SOMO: Kwa Nini Wakristo Tunavaa Viatu Wakati Wa Ibada?

Nachukua nafasi hii kwa unyenyekevu mkubwa kujibu swali kwa nini wakristo tunavaa viatu wakati wa Ibada? Hili ni swali muhimu sana kwa vile linaulizwa na wakristo na waislamu hivyo nitalijibu kwa faida ya jamii nzima, lakini naomba kutoa angalizo, kuwa mada hii isitumike kwa kusudi la kukashifiana au kutukanana kwa vile nimeingia huku kwa kuwa nataka kujibu swala na sio kwa makusudi ya kuamsha mabishano ya Kidini Mimi ni mjenzi wa jamii na sio mmbomoaji ni mwalimu wa falsafa na nafundisha imani zote kwa makusudi mema ya kujenga na sio ya kubomoa
Ndugu zetu waislamu huwa wana huwa wanatulaumu kuwa huwa hatumueshimu Mungu kwa vile tunavaa viatu wakati wa ibada tofauti na wao ambao huvua viatu hasa pale wanapoingia Msikitini, waislamu hudai hayo kwa kunukuu Biblia (Kutoka 3;3-6 na Yoshua 5;13-15).vifungu ambavyo huonyesha Musa na Yoshua wakiambiwa wavue viatu. Kutoka 3: 3-6 Inasema …

3. Musa akasema, Nitageuka sasa, niyaone maono haya makubwa, na sababu kijiti hiki hakiteketei. 4. BWANA alipoona ya kuwa amegeuka ili atazame, Mungu akamwita kutoka katikati ya kile kijiti, akasema, Musa! Musa! Akasema, Mimi hapa. 5. Naye akasema, Usikaribie hapa; vua viatu vyako miguuni mwako; maana mahali hapo unaposimama ni nchi takatifu…..”
Kwa ufupi ni kuwa hakuna aya yoyote katika quran ambayo inaunga mkono swala zima la kuvua viatu wakati wa kuswali, zaidi ya aya hizi mbili zinazopatikana katika Biblia yaani upande wa agano la kale, waisalamu wanaovua viatu wamepata mila hii kutoka katika Biblia kwa vile Historia inaonyesha kuwa hata waislamu walioishi kipindi cha Muhamad na muhamad mwenyewe waliswali wakiwa na viatu. Na hakuna agizo lolote kutoka katika Quran linaloagiza kuvaa viatu!

Ni muhimu kufahamu kuwa kwa waislamu wanaoifahamu quran, quran haiingilii maswala ya ibada za watu wengine kila umma umejaaliwa kawaida ya ibada wanayoishika soma (Surat al-Hajj-I 22; 67) kwa mujibu wa Pamfleti moja ya huduma ya biblia ni jibu Tanzania imenukuu kitabu kimoja kiitwacho Uislamu katika Biblia uk.20-21 kuna maneno yasemayo.

“Waislam wanapoingia pahala popote patakatifu kama vile msikitini huvua viatu, kinyume na wakristo…”Mwandishi wa pamfelti hilo anadai waislamu ni lazima wajiulize kuwa Musa alipoambiwa avue viatu maana pale alipokuwepo ni mahali patakatifu je mahali pale palikuwa mahali pa ibada kama msikiti? Kama mahali pale palikuwa patakatifu kwa kuwa Mungu alikuwepo pale je ni lini huyo Mungu amehamia msikitini? Mungu yuko mahali kote je Musa alipoambiwa avue viatu aliviweka upande gani ambapo Mungu hayupo?na kama Musa alivishika mkononi je havikuwa najisi kwake? Biblia inatufundisha kuwa utukufu wa Mungu umeijaa dunia nzima (Isaya 6;3) ni muhimu kufahamu kuwa Mungu hakuwa na maana inayodhaniwa na waislamu bali alikuwa anawataka watu hao Musa na Yoshua kuwa wanyenyekevu,watii,wenyekujishusha,wenye hofu ya Mungu Viatu pia ilikuwa iashara ya kuwa na mamlaka lakini mamlaka tuliyo nayo kwa Mungu si kitu, si kila kinachotamkwa katika Biblia ufasiriwa kama mtu apendavyo kwa mfano Mungu asemapo “Tahirini govi za mioyo yenu”(kumbu 10;16). Je, Mungu humaanisha moyo utahiriwe? Je moyo unaonekana?, Una govi? Itamfaa nini mtu kuvua viatu wakati wa ibada huku moyoni ni mchafu ?

Ni muhimu kufahamu kuwa waislamu wanapovua viatu hawamfuati Muhamad ambaye yeye ni Ruwaza nzuri sawa na (surat Al-ahzab 33;1). Muhamad mwenyewe anasema “Alaa Yuminu ahadukum hattaa Yakuna Hawaahu Tab’an lima jitubihi” yaani haamini yeyote (katika ninyi waislamu)hata matamanio yake yawe yenye kufuata kile nilichokuja nacho(yaani kuvaa viatu ibadani). Kwanini kwa sababu Muhamad mwenyewe alivaa viatu ibadani, angalia uthibitisho;-.

• Muhamad alikuwa anaswali, huku amevaa viatu, Al-Mughira alijaribu kumkumbusha Muhamad hasa alipomuona anatawadha juu ya viatu na kuingia navyo msikitini Mughira akasema “Yaa Rasuwlala-hi Nasiyta”, (yaani ewe Mtume wa Allah Umesahau) Muhamad akajibu “Anta Nasityta Liannahuhadha Huwaamaratani rrabbu” (Yaani wewe ndiwe uliyesahau kwa maana hivi ndivyo alivyoniamuru Mungu) soma Miskat-al-Masabih,sura ya 10 sehemu ya III,Kitab-al-Wadhu) Kama Muhamad aliamuriwa asali na viatu je waislamu wametoa wapi swala la kuvua?

• Muhamad anaonekana tena akiswali na viatu katika (sahih-al-Muslim,I,hadith 555) hapa Saad bin Yazid (abu Maslama)alipokuwa anamuuliza Anas bin Maliki “Akana Rasula llaah (SAW) Yaswullay fiy l-Na’alay-hi?qala na’am” yaani Mtume wa Allah huswali huku amevaa viatu vyake? Anasi akajibu “Ndiyo”

• Sehemu nyinginezo nyingi ambazo Muhamad anaonekana akiswali na viatu na tena si kosa kufanya hivyo ni pale alipotawadha juu ya viatu na kuingia navyo msikitini na kuswalisha (Muwata-Imam malik sura ya 16-hadithi 69) pia soma sahih al-Bukhari I,hadith 388.,Sahih-al-Muslim I,hadith 1129,1130,nk).Pia Mishkat-a;-Masabihi vol ii hadith 766,Sunnan Abuu Dawud – Juzuu ya 1-uk,36-40 (Tafasiri ya Profesa Ahmad Hassan)nk. Katika kitabu hicho Abuu Said amemkariri Muhamad akisema baada ya kuulizwa swali.

“Mtu akifika msikitini na huku amevaa viatu vyake afanye nini?” kwa kiarabu “Idhaa jaa-a ahadukum lmasijid,Fal-yaqalab na’alayhifal-Yandwur fiy-himaa” Fiq-us-sunnah juzuu 1 uk 32,na muhamad akajibu
“Fa idhaa raa Khabathan,Fal-ya Masahu bii l-ardhhwi,Thumma liyu swalla fiy-himaa” yaani amesema mtume “Kama mmoja wenu amekuja msikitini, basi ageuze miguu yake kuona chini ya soli.akikuta kuna uchafu katika soli basi avifute katika ardhi (yaani aviburuze chini)Kisha aingie msikitini aswali navyo”
Ukweli ni kuwa kwa matendo yetu ya nje hatuwezi kumpendeza Mungu ambaye ni mtakatifu sana (Ebrania 12;14) haki ya mtu mbele ya Mungu inapatikana kwa imani tu (Galatia 3;11)
Waislamu ni lazima Wajifunze kutoka kwetu.

Quran 6;90. “Hao ndio ambao Mwenyezi Mungu amewaongoza basi Fuata Uongozi wao”. Allah amewaamuru waislamu na Muhamad afuate uongozi ulio ndani ya injili kwa kuwa humo mna uongozi kwa wacha Mngu wote (quran 5;46), Waislamu ni lazima waisome Biblia kwa umakini na kujifunzaa yaliyomo humu ili siku ya hukumu wasiseme walikuwa hawana Habari ya yale yanayosomwa na Wayahudi na Wakristo (Soma Quran 6;156 soma ufafanuzi yaani Torati na injili).hakuna Mwislamu yeyote mwenye haki ya kumpinga Kristo kwani quran imeelekeza kufata uongozi humo ni lazima tuchukuwe nafasi hii kuwakumbusha waislamu kuwa atakaekuja kuuhukumu ulimwengu wote ni Yesu Kristo kwani ndiye aliyepewa Idhini hiyo hivyo kupingana na Mafundisho yake ni sawa na kubishana na Jaji (Quran 43;61-62, 78;38, Matendo 17;31).Muhamad mwenyewe aliwaonya waislamu na kuwakemea Kuwa mtakuwa katika hali gani(waislamu)atakapoteremka mwana wa Maryam na kuwa Mtawala au kiongozi Miongoni Mwenu?(sahih-al-Muslim IV,Kitab-al-Swifat-hadith 72 uk.2169)
Jambo la mwisho ni kuwa kila mtu na amuabudu Mungu wake vile anavyojisikia Mungu ni Baba wa wote na ana watoto tofauti wa tamaduni tofauti na aliyafanya yote kwa utukufu wake, yeye anapendezwa na kila mtoto wake anavyomuabudu kama alivyo hatupaswi kuhukumiana nani ana ibada sahii kuliko mwingine ibada sahii ni Mungu kuukubali moyo wako kama alivyokubali wa Habil na kukataa wa Kaini ingawa wote walikuwa wakiabudu ni wazi kuwa ibada ni mkao wa moyo na sio mtindo gani unautumia katika kuabudu

Ninapotaka kuzungumzia swala la uwasilishaji ibada nataka nikuonyeshe kwanza stori ya mtumishi mmoja wa Mungu ambaye alikuwa anasheherekea siku yake ya kuzaliwa yaan Birthday mtumishi huyu alikuwa na watoto wanne wote walikuja kumpongeza baba yao na kumpa zawadi wa kwanza ambaye alikuwa na miaka 26 wa kike, alimpa zawadi ya Fedha baba yake kwa ajili ya kutembea kokote atakako kisha akambusu baba yake na kumwangalia kwa upendo, wa pili ambaye alikuwa na miaka 23 wa kike Yeye alichora picha nzuri sana na alimkabidhi baba yake kisha akambusu na kumkumbatia na kumnong’oneza kwa sauti ndogo nakupenda baba, kisha mtoto wa tatu mwenye miaka 21 wa kiume yeye alileta shati zuri kisha akamvalisha baba yake mabegani na kumwambia wewe ni baba wa pekee duniani na wa mwisho mwenye miaka 16 wa kiume alimpa baba yake saa aliyokuwa amenunua safarini na kisha akamwambia Baba yake najivunia kuwa na baba kama wewe bila shaka utaipenda zawadi hii. Unajifunza nini katika mfano huu? Kila mtoto anayo namna yake ya kuonyesha upendo na shukurani kwa baba yake na kama ambavyo kila zawadi ilikuwa tofauti hali kadhalika namna walivyoonyesha upendo na maneno waliyoyatoa yalikuwa tofauti je unafikiri kuna aliyempendeza baba yake zaidi kuliko mwingine? Bila shaka hapana wote walimpendeza hivyo ndivyo Mungu anavyopendezwa na kila mtu anayeonyesha upendo wake kwake na kwa msingi huo basi ni muhimu kufahamu kuwa kila ibada kama imeelekezwa kwa Mungu katika hali ya kumpenda basi hata kama ni tofauti na ile uliyoizoea Mungu anapendezwa nayo Hata hivyo Kibiblia Lazima kila Ibada Ipitie kwa Yesu Kristo tu
Maana Msingi mwingine hakuna mtu anayeweza kuuweka, isipokuwa uliokwisha kuwekwa yaani Yesu Kristo. Wako mkuu wa wajenzi mwenye Hekima Rev. Innocent Mkombozi Innocent Kamote

Ujumbe: Tatizo La Yule Mwana Mkubwa!

Katika Luka 15: 11- 24,25-32.

KWA NINI YESU ALIFUNDISHA KWA MIFANO.

Ziko sababu kadhaa zilizopelekea Yesu kufundisha kwa mifano hii ni njia nzuri na kubwa aliyoitumia Mungu na Manabii na pia marabi lakini kwa Yesu kulikuwa na sababu kadhaa zilizopelekea kunena kwa mifano

1.       Alitumia mifano ili kukwepa mitego ya watu waliomwendea ili kumnasa kwa Maneno Marko 12;1-12.

2.       Alimtumia mifano ili kutofautisha watu walioitafuta kweli na waliofuata miujiza na mikate na pia kama hukumu kwa watu wenye mioyo migumu, Mathayo 13;10-17

3.       Alitumia mifano ili kukwepa au kuufikisha ukweli kwa waalimu wa torati waliofuatilia mafundisho yake (Mfano wanafunzi wa vyuo vya Biblia)

4.       Kupunguza ukali wa ujumbe ili kukwepa kupigwa mawe au kuuawa kabla ya wakati 2Samuel 12;1-6. Mungu huwapa Hekima Manabii wake namna ya kupeleka jumbe bila kupata madhara

5.       Kusaidia watu kuelewa kwa urahisi habari za ufalme wa Mungu

KANUNI YA KUTAFASIRI MIFANO

  Ni muhimu kufahamu kuwa mifano ya kibiblia hubeba maana moja tu na ambayo ndio kweli ya kiroho kwa hivyo ni marufuku kufasiri mstari mmoja mmoja ulio na mfano na kufafanua kwa maana za kiroho hii sio kanuni ya kutafasiri mifano na kwa kufanya hivyo huwezi kupata kweli iliyokusudiwa unapaswa kusoma mfano mzima na kuangalia unabeba nini Principle of Contents kisha uweze kuelezea kile kinachosemwa mfano Kwa mfano wa Msamaria Yesu alikuwa akifundisha Jirani wa kweli ni yupi.

Baba wa Mwenye Upendo akikimbia kumpokea mwanae aliyepotea kwa Furaha kwa vile amerudi Nyumbani

 TATIZO LA MWANA MKUBWA.

Tunaona hasara za mwana mpotevu jinsi alivyofanya mambo mabaya ya kusikitisha na jinsi alivyokosa amani na kurudi kwa Baba yake, na jinsi Baba yake alivyompokea lakini kwa namna ya kushangaza Yule mwana  mkubwa alipokea mambo kwa mtazamo wa tofauti.

Jinsi Mwana huyu mkubwa alivyopokea inatufundisha mambo ya msingi yafuatayo (Luka 15: 25- 32)

I.  ALIKUWA NI MTU WA KUJIHESABIA HAKI ( 29-30)

Huyu mwana  mkubwa alikuwa na tatizo kubwa sana lililohitaji msaada wa Mungu, Alikasirika alisusia, na alijiona kuwa ni mwema kuliko ndugu yake na kuwa yeye pekee ndiye mwenye haki ya kufanyiwa sherehe kuliko mwingine na  kuhukumu, hii ni tabia ya  Kifarisayo ambayo Mungu anapiga vita, ( Luka 18: 9- 14) Utoaji na  Baraka za  Mungu haziko katika wema au ubaya wa mtu ( Math 5: 45) Baraka za Mungu ziko kama  Mungu anavyoamua kwa yeye anayetaka kumrehemu  humrejeza ( Warumi 9: 11-16) Mungu angekuwaanabariki kwa matendo ya haki basi Yakobo  hangebarikiwa  kwani alikuwa mwenye  hila na muongo, lakini alibarikiwa kwa rehema za Mungu tu. Ni ukarimu na rehema za Yule baba aliamua afanye hivyo kwa mwana mpotevu ndugu mkubwa – Alijifanya ni  mtii zaidi kwa babaye, Alimhukumu nduguye.

II.  ALIKUWA HANA UPENDO BALI  CHUKI.(28- 30)

Mwana mkubwa alikuwa na tatizo la ubinafsi na chuki, mafundisho ya kristo  kupita  mitume  wake  yanpingana sana na tabia ya chuki yakitaka  tuwe na upendo,  watoto halisi  wa  Mungu wanajulikana kwa tabia ya upendo kwa wanzao.

(1 Yohana 3: 10- 12, 4: 20)

III.  ALIKUWA MTU WA KUTAFUTA MAKOSA (25- 38)

Huyu ndugu mkubwa anaonekana kuwa na tabia ya  mafarisayo, tabia ya kuhukumu au kuona kosa la Mwingine hii nayo ni tabia ambayo Yesu alikemea hadharani. (Luka 6: 41-42) Ndugu yake mkubwa alipaswa kwanza kushughulikia tatizo lake la ndani kabla ya kutoa shutuma na lawama  kwa mwenzie, yeye alihukumu na aliona kuwa hata baba yake  wa mbinguni ana  kosa.

IV. HAKURIDHIKA; ALIKUWA NA CHOYO NA ALIKOSA FURAHA. ( 31-32)

Mwana huyu mkubwa alikuwa na vyote, na  katika uaminifu wake ; angeweza kufanya karamu aifanyayo na rafiki zake na hangezuiwa, kwa kweli hakuridhika na  alihukumu  huruma ya baba yake kwa wengine, dhidi ya yote alikuwa na  choyo na  alitaka yeye awe yeye tu, choyo ilimkosesha  furaha,  babae alimtaka afurahi tu, Mungu anapobariki anataka tufurahi anapobariki wengine pia.

Mifano ya Yesu pia ilikuwa inatoa mwanga namna Mungu atakavyo hukumu kwa haki wale wanaojikinai na kufikiri kuwa ni wema na wamestahili kuliko wengine watakataliwa katika Ufalme wa Mungu uwe mwangalifu

Somo Na Mkuu wa Wajenzi Mwenye Hekima

Rev. Innocent Kamote

Nikadebwela Lifti kwa Saa Tatu!

Sitaki kutaja jina langu ingawa sio vibaya kufanya hivyo, Mimi ni kijana wa miaka 33 hivi Nilikuja Dar es Salaam kutoka Rufiji mwaka 1999 wakati huo nikiwa na miaka 27, kwa hiyo naweza kusema kwamba siifahamu Dar es Salaam vizuri, hata hivyo kutokufahamu Dar haina maana ya kutokufahamu mambo mengine ya kawaida ambayo kwa dunia ya sasa mtu anayeishi mjini kuyajua ni jambo muhimu, lakini pia la kawaida

Siku ninayotaka kuizungumzia ni Machi mwaka 2001 siku hiyo mjomba wangu ambaye ndiye aliyenilea  aliniita na kunituma , aliniambia niende mjini kwa jamaa yake mmoja nimpelekee fomu zake Fulani, huyo jamaa azishughulikie, alinielekeza ofisi za huyo jamaa zilipo, mjomba alinipa maagizo na kumtaja  huyo rafiki yake  ambaye nikimtaja pengine hata wewe utamfahamu ukifika pale’Panda lifti ghorofa  ya kumi ulizia ..’, Nilimkubalia na kuondoka ,nataka nikuambie jambo moja ni kwamba tangu kuja kwangu Dar nilikuwa nimepita majengo kadhaa wa kadhaa na kuona lifti Nasema kuona, basi nilipojua ni ghorofa ya kumi nilisema iko kazi, nilijiambia kuwa badala ya lifti ningetumia ngazi tu, Nilipofika kwenye jingo lenyewe ambalo lilikuwa bado jipya kabisa  wakati huo ilikuwa 2001 nilikwama baada ya kugundua kuwa hata njia ya kupandia ngazi kwa miguu sikuweza kuiona, Niliona aibu kuuliza kwa hofu ya kuonekana mshamba, Basi ilibidi nijiunge na watu wengine waliokuwa wakisubiri lifti na kupanda, sikuwa najua kuwa , nilifikiri labda kungekuwa na dereva na kondakta au mtu Fulani aliyeniendesha.

Nilioona watu wanadandia name nikadandia, niliona watu wanaboinyeza kitu Fulani kasha taa inawaka, Nilijinyamazia, na kiroho kilianza kunidunda, Lifti ikapanda watu wana shuka na kuingia, mwisho watu wote wakashuka na wakapanda wengine , nilihisi kama lifti ilikuwa inashuka lakini sikuwa na uhakika nilienda nayo huku nikijaribu kujiuliza maswal, Niliona watu waliopanda wakishuka tena na wengine wapya waliingia na lifti ikaondoka kuelekea  huko inakoelekea , Mimi nilibana tu,nilikuwa naangalia watu wanavyobonyeza lakini sikuwa na uhakika ni kitu gani hasa kinachofanyika , Nilitembea na hiyo lifti mpaka nikahisi  kama vile ninjaumwa  maradhi ya moyo au kitu kingine kibaya zaidi Nilikwenda na kurudi kwenda na kurudi  tangu kwenye saa tano na nilikuwa na uhakika kuwa imefika saa nane.

Lifti ni chombo kigeni sana katika miji mingi ya Tanzania pichani Lifti ya kwanza kuzinguliwa mjini Mbeya

Nikiwa nimefikia hatua ambayo sasa siwezi kuendelea kuwa bwege yaani kutaka kuuliza, Bwana mmoja mwenye mavazi ya kaki na bluu aliniuliza vipi hufiki unakokwenda? Tangu asubuhi uko ndani ya lifti, abiria wa lifti walivunja shingo zao kunitazama kama unavyojua watanzania masikio yako juujuu kama sungura kutaka kusikiliza ya watu, Nilibabaika lakini nilijikaza na kusema naenda ghorofa ya kumi lakini sipajui…” Yule jamaa ambaye kumbe alikuwa ni mesenja kwenye moja ya ofisi kwenye jingo lile alicheka na kusema ndio maana tangu saa tano hivi nakuona umo humu, naenda narudi nakuona mzee umo humu, nikadhani unataka kubwedela...” Abiria waliangua kicheko

Nilitazama chini hasa kwa kuzingatia kwamba kulikuwa na mademu wengi wakati huo mle kwenye lifti, Yule mesenja alikuwa kama amepata pa kuonyesha ujuaji wake ‘Ona ukitaka kwenda ghorofa ya kumi unabonyeza hapa..’ Halafu aliendelea kunifundisha mambo mengine ya lifti ni tuisheni ya bure lakini!

Nilishuka ghorofa ya kumi na kuulizia ofisi za Yule jamaa, Nilikuwa nahisi kizunguzugu mtindo mmoja, Niliambiwa huyo jamaa yake mjomba alikuwa ametoka Ilibidi nimsubiri hadi kwenye saa kumi aliporejea, Nilimkabidhi fomu na aliponiuliza sababu ya kuchelewa nilimwambia nilikuwa nimepotea jengo, unadhani wakati narudi nilipanda tena lifti? Kama unadhani hivyo shauri yako unadhani mbumbumbu niko peke yangu tuko chungu nzima 

Mkuu wa wajenzi mwenye Hekima

Rev. Innocent Kamote.

ikamote@yahoo.com

0718990796

0784394550

Nikajifunika Kusubiri Uroda!

Septemba 2003 nilikwenda kumsalimia mjomba wangu mjini Dodoma, Hii ilikuwa ni mara yangu ya kwanza kufika Dodoma, Wakati huu nilikuwa nimemaliza kidato cha sita na nilikuwa nasubiri matokeo hali ya hewa ya Dodoma wakati huo ni mchanganyiko joto wakati wa mchana na Baridi kali wakati wa usiku.

Huyu mjomba wangu alikuwa mtu wa kinywaji sana na wanawake kwa sana, Lakini kwa sababu alikuwa anatengeneza hela za kutosha sisi wapwa wake tulimpenda sana tu,kwani haja yetu kubwa ahikuwa umjomba bali mshiko kutoka kwake, Nakumbuka nilipofika pale kwake mkewe yaani shangazi yangu alikuwa amesafiri kwenda  kwenye msiba kwao Tabora, Hapo nyumbani kwa hali hiyo alikuwepo mjomba na wanawe wane wa kike, hawa watoto wa mjomba walikuwa wakubwa  mmoja alikuwa kidato cha tano, wa pili cha nne, watatu kidato cha kwanza na wanne  darasa la sita.

Kama unavyojua watoto wa kike wanajisikia vizuri kuwa na kaka kwa hivyo nilipofika pale binamu zangu walifurahi sana na wakawa wanapenda sana kunipa good time. Nilikuwa naelewana sana nayule wa kidato cha nne kuliko wale wengine, kumbe huyu binamu nwangu alikuwa na buzi lake, ambalo lilikuwa linamsumbua sana, na mjomba na shangazi walisha litangazia hali ya hatari hilo libuzi lake, sikuwa najua jambo lile na hakuna ambaye angenijulisha kwani hakuna ahatujawahi hata mara moja kuzungumzia  maswala ya mapenzi.

Basi nakumbuka siku hiyo niko nyumbani jioni, nikamwona huyo mwizi akiingia chumbani mwa Yule binamu yangu mpendwa, alikaa huko kwa muda kabla hajatoka. Alipotoka name nikajitoma ndani nikakuta binamu yangu anavaa, kwa sababu ya balehe labda nilimwambia binamu yangu kama unataka nisiseme na mimi naomba maana nimeona kila kitu, Binamu yangu Yule aliniomba sana nisifanya hivyo, Tunasoma wote wala hatukuwa tunafanya jambo baya alisema kwa kujitetea, Niliomwambia unataka hutaki ni lazima nami nionje au niseme kwa mjomba. Baada ya kuona kuwa nimepenia sana, Yule binamu yangu alikubali, Nilikata kiu yangu kibabe na kuvinjari vilivyo siku ile.

Kumbe jambo lile lilimuuma sana kupindukia, ingawa hakuonyesha hivyo, siku ya tatu tangu tukio lile Yule binamu yangu alinifuata akiniomba tufanye naye tena jambo lile, Nilifurahi sana , huyu binamu yangu alikuwa akilala peke yake kwa sababu ya kusoma  kujiandaa kwaajili ya mitihani ya mwisho, hivyo aliniambia saa sita hivi wengine wakiwa wamelala niende chumbani mwake nilifurahi sana na kujisifu.

Basi usiku wa saa sita nikiwa nimetinga chumbani mwake tukiwa tunazungumza maswala ya mahaba, mara btulisikia gari Mjomba alukuwa amerudi, baada ya kusikia mlio huo wa gari  Yule binamu yangu aliniambia nimsubiri anakwenda kuzuga ili baba yake asijue kinachoendelea, aliniambia nizime taa nilale kwa kujifunika Nilifanya hivyo haraka haraka, Nilitulia hapo kitandani moyo ukinidunda, halafu nilisikia mlango ikifunguliwa na taa ikiwashwa, kabla sijajifunua kuangalia kinachoendelea nilishtukia kitu kikali kikinicharaza matakoni niliruka na kupiga yowe. Mijeledi ilizidi kuniangukia kama nilikuwa punda

Ghafla mpigaji alisita na kuniambia yaani wewe nakuchukulia kama mwanangu kumbe umekuja kuniharibia watoto nyama wee, mjomba akiwa na zinga la bakora alisema wewe unathubutu kuingia katika chumba na kuthubutu kumbaka dada yako nyama wee aliniongeza mijeledi kadhaa pale, Kisha aliniamuru kuvaa na kwenda chumbani kwangu kuchukua kila kilicho changu, Nakupeleka hotelini utalala huko na kesho urudi kwa mama yako, ibilisi wee, nilijaribu kujitetea kwamba tulipanga na mwanae tukutane lakini hakunielewa Yaani mpange halafu aje aniambie yeye ana kichaa?unadhani wanangu ni Malaya kama wewe?...

Ilibidi wale binamu zangu wengine waingilie kati kunitetea na kutetea kwao kulileta matunda ya kuhurumiwa  nilale hadi asubuhi ,ambapo niliambiwa utawahi basi la kwanza kurudi Dar kwa kweli niliaibika kwa kiasi cha kushindwa kuelezea, Hadi leo sijaweza kwenda kwa mjomba, ingawa ameomba sana niende kuwasalimia  lakini aibu niliyo nayo ni kubwa lakini bila shaka baada ya kuelezea kisa hiki huenda mjomba na watoto wake wengine watajua  ukweli ni kwamba Yule binamu yangu  alifanya vile ili kunikomoa  nami naona ni sawa tu kwani sikuwa nimemtendea haki. Kumbe alimjulisha baba yake tangu mchana kwamba nimekuwa nikimtongoza na wakakubaliana kuwa wanikomeshe.

Na. Rev. Innocent Kamote

Mkuu wa wajenzi mwenye hekima

0718990796

0784394550

e-mail ikamote@yahoo.com

Nikajimwaga Kwa Mwenye Mali!

Naitwa Salome Shemazua mkazi wa Pongwe Jijini Tanga nina umri wa kati ya miaka 35, ni mshichana mwenye umbo zuri la kibantu ambalo linaweza kumvutia mwanaume yeyote mwenye akili timamu na mwenye kupenda wanawake wenye uasilia yaani wale wasiopenda wanawake vimbaumbau wale wanaoijifanya eti wana menteini na kukondesha vipaja vyao kaa kuku wa kisasa, mimi ni kibonge bwana umbo nambari nane lakini hata hivyo sijaolewa. Hiyo sio shida kwani wote tunajua kuwa kuolewa nako ni majaliwa.

Hata hivyo katika kubangaiza hapa na pale katika shughuli za maisha nilitokea kupendwa na baba mmoja hivi wa makamo sikuwa na muda hata wa kuuliza umri wake ingawa alionekana kama angeweza kunizaa na huenda pia ningeweza kuwa mwanae wa pili au watatu hivi, nilikutana na baba huyu pale Texas motel moja ya baa maarufu hapa Pongwe, baba huyu aliyekuwa anafanya kazi saruji kiwanda cha simenti kilichopo karibu na mji wa Pongwe alitupa ndoana yake kwangu nami bila ya fedheha sikuwa na hapana  nilimkubalia, wenyeji wangu walikwisha kunipa stori kuwa wanaume wa saruji wana pesa kama njugu kutokana na mishahara mizuri wanayolipwa na kiwanda hicho ambacho huchangia mapato ya kutosha katika jiji la Tanga niliona nami nimepata wangu wa kumchuna,

 Nilijitahidi sana kumpagawisha baba Yule kimapenzi kama unavyojua hapa Tanga waja leo waondoka leo  nilimpagawisha na mambo ya kipwani, nilijituma hasa nikijua kuwa hii ndio nafasi ya kumfanya baba huyu ajikite kwangu na kumsahau bi mkubwa,  hasa ukichukulia kuwa Alisha mwaga malalamiko kibao kuhusu bi mkubwa kuwa hajitumi na ni mshamba na kuwa hata kimaumbile mimi nimemzidi bi mkubwa kwa kila idara alidai mzee huyu kuwa bi mkubwa huyo ni kafupi na kamekomaa na ukikaona ni kuwa hata mkononi hakajai sikujua kwanini sasa alimuoa au alilazimishwa lakini niliona vyovyote iwavyo shuhuda hizi zinanipa ujasiri wa kujituma kuliko, na kumuonyesha kuwa na sisi wenye maumbile ya kibantu mchezoni nasi hatujambo nikijipindua hivi na vile kuonyesha manjonjo  kwa ujumla nilifanikiwa sana kumroga Baba Yule wa bara huko, hapa simaanishi maswala ya kishirikina namaanisha jinsi nilivyofanikiwa kumfisadi kimapenzi baba Yule,

Kujituma kwangu hakukuwa bure kwani alinihamisha kwenye nyumba ya kupanga na kunijengea kajumba kangu kazuri maeneo ya Ambangulu kwa wale wanaoijua Pongwe kule Tanga, nilijengewa kajumba potabo kwani kana vyumba vitatu na kila kitu ndani yaani selfu konteini  niliendelea kujidekeza na kupewa kila kitu nilichokitaka  ingawa nilimsikia Buzi wangu akilalamika kuwa ana maswala ya Ada ya watoto na kuwa na majukumu mengine huko kwa bi mkubwa, mi sikujali kwani niliendeleza ufisadi wangu bila kujali kuwa kuna kafamilia kanaumia  ingawa kaubinadamu kanaponijia  huwa najiuliza je ningelifanyiwa miye ingekuwaje? Lakini Mapepo ya ukatili yaliponivaa sikujali nilijitia moyo acha huyo bi mkubwa akome, 

Mungu ametuleta duniani tukomeshe wanawake wachovu wasiojituma kwa nini amtese baba wa watu ? mtu unapata bahati ya kuolewa halafu uinaichezea kweli upele anapewa asiye na kucha nilijitia moyo kuhalalisha upashikuna wangu na ufisadi kiwembe na nilitiwa moyo kwani wanawake wengi pale Pongwe hizo ndo issue zetu wengi ni nyumba ndogo.

Siku moja iliyopelekea kuelezea kisa hiki kama waswahili wasemavyo  “Mwizi zake arobaini” au za mwizi arubaini, Nilipatana na mzee wangu Yule  kwamba tukatese huko maeneo ya Raskazone njia ya kwenda hospital kuu ya Mkoa bombo karibu na daraja upande wa kulia ambako kuna hotel moja maarufu siku hizi nyuma kidogo ya shule ya sekondari ya mkwakwani sipendi kutaja jina la hoteli hiyo kwa maslahi ya mwenye hoteli hata hivyo kwa wenyeji wa Tanga watakuwa wamenipata vilivyo lakini hata kabla ya kwenda hoteli, Bwanangu Yule aliniambia nitangulie mjini na kupitia saluni kisha yeye angenipitia akitokea Saruji anakoishi  akiwa na usafiri wake, Nilitangulia na rafiki zangu kadhaa waliokuwa wakienda mjini nao kwenye mishemishe zao tuliingia saluni moja karibu na stendi kuu ya mji wa Tanga katika barabara maarufu kama Taifa rodi, saluni hii inapendwa na watu wengi sana hususani wakiwemo wale wanaotokea Pongwe hasa kwa sababu ya utaalamu wao pia wa kusuka rasta, na pia kuandaa maharusi, kama iliyo ada tulikutana na wanawake wengine kadhaa wengine wakihudumiwa na wengine wakisubiri, tulipofikia hatua ya kuhudumiwa  kama unavyojua mambo ya umbeya wa saluni tulianza na mada mbalimbali za kisiasa, umbeya udaku na mengineyo kedekede na baadaye ilikuja mada ya uchunaji mabuzi, hapo ndipo nilipodakia kama nimefikishwa kwani mimi sio mzuri sana kwenye maswala ya siasa za Tanzania nilizichoka kwani niliona kama tunazugwa tu  hivyo sikuwa na interesti na siasa tangu alipostaafu Mkapa na hata kufatilia Bunge nilifuatilia alipohutubia Kikwete ile hutuba yake ya bungeni ya kwanza kabisa, kwa hiyo eneo hili utafikiri nilipewa maiki nilieleza kuwa kuchuna mabuzi kunalipa, kulikuwa na mama mmoja mfupi aliyeonekana kama amekomaa hivi alionekana kupinga mada ya maswala ya waume za watu na kuonya kuwa inatesa sana wale walioolewa. Nilimkatisha mama huyo na kuanza kumsomesha kama mtoa mada mkuu huku nikiungwa mkono kwa herufi kubwa mada hii ilinigusa utafikiri ndio mwenyekiti wa kamati Fulani huko Bungeni  nilionyesha faida kadhaa za kufaidika kutokana na kuchuna mabuzi, huku nikitamba juu ya kajumba nilikojengewa  na aina ya simu maarufu kama blakiberi niliyonunuliwa na buzi na nilionyesha wazi jinsi wanaume wa saruji wanavyojua kuhonga na kuwa hata pale saluni buzi wangu atanipitia kwenda kutesa maeneo ya Rasikazone na kuwa atalipa hata hela ya gharama yote ya pale saluni, nilitoa mada siku hiyo utafikiri kungwi wa kicheni pati niliwaponda sana wanawake wachovu na kueleza pia kuwa buzi wangu anasema kuwa ka mwanamke kake kamekondeana na kukomaa kama nyigu na kuwa hata kwenye mkono hakajai hakana intateiniment na kwa mkwara mkubwa wakati mwingine niliwasiliana naye kumuulizia hani kuwa yuko wapi na mbona anachelewa ili mradi tu kuwapagawisha wanasaluni pale, Mama Yule kimbaumbau  aliyekuwa na nywele nzuri sana nyingi lakini kanyimwa nyama mwenye uso uliionekana kama ana mapito hivi kama wasemavyo watu wa dini Fulani ambao hujidai wanaimani kali,  alinyamaza kimya kama amelowa maji, nilimwaga sera na hatimaye alionekana kuunga mkono kama mbunge aliyepotea kutoka kambi ya upinzani, hilo lilinipa kichwa na kujiona kama ninatawala saluni kwa muda wana saluni wenyewe walikuwa bize kutushughulikia wakiwa kimya  na wengi walikuwa wakinisikiliza jinsi nilivyojimwaga na kumkandia mke mwenza ambaye nilikuwa simfahamu. Mwisho ikawa kama wote tumeshughulikiwa na wengine walikaa vitini kwaajili ya kuhudumiwa.

Niliinua simu yangu aina ya blakiberi niliyohongwa na kumjulisha dalingi wangu kuwa niko tayari na kuwa aje alipe tuondoke, kwa kawaida anaijua saluni hiyo kwani hiyo haikuwa mara ya kwanza, lakini kwa vile siku ile nilijimwaga sana kila mmoja alikuwa na hamu ya kumuona huyo buzi ni wa aina gani, alikuja mzee Yule na gari yake ya kifahari aina ya mark tu saluni grandi alipoteremka  aliingia mojakwamoja saluni na  nilimkimbilia kwa busu na mdeko wa nguvu “hai hani karibu umekuja nchukua eh njoo basi hani unlipie kisha ndo tuondoke”, jambo la kushangaza siku ile ni kuwa baba Yule katika hali isiyokuwa kawaida yake alikuwa kama ananitaaliza, au kunishushua kwa lugha za kitanga, Busu langu la siku ile lilikuwa pia limechanganyika na ishara ya kuwaonyesha kuwa huyu nitakayembusu ndiye kama vile alivyofanya mtume mmoja wa Bwana Yesu aliyeitwa Yuda Iskariote, lakini kama nilivyokugusia awali mwitikio wa shuga dady Yule ulikuwa kama amepigwa ganzi na ghafla mama Yule kimbaumbau alisimama kama afande  na kuanza kuteremsha matusi mazito sana  yakielekea kwa baba Yule  huku akilalamika kuwa watoto wamefukuzwa ada wameshindwa kwenda shule, nyumbani tunashindia dagaa na maharage tu kumbe wewe unajengea Malaya zako, kila mmoja alikuwa anashangaa na idadi ya watu ilianza kuongezeka pale saluni matusi yalimwagika kama mvua na hatimaye nikageukiwa miye na  yalimwagikia upande wangu  na nilipojaribu kujibu huku nikiwa nashangaa nilipokea mkong’oto mkali nikiambiwa Malaya wewe firauni mkubwa nikiambiwa ukome wewe kuchukua waume za watu nilishangaa mama huyu niliyekuwa naye saluni inakuwaje ana mamlaka kubwa kiasi hiki ndipo akili ilianza kunijia kuwa huku ndio kufumaniwa, Viungo vilinilegea kipondo kile kilipelekea kuchaniwa nguo  kiasi cha kuwa uchi, watu niliokuwa nao saluni walianza kupata majibu kuwa kumbe mwenye mali halisi alikuwa ni mwanamke Yule nilizomewa kama paka mwizi, ilikuwa ni aibu ya mwaka siwezi kusahau jamani  umbeya wa saluni bwana kumbe nilikuwa najimwaga kwa mwenye mali, wanaume za watu shoga nimekoma, unataka kujua yaliishije we mbeya sana mijimacho ka chura mbona ulipoacha kunyonya maziwa ya mamako mi sijakuuliza? Si uliacha bila kuambiwa sasa ulitaka niendelee kusumbua nyumba za watu mkong’oto ule ulikuwa kama zile stori za betina na zena katika magazeti ya sani zamani. kwa sasa nimeamua kujishughulisha na shughuli ndogondogo za kibiashara, nimeachana na maisha ya kupenda dezo kumbe bure ni gharama.

Na Rev. Innocent Kamote

Mkuu wa wajenzi mwenye Hekima

0718990796

0784394550

Nikaalikwa Kama Mtoto wa Waziri

Mimi ni kijana wa umri wa miaka 34. Malezi na makuzi yangu yalikuwa ni ya wale wazazi ambao kwa siku hizi wangeitwa machekibobu, hawa ni wazazi ambao wanataka kujionyesha  kwa watu wengine kwamba  wao ni watu wenye fedha, waliotoka kwenye familia bora, waliosoma sana  ingawa sio kweli kwa hiyo name nilikuwa mtu wa aina hiyo mpaka niulipofunzwa na dunia.

Kwa ujumla ni kama nilifundishwa kujikataa kwamba siyo mimi na nilimudu sana kujikataa kwani katika kukua kwangu name nimekuwa mtu wa kujikweza mwaka 2000 ni kiwa nimemaliza masomo katika chuo cha biashara nilipata kibarua kwenye ofisi binafsi katika eneo la viwanda vingunguti nilianza kazi hapo nikiwa kama karani wa kawaida tu wa kutumwa shughuli za hapa na pale kujaza fomu za hesabu za fedha na mengine ya aina hiyo

Wakati nikiwapo hapo kazini nilikutana na msichana mmoja ambaye alikuwa akifanya kazi kampuni ya jirani, nilikutana na msichana huytu wakati wa chakula cha mchana Lunch hapo eneo la viwanda. Kwa keli nilimpenda sana ghafla, yaani jicho la kwanza. Lakini Mungu si Athumani naye alionekana kunipenda ghafla pia, tulijikuta tukiwa marafiki baada ya mimi kumuanza ingawa kiuoga uoga kwani alikuwa mzuri sana na pia alikuwa anamiliki usafiri aina ya Rav4 ya milango mitatu, nilipochokoza alikubali kirahisi tofauti na nilivyotarajia.

 Kama kawaida yangu katika kujitambulisha mimi nilijitambulisha kwa  kujilambisha ujiko wa ajabu sana, mimi ni mwenyeji wa Tanga  na baba yangu anajuana na mtu mmoja mkubwa serikalini ambaye hadi sasa ni waziri. Badala ya kusema ukweli kuhusu baba yangu ambaye kwa maisha ya kichekibobu kama yangu alikuwa amesha chalala sana nilimtaja mkubwa huyo,

Yule binti aliniamini na huko nyumbani alitangaza bila shaka kwamba amepata mtu ampendaye ambaye baba yake ni mtu Fulani, siku hiyo binti alinialika niende nyumbani kwao kwaajili ya chakula cha mchana ilikuwa ni jumapili, nilijitahidi sana hadi nikamudu kukodi gari ya rafiki yangu kwa shilingi 40,000 ili niendenalo mwenyewe kule wajue kwamba nina gari unajua kitu gani kilitokea?

Nilipofika nyumbani kwao Yule binti nilimkuta mama yake, baba yake alikuwa amefariki zamani, lakini pia nilimkuta mtu mwengine, Hebu otea alikuwa nani? Alikuwa ni baba yangu, Nilibabaika sana  na kujiuliza maswali mengi ambayo hayakuwa na majibu nilipigwa na butwaa kwa muda na baba baye pia, nilimsalimia mama wa binti yuile na baadaye kumsalimia baba na kumuuliza uko huku? Baba alisema nashangaa nawe unaijua familia hii Mama Lewisi tulikuwa naye kazini zamani. Siku nyingi sijamtembelea leo ndiyo nimeamua kuja kumwona….” Yuel mama mkwe wangu mtarajiwa aliuliza kwani mnajuana? Baba alisema huyu ni mwanangu wa kwanza” Halafu palizuka ukimya Yule mama kwaajili ya kuua soo alinikaribisha lakini ghafla Yule binti alikuwa amebadilika hakuwa na furaha tena.

Tulikula, lakini katika hali ya undavaundava tu, tulipomaliza  kula sikutaka kukaa zaidi kwani nilijua kuwa binti Yule na mama yake walikuwa wakinisanifu sana, du kutoka kuwa mtoto wa waziri hadi kuwa mtoto wa mzee aliyechezea maisha siku za nyuma, mbaya zaidi ni kuwa baba alikuwa amefika pale kwa nia  ya kuomba msaada, Niliaga nikimwacha baba akiendelea kupiga mabomu yake. Nilikuwa na uhakika kuwa baba aliambiwa ishu zangu zote, kwani jioni alinitembelea kwangu na kuniambia kwamba nimejisanifu sana kwa kujifanya mtoto wa waziri Unataka niendelee kukusimulia? Unataka kujua kuwa niliendelea na urafiki na Yule demu au La au nilitoa pua yangu kwa mama mkwe mtarajiwa? Hivi kichwa chako kiko sawasawa?

Na Mkuu wa Wajenzi Mwenye hekima 

Rev. Innocent Mkombozi Kamote

e- mail ikamote@ yahoo.com

0718990796

0784394550

Wakurugenzi Wakaniita!

Sikumbuki tarehe wala mwezi lakini ilikuwa mwaka wa 1990 wakati huo nilikuwa nimeachishwa kazi katika kiwanda kimoja cha viatu, kilichokuwa barabara ya Pugu siku hizi Nyerere, nilikuwa nafanya kazi pale kama mlinzi mwaka huo ndio nilipata skendo na kuachishwa kazi

Nikawa nahangaika kutafuta kazi mjini, Nilifanikiwa mwaka huohuo kukutana na mtu ambaye alisoma na ndugu yangu, huyu Bwana aliamua kunisaidia kupata kazi mahali, aliponiuliza kuhusu elimu yangu nilimwambia nimemaliza kidato cha sita, ingawa ukweli ni kwamba nimesihia darasa la saba, Alinifanyia mpango nikapata kazi kwenye kiwanda kimoja hapohapo barabara ya Nyerere. Nilitafuta vyeti vya bandia  kutoka kwa rafiki yangu ambaye wakati huo alikuwa chuo kikuu, niliajiriwa kama karani waupokeaji wa mali ghafi na udhiinishaji wa  utokaji wa bidhaa, ilikuwa ni nafasi kubwa sana hata kwa mtu wa kidato cha sita, hata hivyo kwa sababu ilikuwa ni kazi yenye kuhitaji tu maelekezoili mtu kumudu kuifanya  niliielewa  kwa kiasi.

Bahati mbaya mwezi wa kwanza tu wa kazi, nikaanza kwa unoko sana, nilikuwa najifanya najua na nikawa nawazibia watu riziki zao, ili nipendwe na wenye kampuni, Kumbe katika unoko huo huo ndio ungeniponza, taarifa za kwamba mimi ni darasa la saba  na niliwahi kupata skendo zilifika pale kazini, Siku  hiyo nafika kazini kama kawaida, nikaitwa kwa mkurugenzi. Nikajua kuwa ninaenda kumwagiwa misifa kutokana na utendaji wangu wa kazi, kufika mkurugenzi akaniambaia, “tulikuajiri tukiamini kwamba kila ulilolisema kwetu lina ukweli, Hebu hasa jina lako na kiwango chako cha elimu na wapi uliwahi kufanya kazi kabla ya kuja hapa”

Nilihisi moyo ukianza kudunda kwa kasi na kwa nguvu, Nilijikaza na kusema  sijafanya kazi popote, tangu nimemaliza masomo ya kidato cha sita mwaka juzi, na jina langu ndilo hili ninalotumia, Wakurugenzi waliokuwa wamenizunguka walitabasamu kwa dharau hadi nikaogopa “Sasa bwana kuna mawili ama tukupeleke polisi sasa hivi kwa kudanganya na kufoji vyeti na jina la mtu  ambalo si lako au uondoke sasa hivi bila hata kipande cha karatasi yaani kama ulivyokuja, Hatuna haja ya kubishana nawe kwa sababu unaujua ukweli wote kuliko sisi”  Mkurugenzi mkuu alisema, Yule jamaa aliyenifanyia mpango wa kazi naye alikuwepo kwenye kikao kile, “Umeniangusha sana sikutegemea kabisa, kumbe hata sekondari hujakanyaga unakwenda kujipachika ufomu six wa bure! Kwa kweli hata tukionana njiani usinisalimie kabisa, Ungenisababishia kuharibu kazi yangu bure” Aliniambia.

Nilimwambia nimekosa nitaondoka sasa hivi na sitaki chochote, Nilijivuta polepole na kuanza kutoka nje, huko nje kumbe wafanya kazi wengine  walishapata  taarifa, kwa hiyo nilipokuwa nikikatiza mitaa walikuwa wakinicheka  na kunizomea, sikujibu chochote  kwa kweli ilikuwa fedheha  ya mwaka  unataka kujua nini kiliendelea we bwege nini? Mbona unapenda sana umbeya kwa taarifa yako sasa tukio hili lilinifanya niende kujisomea kwa machungu nikamaliza kidato cha sita na sasa nina stashahada ya uhasibu. Ilikuwa fedheha ambayo ililipa!. 

Fundisho na mkuu wa wajenzi mwenye Hekima

Rev. Innocent Kamote

email. ikamote@yahoo.com

0784394550

0718990796