Uhusiano wa uzuri na ulimwengu wa roho

1Wafalme 1:1 – 4  “Mfalme Daudi alikuwa mzee, mkongwe katika siku zake, nao wakamfunika nguo, lakini asipate moto. Kwa hiyo watumishi wake wakamwambia, Bwana wangu mfalme na atafutiwe kijana mwanamwali; naye asimame mbele ya mfalme, amtunze; alale kifuani mwako, ili bwana wangu mfalme apate moto. Basi wakatafuta kijana mzuri mipakani mwote mwa Israeli, wakamwona Abishagi, Mshunami, wakamleta kwa mfalme. NAYE KIJANA HUYO ALIKUWA MZURI SANA; akamtunza mfalme, akamtumikia; walakini mfalme hakumjua.”

 

Utangulizi.

Ni muhimu kwetu kuwa na ufahamu ya kwamba uko uhusiano mkubwa sana wa uzuri na ulimwengu wa roho, kuwa mzuri pekee bila kuwa na hamu ya kumpenda Mungu,  au kuwa na tabia ya kumcha Mungu kunauweka uzuri wako katika hatari kubwa sana ya kushambuliwa kiroho na ulimwengu wa kiroho wa shetani na kukuweka katika matumizi ya haribiko kubwa la mwili wako na roho yako, yaani uzuri wa mwili wako bila tabia ya kumcha Mungu ni msiba mkubwa sana, Wakati kuna fahari kubwa sana mtu anapokuwa mzuri kimwili, kimaadili na kiroho, jambo hilo huleta Baraka kubwa sana! Maandiko yanatuonyesha wazi kuwa Mungu aliwatumia watu wazuri kimwili na kiroho kuwa Baraka kubwa sana kwa ulimwengu hata leo mfano:-

Kutoka 2:1-2 “Mtu mmoja wa nyumba ya Lawi akaondoka akaoa binti mmoja wa Lawi. Yule mwanamke akachukua mimba akazaa mwana, na alipoona ya kuwa ni mtoto mzuri akamficha miezi mitatu.”

1Samuel 16:11-13 “Kisha Samweli akamwambia Yese, Watoto wako wote wapo hapa? Naye akasema, Amesalia mdogo wao, na tazama, anawachunga kondoo. Basi Samweli akamwambia Yese, Tuma watu, wamlete; kwa sababu hatutaketi hata atakapokuja huku. Basi akatuma mtu, naye akamleta kwao. Naye alikuwa mwekundu, mwenye macho mazuri, na umbo lake lilikuwa la kupendeza. Bwana akasema, Ondoka, umtie mafuta; maana huyu ndiye. Ndipo Samweli akaitwaa pembe yenye mafuta, akamtia mafuta kati ya ndugu zake; na roho ya Bwana ikamjilia Daudi kwa nguvu tangu siku ile. Basi Samweli akaondoka, akaenda zake Rama.”        

Esta 2:7 “Naye alikuwa amemlea Hadasa, yaani, Esta, binti wa mjomba wake, kwa kuwa hana baba wala mama. Naye msichana huyu alikuwa wa umbo mzuri na uso mwema; nao walipokufa baba yake na mama yake, yule Mordekai alimtwaa kuwa binti yake yeye.”

Maneno yanayotumika kuelezea uzuri wa sura, umbo, mvuto na maumbile yenye kukubalika na kuvutia katika maandiko ya kiebrania ni pamoja na:-

-          Tob - kuelezea uzuri wa sura na umbo  neno hili limetumika mara 361

-          Yapheh – kuelezea mvuto na mwenye kupendeza limetumika mara 21

-          Mareh –uzuri wa kimaumbile na muonekano hili limetumika mara 35

Maneno yote hayo yalitumika kuelezea muonekano wa nje wa kibinadamu, na ambao pia Mungu aliutumia kwa faida zake au kwaajili ya utukufu wake, maneno hayo yalitumika kumuelezea mwanaume na mwanamke aliyekuwa mzuri kwa muonekano lakini vilevile ambao Mungu aliwatumia katika kazi zake kwa utukufu wake.

Katika vifungu kadhaa vichache hapo juu tumeona maandiko yakitueleza habari za Musa, Daudi na Esta hawa walikuwa wazuri sana kama maandiko yanavyosema lakini vile vile tunaona Mungu akiwatumia vijana hawa wazuri Katika kazi zake kwaajili ya utukufu wake, ni wazi hapa utaona kuwa kuna uhusiano wa uzuri na ulimwengu wa roho, lakini vilevile shetani hutumia watu wazuri, vijana kwa wasichana wazuri katika kutimiza mpango wake wa kuharibu dunia kwa hila. Hivyo katika somo kama hili tunataka kujifunza umuhimu wa kuutumia uzuri kwaajili ya utukufu wa Mungu, Mungu hakukupa uzuri ili uutumie vibaya bali amekupa uzuri kwaajili ya utukufu wake! Tutajifunza somo hili kwa kuzingatia vipengele vitatu vifuatavyo:-

Ø  Uhusiano wa uzuri na matumizi ya Mungu

Ø  Uhusiano wa uzuri na matumizi ya shetani

Ø  Matumizi ya sahihi ya uzuri katika ulimwengu wa mwili na roho.

Uhusiano wa uzuri na Matumizi ya Mungu.

Kama tulivyoona katika utangulizi wa somo hili ya kwamba Mungu aliumba kila kitu na kila kitu alikifanya kizuri kwaajili ya utukufu wake, tunaona pia Mungu akiwatumia watu mbalimbali katika kuyatimiza mapenzi yake lakini wakati huo huo tunaambiwa kuwa watu hao ambao Mungu aliwatumiwa maandiko yanatuambia kuwa walikuwa wazuri:-

-          Sara ambaye ni mama wa Imani mama aliyemzaa Isaka, mke wa Ibrahimu maandiko yanatueleza ya kuwa alikuwa mzuri sana ona Mwanzo 12:11-14 “Ikawa alipokuwa karibu kuingia Misri, akamwambia Sarai mkewe, Tazama, najua ya kuwa u mwanamke mzuri wa uso; basi itakuwa, Wamisri watakapokuona watasema, Huyu ni mkewe; kisha wataniua mimi na wewe watakuacha hai. Tafadhali useme, wewe u ndugu yangu, iwe heri kwangu kwa ajili yako, na nafsi yangu iishi kwa ajili yako. Basi ikawa Abramu alipofika Misri, Wamisri wakamwona huyo mwanamke ya kwamba yeye ni mzuri sana.”

 

Lakini pamoja na kuwa Sara alikuwa mwanamke Mzuri sana katika muonekanao wa mwili bado mwanamke huyu alikuwa ni Mwanamke wa Imani, alimcha Mungu na alikuwa na tabia njema sana, alimuheshimu mumewe na alikuwa na upendo dhidi ya mumewe kiasi cha kupitiliza, Sara hakuutumia uzuri wake kwa kiburi na Mungu alimtumia kama mwanamke aliyeleta Baraka kupitia Isaka ambaye ni mwana wa ahadi kwao na kwetu pia maandiko yanamsifia Sara kuwa alikuwa na roho ya upole, na utulivu na alimuheshimu sana mumewe na kuwa mfano wa kuigwa katika jamii kama mama wa Imani. Ona

 

1Petro 3:1-6 “Kadhalika ninyi wake, watiini waume zenu; kusudi, ikiwa wako wasioliamini Neno, wavutwe kwa mwenendo wa wake zao, pasipo lile Neno; wakiutazama mwenendo wenu safi, na wa hofu.  Kujipamba kwenu, kusiwe kujipamba kwa nje, yaani, kusuka nywele; na kujitia dhahabu, na kuvalia mavazi; bali kuwe utu wa moyoni usioonekana, katika mapambo yasiyoharibika; yaani, roho ya upole na utulivu, iliyo ya thamani kuu mbele za Mungu. Maana hivyo ndivyo walivyojipamba wanawake watakatifu wa zamani, waliomtumaini Mungu, na kuwatii waume zao. Kama vile Sara alivyomtii Ibrahimu, akamwita Bwana; nanyi ni watoto wake, mfanyapo mema, wala hamkutishwa kwa hofu yo yote.”

 

Unaona Sara alikuwa mzuri wa Uso lakini hakuwa na kiburi, Petro anamtumia kama mfano au kielelezo kwa wanawake wote kuwa kama yeye alikuwa mpole, mwenye utulivu, akimtii Mungu pamoja na mumewe  na Mungu alimtumia kama Baraka kwa ulimwengu mzima kama tulivyoona

 

-          Rebeka - anatajwa katika maandiko kama mwanamke aliyekuwa mzuri wa uso, lakini vilevile ni mwanamke aliyemcha Mungu, alikuwa na tabia nzuri pamoja na ukarimu uliokithiri kwa wanadamu mpaka kwa wanyama, Mungu alimpa neema ya kuolewa na kijana wa Ibrahimu yaani Isaka na baadaye alifanikiwa kuzaa mapacha Esau na Yakobo ambao wamekuwa Baraka kubwa sana kwa ulimwengu na wamekuwa kielelezo cha mafundisho mengi mema ya kifamilia, kiroho na kiuchumi hii ni kwa sababu Rebeka alikuwa mzuri wa uso na mzuri wa tabia na mcha Mungu ona

 

Mwanzo 24:10-26 “Kisha huyo mtumishi akatwaa ngamia kumi katika ngamia za bwana wake akaenda zake, maana mali zote za bwana wake zilikuwa mkononi mwake, akaondoka, akaja mpaka Mesopotamia, mpaka mji wa Nahori. Akawapigisha magoti ngamia nje ya mji karibu na kisima cha maji wakati wa jioni, wakati ambapo wanawake wanakwenda kuteka maji. Naye akasema, Ee BWANA, Mungu wa bwana wangu Ibrahimu, nakuomba mambo yangu uyajalie yawe heri leo, ukamfadhili bwana wangu Ibrahimu. Tazama! Nimesimama karibu na kisima cha maji, na binti za watu wa mjini wanatoka kuteka maji, basi na iwe hivi; yule msichana nitakayemwambia, Tua mtungi wako, nakuomba, ninywe; naye akasema, Unywe, nami nitawanywesha na ngamia zako pia; basi huyu na awe ndiye uliyemchagulia mtumishi wako Isaka; na kwa hayo nitajua ya kuwa umemfadhili bwana wangu. Ikawa, kabla hajaisha kunena, tazama, Rebeka anatokea, binti wa Bethueli mwana wa Milka, mkewe Nahori, ndugu wa Ibrahimu, naye ana mtungi begani pake. Naye yule msichana alikuwa mzuri sana uso wake, bikira, wala mwanamume hajamjua bado; akashuka kisimani, akajaza mtungi wake, akapanda. Ndipo yule mtumishi akapiga mbio kwenda kumlaki, akasema, Tafadhali unipe maji kidogo katika mtungi wako ninywe. Naye akasema, Unywe, bwana wangu, akafanya haraka, akatua mtungi wake mkononi mwake, akamnywesha. Hata alipokwisha kumnywesha akasema, Na ngamia zako nitawatekea, hata watakapokwisha kunywa. Akafanya haraka, akamwaga maji ya mtungi wake katika birika, akapiga mbio kisimani ateke, akawatekea ngamia zake wote. Basi yule mtu akamkazia macho, akanyamaza, ili ajue kwamba BWANA ameifanikisha safari yake ama sivyo. Ikawa, ngamia walipokwisha kunywa, yule mtu akatwaa pete ya dhahabu, uzani wake ulikuwa nusu shekeli, na vikuku viwili kwa mikono yake, uzani wake ulikuwa shekeli kumi za dhahabu, akasema, U binti wa nani wewe? Tafadhali uniambie. Je! Iko nafasi katika nyumba ya baba yako tupate mahali pa kukaa kwa muda? Akasema, Mimi ni binti wa Bethueli mwana wa Milka, aliyemzalia Nahori. Tena akamwambia, Kwetu kuna majani na malisho ya kutosha, na mahali pa kukaa wageni. Yule mtu akainama akamsujudu BWANA.”

 

Unaweza kuona Rebeka alikuwa mzuri sana lakini pamoja na uzuri aliokuwa nao alikuwa na tabia njema na alikuwa amejawa na ukarimu, baadaye pia tunamuona Rebeka akipokea muujiza wa kuwa na mapacha tumboni baada yakuombewa na Isaka na sio hivyo tu pia alitaka kujua mapenzi ya Mungu juu ya watoto wake, na hivyo kuhusika katika unabii mkubwa wa kujua mapenzi ya Mungu kwa watoto wake waliokuwa tumboni, Mwanamke mzuri, tabia nzuri na alimuweka Mungu mbele.

 

-          Yusufu - Mwana wa Israel au Yakobo, alikuwa ni kijana ambaye maandiko yanamtaja kuwa alikuwa mzuri, lakini licha ya kuwa mzuri wa uso pia alikuwa na tabia nzuri, aliwavutia watu akiwemo baba yake, lakini vilevile alimpendeza Mungu alimcha Mungu wa Mbinguni, Mungu alisema naye kuhusu kusudui la kuweko kwake duniani, alimtumia Kule Misri kuhifadhi watu wa dunia ya wakati ule, aliweza kutabiri kurudi kwa wana wa Israel katika inchi ya kanaani kwa kuamuru wabebe mifupa yake baadaye, alitembea na Mungu alikuwa na hofu ya Mungu ona

 

Mwanzo 39:2-9 “BWANA akawa pamoja na Yusufu, naye akasitawi; naye alikuwa katika nyumba ya bwana wake, yule Mmisri. Bwana wake akaona ya kwamba BWANA yu pamoja naye, na ya kuwa BWANA anafanikisha mambo yote mkononi mwake. Yusufu akaona neema machoni pake, akamtumikia. Naye akamweka awe msimamizi juu ya nyumba yake, na yote yaliyomo akayaweka mkononi mwake. Ikawa tokea wakati alipomweka awe msimamizi juu ya nyumba yake, na vyote vilivyomo, BWANA akabariki nyumba ya yule Mmisri kwa ajili ya Yusufu. Mbaraka wa BWANA ukawa juu ya vyote alivyokuwa navyo katika nyumba, na katika shamba. Akayaacha yote aliyokuwa nayo mkononi mwa Yusufu; wala hakujua habari za kitu cho chote chake, ila hicho chakula alichokula tu. Ikawa baada ya mambo hayo, mke wa bwana wake akamtamani Yusufu, akamwambia, Lala nami. Lakini akakataa, akamwambia mke wa bwana wake, Tazama, bwana wangu hajui kitu kilichowekwa kwangu nyumbani, na vyote alivyo navyo amevitia mkononi mwangu. Hakuna mkuu katika nyumba hii kuliko mimi, wala hakunizuilia kitu cho chote ila wewe, kwa kuwa wewe u mkewe. Nifanyeje ubaya huu mkubwa nikamkose Mungu? ”

 

Yusufu alikuwa kijana mzuri na wa kuvutia sana, mke wa Potifa alimpenda sana na kuvutiwa naye kiasi cha kutaka kumbaka Lakini Yusufu hakukubali, sio kwa sababu alikuwa mjinga hapana alikuwa anamjali Mungu, alimcha Mungu aliogopa kuharibu uhusuano wake na Mungu na hivyo aliutunza na ndio maana unaona Mungu alikuwa pamoja naye.

 

-          Mfalme Sauli – Mfalme wa kwanza wa Israel ambaye Mungu alimuelekeza nabii Samuel amtie mafuta ili awe mfalme wa Israel maandiko yanaeleza kuwa kijana huyu alikuwa mzuri sana  na katika Israel nzima hakukuwa na kijana Mzuri kama yeye ona 

 

1Samuel 9:1-2 “Basi, kulikuwa na mtu mmoja wa Benyamini, jina lake akiitwa Kishi, mwana wa Abieli, mwana wa Serori, mwana wa Bekorathi, mwana wa Afia, mwana wa Mbenyamini, mtu shujaa, mwenye nguvu. Naye alikuwa na mwana, aliyeitwa jina lake Sauli, kijana, tena mzuri; wala katika wana wa Israeli hakuwako mtu mzuri kuliko yeye; tangu mabega yake kwenda juu alikuwa mrefu kuliko watu wote.”

 

Hili ni jambo la kushangaza sana katika maandiko kwani inaonekana wazi kabisa kuwa uzuri ulikuwa unaambatana na mambo mengi sana kuanzia muoneako, akili na ushujaa, ujuzi hekima na werevu, n ahata urefu wake,  ilikuwa wazi kabisa kuwa Mungu alikuwa na anatumia watu wazuri mpaka sasa, kwa hiyo uko uhusiano mkubwa kati ya utumishi wa Mungu na uzuri.

 

-          Abigail - maandiko yanamtaja mwanamke huyu kuwa alikuwa mzuri sana lakini utaweza kuona pia alikuwa na akili sana bahati mbaya tu mara ya kwanza aliolewa na mwanaume mpumbavu mpaka pale Daudi alipomuoa baadaye baada ya kufa kwa mumewe mpumbavu aliyeitwa Nabali ona kisa chao kinatumika kutufundisha kuhusu Torati na Injili kama waume na Abigaili kama mke au kanisa Mume wa kwanza ni Torati na Mume wa Pili ni injili kwa mwanamke yule yule tunaambiwa mwanamke huyo alikuwa mzuri na mwenye akili nyingi sana ona

 

1Samuel 25:2-3 “Na huko Maoni kulikuwa na mtu mmoja, ambaye alikuwa na mali yake katika Karmeli; naye yule mtu alikuwa mkuu sana, mwenye kondoo elfu tatu na mbuzi elfu; naye alikuwa akiwakata manyoya kondoo zake huko Karmeli. Na jina la mtu huyo aliitwa Nabali; na jina la mkewe aliitwa Abigaili, na huyo mwanamke alikuwa mwenye akili njema, mzuri wa uso; bali yule mwanamume alikuwa hana adabu, tena mwovu katika matendo yake; naye alikuwa wa mbari ya Kalebu.”

 

Unaona mwanamke alikuwa mwenye akili njema na pia alikuwa mzuri wa uso, hapa utaweza kugundua jinsi ambavyo uzuri wa kimaumbile ulivyokuwa unakamilishwa na uzuri wa tabia na mwenendo na akili, na roho njema nay a ukarimu kwa hiyo tunaweza kupata piacha iliyo wazi kuwa Mungu alikusudia watu wazuri wa uso wawe vilevile na tabia nzuri na kili ili zitumike kwa utukufu wa Mungu!

 

-          Vijana wa kiibrania Daniel, Hanania na Mishael (Daniel Shadrak na Meshaki na Abednego)

Daniel 1:3-6 “Mfalme akamwambia Ashpenazi, mkuu wa matowashi wake, awalete baadhi ya wana wa Israeli, wa uzao wa kifalme, na wa uzao wa kiungwana;  vijana wasio na mawaa, wazuri wa uso, wajuzi wa hekima, werevu kwa sababu ya maarifa yao, wenye kufahamu elimu, watakaoweza kusimama katika jumba la mfalme; tena alimwambia awafundishe elimu ya Wakaldayo, na lugha yao. Huyo mfalme akawaagizia posho ya chakula cha mfalme, na ya divai aliyokunywa, akaagiza walishwe hivyo muda wa miaka mitatu; ili kwamba hatimaye wasimame mbele ya mfalme. Basi katika hao walikuwapo baadhi ya wana wa Yuda, Danieli, na Hanania, na Mishaeli, na Azaria.”

 

Muda usingeweza kutosha kupitia vijana na mabinti wazuri ambao Mungu aliwatumia katika maandiko lakini ni wazi kuwa utakubaliana nami kuwa Mungu anapenda na kutumia watu wazuri, wenye maadili mema kwaajili ya utukufu wake unaona! Tumewaona vijana waliochukuliwa mateka utumwani Daniel na wenzake maalumu kabisa walichaguliwa vijana wazuri, waungwana , wasio na mawaa wenye hekima akili na werevu na wenye maarifa hawa walichaguliwa na mfalme Nebukadreza ili wamtumikia lakini wote tunajua uhodari wao vile vile wa Imani katika Mungu wa kweli, lakini walikuwa wazuri ni katika hali kama hiyo pia uzuri hutumiwa na ibilisi pia kwa faida zake kama tunavyojifunza katika kipengele kifuatacho:-

 

Uhusiano wa uzuri na matumizi ya shetani

Kama jinsi ambavyo tumeona jinsi ambavyo Mungu aliwatumia vijana wa kike na kiume walio wazuri kuwa watumishi wake naye akitukuzwa kupitia imani zao na matendo yao, hali kadhalika shetani huutumia uzuri kwa kusudi la kuwatumia watu wazuri wa muonekano na sura kwaajili ya kazi zake huku yeye mwenyewe akiwa ni kielelezo cha Matumizi mabaya ya uzuri ona:- 

Ezekiel 28:13-17 “Ulikuwa ndani ya Adeni, bustani ya Mungu; kila jiwe la thamani lilikuwa kifuniko chako, akiki, na yakuti manjano, na almasi, na zabarajadi, na shohamu, na yaspi, na yakuti samawi, na zumaridi, na baharamani, na dhahabu; kazi ya matari yako na filimbi zako ilikuwa ndani yako; katika siku ya kuumbwa kwako zilitengenezwa tayari. Wewe ulikuwa kerubi mwenye kutiwa mafuta afunikaye; nami nalikuweka hata ukawa juu ya mlima mtakatifu wa Mungu, umetembea huko na huko kati ya mawe ya moto. Ulikuwa mkamilifu katika njia zako tangu siku ile ulipoumbwa, hata uovu ulipoonekana ndani yako. Kwa wingi wa uchuuzi wako watu walikujaza udhalimu ndani yako, nawe umetenda dhambi; kwa sababu hiyo nimekutoa kwa nguvu katika mlima wa Mungu, kama kitu kilicho najisi; nami nimekuangamiza, Ewe kerubi ufunikaye, utoke katika mawe hayo ya moto. Moyo wako uliinuka kwa sababu ya uzuri wako; umeiharibu hekima yako kwa sababu ya mwangaza wako; nimekutupa chini, nimekulaza mbele ya wafalme, wapate kukutazama.”              

Yeye mwenyewe Shetani (LUSIFA) maandiko yanatueleza wazi kuwa alikuwa ni malaika mzuri sana  mwenye utukufu mwingi yeye aliyekaa katika uwepo wa Mungu, lakini inaelezwa kuwa MOYO WAKE ULIINUKA KWA SABABU YA UZURI WAKE,  kwa hiyo zawadi ya uzuri wakati mwingine imewaletea wengi majivuno na kuuwafanya wautumie uzuri kutekeleza matakwa ya kishetani  matokeo yake wanakuwa ni wazuri wa sura na muonekano lakini wakiwa hawana uadilifu unaokusudiwa na Mungu, kinyume na makusudi ya Mungu ya kuumba watu wazuri ili awatumie shetani amekuwa akiwatumia wanaume wazuri na wanawake wazuri kwaajili ya tabia mbaya

-          Uzuri umetumiwa kwa kusudi la umalaya Mithali 6:24-26 “Yakulinde na mwanamke mwovu, asikupate, Na kukuponya na ubembelezi wa mgeni. Usiutamani uzuri wake moyoni mwako; Wala usikubali akunase kwa kope za macho yake. Maana kwa malaya mtu hutiwa katika hali ya kuhitaji kipande cha mkate; Na kahaba humwinda mtu anase nafsi yake iliyo ya thamani”

 

-          Uzuri unatumiwa na ibilisi kwa makusudi ya ubakaji wakati mwingine  2Samuel 13:1-2. “Ikawa baada ya hayo, Absalomu, mwana wa Daudi, alikuwa na umbu mzuri, jina lake akiitwa Tamari, naye Amnoni, mwana wa Daudi, akampenda. Akasononeka Amnoni, hata akaugua, kwa ajili ya umbu lake Tamari, maana huyu msichana alikuwa mwanamwali, Amnoni akaona ni vigumu kumtendea neno lo lote.”

 

Unaona tunaelezwa kuwa Absalom mwana wa Daudi alikuwa na dada mzuri kiasi ambacho kaka yake Ammnoni alimpenda sana mpaka akaugua yaani aliumwa kwaajili ya ndugu yake ambaye alikuwa mzuri, uzuri wa Tamari ulimpoza kiasi ambacho kaka yake hakuweza kuvumilia wala kusubiri michakato ya kuomba kwa mfalme ili amuoe na badala yake akambaka na kufanya upumbavu ona

 

2Samuel 13:6-14 “Basi Amnoni akalala, akajifanya mgonjwa; na mfalme alipokuja kumtazama, Amnoni akamwambia mfalme Mwache ndugu yangu, Tamari, aje, nakusihi, aniandalie mikate miwili machoni pangu, nipate kula mkononi mwake. Basi Daudi akatuma mjumbe aende nyumbani kwa Tamari, akasema, Nenda sasa nyumbani kwa Amnoni, ndugu yako, ukamwandalie chakula. Akaenda Tamari nyumbani kwa nduguye Amnoni; naye alikuwa amelala. Akachukua unga, akaukanda, akaiandaa mikate machoni pake, akaioka mikate. Akalitwaa kaango, akaisongeza mbele yake; lakini alikataa kula. Naye Amnoni akasema, Toeni watu wote kwangu. Wakatoka kila mtu kwake. Amnoni akamwambia Tamari, Kilete chakula chumbani, nipate kula mkononi mwako. Basi Tamari akaitwaa mikate aliyoifanyiza, akamletea Amnoni nduguye mle chumbani. Naye alipokwisha kuileta karibu naye, ili ale, Amnoni akamkamata, akamwambia, Njoo ulale nami, ndugu yangu. Naye akamjibu, La, sivyo, ndugu yangu, usinitenze nguvu; kwani haifai kutendeka hivi katika Israeli; usitende upumbavu huu. Nami nichukue wapi aibu yangu? Wewe nawe utakuwa kama mmoja wa wapumbavu wa Israeli. Basi, sasa, nakusihi, useme na mfalme; kwa maana hatakukataza kunioa. Walakini yeye hakukubali kusikiliza sauti yake; naye akiwa na nguvu kuliko yeye, akamtenza nguvu, akalala naye.”

 

Tunajifunza hapa kuwa wakati mwingine uzuri wa watu umewaponza, shetani amatumia tamaa za watu kuwashambulia watu wazuri, kama Tamari ambaye alibakwa kwa sababu ya uzuri wake, unaweza kushambuliwa na shetani kwa sababu ya uzuri, sio lazima kwa kubwakwa tu, unaweza kuteswa na mapepo kwa sababu tu wameona u mzuri, unaweza kutupiwa majini na watu kwa sababu tu wameona u mzuri, unaweza kufanyiwa ulaghai wa kila aina kwa sababu tu watu wameona u mzuri, uzuri unaweza kumfanya adui akushambulie, uzuri unaweza kumfanya mtu akakushawishi, uzuri unaweza kufanya hata mumeo akauawa, au hata kama umeolewa bado watu wakaingilia ndoa yako na kukuchukulia ukipendacho kwa sababu ya uzuri, uzuri wako ndio jaribu lako, uzuri wako unaweza kukaribisha changamoto nyingi

 

Uzuri unaweza kuiponza ndoa yako na nyumba yako ona 2Samuel 11:2-4 “Ikawa wakati wa jioni, Daudi akaondoka kitandani, akatembea juu ya dari ya jumba la mfalme; na alipokuwa juu ya dari aliona mwanamke anaoga; naye huyo mwanamke alikuwa mzuri sana, wa kupendeza macho. Naye Daudi akapeleka, akauliza habari za yule mwanamke. Mtu mmoja akasema, Je! Huyu siye Bath-sheba, binti Eliamu, mkewe Uria, Mhiti? Basi Daudi akapeleka wajumbe, akamtwaa; naye akaingia kwake; naye akalala naye; (maana yule mwanamke amekwisha kutakasika unajisi wake); kisha akarudi nyumbani kwake.”

 

Unaiona tunaambiwa kuwa Bathsheba binti Eliamu huyu ndiye mama yake Mfalme Sulemani alikuwa mzuri sana wa kupendeza macho, na Daudi alipomuaona alimtamani na kuagiza aletewe na kuingia kwake, kumbuka kuwa alikuwa mke wa mtu, lakini mtu mwingine mwenye fedha, mamlaka na utawala anaingiwa na tamaa na kuona kuwa mwanamke huyu anafaa kuwa wake na sio hivyo tu alienda mbali na kufanya njama za kumuua mumewe ili amuoe yeye mwanamke yul, uzuri wa mwanamke huyu unamleta katika majonzi na sababu kubwa sana ya maangamizi na dhambi katiika familia ya Daudi, Kwa nini kwa sababu shetani alimpa moyo wa kutokuvumilia alipoona uzuri wa mwanamke huyu, tunajifunza kuwa uzuri wako utawavutia watu wa kila aina wenye tabia mbaya, wenye tamaa, wenye mamlaka na mali ili umuone mumeo au mkeo kuwa mtu duni na wao wakuchukue kwajili ya fahari ya miili yao, wako watu ambao watakuona kama hicho ulicho nacho haustahili kuwa nacho, na ulicho nacho ni chao pia, watataka waonje uzuri wa mumeo watataka waonje uzuri wa mkeo.     

 

-          Uzuri unaweza kutumiwa na shetani kukufanya uwe na kiburi na kukosa adabu  – 2Samuel 14:25 -27 “Basi katika Israeli wote hapakuwa na mtu hata mmoja mwenye kusifiwa kwa uzuri wake kama huyo Absalomu; tangu nyayo za miguu yake hata utosi wa kichwa chake hapakuwa na ila kwake.  Naye aliponyoa kichwa, (basi mwisho wa kila mwaka hunyoa; na kwa sababu nywele zilikuwa nzito kwake, kwa hiyo akanyoa;) hupima nywele za kichwa chake shekeli mia mbili kwa uzani wa mfalme. Kisha wakazaliwa kwake Absalomu wana watatu na binti mmoja, ambaye jina lake aliitwa Tamari; naye alikuwa mwanamke mzuri wa uso.”

 

Tunasoma hapo katika maandiko ya kwamba Absalom mwana wa Daudi alikuwa gumzo katika Israel kijana alikuwa mzurii, kijana alisifiwa Israel yote kwa sababu ya uzuri wake alikuwa mzuri kutoka utosini mpaka kwenye unyao wa miguu yake  na inaelezwa kuwa hakuwa hata na doa lolote, alikuwa ananyoa mara moja kwa mwaka hivyo alikuwa na nyele nzito, nzuri ndefu zinazoangukia mgongoni au mabegani  n ahata alipofanikiwa kuna na binti binti yake naye alikuwa mzuri uzito wa nywele zake ziliponyolewa ilikuwa ni shekel mia mbili kwa vipimo vya wakati ule shekeli moja kwa sasa ni sawa na  kilogram 0.0114 kwa hiyo 0.0114 x 200 = 2.28 hii ni sawa na kusema Nyele za Absalom ziliponyolewa zilipatikana kilo mbili na gram 28  kwa kweli alikuwa ni kijana mzuri mno mzuri sana na ilikuwa halali aweze kuwa gumzo katika Israel na alipendwa na kukubalika na watu, hata hivyo tunasima mwisho mbaya wa kijana huyu, uzuri wake ulimpa kiburi, akili yake ilijaa hila shetani alimuharibu alimpingua baba yake na nyele zake ambazo zilikuwa ni moja ya fahari yake kubwa sana zilikuwa sababu ya kifo chake licha ya kulala na wake za baba yake na kumuasi na kupigana naye vita  tunasoma hivi

 

2Samuel 18:6 -16 “Hivyo watu wakatoka waende nyikani ili kupigana na Israeli; na vita vikatokea ndani ya msitu wa Efraimu.Watu wa Israeli wakapigwa huko mbele ya watumishi wa Daudi, kukawa na maangamizo makuu huko siku ile, ya watu ishirini elfu. Kwa maana vita vilienea huko juu ya uso wote wa nchi; na siku ile huo msitu ukala watu wengi kuliko wale walioliwa na upanga. Na kwa bahati Absalomu akakutana na watumishi wa Daudi. Naye Absalomu alikuwa amepanda nyumbu wake, na yule nyumbu akapita chini ya matawi manene ya mwaloni mkubwa, hata kichwa chake kikakwama katika mwaloni huo, akanyakuliwa juu kati ya mbingu na nchi; na yule nyumbu aliyekuwa chini yake akaenda mbele. Basi mtu mmoja akaona hayo, akaenda akamwambia Yoabu, akasema, Tazama, mimi nalimwona Absalomu ametundikwa katika mwaloni. Naye Yoabu akamwambia mtu yule aliyempasha habari, Je! Wewe umeona haya; Mbona, basi, hukumpiga hata nchi papo hapo? Nami ningalikupa fedha kumi na mshipi. Yule mtu akamwambia Yoabu, Kama ningalipata fedha elfu mkononi mwangu, hata hivyo singalinyosha mkono wangu juu ya mwana wa mfalme; kwa maana mfalme masikioni mwetu alikuagiza wewe, na Abishai na Itai, akisema, Angalieni sana mtu awaye yote asimguse yule kijana, Absalomu. Na tena, kama ningaliitendea roho yake kwa hila; (wala hapana neno lo lote liwezalo kufichwa mbele ya mfalme); ndipo wewe mwenyewe ungalijitenga. Ndipo Yoabu akasema, Siwezi kungoja na kusema nawe hivi. Akachukua vyemba vitatu mkononi mwake, akamchoma Absalomu moyoni, alipokuwa akali hai katikati ya ule mwaloni. Kisha vijana kumi, waliomchukulia Yoabu silaha zake wakamzunguka, wakampiga Absalomu, na kumwua. Kisha Yoabu akapiga tarumbeta, wakarudi watu toka kuwafuatia Israeli; kwani Yoabu akawazuia watu.”

 

Ni jambo la kusikitisha sana ya kuwa nyele zake zilezile Absalom ambazo zilikuwa moja ya sababu kubwa ya uzuri wake ndizo zilinasa kichwa chake juu ya mti wa mwaloni na hivyo kuuawa kwa kuchomwa moyoni na kushambuliwa kwa silaha na ukawa mwisho wake ni somo kwetu kuwa wakati mwingine sifa ile ile njema na uzuri ule ule tulio nao unaweza kugeuka au kutumiwa na adui kuwa maangamizi yetu  

 

Kumbuka pia kuwa ni uzuri wake Vashti uliosababisha akapoteza umalikia na kuonyesha dharau kwa mumewe ambaye alitaka kuonyesha fahari kwa wenzako ya kuwa ana mwanamke mzuri na matatat sana ona

 

Esta 1:10-21 “Hata siku ya saba, mfalme alipofurahiwa moyo wake kwa divai, aliwaamuru Mehumani, Biztha, Harbona, Bigtha, Abagtha, Zethari, na Karkasi, wale wasimamizi-wa-nyumba saba waliohudumu mbele za mfalme Ahasuero, wamlete Vashti, malkia, mbele ya mfalme, amevaa taji ya kifalme; ili kuwaonyesha watu na maakida uzuri wake, maana alikuwa mzuri wa uso. Bali Vashti, malkia, alikataa kuja kwa amri ya mfalme kwa mkono wa wasimamizi-wa-nyumba; kwa hiyo mfalme akaghadhibika sana, na hasira yake ikawaka ndani yake. Basi mfalme akawaambia wenye hekima, walio na elimu ya nyakati; maana ndivyo ilivyokuwa desturi ya mfalme kwa wote waliojua sheria na hukumu; na karibu naye wameketi Karshena, Shethari, Admatha, Tarshishi, Meresi, Marsena, na Memukani, wale maakida saba wa Uajemi na Umedi, waliouona uso wa mfalme, na kuketi wa kwanza katika ufalme; akawauliza, Tumfanyieje Vashti, malkia, kwa sheria, kwa sababu hakufanya kama vile alivyoamriwa na mfalme Ahasuero kwa mkono wa wasimamizi-wa-nyumba? Basi Memukani akajibu mbele ya mfalme na maakida, Huyu Vashti, malkia, hakumkosa mfalme tu peke yake, ila na maakida wote, na watu wote pia walioko katika majimbo yote ya mfalme Ahasuero. Kwa maana tendo hilo la malkia litajulikana na wanawake wote, hata waume zao watadharauliwa machoni pao, itakaponenwa ya kuwa mfalme Ahasuero aliamuru Vashti, malkia, aletwe mbele yake, bali hakuja. Hata na leo hivi mabibi wastahiki wa Uajemi na Umedi waliokwisha kuzisikia habari za tendo lake malkia watawaambia vivi hivi maakida wote wa mfalme. Hivyo kutatokea dharau nyingi na ghadhabu tele. Basi mfalme akiona vema, na itoke kwake amri ya kifalme, nayo iandikwe katika sheria za Waajemi na Wamedi isitanguke, ya kwamba Vashti asifike tena mbele ya mfalme Ahasuero; na umalkia wake mfalme ampe mwingine aliye mwema kuliko yeye. Basi mbiu ya mfalme atakayoipiga itakapotangazwa katika ufalme wake wote, nao ni mkubwa, wake wote watawaheshimu waume zao, wakubwa kwa wadogo. Basi neno hili likawapendeza mfalme na maakida; naye mfalme akafanya sawasawa na neno lake Memukani.”

 

Muda usingeweza kutosha kuona namna shetani alivyotumia uzuri kuharibu maisha ya watu tofauti na namna Mungu alivyokusudia, watu wengi tunawasoma kuwa walipata hasara katika maisha yao na machungu katika maisha yao kwa sababu shetani alitumiz uzuri wao kama sababu ya kuharibikiwa kwao, leo hii wanawake kwa wanaume wazuri wasio na ila wala madoa ndio wanaotumiwa katika kupiga picha za ngono, na kurekodi mikanda ya ngono, wanatumiwa kutangaza bidhaa mbalimbali, wanatumiwa katika kutangazaa pombe, sigara na wanatumiwa kama wanengua viuno katika miziki ya dansi, maarufu kama (video queens)  na katika anasa nyingi, wanatumiwa kama vivutia na sehemu ya viburudisho katika jamii sehemu za starehe mbalimbali, wanatumiwa katika madaa, na makasino wanatumika katika maeneo mbalimbali ya kuharibu aina binadamu kwa sababu tu ya uzuri

 

Katika andiko letu la Msingi tunasoma habari za Mwanamke aliyeitwa Abishagi nib inti aliyekuwa mzuri sana mzuri mno, washauri wa mfalme walumuona Daudi kuwa amezeeka na hivyo walitaka kumtia moyo mfalme ili achangamke na kupewa joto, na ndipo alipotafutwa binti huyu aliyekuwa kijana mzuri ili amuhudumie mfalme mzee ambaye kimsingi hakuweza kumgusa lakini alimtumia kwaajili ya kujiburudisha tu, asingeliweza kuzaa naye wala kulala naye lakini binti wa watu alitwaliwa na kutumiwa hovyo tu kwa sababu ya uzuri Abishagi alitumika kama nesi wa mfalme tu na muhudumu wa mfalme tu wa kumpa joto ashukuriwe Mungu kuwa baadaye aliolewa na Mfalme Suleimani lakini ni jambo la kusikitisha kuona uzuri wake ulikuwa kama unapotezewa muda na kutafuta namna ya kubebeshwa ujane, nyakati za leo tunaweza kuona matukio ya namna hii ambapo wazee wanatafuta kujifariji kwa wanawake vijana tena wazuri, hatuwezi kuhukumu lolote lakini tunaweza kukiri kuweko kwa matumizi mabaya ya uzuri na kupotezewa muda na kuachwa ujane kwa sababu ya uzuri

 

1Wafalme 1:1 – 4 “Mfalme Daudi alikuwa mzee, mkongwe katika siku zake, nao wakamfunika nguo, lakini asipate moto. Kwa hiyo watumishi wake wakamwambia, Bwana wangu mfalme na atafutiwe kijana mwanamwali; naye asimame mbele ya mfalme, amtunze; alale kifuani mwako, ili bwana wangu mfalme apate moto. Basi wakatafuta kijana mzuri mipakani mwote mwa Israeli, wakamwona Abishagi, Mshunami, wakamleta kwa mfalme. NAYE KIJANA HUYO ALIKUWA MZURI SANA; akamtunza mfalme, akamtumikia; walakini mfalme hakumjua.”

 

Matumizi  sahihi ya uzuri katika ulimwengu wa mwili na roho.

Ni muhimu kwanza kuelewa kuwa uzuri ni karama ni zawadi anayoitoa Mungu, kama apendavyo yeye mwenyewe tunasoma katika maandiko jinsi Mungu alivyombariki Ayubu baada ya majaribu moja ya zawadi aliyompa ni pamoja na mabinti watatu ambao tunaambiwa walikuwa ni wazuri sana mabinti hao wa Ayubu waliitwa YEMIMA, KESIA NA KEREN  ona Ayubu 42:12-15 “Basi hivyo Bwana akaubarikia huo mwisho wa Ayubu zaidi ya mwanzo wake; naye alikuwa na kondoo kumi na nne elfu, na ngamia elfu sita, na jozi za ng'ombe elfu, na punda wake elfu. Tena alikuwa na wana waume saba, na binti watatu. Akamwita huyo wa kwanza jina lake Yemima; na wa pili akamwita jina lake Kesia; na wa tatu akamwita jina lake Keren-hapuhu. Katika nchi hiyo yote hawakuwapo wanawake waliokuwa wazuri kama hao wana wa Ayubu; na baba yao akawapa urithi kati ya ndugu zao wana waume.” Kwa msingi huo utaweza kukubaliana name kuwa uzuri ni zawadi ambayo Mungu huitoa katika familia kadhaa kama apendavyo Mungu yeye mwenyewe hata hivyo, zawadi au karama ya uzuri ni vema ikatumika vizuri kwaajili yake             

Ni ukweli ulio wazi kuwa uzuri wa mwili bila kujali uadilifu na tabia za kiroho uzuri huo unakuwa ni ubatili mtupu, inaonekana wazi kuwa uzuri wa mwili haujitoshelezi ukibaki pake yake bila uzuri wa kiroho mwili wetu ni hekalu la Roho Mtakatifu na hivyo Mungu amekusudia atukuzwe katika miili yetu ona

1Wakorintho 6:19-20 “Au hamjui ya kuwa mwili wenu ni hekalu la Roho Mtakatifu aliye ndani yenu, mliyepewa na Mungu? Wala ninyi si mali yenu wenyewe; maana mlinunuliwa kwa thamani. Sasa basi, mtukuzeni Mungu katika miili yenu.”

Unaona maandiko yanataka Mungu atukuzwe katika miili yetu kama Mungu ametuumba vizuri na kisha tukashindwa kuutumia uzuri wetu kwa uzuri wa kiroho tutasababisha majaribu makuwa kwa watu na kumuudhi Mungu, tutasababisha majaribu kwa watu na kwetu wenyewe na kumpa shetani nafasi ya kukufuru katika miili yetu, uzuri wa mwili bila uzuri wa kiroho ni sawa na kuwa na ugonjwa unaoambukiza, utasababisha kuenea kwa uharibifu kwa wengine na kwako mwenyewe, uzuri wa mwili bila uzuri wa rohoni ni hatari sana, wote tunakumbuka jinsi Hekalu la Yerusalem lilivyokuwa zuri, hata wanafunzi wa Yesu walikuwa wakimuonyesha Yesu kuwa hekalu lile ni zuri mno, Lakini Yesu aliwaambia haltasalia jiwe juu ya jiwe ambalo halitabomoshwa kwa sababu uziri wa nyumba ile ungekuwa bora kama watu wake wangesimamisha ibada lakini watu walipikuwa waasi na kumsukumia mbali masihi aliyetumwa kwao mbele za Mungu nyumba ile ilionekana kuwa haina maana tena  ona

Mathayo 24:1-2 “Yesu akaenda zake, akatoka hekaluni; wanafunzi wake wakamwendea ili kumwonyesha majengo ya hekalu. Naye akajibu akawaambia, Hamyaoni haya yote? Amin, nawaambieni, Halitasalia hapa jiwe juu ya jiwe ambalo halitabomoshwa.”

Mungu alipokupa uzuri ilikuwa ni dalili iliyo wazi ya kuweka uzuri wake ndani yako, kwa hiyo uko uwezekano mkubwa sana kuwa katika kila mwanadamu aliyeumbwa vizuri ilikuwa Mungu ajifunue kupitia uzuri wake kwaajili ya utukufu wake na ndio maana tunatangulia kuuona uzuri wa kiwmili lakini yamkini Mungu alikusudia pia baadaye kufunua uzuri wa kiroho ndani yake, lakini shetani anapowahi na kuanza kuleta uharibifu ndipo tunapoweza kufikiri kuwa vizuri vizuri viliumbwa kwaajili ya shetani tu hapana Mungu aliumba vitu vizuri kwaajili ya utukufu wake, Hakuna jambo linatia moyo kama kuona wadada wazuri, wakaka wazuri, wamama wazuri, wababa wazuri alafu wakati huo huo wanamcha Mungu kupita kawaida na wana msimamo ya kiroho, wa akili na huku wakiwa mstari wa mbele katika kazi za ukombozi, kama alivyokuwa Musa, Esta, Mariamu, Daniel na wenzake, Daudi, na kadhalika watu ambao walikuwa wazuri sana  kwaajili ya utukufu wa Mungu na wakamtumikia Mungu, shukurani tunayoweza kumrudishia Mungu kwa kutuumba vizuri ni pamoja na kumcha yeye, Lusifa aliumbwa vizuri sana lakini badala yake akawa na kiburi, na kuutumia uzuri wake vibaya Mungu aliahidi ya kuwa atamfukuzilia mbali kwa sababu moyo wake uliinuka kwa sababu ya uzuri, badala ya kuutumia uzuri kwa utukufu wa Mungu, kilichompata Lusifa kinaweza kumpata yeyote ambaye ni mzuri, Mungu anatoa wito kwa wazuri wote leo kugeuka na kuyatoa maisha yao kwa Yesu, msifikiri kuwa uzuri wenu ni kwaajili ya duania hii hapana ni kwaajili ya utukufu wa  Mungu, kila mmoja autumie uzuri kwa kwaajili ya kuonyesha namna anavyoweza kumuadhimisha Mungu balada ya kuwa na kiburi na majivuno kama shetani, aidha nitoe wito kwa wakristo mambibi na mabwana kutokuutumia uzuri wao vibaya wako watu wengine huutumia uzir wao kama ukarimu wa kukubali kila kitu, kwa kuwa ni wazuri basi wanataka kuonjesha uzuri wao kwa kila mtu au kuutumia uzuri wako kwa kiburi na majivuno na kujiinua, bwana ampe neema kila mmoja wetu kuimarisha uzuri wake alionao mwilini kwa kumcha Mungu na kutembea katika uwepo wa Mungu!

Ezekiel 28:13-19 “Ulikuwa ndani ya Adeni, bustani ya Mungu; kila jiwe la thamani lilikuwa kifuniko chako, akiki, na yakuti manjano, na almasi, na zabarajadi, na shohamu, na yaspi, na yakuti samawi, na zumaridi, na baharamani, na dhahabu; kazi ya matari yako na filimbi zako ilikuwa ndani yako; katika siku ya kuumbwa kwako zilitengenezwa tayari. Wewe ulikuwa kerubi mwenye kutiwa mafuta afunikaye; nami nalikuweka hata ukawa juu ya mlima mtakatifu wa Mungu, umetembea huko na huko kati ya mawe ya moto. Ulikuwa mkamilifu katika njia zako tangu siku ile ulipoumbwa, hata uovu ulipoonekana ndani yako.  Kwa wingi wa uchuuzi wako watu walikujaza udhalimu ndani yako, nawe umetenda dhambi; kwa sababu hiyo nimekutoa kwa nguvu katika mlima wa Mungu, kama kitu kilicho najisi; nami nimekuangamiza, Ewe kerubi ufunikaye, utoke katika mawe hayo ya moto. Moyo wako uliinuka kwa sababu ya uzuri wako; umeiharibu hekima yako kwa sababu ya mwangaza wako; nimekutupa chini, nimekulaza mbele ya wafalme, wapate kukutazama. Kwa wingi wa maovu yako, katika uovu wa uchuuzi wako, umepatia unajisi patakatifu pako; basi nimetokeza moto kutoka ndani yako, nao umekuteketeza, nami nimekufanya kuwa majivu juu ya nchi, machoni pa watu wote wakutazamao. Wote wakujuao kati ya kabila za watu watakustaajabia; umekuwa kitu cha kutisha, wala hutakuwapo tena hata milele.”        

 

Na Rev. Innocent Mkombozi Samuel bin Jumaa, bin Athumani Bin Zumbe Salim Kamote

Mkuu wa wajenzi mwenye Hekima !

Wewe hutakuwa Mchukua habari leo!

2Samuel 18:19-21 “Basi Ahimaasi, mwana wa Sadoki, akasema, Niende mbio sasa, nikampelekee mfalme habari, jinsi Bwana alivyomlipiza kisasi juu ya adui zake. Yoabu akamwambia, Wewe hutakuwa mchukua habari leo, siku nyingine utachukua habari; lakini leo hutachukua habari, kwa sababu mwana wa mfalme amekufa. Ndipo Yoabu akamwambia Mkushi mmoja, Nenda ukamwambie mfalme hayo uliyoyaona. Na huyo Mkushi akajiinamisha mbele ya Yoabu, akaenda zake mbio.”

Utangulizi:

Ni muhimu kufahamu kuwa katika maisha yetu duniani, kuna umuhimu mkubwa sana wa kujua muda sahihi na wakati sahihi ya kufanya wajibu Fulani ambao Mungu ameukusudia kwetu, hakuna jambo zuri sana katika maisha kama kujua Mungu anataka tufanye nini na kwa wakati sahihi,

Muhubiri 3:11 “Kila kitu amekifanya kizuri kwa wakati wake; tena ameiweka hiyo milele ndani ya mioyo yao; ila kwa jinsi mwanadamu asivyoweza kuivumbua kazi ya Mungu anayoifanya, tangu mwanzo hata mwisho.”

Unaona kila kitu amekifanya kizuri kwa wakati wake, hii maana yake Mungu ndiye anayedhibiti maisha na ana wakati mkamilifu kwa kila jambo chini ya mbingu, kwa msingi hio maisha yao na maisha yangu yako katiia mikono ya Mungu na Mungu amelifanya kila jambo kuwa jema kwa wakati wake!, Hakuna jambo linaloweza kufanyika nje ya wakati

Wagalatia 4:4-5 “Hata ulipowadia utimilifu wa wakati, Mungu alimtuma Mwanawe ambaye amezaliwa na mwanamke, amezaliwa chini ya sheria, kusudi awakomboe hao waliokuwa chini ya sheria, ili sisi tupate kupokea hali ya kuwa wana.”

Unaweza kuona Mungu hufanya mambo kwa wakati tena wakati unapowadia utimilifu wa wakati alioukusudia, hakuna jambo linalotokea kwa bahati mbaya lakini wakati wote Mungu hutimiza makusudi yake kwa wakati, kwa hivyo kuna umuhimu mkubwa wa kila mmoja wetu kujua mapenzi ya Mungu ili tujue tunafanya nini kwa wakati upi katika mapenzi na makusudi ya Mungu, tutajifunza somo hili kwa kuzingatia vipengele vitatu vifuatavyo:-

      Umuhimu wa kufanya mambo kwa wakati

      Hasara ya kufanya mambo nje ya wakati

      Wakati wa Mungu ndio wakati sahihi

Umuhimu wa kufanya mambo kwa wakati.

Ni muhimu kufahamu kuwa neno wakati linalotumika katika Maandiko ya kiyunani ni neno KRONOS  ambalo kwa kiingereza linapatikana neno CHRONOLOGY  ambalo maana yeke ni mpangilio wa muda na matukio katika wakati sahihi na maalumu, maana yake ni kuwa uko mtiririko wa matukio yanayotokea katika mpango wa Mungu kwa wakati na waka sio kwa bahati mbaya liwe jambo jema ama baya, mungu anajua na amekusudia kila kitu kwa wakati na kila tukio katika maisha yetu kwa wakati, kwa hiyo hakuna bahati mbaya katika maisha ya watu wa Mungu, kila jambo limeratibiwa na Mbingu zina taarifa ujuzi na utatuzi wa kila matukio katika maisha yetu. Tumejifunza kuwa Yesu alikuja kwa wakati na alifanya kila jambo kwa wakati na matukio yote katika maisha yake yalitokana na kile ambacho Mungu alikuwa amekikusudia kwa wakati huo

Luka 2:1-6 “Siku zile amri ilitoka kwa Kaisari Augusto ya kwamba iandikwe orodha ya majina ya watu wote wa ulimwengu. Orodha hii ndiyo ya kwanza iliyoandikwa hapo Kirenio alipokuwa liwali wa Shamu. Watu wote wakaenda kuandikwa, kila mtu mjini kwao. Yusufu naye aliondoka Galilaya, toka mji wa Nazareti, akapanda kwenda Uyahudi mpaka mji wa Daudi, uitwao Bethlehemu, kwa kuwa yeye ni wa mbari na jamaa ya Daudi; ili aandikwe pamoja na Mariamu mkewe, ambaye amemposa, naye ana mimba. Ikawa, katika kukaa huko, siku zake za kuzaa zikatimia,”

Tunajifunza namna Mungu anavyofanya kazi katika namna ya kushangaza sana huku kila kitu kikiwa kimeratibiwa katika maisha yake wote tunakumbuka kuwa Nabii Mika alitabiri kuwa Masihi atazaliwa Bethelehemu

Mika 5:2 “Bali wewe, Bethlehemu Efrata, uliye mdogo kuwa miongoni mwa elfu za Yuda; kutoka kwako wewe atanitokea mmoja atakayekuwa mtawala katika Israeli; ambaye matokeo yake yamekuwa tangu zamani za kale, tangu milele.”

Lakini wakati wa kuzaliwa kwa Masihi ulipowadia wazazi wa Yesu Kristo walikuwa wanaishi Nazareth lakini mfalme wa kipagani Kaisari Augusto alitoa amri ya watu kuhesabiwa na kuwa kila mmoja alipaswa kwenda kuhesabiwa kwao, tamko hili lilimlazimisha Yusufu na mariam kutembea kama kilomita 130 hivi kutoka Nazareth kwenda Bathelehemu na katika kulitimiza hilo Yesu alizaliwa Bathelehemu,  kwa hiyo utakubaliana nami kuwa Mungu hufanya kila jambo kwa wakati wake

Alianza kuhubiri kwa wakati – Ona Marko 1:14-15 “Hata baada ya Yohana kutiwa gerezani, Yesu akaenda Galilaya, akiihubiri Habari Njema ya Mungu, akisema, Wakati umetimia, na ufalme wa Mungu umekaribia; tubuni, na kuiamini Injili.”  

Hakukubali kufanya mambo kwa shinikizo la watu kabla ya wakati wake – Yohana 7:3-6 “Basi ndugu zake wakamwambia, Ondoka hapa, uende Uyahudi, wanafunzi wako nao wapate kuzitazama kazi zako unazozifanya. Kwa maana hakuna mtu afanyaye neno kwa siri, naye mwenyewe ataka kujulikana. Ukifanya mambo haya, basi jidhihirishe kwa ulimwengu. Maana hata nduguze hawakumwamini. Basi Yesu akawaambia, Haujafika bado wakati wangu; ila wakati wenu sikuzote upo.”

Adui zake hawangeweza kumfanya lolote kama wakati wake bado – ona Yohana 7:30 “Basi wakatafuta kumkamata; lakini hakuna mtu aliyeunyosha mkono wake ili kumshika, kwa sababu saa yake ilikuwa haijaja bado.”

Adui zake wangeweza kumkamata pale tu wakati wake ulipowadia ona Marko 14:41 “Akaja mara ya tatu, akawaambia, Laleni sasa, mpumzike; yatosha, saa imekuja; tazama, Mwana wa Adamu anatiwa mikononi mwao wenye dhambi.”    

Unaweza kuona tunajifunza kwamba kila jambo linalotokea katika maisha yetu tuwe tunajua au hatujui linatokea katika wakati ambao Mungu ameukusudia, kama wakati wa Mungu bado hawawezi kutufanya lolote, wakati wa Mungu ukifika wenye dhambi watatuonea, hakuna linalotokea kwa bahati Mbaya Mungu anajua kila kitu na kila jambo limetaribiwa katika maisha yetu, watu wengi sana huniambia mimi nifungue kanisa na wananipangia kabisa lakini mimi najua wakati, siwezi kufanya kama watu wafanyavyo au washaurivyo, Maisha yangu hayako katika uwezo wao wala mpango wao yeye aliyeniokoa anajua alicjikiweka ndani yangu ana anajua katika ulimwengu huu natakiwa kufanya nini na kwa wakati gani, nimechunga kanisa zaidi ya miaka 12, na nimefundisha vyo vya biblia kwa miaka 12 na nimekuwa mkuu wa shule ya seminary kwa miaka 10,  najua huduma iliyo ndani yangu na najua Yesu anavyotaka kunitumia,  najua matumiziz yangu sio kama matumizi ya mkumbo, kuna namna yangu ambayo kwayo Mungu hunitumia na ukifika wakati atafanya wala shihitaji ushauri wa kibinadamu, Mungu amekwisha kuniandikia kile ambacho ninapaswa kukifanya na wakati sahihi wa kufanya hilo upo, Ndugu zake Yesu walimshauri atoke akahubiri ili ajulikana Yesu alijua kuwa huo haukuwa wakti wake, hatufanyi mambo kwa sababu watu wanaona na kusema wala kwa sababu watu wanafikiri hiki ndicho tunapaswa kukifanya Mungu aliyemuita kila mmoja kwa wakati anajua ni wakati gani na ni muda gani atamtumia kila mmoja kwa majira yake na nyakati zake, hivyo wale ambao wanadhani wanaweza kunishauri au kunipangia cha kufanya nawaomba wakome kabisa kwani maisha yangu hayako katika ratiba zao!

Mtu anaweza kuja kwako na kukuuliza mbona huoi au mbona huelewi, ni kosa kubwa sana ni swali lenye maumivu makubwa kama wewe ndiye ambaye hujaolewa afu mtu anakuuliza dada mbona huolewi, mbiona muda unaenda, mbona wenzako wanaolewa wewe vipi!  Sasa utajioa mwenyewe? Lakini Mungu anajua wakati kwa wakati uliokusudiwa utaolewa tu hakuna jambo linalotokea kwa bahati mbaya, Katika Mwanzo 24 Abrahamu alimtuma mtumizi wake Eliazari aende kwa Nahori ndugu yake kwaajili ya kumtafutia Isaka mke yule Mtumishi aliomba maombi haya kwaajili ya kupata mke sahihi ona

Mwanzo 24:10-14 “Kisha huyo mtumishi akatwaa ngamia kumi katika ngamia za bwana wake akaenda zake, maana mali zote za bwana wake zilikuwa mkononi mwake, akaondoka, akaja mpaka Mesopotamia, mpaka mji wa Nahori. Akawapigisha magoti ngamia nje ya mji karibu na kisima cha maji wakati wa jioni, wakati ambapo wanawake wanakwenda kuteka maji. Naye akasema, Ee BWANA, Mungu wa bwana wangu Ibrahimu, nakuomba mambo yangu uyajalie yawe heri leo, ukamfadhili bwana wangu Ibrahimu. Tazama! Nimesimama karibu na kisima cha maji, na binti za watu wa mjini wanatoka kuteka maji, basi na iwe hivi; yule msichana nitakayemwambia, Tua mtungi wako, nakuomba, ninywe; naye akasema, Unywe, nami nitawanywesha na ngamia zako pia; basi huyu na awe ndiye uliyemchagulia mtumishi wako Isaka; na kwa hayo nitajua ya kuwa umemfadhili bwana wangu.”

Unaona wakati Eliazari anaomba dua hii Msichana ambaye Mungu alikuwa amekusudiwa kuolewa na isaka alifika kwa wakati na alikuwa mzuri na alifanya kama vile mtumishi wa Abrahamu alivyoomba na mtumishi wa Ibrahimu alijua mara moja kwamba huyu ndiye binti sahihi aliyekuja kwa wakati sahihi na kufanya jambo lililo sahihi na mwisho wa siku ndiye aliyefaa kuwa mke wa Isaka ona

Mwanzo 24:15 -27 “Ikawa, kabla hajaisha kunena, tazama, Rebeka anatokea, binti wa Bethueli mwana wa Milka, mkewe Nahori, ndugu wa Ibrahimu, naye ana mtungi begani pake. Naye yule msichana alikuwa mzuri sana uso wake, bikira, wala mwanamume hajamjua bado; akashuka kisimani, akajaza mtungi wake, akapanda. Ndipo yule mtumishi akapiga mbio kwenda kumlaki, akasema, Tafadhali unipe maji kidogo katika mtungi wako ninywe.Naye akasema, Unywe, bwana wangu, akafanya haraka, akatua mtungi wake mkononi mwake, akamnywesha. Hata alipokwisha kumnywesha akasema, Na ngamia zako nitawatekea, hata watakapokwisha kunywa. Akafanya haraka, akamwaga maji ya mtungi wake katika birika, akapiga mbio kisimani ateke, akawatekea ngamia zake wote. Basi yule mtu akamkazia macho, akanyamaza, ili ajue kwamba BWANA ameifanikisha safari yake ama sivyo. Ikawa, ngamia walipokwisha kunywa, yule mtu akatwaa pete ya dhahabu, uzani wake ulikuwa nusu shekeli, na vikuku viwili kwa mikono yake, uzani wake ulikuwa shekeli kumi za dhahabu, akasema, U binti wa nani wewe? Tafadhali uniambie. Je! Iko nafasi katika nyumba ya baba yako tupate mahali pa kukaa kwa muda? Akasema, Mimi ni binti wa Bethueli mwana wa Milka, aliyemzalia Nahori. Tena akamwambia, Kwetu kuna majani na malisho ya kutosha, na mahali pa kukaa wageni. Yule mtu akainama akamsujudu BWANA.  Akasema, Na atukuzwe BWANA, Mungu wa bwana wangu Ibrahimu, ambaye hakuacha rehema zake na kweli yake kwa bwana wangu. BWANA akaniongoza mimi nami njiani hata nyumba ya nduguze bwana wangu.”

Unaona Mungu anajua majira ya kila kitu duniani, ni Mungu mwema sana ni mzuri mno atafanya kila jambo kwa wakati wake, ni binti hajaolewa ataolewa kwa wakati wake, hivyo hatupaswi kusikitika au kulalamika kwa kila kitu kama kila kitu kiko katika udhibiti wa Mungu, utazaa, kwa wakati, utaolewa kwa wakati, utapandishwa cheo kwa wakati, utafanikiwa kwa wakati, utapata Amani kwa wakati, utainuliwa kwa wakati, utapata cha kufanya kwa wakati, utapata kazi kwa wakati, maisha yako yatabadilika kwa wakati, waambie adui zako ni swala la Muda tu kwa wakati wake Mungu atafanya kuile ambacho amekikusudia katika maisha yangu, kila jambo limeratibiwa katika makudui ya Mungu, hata mapito ninayoyapitia ni kwa wakati tu.

Hasara ya kufanya mambo nje ya wakati.

2Samuel 18:19-21 “Basi Ahimaasi, mwana wa Sadoki, akasema, Niende mbio sasa, nikampelekee mfalme habari, jinsi Bwana alivyomlipiza kisasi juu ya adui zake. Yoabu akamwambia, Wewe hutakuwa mchukua habari leo, siku nyingine utachukua habari; lakini leo hutachukua habari, kwa sababu mwana wa mfalme amekufa. Ndipo Yoabu akamwambia Mkushi mmoja, Nenda ukamwambie mfalme hayo uliyoyaona. Na huyo Mkushi akajiinamisha mbele ya Yoabu, akaenda zake mbio.”

Ni muhimu kufahamu kuwa kama tulivyojifunza kuwa Mungu hufanya mambo kwa wakati wake na tena kwa wakati sahihi, lakini kutokna na tabia zetu wanadamu za kukosa uvumilivu wakati mwingine tumekuwa na kiherehere cha kuharakisha mambo kabla ya wakati, tukidhani kuwa tutapata heshima inayokusudiwa na kumbe badala yake inaweza kuwa aibu, Katika kifungu tulichokisoma hapo juu na ambacho ndio kifungu cha msingi katika somo letu, tunamuona mtu anayeitwa Ahimaasi, huyu alikuwa ni mjumbe wa Mfalme daudi anayehusika na kupeleka habari njema kwa mfalme kwa hiyo alizoeleka hivyo na kwa kweli alikuwa mtu mwenye mbio sana kwa hiyo alikuwa anauwezo wa kufikisha habari kwa haraka, lakini siku alipouawa Absalom, Yoabu hakumtuma yeye kupeleka habari, kwa sababu habari zilikuwa mbaya ni siku ambayo mtoto wa mfalme amekufa hivyo Yoabu alimtuma Mkushi (Mu Ethiopia) apelike habari kwa mfalme siku ile Lakini hata hivyo Ahimaasi alilazimisha sana awe mpeleka habari siku ile jambo ambalo halikumletea heshima kabisa kama ilivyokuwa wakati mwingine ona

2Samuel 18:20-33 “Yoabu akamwambia, Wewe hutakuwa mchukua habari leo, siku nyingine utachukua habari; lakini leo hutachukua habari, kwa sababu mwana wa mfalme amekufa. Ndipo Yoabu akamwambia Mkushi mmoja, Nenda ukamwambie mfalme hayo uliyoyaona. Na huyo Mkushi akajiinamisha mbele ya Yoabu, akaenda zake mbio. Ndipo Ahimaasi, mwana wa Sadoki, akamwambia Yoabu mara ya pili, Haidhuru, tafadhali nipe ruhusa, nipige mbio na mimi nyuma ya huyo Mkushi. Naye Yoabu akasema, Mbona wewe unataka kupiga mbio, mwanangu, kwa maana hutapata kitu kwa habari hizo unazopeleka? Akasema, Haidhuru, nitapiga mbio. Akamwambia, Haya, piga mbio. Ndipo Ahimaasi akapiga mbio, akishika njia ya uwandani, akampita yule Mkushi. Basi Daudi alikuwa ameketi kati ya malango mawili; mlinzi akapanda juu hata dari ya lile lango hata ukutani, akainua macho yake, akaangalia, na tazama, mtu anakuja mbio peke yake. Mlinzi akalia, akamwambia mfalme. Naye mfalme akasema, Kama yu peke yake, ana habari kinywani mwake. Akaja mbio, akakaribia. Kisha huyo mlinzi akaona mtu mwingine anapiga mbio; mlinzi akamwita bawabu, akasema, Angalia, mtu mwingine anakuja mbio peke yake. Mfalme akasema, Huyu naye analeta habari. Na huyo mlinzi akasema, Nionavyo mimi, kupiga mbio kwake yule wa kwanza ni kama kupiga mbio kwake Ahimaasi, mwana wa Sadoki. Naye mfalme akasema, Yeye ni mtu mwema, anakuja na habari njema. Ahimaasi akainua sauti yake, akamwambia mfalme, Amani. Akainama mbele ya mfalme kifudifudi, akasema, Ahimidiwe Bwana, Mungu wako, aliyewatoa watu hao walioiinua mikono yao juu ya bwana wangu, mfalme. Mfalme akauliza, Je! Yule kijana, Absalomu, yu salama? Ahimaasi akajibu, Yoabu aliponituma mimi mtumishi wa mfalme, mimi mtumishi wako, naliona kishindo kikubwa, lakini sikujua sababu yake. Naye mfalme akasema, Geuka, usimame hapa. Akageuka, akasimama. Na tazama, yule Mkushi akafika; Mkushi akasema, Nina habari kwa bwana wangu mfalme; kwa maana Bwana amekulipizia kisasi leo juu ya hao wote walioinuka kupigana nawe. Naye mfalme akamwambia yule Mkushi, Yule kijana, Absalomu, je! Yu salama? Yule Mkushi akajibu, Adui za bwana wangu mfalme, na wote wainukao ili kukudhuru, na wawe kama alivyo yule kijana. Naye mfalme akataabika sana, akapanda juu, akaingia kile chumba kilichokuwa juu ya lango, akalia; na katika kwenda kwake alisema hivi, Mwanangu Absalomu! Ee mwanangu! Mwanangu Absalomu! Laiti ningalikufa badala yako, Absalomu, mwanangu, mwanangu!”

Unaona Ahimaasi hakupata Heshima inayokusudiwa kwa siku ile kwa sababu hakujua wakati sahihi ambao Mungu huwa anamtumia, kimsingi hakuwa ameachishwa kuchukua habari, lakini Yoabu alijua kuwa siku ile haikuwa wakati sahihi wa yeye kuwa mchukua habari na hivyo alipata hasara, wako watu hutamani nafasi uliyo nayo uliyopewa na Mungu kwa majira na nyakati, wako tayari hata kufanya mapinduzi wakidhani ya kuwa wao wana mbio kuliko wewe labda wewe unaonekana uko polepole kama MKUSHI lakini hata wakipiga mbio hawatapata heshima inayokusudiwa kwa sababu Mungu hafanyi kwa sababu ya jitihada ya kibinadamu bali anafanya kulingana na mtu aliyemchagua yeye na kwa wakati alioukusudia ona 

Warumi 9:14-16 “Tuseme nini basi? Kuna udhalimu kwa Mungu? Hasha! Maana amwambia Musa, Nitamrehemu yeye nimrehemuye, nitamhurumia yeye nimhurumiaye. Basi, kama ni hivyo, si katika uwezo wa yule atakaye, wala wa yule apigaye mbio; bali wa yule arehemuye, yaani, Mungu.”

Mungu huweka rehema zake kwa wale anaowachagua awatumie kwa wakati, wala sio kwa mtu atakaye au anayetamani, au ajuaye kupiga mbio bali yule ambaye Mungu ameamua kumrehemu mafanikio yoyote ambayo Mungu huyafanikisha kupitia watu huwa sio kwaajili ya akili au uwezo wa kibinadamu au maguvu na uwezo wa kukimbia no hapana Bali kuna rehema ya Mungu juu ya mtu ambaye Mungu amemchagua na kuamua kufanikisha mambo kwa mkono wake asomaye na afahamu, Mungu huonyesha hekima yake kwa kuchagua yale yaliyo manyionye, mapumbavu na yenye mapungufu ili kuonyesha kuwa Hekima ya kibinadamu haiwezi kufua dafu dhidi ya hekima ya Mungu

1Wakorintho 1:26-29 “Maana, ndugu zangu, angalieni mwito wenu, ya kwamba si wengi wenye hekima ya mwilini, si wengi wenye nguvu, si wengi wenye cheo walioitwa; bali Mungu aliyachagua mambo mapumbavu ya dunia awaaibishe wenye hekima; tena Mungu alivichagua vitu dhaifu vya dunia ili aviaibishe vyenye nguvu; tena Mungu alivichagua vitu vinyonge vya dunia na vilivyodharauliwa, naam, vitu ambavyo haviko, ili avibatilishe vile vilivyoko; mwenye mwili awaye yote asije akajisifu mbele za Mungu.”  

Ahimaasi alipaswa kufahamu kuwa sio swala la mbio wala sio swala la uzoefu, wala bidi, alipaswa kukubaliana na Yoabu kuwa yeye hangefaa kuwa mchukua habari, katika siku ile jambo ambalo lingemletea Heshima lakini badala yake aliamua kukazana na kukimbia kuliko Mkushi, Ndugu zangu Hekima ya Mungu ni tofauti sana na Hekima ya kibinadamu, kuna hasara za kufanya mambo kabla ya wakati wa Mungu kwa sababu ya kutaka kufanya mambo nje ya wakati wa Mungu jambo hilo limewaponza watu wengi sana na utajikuta unaishi maisha ya majuto kila kitu kifanyike kwa wakati mkamilifu alioukusudia Mungu kumbuka wewe hutakuwa mchukua habari leo!, kama hujaitwa kwenye uchungaji hata kama unajua kuhubiri usikimbilie kuhubiri, usikimbilie kufanya huduma za kiimungu kabla ya wakati wako uliokusudiwa kwani kufanya hivyo kutakuletea kukosa heshima inayokusudiwa, usikimbilie kuchumbiwa tu ili mradi, usikimbilie lolote lile kabla ya wakati wa Mungu!  asomaye na afahamu !               

Wakati wa Mungu ndio wakati sahihi

Ni muhimu kila wakati kuutafuta uso wa Mungu ili tuweze kujua wakati sahihi wa kila jambo katika maisha yetu, na kama tumemuomba Mungu sana kuhusu jambo Fulani katika maisha yetu hatupaswi kamwe kukata tamaa, hata kama hali ya hewa inaonyesha kuwa mambo hayawezekani, mlango umefungwa kwa sababu ya fitina na majungu ya watu, unaona kuna ugumu kazini, unaona kuna shida kanisani, unaona kuna shida katika ndoa, unaona kuna shida katika uhusiano, unaona kuna mzigo mzito hali mbaya ya uchumi, mambo kuwa magumu, na changamoto zozote unazokutana nazo fahamu kuwa ni swala la Muda tu Mungu anaowakati sahihi kwa kila jambo katika maisha yako  na anajishughulisha sana na mambo yako, ana makusudi makubwa sana na maisha yako na kwa wakati wake atafanya

Ezekiel 12:21-25 “Neno la BWANA likanijia, kusema, Mwanadamu, ni mithali gani hii mliyo nayo katika nchi ya Israeli, mkisema, Siku hizo zinakawia na maono yote hayatimizwi. Basi uwaambie, Bwana MUNGU asema hivi; Nitaikomesha mithali hii, wasiitumie tena kama mithali katika Israeli; lakini uwaambie, Siku hizo ni karibu, na utimilizo wa maono yote. Kwa maana hayatakuwapo tena maono yo yote ya ubatili, wala ubashiri wa kujipendekeza, katika nyumba ya Israeli. Maana mimi ni BWANA; mimi nitanena, na neno lile nitakalolinena litatimizwa; wala halitakawilishwa tena; maana katika siku zenu, Ewe nyumba iliyoasi, nitalinena neno hilo na kulitimiza, asema Bwana MUNGU.”

Na. Rev. Innocent Kamote

Mkuu wa wajenzi mwenye Hekima!     

Usiwape wanawake nguvu zako!

MIthali 31:1-3 “Maneno ya mfalme Lemueli; mausia aliyofundishwa na mama yake. Ni nini, mwanangu? Tena ni nini, mwana wa tumbo langu? Tena, ni nini mwana wa nadhiri zangu? Usiwape wanawake nguvu zako; Wala moyo wako usiwape wale wawaharibuo wafalme.”

Utangulizi:

Kitabu cha Mithali ni kitabu kinachotufunza maswala ya muhimu katika maisha na maadili na maonyo ya kila siku pamoja na kutupa hekima jinsi na namna inavyotupasa kuenenda, Moja ya maswala ya msingi tunayojifuza leo ni pamoja na wosia aliopewa Mfalme Lemuel kutoka kwa mama yake ambayo alimfunza ili kutusaidia sisi tuliofikiwa na miisho ya zamani hizi.

Mithali 31:2-3 “Ni nini, mwanangu? Tena ni nini, mwana wa tumbo langu? Tena, ni nini mwana wa nadhiri zangu? Usiwape wanawake nguvu zako; Wala moyo wako usiwape wale wawaharibuo wafalme”

Mama anaonekana kusisitiza sana kuonyesha namna anavyohitaji  umakini wa jambo ambalo anataka kulileta kwa mwanae ambalo pia analileta kwetu, ambalo kimsingi ingawa lilikuwepo katika siku za zamani sana na leo linaendelea kushika kasi kwa namna mbalimbali, tutajifunza somo hili USIWAPE WANAWAKE NGUVU ZAKO kwa kuzingatia vipengele vitatu vifuatavyo:- 

Ø  Maonyo kutoka kwa mama.

Ø  Usiwape wanawake nguvu zako

Ø  Mambo yawapasayo wanaume kufanya! 

Maonyo kutoka kwa mama.

Ni muhimu kufahamu kuwa katika mtazamo wa kale wa mashariki ya kati jukumu kubwa la malezi na makuzi mazima ya mtoto awe wa kiume au wa kike na hata misingi ya imani yake ilisadikiwa kuwa ilitoka kwa mama, Kama mtoto angeonyesha hekima na ubora baba yake angejivunia sana na kama mtoto akionyesha tabia mbaya waliangalia sana kuwa mama yake alikuwa ni mtu wa namna gani ona Mithali 10:1 “Mwana mwenye hekima humfurahisha babaye; Bali mwana mpumbavu ni mzigo wa mamaye.” Kwa msingi huo utaweza kuona hata nyakati za utawala wa wafalme wale waliokuwa waovu au waliofanya mema mama zao walitajwa na ubini wao kuonyesha kuwa chanzo cha tatizo au mafanikio ya mfalme husika imechangiwa na  aina ya  mama aliyekuwa naye ona kwa mfano

2Nyakati 29:1-2 “Hezekia alikuwa na umri wa miaka ishirini na mitano alipoanza kutawala; akatawala katika Yerusalemu miaka ishirini na kenda; na jina la mamaye aliitwa Abiya binti Zekaria. Akafanya yaliyo ya adili machoni pa Bwana, sawasawa na yote aliyoyafanya Daudi babaye.”  

Unaona kama mfalme alifanya vizuri maana yake kulikuwa na mama mzuri mwenye tabia nzuri mwenye busara na hekima na mcha Mungu anayetoka katika familia iliyofunzwa vizuri, kadhalika pia wamama walitajwa kulingana na aina ya mfalme kama mfalme huyo alikuwa mwovu utaweza kuona na aina ya mama anatajwa na anakotokea ona kwa mfano

1Wafalme 15:1-3 “Mwaka wa kumi na nane wa mfalme Yeroboamu mwana wa Nebati, Abiya alianza kutawala juu ya Yuda. Miaka mitatu akatawala huko Yerusalemu; na jina la mamaye aliitwa Maaka, binti Absalomu. Akaziendea dhambi zote za babaye, alizozifanya kabla yake; wala moyo wake haukuwa mkamilifu na Bwana, Mungu wake, kama moyo wa Daudi babaye.”

Ni kwaajili ya mambo kama haya Mungu aliwaelekeza Israel kuhakikisha kuwa wanaoza watoto wao kwa watu sahihi wenye tabia njema ili mioyo yao isikenguke kutoka kwa Bwana ona

Kumbukumbu 7:1-4 “Bwana, Mungu wako, atakapokutia katika nchi uendayo kuimiliki, atakapoyang'oa mataifa mengi watoke mbele yako, Mhiti, na Mgirgashi, na Mwamori, na Mkanaani, na Mperizi, na Mhivi, na Myebusi, mataifa saba makubwa yenye nguvu kukupita wewe; wakati Bwana, Mungu wako, atakapowatoa mbele yako, nawe utawapiga; wakati huo ndipo uwaondoe kabisa; usifanye agano nao, wala kuwahurumia; wala usioane nao; binti yako usimpe mwanawe mume, wala usimtwalie mwanao mume binti yake. Kwa kuwa atamkengeusha mwanao mume asinifuate, ili wapate kuabudu miungu mingine; ndipo itakapowaka hasira ya Bwana juu yenu, naye atakuangamiza upesi.”

Kwa msingi huo kwa mujibu wa maandiko Mwanamke ana nafasi kubwa sana ya kuambukiza maswala ya kiimani na uadilifu kwa watoto kuliko tunavyoweza kufikiri ukweli huu unathibitishwa pia katika maisha ya Timotheo ambaye baba yake alikuwa myunani na mama yake myahudi na bibi yake alikuwa myahudi pia na imani ilitembea kwa wanawake hao mpaka kwa kijana wao Timotheo ona kile Paulo mtume anakithibitisha hapa

2Timotheo 1:5 “nikiikumbuka imani uliyo nayo isiyo na unafiki, ambayo ilikaa kwanza katika bibi yako Loisi, na katika mama yako Eunike, nami nasadiki wewe nawe unayo.”

Unaona Paulo mtume mkuu wa wajenzi pia alikuwa na imani kuwa imani njema iliyokuwa kwa bibi yake Timotheo, ilikaa wazi pia ndani ya mama yake Eunike na alikuwa na imani kuwa Timotheo ameirithi, ni ukweli ulio wazi kuwa uadilifu, imani,  tabia na mwenendo wetu unaathiriwa kwa kiwango kikubwa na wazazi wetu wa kike kifupi imani inakaa kwa mwanamke.

Ni katika hali kama hiyo Mfalme Lemuel anakumbuka sana mausia aliyopewa na mama yake, yalikuwa ni maelekezo Muhimu sana ambayo mama yake aliyazungumza kwa msisitizo akimtaka kijana wake ayashike ili aweze kufanikiwa katika maisha yake na katika ufalme wake, Mama yake alikuwa anajua mioyo ya wanawake wa ulimwengu huu na alikuwa na ujuzi kuwa watu wengi sana hususani wanaume wamepotezewa Muda, na kupotezewa heshima zao na kuharibikiwa katika uchumi na mafanikio yao kupitia wanawake, ona tena maonyo hayo muhimu

MIthali 31:1-3 “Maneno ya mfalme Lemueli; mausia aliyofundishwa na mama yake. Ni nini, mwanangu? Tena ni nini, mwana wa tumbo langu? Tena, ni nini mwana wa nadhiri zangu? Usiwape wanawake nguvu zako; Wala moyo wako usiwape wale wawaharibuo wafalme.”

Usiwape wanawake nguvu zako!

Katika maelekezo hayo muhimu ambayo Lamuel alipewa na Mama yake na ameshirikisha jamii hapa ili wote tuweze kujifunza ni hatari kuhusu wanawake! USIWAPE WANAWAKE NGUVU ZAKO  hili ni moja ya maonyo ya msingi sana ambayo tunataka kujifunza na sisi leo, kila kijana wa kiume anapaswa kulitilia hilo maanani, jambo hili la kuwapa wanawake nguvu zako pia linaendana na linalofuata WAWAHARIBUO WAFALME, kuwapa wanawake nguvu zako na kuwapa wanawake moyo wako kunaleta anguko la mfalme! Kunaangusha, kuonaondoa heshima, kunaharibu mwelekeo wa maisha kunasambaratisha ustawi wa kiuchumi wa mtu, Nafsi yako ikitekwa na uzuri wa wanawake hatima ya kijana wa kiume inakuja kuwa yenye majuto makubwa baadaye jambo hili limeonywa mara kadhaa katika maandiko ona

Mithali 5:1-10 “Mwanangu, sikiliza hekima yangu; Tega sikio lako, mzisikie akili zangu; Upate kuilinda busara, Na midomo yako iyahifadhi maarifa. Maana midomo ya malaya hudondoza asali, Na kinywa chake ni laini kuliko mafuta; Lakini mwisho wake ni mchungu kuliko pakanga; Ni mkali kama upanga wa makali kuwili. Miguu yake inatelemkia mauti; Hatua zake zinashikamana na kuzimu; Hata asiweze kuiona njia sawa ya uzima; Njia zake ni za kutanga-tanga wala hana habari. Basi, wanangu, nisikilizeni sasa, Wala msiache maneno ya kinywa changu. Itenge njia yako mbali naye, Wala usiukaribie mlango wa nyumba yake. Usije ukawapa wengine heshima yako, Na wakorofi miaka yako; Wageni wasije wakashiba nguvu zako; Kazi zako zikawa ndani ya nyumba ya mgeni;”

Unaweza kuona maonyo ya Mfalme Sulemani yanaenda sambamba na Maonyo ya mama yake Lemuel wote wanaonya Hasara zinazoweza kupatikana kwa Mwanaume kujihusisha na wanawake hususani katika maswala mazima ya kufanya ngono, kufanya zinaa au umalaya au kuwanda wanda katika maisha yetu na uzuri wa wanawake au kutaka kuwaonja wanawake wa aina zote wanaojitokeza katika maisha yetu jambo hili lina madhara kadhaa ambao wenye hekima wameyaainisha hapo, usiwape wanawake nguvu zako!

Nini maana ya KUWAPA WANAWAKE NGUVU ZAKO neno nguvu linalotumika hapo katika kiebrania ni CHAYIL ambalo kimsingi linazungumzia UWEZO, yaani uwezo wako wote kama vile Jeshi au kila kitu ulicho nacho ambacho kinakujenga wewe kuwa wewe, Mfano, HESHIMA, FEDHA, MALI, WATOTO, KAZI, AU NJIA ZAKO ZOTE ZA UCHUMI, MAISHA YAKO, AU MUDA, Kwa hiyo neno CHAYIL ni mjumuisho wa maswala kadhaa muhimu kama kazi, heshima, cheo, muda nguvu na uwekezaji wako wote.  Kwa mujibu wa wenye hekima hapo ni kuwa unapojitoa katika maisha ya kuwapenda wanawake na umalaya  utafutilia mbali kila ambacho umesumbuka kukijenga kwa miaka kadhaa ya maisha yako neno WAHARIBUO  katika Kiebrania ni DEREK  ambalo maana yake ni kufutuilia mbali,  wanaume wengi hutumia nguvu zao na  na muda wao kujijenga kitaaluma, kiuchumi, kiroho na kadhalika lakini moja ya changamoto kubwa sana kibinadamu inayowapata wanaume ni kuwa wanapokuwa na mafanikio makubwa na kuwa maarufu na kuwa na nguvu kubwa kiuchumi, na hata kimwili na kujipatia umaarufu basi adui mkubwa sana wa mafanikio yao au anguko lao kubwa sana linalowakabili ni WANAWAKE, kila mwanamke anavutiwa sana na mwanaume aliyejijenga, Mwenye fedha, mwenye six Park, aliye ha umaarufu, mwenye uchumi mzuri, mwenye tabia nzuri, mwenye nyumba, gari na mafanikio mbalimbali katika maisha, Mama wa Lemuel alikuwa na ufahamu huo na akamuonya mwanaye kuwa asitoe moyo wake kwa hawa wanaoangusha wafalme sikiliza; wafalme hapa sio lazima wawe watu walioko kwenye mamlaka za kiserikali au rais na kadhalika Ufalme hapa unazungumzia kufikia kiwango Fulani cha utukufu ni kiwango Fulani cha mafanikio, kilele Fulani cha mafanikio na heshima unapokifikia hicho wewe ni mfalme na unaweza kuharibikiwa kama moyo wako hautajali kujilinda na wanawake, na kumbuka vilevile Mama wa Lamuel Hakusema Mwanamke bali amesema wanawake maana yake ile hali ya kupenda kumiliki au kutembea na wanawake wengi baada ya mafanikio, kitabu hicho hicho kumbuka kuwa kina imani kuwa mtu muadilifu anaweza kutafuta mke mmoja tu na akatulia naye Mithali 31:10 “Mke mwema, ni nani awezaye kumwona? Maana kima chake chapita kima cha marijani.” Kwa hiyo tatizo sio mke tatizo ni wanawake hawa wanaleta uharibifu na neno la Mungu linathibitisha hayo kama tutakavyoona mbeleni:-

-          Kiuchumi – Maandiko yanatufundisha kuwa tangu siku za zamani limekuwa ni jambo la kawaida kuwa kunapokuwa na mahusiano ya kimapenzi kati ya mwanamke na Mwanaume fedha au mali huusika katika kuwapa wanawake, wanaume wameumbiwa kutoa na wanawake wamaumbiwa kupokea, hivyo linaweza kuwa jambo la kawaida wanawake kutaka malipo katika mahusiano,

 

Mwanzo 38:14-18 “Basi akavua nguo za ujane wake, akajivika utaji, akajifunika uso, akakaa mlangoni pa Enaimu, karibu na njia ya kuendea Timna. Maana aliona ya kwamba Shela amekuwa mtu mzima, wala hakuozwa awe mkewe. Yuda alipomwona alimdhania kuwa ni kahaba, maana amejifunika uso.  Akamgeukia kando ya njia, akasema, Niruhusu niingie kwako. Maana hakujua ya kuwa ni mkwewe. Akamwuliza, Utanipa nini, ukiingia kwangu? Akasema, Nitakuletea mwana-mbuzi wa kundini. Naye akamwuliza, Je! Utanipa rehani hata utakapomleta? Akasema, Nikupe rehani gani? Akamjibu, Pete yako ya muhuri, na kamba yake, na fimbo yako iliyo mkononi mwako. Basi akampa, akaingia kwake, naye akapata mimba.”

 

Ni kifungu cha zamani sana japo kinaweza kuwa na mafunzo mengine mengi tofauti lakini moja ya kitu tunajifunza hapo ni kuwa tangu zamani wanawake walipenda kupokea kitu kutoka kwa wanaume na wanaume walihonga, mwanamke aliuliza utanipa nini ukiingia kwangu? Na mwanaume alisema nitakupa mwanambuzi, katika nyakati za leo wanawawake wameharibika zaidi, hali ya kutaka kuhongwa imepanuka katika kiwango ambacho leo kinaitwa kuchunwa, wanaume wamepewa majina ya mabuzi na wanawake ni wachunaji, kuna utapeli mwingi na mkao mkubwa wa wanawake kuhitaji fedha kama malipo ya ngono, lakini sio kwa malipo ya ngono tu ila watawekeza mioyo yao katika kuwaelemea wanaume kwa sababu mbalimbali mojawapo ikiwa ni ugumu wa maisha lakini vilevile na kwa moyo wa ubinafsi hata kama hawauzi mapenzi au kufanya biashara ya mapenzi, lakini vyovyote vile hali hii inachangia katika kudhooficha uchumi wa mwanaume, wanawake wa leo ambao wengi wao wana mikopo wanayotakiwa kurejesha mawazo yao makubwa yamekuwa katika fedha zaidi kuliko kwenye penzi lenyewe kuwaendekeza Malaya kutakueletea anguko la kiuchumi, na kufilisi uwezo wako, katika maeneo mbalimbali likiwemo hili la uchumi.

 

-          Nguvu – Huu ni uwezo wa kimwili na Kiroho, kisaikolojia wanawake wanavutiwa sana na Mwanaume mwenye nguvu, hili sio jambo la ajabu kiasili, kwani hata wanyama katika ulimwengu wao majike huwa hayavutiwi na mwanaume mnyonge, kama mwanaume atakuwa hana nguvu anapoteza heshima kwa mwanamke, lakini hata hivyo kujihusisha katika ngono kulikokithiri kwa wanawake wa aina mbalimbali pia hupelekea kupoteza nguvu za kimiwli, na kiroho na nguvu za uzazi au hata nguvu za kiume 

 

Zaburi 127:3-5 “Tazama, wana ndio urithi wa Bwana, Uzao wa tumbo ni thawabu. Kama mishale mkononi mwa shujaa, Ndivyo walivyo wana wa ujanani. Heri mtu yule Aliyelijaza podo Lake hivyo. Naam, hawataona aibu Wanaposema na adui langoni”

 

Maandiko yanazungumzia umuhimu wa watoto, Nguvu ya familia yoyote ni watoto wake tabia ya kujaribu kujifurahisha na kila mwanamke inaweza kuathiri uzao wako au unaweza kupoteza mbegu zako na watoto wako wakawa wa mtu mwingine, wako watu wengi leo wamezaa hovyo hovyo  na wamezaa mpaka na wake za watu na ni ngumu kwenda kudai watoto katika familia isiyokuwa yako, watoto wanajenga jamii ni thawabu kutoka kwa Mungu lazima wazaliwe katika utaratibu na mpangilio maalumu ili uzao wako usipotee kama mishale mkononi mwa shujaa ndivyo walivyo watoto wa ujanani, Heri mtu yule aliyelijaza podo lake, yaani heri mtu mwenye mishale mingi, kuwa na watoto wengi lilikuwa moja ya jambo lenye heshima kubwa sana nyakati za Biblia. Lakini sio watoto waliotawanyika ni watoto wanaolelewa katika boma moja (Podo) ni chombo maalumu cha kuhifadhia mishale ambayo unaweza kuitumia wakati wa mapambano, shujaa hawezi kutumia mshale ambao hauko kwenye podo lake!, Uzaaji wa watoto hovyo hovyo pia unaweza kuchangia kwa kiasi kikubwa katika kuharibu uchumi na uadilifu wa kitabia unaoukusudia uwe kwa watoto wako!

 

Aidha pia nguvu zako za kiume zinaweza kuharibiwa kupitia tabia ya kulala hovyo na wanawake, asili ya nguvu zako za kiuchumi, kimwili na kiroho pia inaweza kuharibiwa kama hutakuwa na tahadhari na wanawake hasa unapokuwa na mahusiano ya kingono na wao.

 

Waamuzi 16:13-18 “Delila akamwambia Samsoni, Hata sasa umenidhihaki, umeniambia maneno ya uongo; niambie sasa, waweza kufungwa kwa kitu gani? Akamwambia, Ukivifuma hivi vishungi saba vya nywele za kichwa changu katika mtande wa nguo. Basi akazifunga kwa msumari, akamwambia Samsoni, Wafilisti wanakujia. Naye akaamka usingizini, akaung'oa ule msumari, na ule mtande. Mwanamke akamwambia, Wawezaje kusema, Nakupenda; na moyo wako haupo pamoja nami? Umenidhihaki mara hizi tatu, wala hukuniambia asili ya nguvu zako nyingi. Ikawa, kwa vile alivyomsumbua kwa maneno yake kila siku, na kumwudhi, roho yake ikadhikika hata kufa. Ndipo alipomwambia yote yaliyokuwa moyoni mwake, akamwambia, Wembe haukupita juu ya kichwa changu kamwe; maana mimi nimekuwa Mnadhiri wa Mungu, tangu tumboni mwa mama yangu; nikinyolewa, ndipo nguvu zangu zitanitoka, nami nitakuwa dhaifu, nitakuwa kama wanadamu wenzangu. Delila alipoona ya kuwa amemwambia yote yaliyokuwa moyoni mwake, akatuma mtu akawaita wakuu wa Wafilisti, akisema, Njoni huku mara hii tu, maana ameniambia yote aliyo nayo moyoni mwake. Ndipo wakuu wa Wafilisti wakamwendea wakachukua ile fedha mikononi mwao.”

 

-          Heshima – Daudi alikuwa ni Mfalme aliyeheshimika sana mbele za Mungu na wanadamu kwa ujumla ndiye mtu anayetajwa katika maandiko kuwa aliupendeza moyo wa Mungu, jambo hili lilimpa heshima kubwa sana lakini aliposhiriki ngono na mke wa Mtu alipoteza mamlaka yake na heshima, jambo hili lilimletea aibu kubwa sana ona

 

 2Samuel 11:4 “Basi Daudi akapeleka wajumbe, akamtwaa; naye akaingia kwake; naye akalala naye; (maana yule mwanamke amekwisha kutakasika unajisi wake); kisha akarudi nyumbani kwake”.

 

Unaona kitendo hiki hata Nathan nabii alimweleza wazi kuwa kwa jambo hili umewapa adui za Bwana nafasi kubwa ya kukufuru ona

 

2Samuel 12:14 “Lakini, kwa kuwa kwa tendo hili umewapa adui za Bwana nafasi kubwa ya kukufuru, mtoto atakayezaliwa kwako hakika yake atakufa.”  

 

Nguvu na heshima aliyokuwa anapewa Daudi iliingia shidani kupitia zinaa alijivunjia heshima japo alitubu na aliendelea kuuelekeza moyo wake kwa Mungu, Lakini aliitia daosari karatasimyake ya kuwa mfalme muadilifu

 

Mwanaye Sulemani vilevile anajieleza mwenyewe kuwa wanawake ndio sababu ya anguko lake kubwa na anaeleza wazi kuwa anguko lake lilisababishwa na upenzi wake mkubwa kwa wanawake na kutokusikiliza mausia ya mama yake Lemuel anayejitaja hapa ni mwandishi wa kitabu hiki Jina Lemuel kwa Kiibrania maana yake ni “ALIYEJITOA KWA MUNGU” au “KWAAJILI YA MUNGU”  FOR GOD OR DEVOTED TO GOD  jina hilo halijulikani katika orodha nya wafalme wa Yuda na Israel ni huenda ni jina ambalo Sulemani aliitwa na mama yake Bathsheba au ni jina analoamua kulitumia katika utunzi wa stori hii au shairi hili kwa ni ni  anatumia jina hili nadhani anatumia jina la fumbo kwa kusudi tu la kutuletea somo husika katika Israel, kwa msingi huo mwandihi wa Mithali hizi ni Suleimani na hapa anaonyesha hekima yake aliyiojifunza kutoka kwa mama yake mwenye hekima na uadilifu kwa hiyo  hakujawahi kuwa na historia ya kuwepo mfalme aliyeitwa Lemuel, na hivyo tunaamini Lemuel ni Suleimani nanamamam yake ni Bathsheba. Sasa Pamoja na heshima kubwa sana aliyokuwa nayo na hekima aliyopewa na Mungu Sulemani aliharibikiwa kwa kutokufuata maonyo  na mafundisho ya mama yake na hapa anataka kutumia uzoefu alioupata kutufunza sis nasi tusiharibikiwe!.

 

1Wafalme 4:4-6. “Maana ikawa, Sulemani alipokuwa mzee, wake zake wakamgeuza moyo wake, afuate miungu mingine, wala moyo wake haukuwa mkamilifu kwa Bwana, Mungu wake, kama moyo wa Daudi baba yake. Kwa kuwa Sulemani akamfuata Ashtorethi, mungu mke wa Wasidoni na Milkomu, chukizo la Waamoni. Sulemani akafanya yaliyo mabaya machoni pa Bwana, wala hakumfuata Bwana kwa utimilifu, kama Daudi baba yake.”

 

Anguko hili la Sulemani la kufikia hatua ya kuabudu miungi mingine ndilo kwa namna Fulani limechangiwa na moyo wake wa kuwapenda wanawake wengi ona

 

1Wafalme 4:1-3 “Mfalme Sulemani akawapenda wanawake wengi wageni, pamoja na binti yake Farao, wanawake wa Wamoabi, na wa Waamoni, na wa Waedomi, na wa Wasidoni, na wa Wahiti, na wa mataifa Bwana aliyowaambia wana wa Israeli, Msiingie kwao, wala wasiingie kwenu; kwa kuwa hakika wataigeuza mioyo yenu kuifuata miungu yao. Sulemani akaambatana nao kwa kuwapenda. Akawa na wake mia saba binti za kifalme, na masuria mia tatu; nao wakeze wakamgeuza moyo.”

 

Akiwa katika hali hii ya majuto baadaye ndio anatuasa kama Lemuel akionya kuwa tusikilize hekima sio lazima sana Mwalimu awe mama Lakini katika mafunzo ya Hekima wakati wowote chanzo cha mafunzo kinaitwa mama, kama mtu alikuwa na hekima kubwa sana na mali nyingi na muda na mafanikio mengi sana akapata hata anguko la kuabudu miungu ni sawa na kupoteza muda wake na kuharibikiwa katika kila kitu, Suleimani alikuwa na akili moyoni mwake hangeweza kuzungumza habari za baba yake na mama yake Bathsheba kama sisi tunavyoweza kuzungumza lakini akilini alikuwa na ujuzi kujihusu kuhusu na kupitia uzoefu alioupata ni uwazi kuwa Sheria ya Mungu pia ilikuwa imewaonya wafalme kutokujitwalia wake wengi Kumbukumbu 17: 17 “Wala asijizidishie wake, ili moyo wake usikengeuke; wala asifanye fedha zake na dhahabu kuwa nyingi mno.” Lakini yeye hakusikiliza wala kujali jambo lililopelekea kuleta madhara makubwa katika maisha yake!

 

-          Nguvu za kiroho – Kupenda wanawake licha ya kuharibu nguvu za uchumi, heshima na mali pia wanawake wanaharibu hali ya Msimamo wa kiroho, Kupenda wanawake husababisha kuwapenda wao zaidi kuliko kumpenda Mungu, Ni swala lililowazi kuwa Baba Yetu Adamu angeweza kutokukubaliana na Mwanamke katika kula lile tunda na angeweza kutoa ripoti kwa Mungu kwa kile kilichotokea na pia kuwa na toba au kuomba msamaha kwa tukio lile hii inawezekana ya kuwa ilichangiwa kwa kiwango kikubwa na upendo wake kwa mkewe na Mungu akimsomea hukumu anaanza kwa kusema Kwakuwa umeisikiliza sauti ya mkeo …. Ona

 

Mwanzo 3:17-19 “Akamwambia Adamu, Kwa kuwa umeisikiliza sauti ya mke wako, ukala matunda ya mti ambao nalikuagiza, nikisema, Usiyale; ardhi imelaaniwa kwa ajili yako; kwa uchungu utakula mazao yake siku zote za maisha yako; michongoma na miiba itakuzalia, nawe utakula mboga za kondeni; kwa jasho la uso wako utakula chakula, hata utakapoirudia ardhi, ambayo katika hiyo ulitwaliwa; kwa maana u mavumbi wewe, nawe mavumbini utarudi.”

 

Muda usingeweza kutosha kurejea hali ya Mwamuzi maarufu Samsoni, na Mfalme maarufu Daudi na mtu mwenye hekima Sulemani, hasa Sulemani tunaona kuwa aligeuzwa moyo kuabudu Miungu mingine, hapa tunajifunza kuwa ukiacha shetani na ushawishi mwingine wa Dunia wanawake wana nafasi kubwa sana ya kugeuza mwelekeo wa Moyo wa Mwanaume,

 

Mambo yawapasayo wanaume kufanya!

 

Luka 10:27. “Akajibu akasema, Mpende Bwana Mungu wako kwa moyo wako wote, na kwa roho yako yote, na kwa nguvu zako zote, na kwa akili zako zote; na jirani yako kama nafsi yako.”

 

Ni muhimu kufahamu kuwa wanaume wanawajibika katika kila hali itakayotokea katika maisha yao, wanaume wanatakiwa kutumia nguvu zao, akili zao, fedha zao na hisia zao zote ambazo Mungu amewapa kuhakikisha kuwa wanalinda usalama wao na baraka ambazo Mungu amezikusudia kwao, Kama wanaume wanampenda Mungu basi nivema akili zao, na moyo wao na roho zao zikaelekezwa kwa Mungu na kulitiii neno lake.

 

Moja ya adhabu iliyotangazwa na Mungu katika bustani ya Edeni kama mgogoro kati ya mwanamke na mwanaume ni pamoja na ugomvi dhidi ya nguvu, yaaani mamlaka na utawala ona Mwanzo 3:16 “Akamwambia mwanamke, Hakika nitakuzidishia uchungu wako, na kuzaa kwako; kwa utungu utazaa watoto; na tamaa yako itakuwa kwa mumeo, naye atakutawala.”

 

Kimsingi sehemu muhimu ambayo nataka kila mtu msomaji wangu na wasikilizaji wangu waweze kunielewa ni eneo ambalo maandiko yanasema TAMAA YAKO ITAKUWA KWA MUME NAYE ATAKUTAWALA, katika maandiko ya kiibrania neno NENO tamaa linatajwa kama neno TESHUQAH Katika kiibrania kwa kiingereza ni STRETCHING OUT AFTER  ambalo maana yake ni kujaribu kujitutumua dhidi ya  na Mungu anapotangaza mgogoro huu anaoshesha na matokeo ni kutawaliwa neno naye ATAKUTAWALA – linasomeka kama MASHAL ambalo hapa linatumika kama kuzidiwa, kutawaliwa, au kuwa na nguvu juu yako, kwa tafasiri nzuri maana yake ni kuwa wanawake watakuwa na tamaa ya kutaka kuwatawala wanaume lakini hatimaye watatawaliwa unaweza kuona

 

Kwa hiyo kinachotokea ni kuwa mwanaume anapojitoa katika mapenzi, kwa haraka sana Mwanamke atajinyoosha kwenye utawala, atatawala hisia zako, mwili wako, tama yako, uchumi wako, roho yako na kuiteka nafsi yako na usipoweza kujinasua katika hilo maana yake UMEWAPA WANAWAKE NGUVU ZAKO  na uwezo wako wa kutawala mambo mengine unakuwa umeishia hapo, akiweka msingi wa maongozi katika kanisa Paulo mtume katika nafsi yake analiweka hili wazi kuwa kama kiongozi hawezi kuitawala nyumba yake hataweza kufaa kuwa mtawala katika kanisa ona 1Timotheo 3:4-5 “mwenye kuisimamia nyumba yake vema, ajuaye kutiisha watoto katika ustahivu; (yaani, mtu asiyejua kuisimamia nyumba yake mwenyewe, atalitunzaje Kanisa la Mungu?)”

 

Kwa msingi huo ili mwanaume ajikwamue ni lazima ajui kujitawala na kutawala na akiweza hicho hatawekwa chini ya uweza wa kitu chochote,aidha kabla ya kujiingiza katika mahusiano mwanaume anatakiwa kupiga hesabu kama mtu aendaye vitani ajue kuwa anajiingiza katika gharama kubwa sana Luka 14:31 “Au kuna mfalme gani, akitaka kwenda kupigana na mfalme mwingine, asiyeketi kwanza na kufanya shauri, kwamba yeye pamoja na watu elfu kumi ataweza kukutana na yule anayekuja juu yake na watu elfu ishirini?”

 

Kila mwanaume ana nguvu ya kutubu na kufanya mabadiliko katika maisha yake, kama mapenzi yanachukua nafasi kubwa sana katika kazi zetu, na kutupa kupuuzia maswala ya msingi kama Familia na ibada kwa Mungu wetu tunazo nguvu za kutengeneza mambio ya nyumba zetu na kuwa watulivu, wote tunauwezo wa kushinda, wanaume wote kwa namna moja ama nyingine tuna udhaifu wote ukiacha Yesu Kristo, lakini iko nguvu katika maamuzi ambazo tunaweza kufanya, tunaweza kutubu, neno toba katiika kiyunani ni Mtanoia ambalo maana yake ni kugeuka kuna nguvu ya kufanya maamuzi ya kugeuka na kuacha njia zetu mbaya na tukajikuta tunafanikiwa badala ya kuzitumia nguvu zetu na kupotea tunaweza kuzitumia nguvu zetu katika kumtii Mungu  

 

Na Rev. Innocent Samuel Kamote

Mkuu wa wajenzi mwenye Hekima!