka huru mbali na sharia anatufanya kuwa watoto wake na sio watumwa tena

Wagalatia 4:6-7 “Na kwa kuwa ninyi mmekuwa wana, Mungu alimtuma Roho wa Mwanawe mioyoni mwetu, aliaye, Aba, yaani, Baba. Kama ni hivyo, wewe si mtumwa tena bali u mwana; na kama u mwana, basi, u mrithi kwa Mungu.”

Warumi 8:15 -16 “Kwa kuwa hamkupokea tena roho wa utumwa iletayo hofu; bali mlipokea roho ya kufanywa wana, ambayo kwa hiyo twalia, Aba, yaani, Baba. Roho mwenyewe hushuhudia pamoja na roho zetu, ya kuwa sisi tu watoto wa Mungu;”

Ujio wa Yesu Kristo duniani kwa wakati mtimilifu ulikusudiwa na Mungu kutukomboa kutoka katika hali ya utumwa na kutupandisha kwa heshima katika ulimwengu wa roho ili awe baba yetu na tuweze kutawala pamoja naye, hatupaswi kuogopa tena, tunapaswa kuwa na ujasiri, dhambi sio tatizo tena, adhabu ya Mungu na hukumu zake hazina nguvu tena sharia ya kifalme ndiyo dira yetu hakuna kitu cha kututenga na upendo wa kristo, tunapoadhimisha siku kuu hii ya Christmas hatuna budi kufahamu kuwa Bwana wetu Yesu amekuja kuyapandisha juu maisha yetu amekuja kutupa thamani, amekuja kutubadilisha kutoka chombo cha hasira za Mungu na kuwa chombo cha upendo wa Mungu, sisi sasa tuna mamlaka kamili  sisi ni kama yeye ni wafanya sharia tunayoyatamka yanakuwa, kwanini kwa sababu sasa tunakuwa kama yeye alivyo  maana tu watoto wake na tamko la mfalme ni sharia ona  

1Yoahan 4:16-18 “Nasi tumelifahamu pendo alilo nalo Mungu kwetu sisi, na kuliamini. Mungu ni upendo, naye akaaye katika pendo, hukaa ndani ya Mungu, na Mungu hukaa ndani yake. Katika hili pendo limekamilishwa kwetu, ili tuwe na ujasiri katika siku ya hukumu; KWA KUWA, KAMA YEYE ALIVYO, NDIVYO TULIVYO NA SISI ULIMWENGUNI humu. Katika pendo hamna hofu; lakini pendo lililo kamili huitupa nje hofu, kwa maana hofu ina adhabu; na mwenye hofu hakukamilishwa katika pendo.”              

Hapa hapa ulimwenguni sisi sio wa kawaida tena, maisha yetu yamebadilishwa kupitia kuja kwa Yesu Kristo kwa utimilifu wa wakati, kila mmoja anaweza kuutumia wakati huu kumkubali Yesu na kumkaribisha ili awe Bwana na mwokozi wa maisha yake, sisi tuliompokea tuliutumia wakati vizuri wewe nawe hujachelewa leo unaposikia ujumbe huu na unaposoma ujumbe huu anza kuchangamka ukijua kuwa Mungu anatupenda na ulipowadia utimilifu wa wakati alimtuma Kristo atukomboe, Kuna watu hapa leo ni wakati wao wa kuponywa, kuna watu ni wakati wao wa kutoka kwenye madeni, kuna watu ni wakati wao wa kupokea heshima, kuna watu ni wakati wao wa kuolewa, kuna watu ni wakati wao wa kutolewa katika vifungo vya utumwa, kuna watu ni wakati wao wa kuponywa, kuna watu ni wakati wao wa ukombozi, Kuna watu ni wakati wao wa kutoka katika adhabu, kuna watu ni wakati wao wa kufunguliwa, kuna watu ni wakati wao wa kupandishwa cheo, kuna watu ni wakati wao wa kuinuliwa, kuna watu ni wakati wao wa ushindi, kuna watu ni wakati wao wa kuongezeka, kuna watu ni wakati wao wakuzaa sana, kuna watu ni wakati wao wa kutoka katika magereza za aina mbalimbali, kuna watu ni wakati wao wa kuacha kudharaulika, kuna watu ni wakati wao wa kufurahia maisha, kuna watu ni wakati wao wa kukomesha udhalilishaji, kuna watu ni wakati wao wa kupata mpenyo, kuna watu ni wakati wao wa kuvikwa vazi jipya, kuna watu wakati wao mtimilifu umewadia wa kufurahia Baraka za Mungu wewe sio mtumwa tena, hofu imetupwa mbali, wewe ni mwana wa Mungu haleluyaaaaaaa!, leo nafanya sharia mpya kwa kukutangazia kuwa wakati wako mtimilifu umewadia Yesu Kristo yuko hapa leo kukuhudumia haleluyaaaaa!, wewe sio wa chini tena wewe ni wajuu, wewe sio wa kuonewa tena, wewe sio wa kupokea maagizo, wewe ni wa kutoa maagizo, Kuzaliwa kwa Yesu ulipowadia utimilifu wa wakati kumemuinua mwanadamu na kumleta katika heshima ile kubwa ambayo malaika wanaichungulia leo ni siku ya kusimikwa kwako kuwa mfalme na kutoka kifungoni, kutoka gerezani, kutoka kwenye migandamizo na kuwa mtawala na lolote utakalolitamka kwa jina la Yesu Kristo litageuka kuwa Baraka na kutimia na lolote watakalokutamkia la kukutakia laana litawarudia juu yao Hakuna mtu alimtukana mfalme akaishi, Happy Christimas !

 

Na Rev. Innocent Samuel Kamote.

Mkuu wa wajenzi mwenye Hekima. !

Tuliiona Nyota yake!

Mathayo 2:1-12 “Yesu alipozaliwa katika Bethlehemu ya Uyahudi zamani za mfalme Herode, tazama, mamajusi wa mashariki walifika Yerusalemu, wakisema, Yuko wapi yeye aliyezaliwa mfalme wa Wayahudi? Kwa maana tuliiona nyota yake mashariki, nasi tumekuja kumsujudia.”

Utangulizi:

Moja ya stori zenye mvuto mkubwa sana katika Biblia ni pamoja na stori ya ujio wa watu wenye hekima kutoka mashariki ya mbali waliokuja kutoka Mashariki ya mbali wakiongozwa na nyota mpaka Bethelehemu alikozaliwa Masihi, kwaajili ya kumuabudu, Stori hii Mathayo ameipa uzito mkubwa sana na maneno yao yenye mvuto mkubwa zaidi ni haya:- Yuko wapi yeye aliyezaliwa mfalme wa Wayahudi? Kwa maana tuliiona nyota yake mashariki, nasi tumekuja kumsujudia. Utamu wa maneno yao na matendo yao unanifanya leo nitulie na kutafakari pamoja nawe jambo kubwa ambalo Mungu amelifanya kupitia wenye hekima hao maarufu kama mamajusi kwa Kiswahili cha zamani, (kwa sasa wenye hekima- Wise man); Leo tutachukua muda kujifunza kwa kina na mapana na marefu kuhusiana na swala hili:-

Ufahamu kuhusu Mamajusi.

Mojawapo ya tukio maarufu na la kusisimua sana wakati inapokaribia sikukuu ya Krismasi ni pamoja na safari ya ujio wa Mamajusi kutoka mashariki, Kimsingi neno mamajusi kwa kiingereza “Magi” linatokana na neno la kiyunani MAGOS ambalo ni sawa na neno Magician ambao zamani walijumuishwa katika kundi la watu wenye hekima, wachawi na wanajimu waliokuwa na sayansi ya kutoa suluhu kunapotokea changamoto katika falme za Babeli  angalia kwa mfano katika kitabu cha Daniel

Daniel 2:1-3 “Hata katika mwaka wa pili wa kumiliki kwake Nebukadreza, Nebukadreza aliota ndoto; na roho yake ikafadhaika, usingizi wake ukamwacha. Ndipo mfalme akatoa amri kuwaita waganga, na wachawi, na wasihiri, na Wakaldayo, wapate kumweleza mfalme ndoto zake. Basi wakaingia, wakasimama mbele ya mfalme. Mfalme akawaambia, Nimeota ndoto, na roho yangu imefadhaika hata niijue tafsiri yake.”

Daniel 5:4-9. “Wakanywa divai, wakaisifu miungu ya dhahabu, na ya fedha, na ya shaba, na ya chuma, na ya mti, na ya mawe. Saa iyo hiyo vikatokea vidole vya mkono wa mwanadamu, vikaandika katika chokaa ya ukuta wa nyumba ya enzi ya mfalme, mahali palipokikabili kinara; naye mfalme akakiona kitanga cha ule mkono ulioandika. Ndipo uso wa mfalme ukambadilika; fikira zake zikamfadhaisha; viungo vya viuno vyake vikalegea; magoti yake yakagongana. Mfalme akalia kwa sauti kubwa, akaamuru waletwe wachawi, na Wakaldayo na wanajimu. Mfalme akanena, akawaambia wenye hekima wa Babeli, mtu awaye yote atakayesoma maandiko haya, na kunionyesha tafsiri yake, atavikwa mavazi ya rangi ya zambarau, na kuwa na mkufu wa dhahabu shingoni mwake, naye atakuwa mtu wa tatu katika ufalme. Basi wakaingia wenye hekima wote wa mfalme; lakini hawakuweza kuyasoma yale maandiko, wala kumjulisha mfalme tafsiri yake. Ndipo mfalme Belshaza akahangaika sana, uso wake ukambadilika, na wakuu wake wakaona fadhaa.”

Kwa hiyo ilikuwa kawaida ya wafalme wa zamani walipopata changamoto za aina mbalimbali katika falme zao kuwaita wenye hekima (Wiseman) ili waweze kutatua changamoto mbalimbali walizokuwa wanakutana nazo hawa ndio waliitwa MAGI au Mamajusi au wenye hekima, kwa kusudi la kutatua changamoto zao

Tukio linalofanana na hayo hapo juu lilitokea mapema zaidi ya miaka 1000 kabla ya kuzaliwa kwa Yesu, wakati wana wa Israel walipokuwa wakitokea Misri na kuwapiga wafalme wa waamori, mfalme wa Moabu aliogopa sana na hivyo alimuita mchawi aliyeitwa Balaam ili aje kuwaroga au kuwalaani Israel wasiweze kumdhuru

Hesabu 22:1-6 “Kisha wana wa Israeli wakasafiri na kupanga katika nchi tambarare za Moabu ng'ambo ya pili ya Yordani karibu ya Yeriko. Na Balaki mwana wa Sipori akaona mambo yote ambayo Israeli wamewatendea Waamori. Moabu akawaogopa hao watu sana, kwa kuwa walikuwa wengi; Moabu akafadhaika kwa sababu ya wana wa Israeli. Moabu akawaambia wazee wa Midiani, Sasa jeshi hili la watu litaramba vitu vyote vinavyotuzunguka, kama vile ng'ombe arambavyo majani ya mashamba. Na Balaki, mwana wa Sipori, alikuwa mfalme wa Moabu zamani zile. Basi akatuma wajumbe kwa Balaamu mwana wa Beori, hata Pethori, ulio kando ya Mto, mpaka nchi ya wana wa watu wake, kwenda kumwita, akisema, Tazama, kuna watu waliotoka Misri; tazama, wanaufunika uso wa nchi, tena wanakaa kunikabili mimi. Basi, njoo wewe, nakusihi unilaanie watu hawa; maana wana nguvu kunishinda mimi. Labda nitawaweza, tupate kuwapiga, niwafukuze watoke katika nchi yangu, kwa maana najua ya kuwa yeye umbarikiye hubarikiwa, na yeye umlaaniye hulaaniwa.”

Hata hivyo katika namna ya kushangaza Nabii huyu badala ya kuwalaani Israel yeye aliwabariki sawa na jinsi Mungu alivyomuamuru, Ujumbe wa Mungu kwa Balaki kupitia Balaamu ulikuwa na maonyo makubwa sana badala ya kulaani aliamuriwa kuibariki Israel na kutoa unabii kuwa atakuja mfalme mwenye nguvu sana na Mfalme huyo atawahukumu maadui wa Israel mfalme huyo mkuu ilionekana nyota yake alisema namwona lakini si sasa Namtazama lakini si karibu Nyota itatokea Katika Israel:-  

Hesabu 24:15-19 “Akatunga mithali yake akasema, Balaamu mwana wa Beori asema, Yule mtu aliyefumbwa macho asema, Asema, yeye asikiaye maneno ya Mungu, Na kuyajua maarifa yake Aliye Juu. Yeye aonaye maono ya Mwenyezi, Akianguka kifudifudi, amefumbuliwa macho, Namwona, lakini si sasa; Namtazama, lakini si karibu; Nyota itatokea katika Yakobo Na fimbo ya enzi itainuka katika Israeli; Nayo itazipiga-piga pembe za Moabu, Na kuwavunja-vunja wana wote wa ghasia. Na Edomu itakuwa milki Seiri pia itakuwa milki, waliokuwa adui zake; Israeli watakapotenda kwa ushujaa. Mwenye kutawala atakuja toka Yakobo, Atawaangamiza watakaobaki mjini.”

Unabii huo kimsingi ulikuwa unamuhusu Daudi katika mawazo finyu na unamuhusu Yesu Kristo katika mawazo mapana, (in a narrow sense, Daivid, in a broad Sense Jesus)  Huenda unabii huu ulihifadhiwa na wanajimu wa ukaldayo, ama ulisomwa nao katika vitabu vya kale, ama walisoma kitabu cha Daniel na kuwa na ufahamu wa Muda kamili wa kuja kwa mfalme huyu mkuu sana wa wayahudi

Daniel 9:24-25 “Muda wa majuma sabini umeamriwa juu ya watu wako, na juu ya mji wako mtakatifu, ili kukomesha makosa, na kuishiliza dhambi, na kufanya upatanisho kwa ajili ya uovu, na kuleta haki ya milele, na kutia muhuri maono na unabii, na kumtia mafuta yeye aliye mtakatifu. Basi ujue na kufahamu, ya kuwa tangu kuwekwa amri ya kutengeneza na kuujenga upya Yerusalemu hata zamani zake MASIHI ALIYE MKUU; kutakuwa na majuma saba; na katika majuma sitini na mawili utajengwa tena pamoja na njia kuu zake na handaki, naam, katika nyakati za taabu.”                

Na au mara katika sayansi yao ya unajimu walipoiona nyota  ambao kwa kusema kweli walikuwa na uelewa wa moja kwa moja kuwa kiongozi huyo ni Mfalme mkuu wa ulimwengu mzima na anayepaswa kuabudiwa,

Katika kundi la wenye Hekima kulikuwa na wanajimu ambao nao walikuwa wakifanya kazi katika jumba la kifalme kazi yao kubwa ni kuwa waliamini katika mwendo wa nyota na walikuwa na uwezo wa kutambua kila jambo muhimu linalotokea duniani kupitia nyota, kwa hiyo ilikuwa ni kazi yao kutoa taarifa kwa mfalme endapo kuna jambo lolote Muhimu limetokea Duniani, waliamini kuwa mwenendo wa nyota unaashiria tukio Fulani duniani kwa hiyo ilikuwa ni kazi yao kuzisoma na kuzichunguza angani wakati wa usiku ili kutambua jambo muhimu linalotokea duniani na wakisha kugundua walimpa taarifa mfalme kuhusu taarifa walizozibaini.

Katika tukio hili wenye hekima hawa waliongozwa na nyota hii ambayo ilikuwa ikimwakilisha masihi ni kwaajili ya hayo sasa unaweza kuona Mathayo analichukua tukio la ujio wa mamajusi kama mojawapo ya tukio la kimuujiza linalomuonyesha Yesu kuwa ni Mfalme wa wayahudi na ni mfalme wa ulimwengu na kuwa amekuja kwaajili ya watu wote,

Mathayo 2:1-2 “Yesu alipozaliwa katika Bethlehemu ya Uyahudi zamani za mfalme Herode, tazama, mamajusi wa mashariki walifika Yerusalemu, wakisema, Yuko wapi yeye aliyezaliwa mfalme wa Wayahudi? Kwa maana tuliiona nyota yake mashariki, nasi tumekuja kumsujudia.”

Mamajusi walikuwa na utambuzi kupitia nyota waliyoiona kuwa ilikuwa inaashiria kwamba amezaliwa Mfalme na kiongozi mkuu sana swa na unabii wa Kiyahudi, baadaye Nyota hiyo iliwaongoza mpaka Bethelehemu mahali ambapo kweli walimkuta Mtoto huyo ambaye ni Bwana wetu Yesu Kristo, walijawa na furaha kubwa sana na walimuabudu na kutoa sadaka yao

Mathayo 2:8-12. “Akawapeleka Bethlehemu, akasema, Shikeni njia, mkaulize sana mambo ya mtoto; na mkiisha kumwona, nileteeni habari, ili mimi nami niende nimsujudie. Nao waliposikia maneno ya mfalme, walishika njia; na tazama, ile nyota waliyoiona mashariki ikawatangulia, hata ikaenda ikasimama juu ya mahali alipokuwapo mtoto. Nao walipoiona ile nyota, walifurahi furaha kubwa mno. Wakaingia nyumbani, wakamwona mtoto pamoja na Mariamu mamaye, wakaanguka wakamsujudia; nao walipokwisha kufungua hazina zao, wakamtolea tunu; dhahabu na uvumba na manemane. Nao wakiisha kuonywa na Mungu katika ndoto wasimrudie Herode, wakaenda zao kwao kwa njia nyingine.”

Kinyume na furaha waliyokuwanayo mamajusi Mfalme Herode yeye hakuwa na furaha, badala yake aliwaita mamajusi na kutaka kujua muda sahihi tangu walipoiona ile nyota akidai kwamba ili na yeye aweze kwenda kumshujudia, hata hivyo akiwa na nia ovu na mpango wa siri wa kumuua mtoto Yesu

Mathayo 2:3-8 “Basi mfalme Herode aliposikia hayo, alifadhaika, na Yerusalemu pia pamoja naye. Akakusanya wakuu wa makuhani wote na waandishi wa watu, akatafuta habari kwao, Kristo azaliwa wapi? Nao wakamwambia, Katika Bethlehemu ya Uyahudi; kwa maana ndivyo ilivyoandikwa na nabii, Nawe Bethlehemu, katika nchi ya Yuda, Hu mdogo kamwe katika majumbe wa Yuda; Kwa kuwa kwako atatoka mtawala Atakayewachunga watu wangu Israeli. Kisha Herode akawaita wale mamajusi faraghani, akapata kwao hakika ya muda tangu ilipoonekana ile nyota. Akawapeleka Bethlehemu, akasema, Shikeni njia, mkaulize sana mambo ya mtoto; na mkiisha kumwona, nileteeni habari, ili mimi nami niende nimsujudie”

Ashukuriwe Mungu kwa sababu alifahamu nia ya Herode na hivyo Mungu alisema na mamajusi na kuwaonya kutokurudi Yerusalem na kumpa taarifa mfalme kwani alikuwa na nia ovu,

Mathayo 2:1-13 “Nao wakiisha kuonywa na Mungu katika ndoto wasimrudie Herode, wakaenda zao kwao kwa njia nyingine. Na hao walipokwisha kwenda zao, tazama, malaika wa Bwana alimtokea Yusufu katika ndoto, akasema, Ondoka, umchukue mtoto na mama yake, ukimbilie Misri, ukae huko hata nikuambie; kwa maana Herode anataka kumtafuta mtoto amwangamize.”

Tukio hili linatufundisha ya kuwa Mungu ni mwenye nguvu kubwa sana na ndiye anayeutawala ulimwengu na vyote vilivyomo, yeye hufanya kazi katika mazingitra yoyote kutokezesha kile ambacho yeye anakitaka, anaweza kufanya chochote kwa kawaida au kwa njia ya muujiza, anaweza kuingilia kati lolote kwa yoyote kwa jinsi yoyote, Mungu yuko nyuma ya kila tukio linalotokea Duniani, Hakuna sababu ya kulaumu chochote wala kujisumbua kwa lolote linalotutokea Duniani wala hatupaswi kumuhoji Mungu kwanini hili linatokea, Mungu anajua kila kitu ana nguvu ya kutumia mazingira na ana nguvu ya kuwatumia watu wote, anauwezo wa kuzungumza hata na wanajimu, na wachawi na waganga na wenye hekima na hakuna mtu wa kukutikisa wala kubadilisha makusudi na mpango wa Mungu katika maisha yako na yangu!

Herode ambaye ni adui mkubwa wa Yesu Kristo aliweza kutambua kuwa Yesu ni nani na alimuogopa, alifahamu kuwa Yesu ndiye mtawala wa ulimwengu na ni mfalme mwenye nguvu na kuwa kila kitu katika maisha yake kinatakiwa kubadilika na hivyo alikusudia kumuua.

Dunia haiwezi kuvumilia kujua na kuona nyota yako iking’ara, hawawezi kufurahia mafanikio yako, unapoona unapigwa vita kubwa maana yake umebeba kusudi kubwa, vita kubwa kazi kubwa, mtu mkubwa majaribu makubwa, mtu mgumu majaribu magumu lakini yote katika yote Mungu anachukua utawala anamiliki kila jambo, Mungu ndiye mratibu wa kila jambo kwenye maisha yetu na hivyo hatupaswi kuogopa, kama alivyo mtetea mwanaye atatutetea na sisi, kama alivyomficha mwanae kule Misri atakuficha na wewe hata watakapoangamia wote wanaoitafuta roho yako, unapokaribia kuiadhimisha siku njema ya Christmas na kuadhimisha kuzaliwa kwake kumbuka yeye ni mtetezi wetu aliye hai na atakwenda kukutetea ni wakati wa nyota yako kung’aa na hakuna wa kukuzuia uwe na wakati mzuri na mkesha mzuri wa kuadhimisha kuzaliwa kwa Kirsto katika jina la Yesu Kristo ameen!

Zaburi 46:1-3 “Mungu kwetu sisi ni kimbilio na nguvu, Msaada utakaoonekana tele wakati wa mateso. Kwa hiyo hatutaogopa ijapobadilika nchi, Ijapotetemeka milima moyoni mwa bahari. Maji yake yajapovuma na kuumuka, Ijapopepesuka milima kwa kiburi chake.”

Rev. Innocent Samuel Kamote

Mkuu wa Wajenzi mwenye Hekima!